رواية حب من نوع فاخر كاملة بقلم مجهولة عبر مدونة دليل الروايات
رواية حب من نوع فاخر الفصل الثالث 3
"مليكة"
دخلنا غرفتي انا و ميرى قعدنا على السرير
نتفرج على* اللاب توب* شويه لحد ما ميرى زهقت و اتكلمت معايا وانا كنت سرحانه في المجهول
ميرى : إيه يا بنتي فينك
مليكة : هااا.. إيه
ميرى: لا أنتي مش معايا... قوليلي عمل إيه المجهول
مليكة: ولا حاجه مصمم أني أكون مربية برضو
ميرى: طيب شوفتي شكله و لا زي كل مرة
مليكة: ياريت اشوفه أحسن هموت واشوفه لما صوته بالحلاوه دي امال شكله ازاي
ميرى: لا رد
مليكة: انتى يا سرسجيه المفروض أنا اللي اكون سرحانه مش انتى
ميرى(ببعض الحزن) : مفيش يسطا لحد آلان مش لاقيه ولا قادره أحب زي ما تقولي قلبي بقا من حجر او اني خلاص حد واخد قلبي مش حاسه بيه ينبض ... اي عريس يجى يتقدملي فتره و ينفصل عنى معرفش السبب هل عشان أنا يتيمه ولا أنا حظى وحش
مليكة: دخلنا فى حالة الهبل هو حد يطول ضافر منك دا أنتي بنت النقيب الشهيد (حسن الهلالي) واحسن سرسجيه فى العالم .. هو في سرسجيه قمر كدا
ميرى(بغرور): طول عمري قمر بس حضرتك مش بتشوفى كويس
مليكة: انا يا سرسجيه مش بشوف تعالي هنا يا جبانه
فضلنا نجري ورا بعض و نضرب بعض فى البيت كله وخالتو و ماما و دآدة زينب يضحكوا علينا و يقولوا (زي العيال)
"مجهول "
كالعادة بقوم الفجر أروح المسجد أصلي وبعدين أرجع أنام ساعة و أقوم ألعب رياضة حوالي ساعتين و بعدها أجهز الفطور ليا والرضعة لأبني
دخلت الغرفة لقيت دادة سعاد شايله الصغير "زين" أبني
مجهول: صباح الخير يا دادة سعاد
سعاد: صباح النور يا بني فطرت و لا أعملك
مجهول: لا فطرت الحمد للهوعملت الرضعة.. هاتي عنك زين
سعاد : تمام انا هفطر و اخد العلاج و أجي اخده منك
مجهول : الف سلامة عليكي ان شاء الله هتكوني بخير
سعاد : يارب
خرجت دادة سعاد و زين كان صاحي و بيضحك اديته الرضعة وبعد ما خلصت جت دادة و خدته منى و خرجت من البيت و وصلت عند صديقي "عمر"
دقيت الجرس وفتحلى الباب وكان بالبنطلون و بيمسح شعره بالمنشفه ابتسام وقال:
- اتفضل يا شريك
مجهول : إيه يابني دا بتفتح كدا افرض كان حد غيري
عمر: دا على أساس أن فى حد بيجي غيرك انت و البواب و الزفته اللي في الدور التالت دي
مجهول : ما أنا قولتلك تعالي عيش معايا انت اللي عنيد... و إيه حكاية بتاعت الدور التالت
(عمر كمال الهواري : 28 سنه : عيونه عسلي : شعره أسود ناعم يصل إلى الرقبة : قمحاوي شوي : جسد رياضي متناسق : طوله180 سم)
دخلنا و قعدنا فى الصالون عباره عن صالة رياضية
عمر : لا يا عم أنا كدا مبسوط... اما حكاية الدور التالت دي وحده متحوزه و مجنونه كل شويه تجي تسال عليا او تاخد حاجات مالهاش لازمه زي السكر او الملح
مجهول : طيب ما تقول لزوجها
عمر: يا شريك جوزها شكله كدا ‘بقرون‘ بتجي كل مره عشان تدخل بس انا مرضيش انت عارف انا طبعي حامي ... اتعاركت معه إمبارح و قولتله إني مش عايزك تيجي عندي
مجهول : خلاص سيبك منها ولو جت تاني شوف اهلها و قولهم
عمر : طيب مشروبك ولا كوكتيل أنا اللي عمله و حلو
مجهول : لا لسه قبل ماجي شربت قهوة هات كوكتيل عشان نلعب رياضة شويه
عمر : أشطا
دخل عمر يجيب المشروبات و قلعت القميص ولبست القفزات و لعبة على " كيس الملاكمة"
لحد ما عمر جاء هو كمان و لعب هو على " آلة التحديف"
" مليكة"
جه وقت المغرب و و العريس و أهله وصلو فى و قعدوا فى الصالون مع(بابا و حسام و ماما و خالتو)
مليكة : هااا يا ميرى مين العريس
ميرى : لا يسطا تسلم إيدي طالعه زي القمر وأحلي
جت ماما و شافتني وفى عيونها دموع قالت بصوت باكى: - مش مصدقة انك هتجوزي يا لمضه
مليكة : إيه يا ماما الدموع دي بعدين لسه مفيش حاجه حصلت
سلمي (الام) : طيب يلا عشان تقدمي الشربات
جهزت نفسي و دخلت بالشربات و كنت هقع لكن لقيت حسام ساندني بصيت لقيت ام العريس بتبص بقرف و تكلم في و حده حامل معه و يضحكوا اضايقت الصراحه وكان نفسي اكب الشربات عليهم الكل قالي حاسبي لما كنت هقع إلا الاتنين دول ام العريس و وحده حامل
قدمت الشربات للكل وقعدت جنب بابا
(الاب) محمد : إيه الجمال دا يا قلب بابا
ابتسمت و بوست ايد بابا وقلت بحب : - عيونك الحلوه يا روحي
(جمبسوت باللون السكري + صندل كعب
باللون الابيض + تربون باللون الابيض يميل للون السكري)
شويه واتكلم شاب و قال:- أنا محمود خميس و دول أخواتي '' و شاور على كل واحد وعرفني عليهم كلهم
محمود : دا أخويا الكبير إسلام و متجوز والمدام اللي جنب ماما مراته سمر و دا أخويا الصغير أحمد و دا لسه فى الجامعه و دي ماما و بابا متوفي ( كان بيشاور علي كل شخص و انا ابتسم) سلمت عليهم كلهم.
أم محمود (بقرف) : هي دي العروسه بنت خالتك أحسن
ردت ماما وقالت:- ممكن تكون أحلي بس بالميكاب انما بنتي مش بتحط الحاجات دي .. أو ممكن تكون بنت خالته أحلى فى الشكل بس تكون ناقصه فى الأخلاق أو حاجه تاني
مكنتش متوقعه الرد دا من ماما بس حبيت كنت فاكره انها مش هترد عشان العريس ما يطفش منى
سمر: بلاش تغلطي في اختي يا مدام
أم محمود : شكله ست مش محترمه و كلهم كدا
(الاب) محمد 'بغضب' : احترمي نفسك يا ست انتي بدل ما احطك طول عمرك بتهمة تعدي انتي فاهمه و بلاش تجيبي اسم الاحترام علي لسانك اللي زيك ميعرفش حاجة عن الاحترام
رد حسام وقال بصوت عالي
:- اولا صوتك ما يعلاش ثانيا ابقا قولي الكلام دا لحماتك يا مدام... أنتي عارفه لو انتي شاب مش ست مكنش يقدر اللي يشيلك عنى
رد إسلام باسف وقال
:- خلاص يا دكتور حسام احنا اسفين
محمود : أحنا اسفين مكنش قصدها حاجه
(الاب) محمد : بص يا استاذ محمود انت أبوك كان صاحبي زمان الله يرحمه لكن أن مراته تغلط في مراتي و بنتي دي حاجه مش مقبولة و انا اسف معنديش بنات للجواز
محمود : يا عمى أنا اسف بس ماما ماتقصدش والله انا اسف انا اعجبت بالانسه مليكة من اول مرة شافته في المستشفى
(الاب) محمد : لما مامتك تتعلم انها تحترم بنات الناس برضو مش هوافق هيكون لنفسه لما تحترم الناس... لما لحد الآن مفيش حاجه حصلت رسمي امال لما تجوز هتعمل إيه في بنتي ... مش بنت العميد محمد المليجي اللي يتعمل معه كدا
محمود (برجاء): عمى بس فرصه وحده
(الاب) محمد : شرفت يا استاذ محمود
أم محمود : يلا يابني بلاش ارف اخطبلك بنت خالتك أحسن
مليكة: و لما هو أرف إيه اللي جابك أنا ساكته من الصبح احتراماً لبابا و ماما و انك كبيرة قلت ماشي تغلط فيا مع انك مالكيش حق عشان تغلطي انما تغلطي فى ماما لا دا مش مقبول... وانا بقولك لو أبنك اخرى واحد في العالم مش موافقة بي
خرج الكل وكنت حاسه ان الست دي بتولع كنت مبسوطه عشان رديت عليها و أن العريس خلاص طفش لكن زعلانه ومخنوقه على ماما
(خالتو) : خلاص يا اختي سيبك منهم دول مش محترمين الحمدلله ان مفيش حاجه حصلت رسمي
سلمي(الام): الحمدلله
جه بابا قدامي وقرب مني وباس راسي وقال:- ولا عاش ولا كان اللي يغلط بنتي حبيبتي و أنا عايش
مليكة: ربنا يخليك ليا يارب
حسام : إيه مفيس دعوه حلوه عشان خاطر بتاع المجانين
ضحكت وقلت : ربنا يخليكم ليا انتو احلي حاجة
قرب بابا من ماما و رافعله راسه وقال :- محدش يقدر يغلط فيكي و اسكت وأنا على وش الدنيا
(الام) سلمي : ربنا يخليكم ليا يارب
ميرى : طيب يلا احنا يا ماما
(الاب) محمد: على فين
(خالتو) : معلش لازم نرجع البيت
(الاب) محمد : بعد العشاءأ
(خالتو) : لا مش هقدر مرة تاني
(الام) سلمي : مرة تاني ليه الاكل جاهز يلا على السفره
(خالتو) : معلش مش مرة تاني
مليكة : يلاا وحيات ميرى بلاش دلع كنا عاملين الاكل دا ليهم بس خساره فيهم
ميرى: خلاص يلاا ناكل معهم يا ماما
(خالتو) : خلاص ماشي
ميرى: يلاا يا بتاع المجانين انا الكرسي اللي جنبك
حسام: بس يا سرسجيه محدش بيقعد جنبي غير خالتو
ميرى: و أنا قلت هقعد
جريت ميرى و قعدت على الكرسي اللي جنب حسام
قعدنا كلنا على السفره فى الجو العائلي مبسوطين شعور حلو أوى وكدا اليوم انتهاء بالبسالي من غيرى اسباب مهمه تاني..
يتبع الفصل التالي اضغط على (رواية حب من نوع فاخر) اضغط على أسم الرواية