رواية لم تكن البداية سعيده كاملة بقلم رودي عبد الحميد عبر مدونة دليل الروايات
رواية لم تكن البداية سعيده الفصل الثالث والثلاثون 33
زينة بتوتر : هو ينفع يعني ..إحم يعني ينفع نتبني زين ويتكتب علي إسمك
عيسي بهدوء : لأ
زينة بزعل : ليه ؟
عيسي : بصي يَـحبيبي هو حرام أتبناه وأكتبو علي إسمي فاهماني ؟ ، ممكن يعيش معانا عادي ويقولي يَـبابا كمان و أنا أعتبرو إبني لكن مينفعش أكتبو علي إسمي
زينة هزت راسها وقالت : أقنعتني
ميل با”سها وقال : و أنا عايز اللي يقنعني
زينة بإستغراب : يقنعك بإيه ؟
عيسي بمشاكسة : إن الحلويات دي كلها ملكي ليا لوحدي
زينة إبتسمت بخجل وقالت : مش للدرجادي
عيسي بحب : هو إيه اللي مش للدرجادي بس إنتي مش شايفة نفسك عامله فيا إيه ولا إيه
إبتسمت وسكتت ، عيسي كان هيقر”ب حطت إيديها علي صد”رو وهي بتبعدو وبتقول : ننزل لمرات عمي ونشوف زين بقا علشان كدة كتير
عيسي بضيق : إنتي فصيلة أقسم بالله حد يبقا قاعد مع حبيبو ويفكر في حد تاني كدة
زينة بضحك : حبيبي إحنا مش عايشين لوحدنا في البيت دا وفيه ناس غيرنا ولازم نتطمن عليهم
قرب منها وشالها وقال : بس دا ميمنعش ناخد شاور سوا
زينة بعصبية : عيسي نزلني مستحيل يحصل
عيسي بتريقه : عيسي نزلنيي ، دا عندها يَـحبيبتي وهناخد شاور سوا قولت
ضربتو في كتفو وقالت : بقولك نزلني مش عايزه أخد شاور معاك أنا
إتجه للحمام وقال : هنشوف الموضوع دا
” في بيت تقي “
أبو تقي بهدوء خبط علي باب تقي وقال : تقي إنتي صاحية ؟
مسحت تقي دموعها وقالت : إتفضل يَـبابا
دخل أبوها وقال : ممكن أعرف بتعيطي ليه ؟
تقي بتوتر : أ..أعيط إيه و ليه أصلا ؟
الأب بهدوء : تقي حبيبتي أنا سامع عياطك من برا ، هو إنتي كنتي بتحبي منصور ؟
تقي بسرعة : لأ والله منصور إيه انا بح..
حطت إيديها علي بوقها وبصت لأبوها بصدمة
أبوها بإبتسامة : كملي يَـحبيبتي أنا أبوكي متخافيش مش هأذيكي
تقي نزلت إيديها ورجعت شعرها لِ، ورا وقالت : عارف إيه يبابا بس أنا قصدي أنا بحب نفسي مش بحب حد
أبوها بهدوء : بس أنا عارف إنتي بتحبي مين
تقي قلبها دق جامد وقالت في بالها : يارب ميكونش عرف وبيقول أي حاجة وخلاص
تقي ببلعت ريقها بتوتر وقالت : بابا..أنا مش بح..
قطعها أبوها وقال : بتحبي رامي أخو ريهام صاحبتك
بصتلو بصدمة وكانت لسه هتتكلم ، قال أبوها : أنا عارف وهتقوليلي عرفت منين هقولك نظرات العاشق دايماً فاضحاه وإنتي كان بيبان أوي من نظراتك بس كنت مستنيكي تقوليلي
تقي عيطت وقالت : غصب عني يَـبابا بس هو مش بيحبني أصلاً
حضـ”ـنها أبوها وقال : قريب هترتاحي أوي يَـحبيبتي والدموع دي هتنزل وتبقا دموع فرحة مش حزن أبداً بس متشغليش بالك إنتي بِـحاجة
بعدت عنو وقالت بإستغراب : قصدك إيه ؟
با”س راسها وإبتسم وقال وهو قايم : هسيبك أنا دلوقتي وكل حاجة هتتعرف في وقتها
تقي بصِت بإستغراب علي أبوها اللي إداها ضهرو وطلع وقالت بهمس : هعرف كل حاجة في وقتها!
” في بيت مازن “
ريهام بلوية بوز : هتسيبني لوحدي
حضـ”ـنها مازن وقال : مش هتأخر يَـحبيبي والله
ريهام بحُزن : مش عاوزه أقعد لوحدي
مازن بتفكير : تحبي تروحي تقعدي مع مامتك ولا زينة ؟
ريهام بإبتسامة : زينة
مازن بص في ساعته وقال : طب خمس دقايق وتكوني جاهزه علشان متأخرش
سقفت بحماس وقالت : طيارة وهكون جاهزه
سابتو ودخلت الأوضة علشان تلبس
” في ڤيلا عيسي “
أول ما زينة دخلت أوضة الصالون جري عليها زين وحضـ”ـنها وقال : كنتي فين كل دا من إمبارح مشوفتكيش
زينة إبتسمت وقالت : معلش يَـحبيبي كنا بنتكلم أنا وبابا عيسي في أمور بسيطة بينا
عيسي بهمس : أمور بسيطة أه بس جامدة
زينة بصتله بغيظ ورجعت بصت لِـزين بصدمة اللي قال : صح يا زينة الأمور البسيطة دي حلوة ؟
عيسي ضحك وقال : حلوة أوي يا زين أوي أوي
نيهال ضحكت بصوت عالي وزينة وشها بقا لونو أحمر من الخجل و بصت لعيسي وقالت بغيظ : ما تروح شغلك ولا إيه ؟
عيسي بإبتسامة : هروح شغلي بس هعمل حاجة الأول
قرب منها وبا”سها بو”سة رقيقة من خدها وقال : لما أسلم علي مراتي الأول
وقرب من نيهال وبا”س راسها وإيديها وقال : وأمي كمان
زين بلوية بوز : ومش هتسلم عليا ؟
عيسي نزل لِـمستوا و فتح دراعاتو ليه وقال : إنت ليك حضـ”ـن يا بطل مش بو”سة
جري زين وحضـ”ـنو بسعادة وبا”س عيسي من خده
قام عيسي وقف وقال : عن إذنكم يَـجماعة
بص لِـزينة وقال : زينة تعالي عايزك
مشيت وراه لحد ما وصل لِـباب الڤيلا
عيسي بص حواليه ، زينة بإستغراب : في إيه يَـعي..
قطع كلامها لما شدها ناحيتو وبا”سها بعمق
بعد عنها وهو بياخد نفسو : دا سلامي علي مراتي قبل ما أمشي
زينة إبتسمت بخجل وقالت : خلي بالك من نفسك
إبتسم وبعتلها بو”سة في الهوا وفتح الباب لقي ريهام ومازن واقفين
عيسي بإبتسامة : أهلاً أهلاً إتفضلي يا ريهام
مازن قال : ومفيش إتفضل يا مازن مثلاً ؟
عيسي ببرود : إحنا ماشيين يَـحبيبي علشان الشغل
طلع عيسي وسحب مازن اللي بعت لِريهام بو”سة في الهوا ومشي
وريهام دخلت وسلمت علي زينة وزين ونيهال وقعدت معاهم
” في بيت تقي “
الباب كان بيخبط أبو تقي فتح الباب وقال بإستغراب : رامي! ، إتفضل يَـبني تعالي
رامي دخل بإحترام وقال بإحراج : إحم أنا أسف يَـعمي لو جيتلك من غير معاد بس أنا محتاج أتكلم معاك أو أطلب منك طلب
أبو تقي بهدوء : إتفضل تعالي هتفضل واقف علي الباب يعني
دخل رامي خطوتين لِـجوا ووقف ، قفل أبو تقي الباب ودخل في الصالون ودخل رامي معاه
أبو تقي بصوت عالي : يا أم تقي
جات أم تقي وهي بتمسح إيديها في هدومها وقالت : أيوا يَـخويا
أبو تقي بص لِـرامي وقال : تشرب قهوة ولا حاجة تانيه ؟
رامي بإبتسامة : أشرب شربات
أبو تقي بصلو بإستغراب وقال : شربات إيه يَـبني
رامي بهدوء : بصراحة أنا جاي أتقدم للأنسة تقي وهاخد رد منكم وهجيب والدتي و أجي نقرأ الفاتحة
أم تقي رقعت زغروطة وقالت : وإنت تترفض برضوا يا رامي
أبو تقي برقلها جامد ف رجعت هي لِـورا خطوتين وقالت : عن إذنكم هدخل جوا
أبو تقي بص لِـرامي وقال : إنت شاب متترفضش وكل حاجة بس هي خطوبتها لسه متفشكله وهي أعتقد إن نفسيتها مش هتكون حلوه ولا مستعدة لِـحاجة زي دي تاني
رامي بإبتسامة : لأ هتبقي حلوة أنا بحبها وعايزها من بدري بس إديني ردك وأنا هجيب والدتي وأجي في الوقت اللي تحددوه بس يُستحسن يكون بكرة
أبو تقي بصلو شوية وقال : أمري لله بس هاخد رأيها الأول
رامي بسرعة : لأ لأ متقولهاش حاجة غير لما أجي بكرة ممكن ؟
أبو تقي بشك : ليه ؟
رامي بتوتر : ع..عايز أعملها مفاجأة وكدة ليك ولتقي وأم تقي
أبو تقي : مفاجأة إيه!
رامي بخبث : بكرة تعرف
قام وقف وقال : أجيب والدتي بكرة ؟
أبو تقي بإبتسامة : الساعة 7
رامي بإبتسامة واسعه : تمام يا حاج عن إذنك
” في ڤيلا عيسي “
كانو قاعدين بيهزرو وبيضحكو مع بعض وفاجأة سمعو صوت صر”يخ جاي من أوضة زين
قامت زينة جريت وكلهم طلعو وراها وراحو أوضة زين وإتصدمو لما شافو…
يتبع الفصل التالي اضغط على (رواية لم تكن البداية سعيده ) اضغط على أسم الرواية