Ads by Google X

رواية حلم الفصل الثاني عشر 12 - بقلم ايمان شرقاوي

الصفحة الرئيسية

 رواية حلم كاملة بقلم ايمان شرقاوي عبر مدونة دليل الروايات 


 رواية حلم الفصل الثاني عشر 12

 احلام : النهاردة هنروح نخطب سلمي وانا ابوك اتفقنا ان الجواز بعد شهر ايه رأيك .
ادهم بصدمة : لا طبعا انا مش موافق .
احلام بحزن : ليه بس يا بني شقتك جاهزة مش ناقصها حاجة ولا انت ناقصك حاجة ليه التأخير .
  ادهم بحنان : ياماما مش لازم انا وسلمي ناخد فترة نعرف بعض .
  حلم بردح : نعم يا عينيا تعرفوا ايه… هو انتوا لسه هتعرفوا بعض .
  ادهم بغيظ : سكتيها يا ماما بدل ما اروح اقتلها .
  احلام بضحك : استني يا لومااا … بصراحة يا بني حلم عندها حق انتوا لسه هتعرفوا بعض انتوا وصغيريين كنتوا دايما مع بعض دي سلمي وحلم كانوا زي التؤام مبيفترقوش عن بعض واحنا عارفين عنها كل حاجة .
ادهم بتأفف : خلاص يا ماما خليه بعد شهرين .
عبد الرحمن من خلفه : هو شهر واحد بس .
ادهم بمرح : للدرجة دي عاوزين تخلصوا مني يا بابا .
  عبد الرحمن بحنان : عاوزين نفرح بيك … قوم بقي جهز نفسك عشان منتأخرش علي الناس .
  عبد الرحمن بطاعة : حاضر يا بابا .
…………………………………………………….
 عند شيماء ………
عبد الله : اوماااال فين شيماء يا حاجة .
  الام بحزن : في اوضتها يا عبد الله .
عبد الله : انا هدخل اتكلم معاها شوية اهو احاول اطلعها من الحالة اللي هيا فيها دي .
  الام بأمل : ياريت يا عبد الله انا نفسي تطلع من حالتها دي وترجع بنتي زي الاول .
  الاب بحزن : مستحيل ترجع زي الاول يا حاجة مستحيل انا داخل ليها .
 بعد شوية …….
  عبد الله بقلق : شيماء مش في اوضتها يا حاجة راحت فين .
  الام بخضة : ازاي ده انا من شوية اطمنت عليها يارب استرها هتكون راحت فين .
عبد الله بخوف : طيب استني هرن عليها كده …يرن الفون .
شيماء : ايوااا يابابا .
  عبد الله بقلق : انتي فين يا بنتي قلقتيني .
  شيماء بحزن : انا اسفة يا بابا كنت مخنوقة قولت اخرج شوية .
  عبد الله براحة : طيب يا بنتي متتأخرييش بس .
  شيماء : حاضر يا بابا .
 “” في احدي الشوارع امام مدرسة تقف شيماء امام مدرسة في انتظار خروج اولادها من المدرسة …. وقد فضلت رؤيتهم من بعيد بدل من اخذهم للعيش معها وزيادة الحمل علي والدها …………… وها قد خرج الاولاد من المدرسة”
شيماء وهي تركض لاحتضان اولادها : داليا … محمد .. وائل تعالوا هنا .
  الاطفال بسعادة : ماما ماما وحشتينااا .
شيماء بدموع : وانتوا وحشتوني اووي عاملين ايه بتاكلوا كويس ومهتمين بالمدرسة ولا لا .
  الاطفال : احنا كوييسن يا ماما وبنعمل الواجب كل يوم .
  شيماء بفرحة : شاطرين يا اولااد .
 وائل بفرحة : ماما انتي جيتي من عند ربنا ازاي .
  شيماء بعدم فهم : ازاي يعني .
  وائل : بابا قال انك روحتي عند ربنا ومش هنشوفك تاني .
  شيماء بصدمة : بقي كده……. طيب بصوا يا اولاد محدش يقول لبابا انا جيت انا عاوزة اعملها ليه مفأجاة .
  الاطفال بسعادة : ماشي .
  شيماء بحنان : يالا روحوا وخلوا بالك من نفسكم .
  وتعود شيماء الي المنزل.
الام بقلق : كنتي فين يا بنتي قلقتيني عليكي .
  شيماء بفرحة : اخدت ملف الاعدادية وقدمت علي مدرسة ثانوية عشان اكمل تعليمي وكمان لقيت شغل في محل هدوم في الشارع اللي ورانا الحمد لله انا حاسة ان حياتي بقيت احسن .
  عبد الله بحنان : بلاش شغل يا بنتي ومصاريف التعليم عليا .
  شيماء وهي تقبل يده : ربنا يخليك يا بابا شكرا كل حاجة عملتها معايا انت كفاية عليكي اخواتي…. وبصراحة انا عاوزة اشتغل عشان اجيب اولادي يعيشوا معايا .

  عبد الله : اللي تحبي تعمليه يا بنتي انا معاكي فيه المهم سعادتك .
  شيماء : ربنا يخليك ليا يابابا يارب .
……………………………………..
  عند محمد ورضوي :.
  محمد : شوفي مين بيخبط يا رضوي .
  رضوي : حاضر يا محمد …….. تفتح الباب وبصدمة .
  رضوي : رحمة .
  رحمة بقرف : ايوا رحمة يا ختي جايه اشوف اولادي .
يخرج محمد من غرفته بسرعة
 محمد بتعجب : رحمة … في حاجة ولا اية .
  رحمة بغضب : ايه يا استاذ محمد انت فاكر دول ولادك لوحدك انا من حقي اشوف ولادي .
  محمد بهدوء : طبعا من حقك اتفضلي ..
 تجلس رحمة في انتظار اولادها
رحمة : هم فين ما تناديهم .
محمد : في المدرسة قربوا يوصلوا متقلقيش .
رضوي بطيبة : تشربي ايه لغاية ما يوصلوا .
  رحمة بقرف : مبشربش .
 بعد شوية يأتي الاولاد وتجلس معهم في غرفة واحدة .
  رحمة لابنها الكبير : بص يا ولد خد الكيس ده وارميه براحة تحت سرير رضوي بس اوعي تشوفك.
مازن : بتاع ايه ده يا ماما .
  رحمة بكذب : ده عشان الفار يا حبيبي ميدخلش في اوضة رضوي …. بسرعة بس اوعي حد يشوفك .
 بعد شوية
مازن : حطيته يا ماما محدش شافني خالص .
  رحمة : شاطر يا ميزو…يالا بقي انا ماشية .
مازن : مش هتقعدي معانا شوية .
  رحمة بغضب : انا مش فاضيلكم اصلا .
 تخرج رحمة وتمشي الي بيتها وتتذكر ما حدث في اليومين الماضيين .
فلااااش باك .
تذهب رحمة لاحد المشعوذين .
  رحمة : شوف دي فانلة محمد جوزي عاوزاك تخليه يكره مراته يبقي مش طايقها كده ماشي .
رحمة وهي تخرج رزمة من الاموال : طب كده هينفع .
  الرجل بضحك وهو يأخذ الاموال : وحياتك في ظرف اسبوع هيطلقوا….. هعملك اقوي نوع من انواع السحر .
رحمة بضحك : كده تعجبني .
  عودة من الفلاش باك.
  رحمة بضحك : اخيرراا هشوف فيكي يوم يا رضوي ههههههههههه.
 في يوم الرؤية الشرعية لادهم وسلمي .

  • يتبع الفصل التالي اضغط على ( رواية حلم ) اسم الرواية
 رواية حلم الفصل الثاني عشر 12 - بقلم ايمان شرقاوي
nada eid

تعليقات

ليست هناك تعليقات
إرسال تعليق
    google-playkhamsatmostaqltradent