رواية دعينا نعود كما كنا كاملة بقلم شروق خليل عبر مدونة دليل الروايات
رواية دعينا نعود كما كنا الفصل الثالث 3
ندا : هتطلقنى امتى
معتز : نعم يختى ؟! مين قال انى هطلقك
ندا بصتله بعدم فهم و بعدين اتكلمت : لو علشان بابا ووعدك ليه فدا عادى احنا مش مجبرين نكمل في اللعبه دى
معتز : بس أن...
الباب خبط و معتز قام يفتح : ماما
نبيله حضنته : حبيبي وحشتني
معتز بتعلثم : و انت كمان بس انت جيتى ليه
عماد جه من وراها : هو في حاجه اسمها جينا ليه يا معتز
معتز بص بقرف لجوز أمه و كان لسه هيتكلم ندا ظهرت و نبيله و عماد بصو ليها
عماد ابتسم بخبث : ايه دا مين القموره اوعى تكون منهم يا ولا
معتز شد ندا بعيد عن عماد : دى ندا مراتى
نبيله بصدمه : انت اتجوزت ازاى من غير ما اعرف و بعدين انت مش كنت بتحب واحده اسمها غير دا
معتز : يا امى لا انا كنت بحب ندا و الجواز جه فجأه و حصل ظروف خلتنا نتجوز بسرعه و قلت هنزل ليكى و اقولك كل حاجه مش انت كان نفسك اتجوز
نبيله حضنت ندا : اه يا حبيبي و شكلها طيبه و بنت ناس
ندا بادلتها الحضن و هى مش فاهمه اى حاجه
عماد قرب من ندا علشان يسلم عليها بس معتز سبقه : اصلى مبحبهاش تسلم على اى راجل و هى كمان مبتسلمش صح ولا ايه
ندا بصتله و قالت بصوت واطي : اه
ندا كانت شايفه معتز مشحون من عماد و نبيله واقفه طيبه : طنط تعالى هنتغدا ماما جايبالى اكل حلو جدا
نبيله : لا يا حبيبتى انتم لسه متجوزين مينفعش احنا هنروح عند اختى و ابقي اجي اطل عليكم
ندا : لا والله مش هينفع اتفضلو
...........
عند عادل و عليا كانوا وصلوا البيت
عليا : معتز ابن ناس ربنا يهدي سرهم يارب
عادل موبايله رن
عليا : مين
عادل وجهلها الموبايل و هو ساكت
عليا : يلهوى نسيت لازم نروح نجبها انا تعبت ربنا يعجل الموضوع دا بقي
عادل : خير إن شاء الله
.............
معتز نادى على ندا بعيد : كان لازم تدخليهم ! ما هما كانوا هيمشوا
ندا : عيب كدا دول ابوك و امك ايه الابن دا
معتز ببرود : دا جوز امى مش ابويا مستحيل يكون ابويا شكله كدا اصلا و بعدين انا مش وحش لو على امى هشيلها جوا قلبي و اقفل عليها بس جوزها دا ......
ندا حطيت ايديها على بوقه : عيب علشان طنط ارجوك
معتز فضل ساكت و باصص ليها و هى شالت ايديها
معتز : انا هخرج ليهم و هاتى الاكل اما نشوف اخرتها
معتز خرج و ندا قالت لنفسها : انا مش عارفه حاسه ليه انك حد قريب منى اوى و اعرفه
.....
برا
كان معتز قاعد مع أمه و ندا جابت الاكل و اتغدوا و بعدين ندا دخلت تجيب عصير
عماد : فين الحمام
معتز : هناك جنب المطبخ
عماد غسل و خرج و شاف ندا دخل عليها فجأه و ندا مكنتش واخده بالها
عماد : الا انت اتأخرتى كدا ليه يا حلوه
ندا اتخضيت و رميت الصينيه من ايديها
- يتبع الفصل التالي اضغط على ( رواية دعينا نعود كما كنا ) اسم الرواية