Ads by Google X

رواية احببته اعمي الفصل السابع عشر 17 - بقلم نور ابراهيم

الصفحة الرئيسية

  رواية احببته اعمي كامله بقلم نور ابراهيم عبر مدونة دليل الروايات


 رواية احببته اعمي الفصل السابع عشر 17

كريم : انا لازم اخلص من أدهم و قريب اوى
عشان اخد كل حاجة وترجع علاقتى بالجوكر زى م كانت
ميرنا بخبث : تؤتؤ اهدى كدا يا بيبى لازم نخطط الاول ويكون صح ودا هيتم فى حابة واحدة اما علاقة أدهم بعشق تبوظ ساعتها بس نقدر ناخد كل اللى احنا عاوزينه بعد م نكسر أدهم من جديد و دا هيكون عن طريق بعده عن اللى اسمها عشق دى
كريم : طايب و ازاى هنعمل كدا مستحيل نقدر نبعدهم عن بعض
ميرنا بخبث: هقولك هنعمل اى و حكت له كل حاجة وبعد شوية اى رأيك بقى
كريم : دا انتى دماغك سم بس حلوة الخطة دى المرة دى مش هيقدروا يفلتوا منها
                *********************
عند امينه و حاتم …
حاتم : اى اللى ابنك عمله دا انتى اكيد كنتى عارفة انه هيعمل كدا هو مش بيخبى عنك حاجة
امينه : والله انا معرفش حاجة اتفجأت زى زيكم وكمان هو كان قالى انه بعد عن البنت دى نهائى معرفش اتجوزها امتى
حاتم بغضب : كل دا بسبب تربيتك و دلعك فيه لحد محدش بقى قادر يقف قدامه واللى عمله مع أدهم لا يغفر وانا المرة دى اللى هطرده من البيت ومش هياخد اى حاجة وهو و الرخيصة اللى متجوزها بس مش دلوقتى عشان ميجبلناش فضيحة و تركها وصعد إلى غرفته دون أن يسمع منها اى شئ
امينه : بقى كدا يا حاتم بقيت بتز*عق ليا وعايز ابنى يبعد عنى وكمان تحرمه من كل حاجة بس المرة دى انا اللى هعمل من كريم
                ***************** ******************
صباح جديد على أبطالنا ..
استيقظت عشق ومازال أدهم ينام بين احضانها متمسك بيديها وكأنه طفل متمسك بأمه خوفا من ان تتركه
عشق بحنيه : أدهم اصحى يلا عشان نروح الشركة بلاش الكسل دا
أدهم وهو بيفوق: صباح الخير يا عشقى
عشق : يلا اى الكسل دا كله قوم يلا
أدهم : انا مش عاوز انزل يا عشق خلينا هنا انهاردة
عشق : عشان مش تشوفهم صح لا يا أدهم خليك أقوى من كدا لازم تواجه الحقيقة وأكملت بغيرة ولا انت لسه بتحبها ومش قادر تنسى اللى حصل
أدهم : عشق انتى هبلة ولا فيكى اى احب مين اللى دمر*تنى وخانتنى مع اخويا ولا احب اللى كانت بتحبنى عشان فلوسى
عشق : خلاص يا أدهم انسى كل اللى حصل ولا كأنهم موجودين ونبدأ انا وانت من جديد و يلا بقى قوم خد شاور واجهز عشان نروح الشركة وانا هنزل اجهز الفطار
أدهم بقلة حيلة : ماشى يا عشق
وبعد مدة انتهى أدهم ولبس ملابسه و وضع برفانه الخاص به
عشق بتلقائية : يلا يا أدهم عاوزين نبدأ اليوم من غير كسل
ولسه أدهم هيرد ولكن قاطعه صوت ميرنا
ميرنا بخبث : بس أدهم مش بيعرف يبدأ يومه من غير القهوة بتاعته ولا انتى متعرفيش عنه حاجة
عشق بغيرة : اظن ان دا ميخصكيش دا اولا اما ثانيا انتبهي انتى لجوزك بدل م انتى واخدة بالك من الرجالة كلها معلشى اصل انا نسيت انك متعودة على كدا
ميرنا بغضب ولسه هتضر*ب عشق بالقلم ولكن امسك أدهم يدها بقو*ة
أدهم بجمود : تعرفى تمن انك ترفعى ايدك بس على مدام أدهم المنشاوى انتى مش متخيلة انا ممكن اعمل فيكى لأنك حاولتى تقربى من حاجة بتاعتى م بالك الحاجة دى مراتى وحبيبتي
تركتهم ميرنا بغضب دون أن تنطق حرفا
أدهم وهو بيمسك ايد عشق : يلا بينا
عشق وهى بتنظر له بحب : تعرف انا كل يوم بحس معاك بحنان وخوف بابا عليا
أدهم : انتى فعلا حبيبتى اللى ربنا عوضنى بيها بعد كل اللى حصلى و انا مسمحش لحد انه يزعلك لو بكلمه واحدة .
             ****************** ********************
عند ميرنا وكريم ..
كريم : مالك مضايقة ليه حصل اى
ميرنا بغضب : عشق دى مش ناوية تجيبها لبر بس تعرف انا لازم اخلص عليها عشان متفكرش تتكلم معايا كدا تانى
كريم : لا اهدى كدا مش عاوزين كل اللى خططناله يبوظ بسبب تهور منك
ميرنا فى نفسها : مش هرتاح غير لما اخلص من عشق و تبعد عن أدهم عشان اقدر آخد كل اللى انا عاوزاه
                ******************************
فى الشركة ….
حسام : أدهم انا حاولت اتوصل للى كان مترصد ليكم انت وعشق لما عملتوا حاد*ثة بس للأسف مقدرناش نوصل لأى حاجة
لانه كان ذكى جدا عمل دا فى مكان خالى من الكاميرات و للأسف محدش فيكم عرف ياخد نمرة العربية
أدهم : بس معنى كدا ان إللى عمل كدا كان عارف احنا رايحين فين ومش بعيد يكون مراقبنا كمان و اكملت عشق
عشق : او ممكن يكون قريب مننا و عارف كل تحركاتنا لانه استنى الوقت المناسب
أدهم : طايب المهم دلوقتى يا حسام قدرت تعرف من اللى فى الشركة اللى بيسرب المعلومات ومن امتى دا حصل
حسام : انا شاكك فى السكرتيرة ولما كلمتها اتوترت كدا و حسيت من كلامها ان ليها ايد فى اللى حصل بس معرفتش اعرف منها هى بتعمل كدا لصالح مين
أدهم بخبث : طايب سيب الموضوع دا عليا و الأهم من دا اننا ننتبه للشغل و عشق هتمسك الحسابات بما ان عندها كفاءه
حسام : تمام هستأذن انا عشان عندى حاجات كتير لازم اعملها
عشق : أدهم طايب وانت هتعمل اى مع السكرتيرة دى دا كدا هتكون خطر على الشركة وممكن تسبب خساير من تانى
أدهم: لا دا الموضوع دا كبير وفى حد بيلعب فى الخفى بس مين دا اللى مش قادر أفهمه
                     ***********************
يوسف : ايوة يا باشا مدام ميرنا قالت آجى لحضرتك هنا فى مهمة تانية اعملها ولا اى
كريم : ايوة بس دى ابسط بكتير من اللى فاتت كل اللى عليك تعمل …….
يوسف : دى بسيطة اوى يا باشا و اكمل بطمع بس اهم شى الفلوس
كريم وهو بيديله مبلغ : خد دول وأما تنفذ اللى قولتلك عليه هتاخد زيهم
يوسف : متقلقش يا باشا بس اهم حاجة نعطل الكاميرات بتاعة القصر
يوسف : لا متقلش من الناحية دى انا مدبر كل حاجة وقاطع حديثهم صوت ميرنا
ميرنا : تعرف لو منجحتش المرة دى انا ممكن اعمل فيك اى اظن ان المهمة دى سهلة بس انت وشطارتك بقى
يوسف : متقلقيش يا هانم انا همشى دلوقتي واستنوا بقى اللى هعمله ..
                       *******************
فى الشركة ..
عشق بارهاق: كفاية يا أدهم شغل انا معنتش قادرة يلا نرجع القصر
أدهم : طايب يا عشق السواق تحت روحى انتى وانا كمان ساعة كدا هاجى بس اما اخلص شوية الورق دول
عشق : تمام بس بلاش تتأخر
وبالفعل عادت عشق إلى القصر ولسه هتطلع الجناح الخاص بها
حاتم : استنى يا عشق يا بنتى عاوزك فى المكتب قبل م تطلعي فوق
عشق باحترام : حاضر يا بابا و ذهبت خلفه
حاتم : تعالى يابنتى واقفلى الباب وراكى
وبالفعل دخلت عشق ثم اكملت بقلق فى اى يا بابا حصل حاجة
حاتم : لا يا بنتى بس انا هقولك على حاجة بس بلاش تعترضى عليها لأنها هتكون فى صالح أدهم
عشق بقلق : اتفضل يا بابا
حاتم : انا هنزل كل أملاك المنشاوى ليكى
عشق بفزع : لا طبعا ازاى يحصل دا يا بابا انا بعتذر بس مينفعش آخد الخطوة دى
حاتم : اهدى بس يا بنتى فى ناس كتير جنب أدهم كل اللى يهمهم ازاى ياخدوا املاكه وممكن منقدرش نعمل حاجة لان كله بيلعب من ورا أدهم ودا الحل الوحيد اننا نحافظ كل الثروة اللى أدهم عملها دا تعب فيها اوى يا بنتى اقبلى يا بنتى عشان خاطرى انا اول مرة اطلب منك حاجة
عشق بحيرة : ماشى يا بابا بس سيبنى افكر لو سمحت صعب عليا اعمل كدا من غير علم أدهم كدا كأنى بخون ثقته بالظبط
حاتم : ماشى يا بنتى بس اعرفى ان دى مش خيانه لأنك بتساعدى أدهم وانا شايف الحب فى عيونك ليه بلاش تشوفيه بيخسر كل حاجة وانتى فى ايدك تساعديه
عشق : ماشى يا بابا هطلع انا لانى تعبانه اوى
وبالفعل طلعت عشق الجناح الخاص بها وهى بتفكر فى اللى حاتم بيقوله و مترددة فى انها تساعد أدهم بالطريقة دى ولا انها متعملش حاجة وممكن حد فى الوقت دا ياخد كل حاجة ويدمر أدهم و قاطع تفكيرها دخول أدهم
أدهم : اى يا عشق مالك باين عليكى التعب خالص ومسك جبينها بين يديه ثم اردف
اى دا عشق انتى حرارتك مرتفعة
عشق : انا كويسة دول شوية تعب وهبقى تمام بس هرتاح شوية
أدهم : طايب ارتاحى وانا هنزل اعمل ليكى اى حاجة ساخنه تشربيها
عشق : ملوش لزوم انا كويسة
أدهم : اسكتى انتى بس ارتاحى على م اجيب ليكى اى حاجة تشربيها وتركها ونزل إلى اسفل ودخل المطبخ
أدهم فى نفسه : طايب انا مش بعرف اعمل اى حاجة ومحدش من الخدم هنا اعمل
ميرنا : أى يا أدهم داخل المطبخ بنفسك
أدهم بغيظ : شوفتى بقى كل دا عشان راحة مدام المنشاوى
تركته ميرنا بغضب ولم ترد عليه
وبعد الكثير من المحاولات عرف أدهم يعمل أعشاب و اخذها و صعد إلى الجناح ولكن
حلت به الصدمه حينما رأى عشق مرميه على طرف السرير و جنبها ملطخ بالد*ماء و……..

 رواية احببته اعمي الفصل السابع عشر 17 -  بقلم نور ابراهيم
nada eid

تعليقات

ليست هناك تعليقات
إرسال تعليق
    google-playkhamsatmostaqltradent