رواية فرصة تانية الفصل الرابع 4 - بقلم هاجر العفيفي

الصفحة الرئيسية

   رواية فرصة تانية كاملة بقلم هاجر العفيفي عبر دليل الروايات 


 رواية فرصة تانية الفصل الرابع 4

الشاب بابتسامه عريضه : انا عايز اتقدم للأنسه رهف
ريان بصدمه وغضب : مييين ؟؟؟
الشاب لسه هيتكلم بس كان خد ضربه فى وشه من ريان
سعاد مسكت ريان وقالت : ايه يابنى ده ميصحش كده الراجل فى بيتنا
الشاب وقف وقال : هو أنا غلط فى ايه مش فاهم انا جاى اطلب ايد أختك فين الغلط بقا
ريان بعصبيه : قصدك خطيبتى
الشاب بصدمه : خطيبتك !!!
ريان ببرود : ايوه ويلا بقا مع السلامه بدل مابوظلك عينك التانيه
الشاب وضع ايده على عينه بوجع وقال : لاء على ايه سلام
نزل الشاب وهو بيجرى خوفا على نفسه
رهف طلعت وقالت بدهشه : مين ده وبيجرى كده ليه يا أبيه
سعاد بخبث : ده كان عايز يتقدملك يارهف يابنتي وريان قام بالواجب معاه
رهف بصدمه : انت ال شلفطه كده
ريان ببرود : ايوه
رهف بذهول : طيب ليه 
ريان بغضب : انتى بتسألى بتقولك عايز يتقدملك
رهف بتلقائيه : طب وايه يعنى
ريان بغضب : أمشى يارهف من قدامى دلوقتى عشان انا على أخرى
رهف بصتله بخوف ودخلت الأوضه
سعاد : متخوفهاش منك يابنى
ريان : انتى مش شايفه بتقول ايه
سعاد : قالت ايه يعنى هو مش من ال عادى أن حد يجي يتقدملها ولا ايه انت لسه طالب منها الجواز امبارح الناس هتعرف منين بقا أنها خطيبتك بلاش التحكم ده عشان متخسرهاش من قبل ماتكسبها
قالت كلامها ودخلت الأوضه عند رهف وريان اتنهد بضيق هو فعلا بقا غريب جدا مكانش بيخاف على ناريمان كده ابدا معقول حياته كلها كانت خدعه ودلوقتى هو فاق
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
سعاد بضحك : مشوفتهوش كان هياكل الواد ازاى انا اول مره اشوف ريان ابنى بالشكل ده
رهف بابتسامه : انا شوفته نازل كأن حد بيجرى وراه واستغربت لما لقيته خارج من الشقه هنا
سعاد بابتسامه : صدقينى ريان هيحبك وده واضح جدا من تصرفاته أن هو مايل ليكى
رهف بحزن : انا حاسه ان هياخدنى بديل ياعمتى
سعاد : لاء ياحبيبتى متقوليش كده مش معنى أن هو اتجوز مره أن ممكن ميحبكيش لاء مش شرط الحب يتزرع قبل الجواز بس انتى بإيدك انك تخليه يحبك ويتعلق بيكى الراجل بيكون عامل زي الطفل الصغير كلمه تزعله وكلمه تراضيه وريان ابنى طيب جدا بس هو ربنا بعده عن ناريمان دى لانها مش سهله اكسبى ريان يابنتى وهترتاحى وهتقولى عمتى قالت
رهف بابتسامه : حاضر ياعمتى على فكره انا صليت استخاره
سعاد بخبث : وايه الاخبار
رهف بخجل : موافقه
سعاد زغرطت من فرحتها هى كانت دايما تتمنى ريان يتجوز رهف من زمان
ريان كان فى الصاله وسمع صوت والدته قام وقف بدهشه وأمه خرجت من اوضة رهف
سعاد بابتسامه : رهف وافقت على الجواز
ريان ابتسم بفرحه ومستغرب نفسه جدا حاسس ان أول مره يتجوز
ريان : ط طيب ممكن تنادى عليها
سعاد : حاضر ياحبيبى
سعاد دخلت الأوضه وخرجت معاها رهف
رهف بخجل : نعم يا أبيه
ريان بابتسامه : لاء أبيه ايه بقا قوليلي ياريان بس
رهف سكتت بكسوف
ريان بهدوء : بصى يارهف احنا طبعا مش محتاجين نتعرف على بعض كتير اي رأيك لو كتبنا الكتاب علطول عشان نكون على راحتنا ونعمل الفرح لما نجهز كل حاجه
رهف بهدوء : تمام بس انا ليا شرط
ريان بابتسامه : انتى تؤمرى
رهف : الأمر لله أنا عايزه افضل هنا مع عمتى مش هنسيبها لوحدها
سعاد : ياحبيبتى عشان تكونوا على راحتكم
رهف : ده شرطى الوحيده ياعمتى مش هبعد عنك
ريان بابتسامه : وانا موافق 
سعاد بفرحه : ربنا يسعدكم ياحبايبى يارب
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم 
: بارك الله لكما وبارك عليكما وجمع بينكما فى خير
المأذون قال كلمته والبيت امتلأ زغاريط والجيران واصحاب ريان كلهم كانوا موجودين
ريان قرب على رهف ال كانت مكسوفه وقال : مبارك ياحبيبتى
رهف بصتله بتوهان من أثر كلمته وكانت مصدومه
ريان بضحك : مالك يابنتى مصدومه ليه
رهف بتوتر وخجل : ها ا اصل يعنى اصل
ريان بضحك : خلاص خلاص اهدى كده مفيش حاجه 
رهف اتكسفت وسكتت
وريان كان لسه هيتكلم اتصدم لما شاف ناريمان داخله من الباب وقربت عليه وقالت بسعاده : ريان وحشتنى انا عندى ليك خبر هيخليك تطير من الفرحه انا حامل
رهف اتصدمت ودموعها اتحبست وسعاد كانت مصدومه
ريان : ..........

 رواية فرصة تانية الفصل الرابع 4 -  بقلم هاجر العفيفي
nada eid

تعليقات

ليست هناك تعليقات
إرسال تعليق
    google-playkhamsatmostaqltradent