رواية حلم كاملة بقلم ايمان شرقاوي عبر مدونة دليل الروايات
رواية حلم الفصل السابع 7
شيماء بصدمة : اتجوز ......... احمد اتجوز .
الام بصدمة : شيماااااء انتي هنا من امتي .
شيماء بدموع : احمد اتجوز بجد يا ماما .
عبد الله بحزن : ده نصيب وقضاء وقدر يا بنتي وانتي نصيبك كده متزعليش نفسك احنا ما صدقنا صحتك بدأت تتحسن شوية .
شيماء بخذلان : بعد أذنكم انا داخلة اوضتي .
الام بدموع : انا هروح اشوفها يا عبد الله البنت حالتها صعبة جدااا .
عبد الله بتفهم: سيبها دلوقتي لان كلامك معاها هيزيد تعبها اكتر .
الام بحزن : حاضر ربنا يهون عليكي يا بنتي .
في غرفة شيماء :.
شيماء وهيا تكتم صوت صراخها بالوسادة : اااااااااااااااه يارب ... يارب انا تعبت والله .. انا عملت ايه بس ده كنت بنفذله كل طلباته عمري ما رفضتله طلب هيا دي جزاتي .
فلاش بااااك :.
احمد : شيمووو حبيبتي انتي فين .
شيماء باستغراب : انا هنا اهو بس اول مرة تقولي حبيبتي يعني .
احمد بابتسامة صفراء : حبيبتي ونور عيني كمان اقعدي بقي انا عاوزاك في موضوع مهم .
شيماء باهتمام : خير .
احمد : بصراحة كده انا عاوز اوسع المشروع بتاعي ومحتاج الدهب بتاعك ابيعه ولم المشروع يكسب هجيبه تاني .
شيماء بحب وهيا تقلع دهبها : اهو يا حبيبي خده ربنا يوسع عليك يارب .
احمد بفرحة : ربنا يخليكي ليا يا حبيبتي .
عودة من الفلاش باك .
شيماء بضحك ودموع :ههههههههههه كان بياخد دهبي عشان يتجوز بيه هههههههه.
عند حلم في المسجد :.
عمرو بجدية مصطنعة : اوقفي عندك يا استاذة حلم مش هتدخلي .
حلم بخوف مصطنع : ليه بس سا استاذ عمرو انا عملت ايه .
عمرو بجدية : عندك تأخير نص ساعة .
حلم بحزن : ايوا انا اتأخرت نص ساعة عشان كنت بجيب الشكولاتة ليكم .
عمرو وهو يضيق عينيه : جبتي شكولاته نوعها ايه .
حلم وهي تكتم ضحكتها : بابليز يا فندم .
عمرو : احم احم سماح المرة دي .
حلم بضحك : طيب يلا بقي هاتوا اسئلتكم عشان نبدأ الفقرة الجديدة بتاعتنا انا هتكلم النهاردة عن اجمل شخصية في الكون .
الاطفال بحماس : هييييييييييييييييييه .
زياد بفرحة : انا عندي سؤال يا لوماا .
حلم بحب : اتفضل يا زيزو .
زياد : انا دلوقتي كبرت ورايح تالته ابتدائي ينفع اعمل فيس بوك وادخل علي الانترنت .
حلم بتفهم :شوف يا زياد انا من رأيي ان اكتر حاجة وحشة حصلت الايام دي هيا الفيسبوك والانترنت وانا شايفة انك لو رايح تالته ثانوي مش تالته ابتدائي المفروض تبقي بعيد عن الفيس والانترنت عارفين يا ولاد الانترنت ده عامل زي الوباء اللي ملوش علاج بيأثر علي حياتنا بشكل سلبي جدااا وافضل حاجة تعملوها انكم تبعدوا علي المواقع دي دلوقتي لغايه ما تفهموا الدنيا شوية انتوا كده ممكن تضيعوا .
عمرو بمرح : يعني انتي مش هتخلي اولادك يستخدموا الانترنت يا لوماا .
حلم بضحك وحنان : طب مانتوا ولادي ومش هخليكم تستخدموا الانترنت دلوقتي وبصراحة كده يا عمورة انا مستحيل اخلي اولادي يستخدموا الاجهزة والانترنت قبل سن 16 سنة علي الاقل الفترة اللي قبل كده لازم ينموا مواهبهم ويعيشوا طفولتهم ويحفظوا القرآن زيكم كده .
مروان : طيب انتي قولتي انك هتتكلمي عن اجمل شخصية في الكون مين بقي .
حلم بحب : شوفوا بقي احنا قولنا هنتكلم عن الصحابة واول شخصية كان لازم ابدأ بيها هيا شخصية النبي محمد صلي الله عليه وسلم .
الاطفال بفرحة : عليه افضل الصلاة والسلام .
حلم : اولا لازم نبقي حافظين اسم النبي كامل اسمه " محمد بن عبد الله بن عبد المطلب بن هاشم بن عبد مناف بن قصي بن كلاب بن مرة بن كعب بن لؤي بن غالب بن فهر بن مالك بن النضر بن كنانة بن خزيمة بن مدركة بن إلياس بن مضر بن نزار بن معد بن عدنان "
ولد يوم الاتنين في 12 ربيع الاول في عام سمي بعام الفيل في قبيلة تسمي قبيلة قريش ابوه هو عبد الله بن عبد المطلب الهاشمي القرشي وأمه هي السيدة آمنة بنت وهب .. كانت مرضعة النبي صلي الله عليه وسلم هي السيدة حليمة السعدية .. وتوفيت والدته وهو في سن السادسة من عمره والمرة الجاية ان شاء الله هكمل الباقي عشان محدش يتأخر ماشي .
الاطفال بفرحة : ماشي يا لومااااا سلام بقي .
حلم بحنان : مع السلامة .
مساءااا في بيت حلم .
احلام بطيبة : بقولك يا حاج .
عبد الرحمن بمشاكسة : قولي يا قلب الحاج .
احلام بخجل : بس بقي يا عبد الرحمن .
عبد الرحمن بضحك : يا الله لسه بتتكسفي مني لغاية دلوقتي .
احلام بتلعثم : بس بقي خليتني نسيت كنت عاوزة اقولك ايه .
عبد الرحمن بضحك : هههههههه خلاص قولي .
احلام بحنان : مش آن الاوان بقي نشوف عروسة لادهم الولد قرب يخلل جمبي .
عبد الرحمن بحنان : ده يوم المني والله لم اشوفه عريس ربنا يطول في عمري لليوم ده .
احلام بدموع : ربنا يباركلك في عمرك ويخليك لينا يارب .
عبد الرحمن بحنان : ربنا يباركلي فيكي يارب ....قوليلي بقي لقيتي عروسة.
احلام : لا والله بس احنا نسأله الاول ممكن يكون عاوز حد معين مش هنجبره علي حاجة .
عبد الرحمن : عين العقل يا حاجة لم يجي نسأله ان شاءالله ونشوفله عروسة .
حلم بصدمة : عررريس انا سمعت ان فيه عريس.. ليه بس يا بابا انا مش عاوزة اتجوز دلوقتي .
عبد الرحمن وهو يكتم ضحكته : عرووسة يا زءردة عروسة ها ولعبد الرحمن .
احلام بضحك : ليه كده بس يا حاج صدمتها .
حلم بمرح : يا ماما مانتي عارفة اني رافضة الموضوع ده طالما مخلصتش تعليم وبعدين انا سمعتكم وانا في المطبخ انكم هتجوزوا ادهم ها مين العروسة .
عبد الرحمن بحب : مش عارفين يا لمضة لم يجي هنعرف .
صوت دقات علي الباب .
حلم بمرح : لولولولولولولولي . .. العريس جه .
تفتح الباب .
ادهم بمرح : السلام عليكم يا زءردة .
حلم بخبث : وعليكم السلام ورحمة الله وبركاته يا عريس .
ادهم : عرريس ...........
- يتبع الفصل التالي اضغط على ( رواية حلم ) اسم الرواية