Ads by Google X

رواية خادمة الفهد الفصل الحادي عشر 11 - بقلم صفاء حسني

الصفحة الرئيسية

  رواية خادمة الفهد كاملة بقلم صفاء حسني عبر مدونة دليل الروايات 


 رواية خادمة الفهد الفصل الحادي عشر 11

سحبت ملك بعنف من على المنشفة وكانت خارجة وهى بتسحبها اوقفها فهد وهو بيسالها:

_انتى رايحه فين انتى مش شايفة انتى عملتى ايه.

نظرت له ملك بفرصة وغيظ:

عملت ايه تانى على الصبح ايه ده صبح ايه احنا وقت الغداء الكيك.

بتجرى وقعت علبة الشامبو من علي الحوض

انتبه فهد وفى دقيقة كانت ملك بتتزحلق على ارض الحمام وقبل ما تقع سندها فهد كانت ملك مغمضة عيونها وهى بتقع واستسلمت للوقوع وبعد شويه انتبهت ان فى يد مسكت جسمها ومحوطاها فتحت عيونها ونظرت عيونهم فقط هى الا بتتكلم

وبعد كده كانت بتخرج من بين ايده وهى متعصبة:


_مش انا طفلة مسكتنى ليه كنت تسبنى اقع اموت

ابتسم فهد وبدا يفك ايده وهى بتعدل نفسها

تموتي مره واحده لا يا حلوة انتى بس كان يتكسر عظمك

سالته ملك ب اهتمام ورقة وصوت منخفض:

هو انت خايف عليا

ابتسم فهد وهو بيهرب من احساسه:

طبعا خايف عليكي لو وقعتي هتتكسري

وبعد ذلك صدمها وهو يقول

مين بقي اللي يمسح الحمام الا بهدلتى امه ويرتب الكراكيب في كل مكان

غضبت ملك واتنهدت وهى تشعر بضيق ولم تعلم لماذا:

اه تمام هعمل كل حاجه لكن على فكره انت اللي وقعتهم، مش انا والمفروض اللي يقوم ب اتلاف شئ يقوم ب اصلاحه.

انصدم فهد ونظر لها بدون تعليق وكان ماشي وهو يعطيها الاوامر.

عايز الحمام يبرق عندك الديتول وكمان فرشة الاسنان

نظرت ملك ب استفهام

طيب الاولانى وباسمع عنه لكن فرشة الاسنان ل ايه، هو الحمام ليه اسنان وكانت بتضحك وكملت ولو غسلت بيها انت بقي هتغسل سنانك ب ايه ب ايدك والا فرشة الحمام الكبيره

وكانت مستمرة فى الضحك

نظر لها بغضب وقال

يخفية الفرشة دى مخصوصة للحمام، عشان ما بين السراميك تنطف كويس، ولو مش عارفه خلى اسماء تعلمك، لكن هتعلمك ايه الغسيل، واللا انك تعرفي تمشي، انا مش عارف اتهفيت فى دماغي ووافقت تكوني خادمة ازاى، وانتى مش شاطره الا فى اللماضة فقط.

وهو خارج وكان فى جزء من الشامبو على اول الحمام وكان ها يتزحلق ومسكت ايده ملك وهى بتضحك:

خلي بالك يا كبير هاتقع الطفلة هى اللي سندتك واوعي تنسي تخلي حد يعلمك المشي اوكي

يلا سلام اروح اكمل الاكل

كان فارس مراقب الموقف وكان مستغرب اهتمام فهد ل خادمة عنده لكن ما بينه وبين نفسه

لكن البنت روحها حلوة ودمها خفيف انا شوفت ضحكت فهد اللي من يوم وفاة ابوه وجوز امه وتركه وهو نسي الضحك لكن معقول فهد يقع في حب خادمته طيب انا هاأتأكد

وملك خارجة من الحمام اوقفها فارس

بقولك يا ملك ايه رأيك تيجي تشتغلي في المستشفى معايا

فتحت بوقها بزهول من المفاجأه وخصوصا لما قال عن اسم المستشفى وبعد كده فاقت

انت بتتكلم بجد هما اصلا يقبلو اشتغل انا اللي اسمعه عنها انها مستشفى كبيره

رد فارس

وايه المانع انتى ممرضة، واهم حاجه عندهم الكفاة

ضحك فهد وهو يتهكم على كلامه

كفاءة ايه يا فارس، انت عايز تخسر وظيفتك واضح دي معندهاش غير، لسان وفقط

نظرت له ملك بتحدى

انا عندي كفاءة ونص وهقدر اوفق ما بين البيت والمستشفى

كانت اسماء ترقبهم وهى تشعر بالغيرة تتمنى ان تمشي.. من امتى فهد بيهتم ب حد غير نفسه ليه متمسك بالبت دى انا لازم اخليه يتخلي عنها ويرميها فى الشارع او تروح مع فارس ونخلص

وكانت بتفكر تعمل ايه ثم ابتسمت بوجه انتصار

استمر فارس وفهد يتحدثون مع بعض اللي مع ملك انها تقدر واللي ضد ..انسحبت ملك وتركتهم وذهبت الى المطبخ وهى بتجهز الغداء وبتفكر هو انا اقدر اكمل تعليمى واشتغل ممرضه وايضا خادمة هو عرض المستشفى دا فرصه مش تتعوض وخصوصا ان اللي اسمه فهد ده ملهوش امان ممكن يطردنى فى اي لحظه

استمعت لها اسماء وهى تتحدث مع نفسها بصوت عالي ووقتها قالت

يسمع منك ربنا يارب يطردك ونرتاح عشان جوايا احساس غريب من تمسكه بيكي، انا شوفته مع ستات كتيره لكن النظرة اللي شوفتها من شويه دى مختلفة

كان يتحدث فارس ويقنعه

انت ليه مش مقتنع اولا انت مش وصي عليها واللا ليك حكم عليها وثانيا البنت مستقبلها انها تشتغل في مجال تعليمها مش تكون خادمة ومدام انت قلبك طيب وحنين وساعدها كمل جميلك بقي وخليها تثبت نفسها

غضب فهد على فارس:

هو انت شايف شغلها ممرضه يكون سند ليها انت بتفكر ازى دى عيله معرض يتنقل ليها عدوى من مريض

ضحك فارس بسخرية:

_على حساب ان لو اشتغلت خادمة، عندك مش هتتعرض ل خطر ما هى انتحرت وهى فى بيتك ومغلبتش وهى تفرق ايه عندك

هرب فهد من الاجابة اللي هو لم يعلم اجابتها لماذا؟ هذه الفتاة التي هزته عن كل اللي شافهم:

_انا مشغول والبنت هى الا تقرّر مش انت عندك مستشفى روح وارجع بات مطرح ما كنت بتبات وابعد عن دماغي

تم تحضير البنات الاكل والكل اتجمع وعيونهم على هدير وسالوها مين اللي ساعدك

ابتسمت هدير وهى بتاكل وقامت جابت تسجيل سمعتهم فويسات تم ارسالها واستالمها على اميل الشبكة و الجميع بدأ يسمع اول فويس

فاكره يا وردة لما بعت الفويس ده

هزت راسها وردة

اه لما انتى قولت بلغيهم وبعد كده هما ردو وجيبت ليك التليفون

الو حضرتك أنا حبيت ابلغ الاداره أن اعتماد ماتت ومتسألش ازاى ومش عارفه نتصرف ازاى أو نروح فين.

بعد فترة تم ارسال رساله أخرى وقال

يعني ايه مش عارفين ازاى هو ايه اللي بيحصل عندكم ومين معايا

وقتها أنا رديت عليه

انا واحدة من ضحايا المنظمة بتاعتكم أنا وكتير معانا والكيل طفح بينا من عمايل اعتماد حبينا نبلغكم ان احنا هناخد فلوس اعتماد ونهرب

تم الرد

عددكم كام ناوين تتصرفوا ازاى

ردت

أحنا بالفعل اتصرفنا وتم حريق في البيت وكل الكاميرات محيتها أن دخل المنزل أو اللي أمام المنزل وهنروح منزل شخص عربي كان اعطا المفتاح ل وردة

تم الرد على الرسالة

تمام كده بكرة اقبلك والبيت ده يكون ب اسمكم لكن محدش يعرف ب اتفاقنا لحد ما تعرفي تفرزي الناس إللي معاكي

تم الرد

احنا مش عايزين حد يشترينا تانى حضرتك احنا نويين نتوب وندور على شغل حلال

تم الرد

سوف ابلغ القيادة وارد عليكم لا تغلقوا الأيميل

بعد مواجهة ملك وفهد وجاء اتصال وبلغه على طلباتهم

رد تمام امحى كل حاجه

رد تم يا فندم لكن هما عندهم طلب

رد فهد

مش انت قولت البيت يكون ب اسمهم ويشتغلوا منه .

رد المتصل بالنفى:

_لا يا فندم هما رفضوا يكملوا فى الموضوع ده هما اخدو كل فلوس اعتماد وناوين يفتحوا مشروع.

رد فهد

لازم يحتفظوا بالمال فى بنك ابعتها بنك طبعا تحفظ الفلوس فيه وبعد كده

تقابلهم وتعرف هما بيخططوا ل ايه

اسيبك أنا دلوقتي

اغلق المتصل معه وبعت فوويس

كانت نامت هدير صحيت على الصوت وفتحت الفويس

هتروحي بالفلوس اقدم البنك الساعه ٩ يقابلك شاب ابعتلك صورته وانتى ابعتي صورتك وجيبي البطاقة الشخصية وهو يتصرف بكل حاجه

نظرت هدير على الساعة وجدتها ٨ ونصف ارتدت ملابسها وصورت نفسها صورة وبعتتها واقتربت من الصندوق اخذت الفلوس ووضعت بعض من الفلوس المذور ه كان ارسلها لها الشخص لكى لا احد يشك ومن يخون الفريق يتم القبض عليه بالفعل اخدت الفلوس والذهب فى حقيبه سفر وكانت تنتظرها سيارة اخدت ٥ باكو كل باكو يحتوي على ١٠ الف جنيه فى حقيبه يد وتركت الباقي في الحقيبة الكبيرة

تم التعامل فى البنك ووضع المال ب اسم شركة وهى عائدة طلبت من السائق أن يأخذها إلى مول

وذهبت حملت طعام وملابس للجميع

بعد ساعة تم الاتصال

فى صورة لم يتم التخلص منها تخص شاب يدعى فهمى

هز رأسه فهد

تمام أنا احقق معه و عملت ايه مع البنت

رد المتصل

اتفقت معها وتم كل إللي طلبته منى وانضافوا ب اسم شركة حضرتك لكن هى انصدمت لما عرفت ب اسم الشركة وخايفة

رد فهد

بلغها أن الشركة دى هتتوزع ب الاسهم على الجميع وب الأرباح السنوية كل واحد يفتح له مشروع ولو حبوا يشتغلوا في الشركة + الاسهم مدير الشركة منتظرهم يوم الاحد القادم وأرسل لهم اسم الشركه والعقود اللي ب اسمهم

هز رأسه المتصل

وبدأ يقلب فى الاسماء ثم سأل

فى عقد ب اسم ملك مين دى

غضب فهد ورد

علي حسب انك عارف كل الاسماء نفذ المطلوب

…..

ابتسمت هدير وقالت

هو دا اللي حصل

الجميع انصدم وقالوا

كل ده واحنا نايمين فى العسل

سأل مراد وقال

لكن ده اسمه غسيل أموال عشان محدش يقدر يقول من اين لكم هذا،لكن مين الناس دى وليه وافقت تساعدنا ولم يجبرونا أن نكمل معهم

استنتج مهاب وقال

ممكن يكون اكتفوا منا واصبحنا وجه قديم ليه واكيد يلاقو ناس تانيه وضحايا تانى

جات اسماء وهى وشها مخطوف وبتنهج الحق ي فهد بيه الحق

 رواية خادمة الفهد الفصل الحادي عشر 11 -  بقلم صفاء حسني
nada eid

تعليقات

ليست هناك تعليقات
إرسال تعليق
    google-playkhamsatmostaqltradent