Ads by Google X

رواية كان ممرضا لقلبي الثالث 3 - بقلم مريم سمير

الصفحة الرئيسية

  رواية كان ممرضا لقلبي كاملة بقلم مريم سمير عبر مدونة دليل الروايات


  رواية كان ممرضا لقلبي الثالث 3


_اعيطها ! والله ابدا ، يمريم ! 

طلعت من الاوضه =أيوة ، الاه ! سبوه بقولكم سبوه

سبوني ف وقفت جمبها _اصيله ، تمر فيكي الكام ساعه الي لسه عارفين بعض فيهم 

بصتلي بزعل وسكتت 

*امال بتعيطي لي يحبيبتي ؟ 

=عشان وحشاني بس 

حضنتها *الاه مش كنتي تقولي بدل منبهدل الراجل كده

_يطنط نفسي بجد تستفسري عن الحاجه قبل الضرب ، اقسم بالله نفسي 

*هي مين دي الي طنط !

_يست المعلمين ، انتي تقعدي تفطري معانا بقي 

*لا هسيبكم انتوا عشان تاخدوا راحتكم ، لمؤاخذه يا احمد علي الي حصل 

_قصدك عشان قطعتيلي الخلف ؟ لا لا فداكي عادي بتحصل مفيش مشكله 

*فتكم ب عافيه 

_الله يسترك 

مشيت ورجعت وقفت قدامها 

_في أي يمريم ! بتعيطي لي ؟

=مش بعيط 

_هو أنا مش لابس النضاره اه بس مش اعمي يعني 

=اعملك الفطار ؟

مسكت أيدها وقربتها مني _في أي بجد؟ 

بعدت =مش عارف في أي !

_عاوز اعرف والله ، ف ها حصل أي ؟

=سماء أي ؟

_سماء ربنا هو انتي مولوده من ساعتين ولا اي !

=سماء يا احمد الي كلمتك وقالتلك مجتش المستشفى لي يبيبي !! 

_قالت يبيبي ؟

ربعت ايدها =أيوة قالت ، لو فيه واحده في حياتك مقولتش لي ؟

ضحكت _يبنتي أنا متجوزك تحت تهديد السلاح أنا مكنتش عارف ابلع ريقي اصلا !

=خلاص تمم ، زي مدخلت حياتك فجاه همشي ، وهقول لماما اني انا الي عاوزة أطلق 

_خدي يبت هنا ، طلاق أي الكلمه دي مبتتقلش هنا 

=..

_سماء دي زميلتي في الاستقبال وقالتلي أنها معجبه بيا من فترة بس انا مكنش في دماغي ارتباط ولا الكلام دا ، يعني أنا مليش ذنب ! 

=ايدا ! احمم معلش فهمت غلط 

_ربنا ينتقم من كل حد بيظلمني ، منك لله 

=خلاص يا احمد في أي !! 

_اسألوني طيب قبل متحكموا ، انتوا لي بقيتوا قادرين كده ! 

=مخلاص قولت، كنت فاكره انك بتخوني 

_طب بذمتك دي واحده تتخان؟ لي هو انا عبيط! 

=ايدك لا توحشك ينجم 

_نجم !!

=اه استني 

اتكلمت بسهوكه =يبيبي ، هدخل اعمل فطار 

_استني مفيش حاجه جوا !! 

=منا نزلت السوبر ماركت جبت شويه حاجات كده 

_وحيات امك ! لي يعني تنزلي تجيبي انتي ؟ هتبقششي عليا مثلا!  متجوزة سوسن صحبتك ولا اي !!

=أنا مش قصدي ، كنت بس .. 

_انا مبحبش كده ، أنا الي هصرف هنا ، هجيب ب المرتب لبان يعني ولا ايي ! 

=أنا بس كنت عاوزة احضر الفطار قبل متصحي عشان تاكل علي طول 

_لا يستي شكرا مش جعان 

=استني انت طلعت قموصه !

_قموصه !! لا والله مش حكايه كده بس مينفعش الي عملتيه دا 

=خلاص متزعلش ، حساب السوبر ماركت ٧٥٠ ج ونص 

_حاكم أنا بحب المشاركه في المصاريف علي فكره ، وانتي من حقك تدفعي، روح التعاون لازم تكون بينا 

ضحكت ف بصتلها _متجيبي حضن وانتي بت حلوة كده 

=احترم نفسك 

_احترم نفسي !! هدخل اجيب الفلوس وهتاخديها ، ولو حصلت تاني ه..

=هتعمل أي ؟

_مش عارف بس اكيد هعمل حاجه ساعتها يعني 

دخلت المطبخ تجيب الفطار وانا دخلت جبت فلوس من البنطلون 

ادتلها الفلوس _دول ٧٥٥ ج هاتي اربعه ج ونص 

ضحكت =يبني بقي ! 

_الحق حق معلش بقي ، ولا هو نصب علني ، ولا أكمني غلبان بيضحك عليا علي طول ؟

=يبقالك يبقالك في ذمتي حاضر 

_طب متجيبي حضن ونبقي خالصين 

=هو الحضن ب ٤ ج ونص !! 

_لا الخمسه 

=يراجل !!

_خلاص واحد 

=كل يا احمد ، كل ربنا يهديك

كلنا وشالت الصنيه ودخلتها المطبخ وقدمنا علي الركنه

=هتصل بصاحبي يقدملي علي الإجازة ، هيتفاجئ إن ربنا هداني اصل كنت عارف بنات كتير اويي بس ربنا تاب عليا 

_يا احمد بنات أي انت مكنتش حد عارفك غير مامتك ! 

=طب أنا هثبتلك ، اسمعي اسمعي 

=ايوة يا محمود ، أنا اتجوزت خدلي إجازة اسبوع 

*مين دا الي اتجوز ! 

بعدت الفون شويه =شوفي مصدوم ! بنات كتير هتنتحر

*احمد الي مكنش عارف قطه حتي اتجوز ! 

=بس يحبيبي بس ، دا انا كنت خاربها 

*خاربها أي منك لله ، دا انا كنت بحتايل عليك اظبلك

=مخلاص بقي يحبيب اخوك ، المهم شوفلي حوار الإجازة دا 

*خلصانه يسطا ، الف مبروك يعم 

=الله يبارك فيك ، عقبالك 

*عقبالي أي يعم هو انا عبيط !

=كتر خيرك يمحترم 

قفلت وهي ميته من الضحك 

=حاكم بيقول كده عشان خايف عليا من الحسد 

_ايوة أيوة 

=يبنتي بقولك كنت مقطع السمكه 

_انت علاقتك ب السمك السمك المقلي متظطش !

=خلاص نعوض بقي دلوقت بما انك موجوده 

_لو قربت سنتي كمان هصوت 

=حاكم امك باين عامله معسكر تحت البيت ف نهدي شويه بقي 

_اعمل فشار ؟

=مريم !!

_اعملك عصير مانجا ؟

=يبنتي 

_بتشرب قهوة ؟

مسكت أيدها =يسطا 

بصت لإيدي ورجعت بصتلي _ دا حقيقي ولا بجد ! 

=طب أثبتلك أنه حقيقه بقي 

_ازاي ؟

قربت ف قامت بسرعه = لا انا كده الي هصوت هو في أي !! 

_مفيش ، بس عاوزة اعمل الغدا 

=اي اي غدا أي دلوقت !! ، طب قوليلي انتي عندك كام سنه؟ 

_انت اكبر بسنتين 

=22 يعني ، حلو 

_هو أنا ممكن اطلب منك طلب؟

=أكيد

_ممكن تعلمني اقرأ واكتب ؟

= دا انتي تطلبي بس 

_شكرا يا احمد بجد ، دي حاجه كبيره ب النسبالي

=العفو ، انتي زي مراتي بردو 

ضحكت _ماشي يعم كتر خيرك 

=احكيلي بقي عن نفسك عشان اعرفك اكتر 

_بابا متوفي زي منتا عارف ، ماما طيبه والله بس لازم تبقي شديده عشان محدش يطمع فينا ، ماما احن حد عليا وعوضتني غياب بابا ، واي كمان يسيدي اه بحب اطبخ اوي علي فكره انت خدت ست بيت محصلتش 

=هندوق ونحكم ، بس صحيح قولتي لمامتك عليا ازاي؟

ضحكت _لما لاقتني برفض في العرسان ومفيش فايده خافت بقي ، قالتلي انتي في دماغك حد ؟ قولتلها بصراحه كده اه، قالتلي مين قولتلها احمد جاسر قالتلي الممرض الي بسبته اكتر مبتاوب ؟ قولتلها اه هو وبس يسيدي وزي منا شايف كده

عدلت شعري _يعني بتحبيني يعني 

=استوب يكريزما ، احب مين !

_اي زكاة عن صحتك ولا ايي 

=لا مفيش كلام من دا ، مبحبش حد أنا 

_يستي هو انتي لو قولتيها هنقول الي حبت اهي !! 

بصتلي بتحدي =انت الي هتقولهالي الاول 

_اوبا علي الثقه تعجبيني 

=امال انت فاكر أي يبني ، وبعد متقولها ابقي افكر بقي 

ضحكت _الايام بينا ، حاسس نفسي في فيلم مش قادر استوعب كل الي حصل 

=والله وانا  

الباب خبط _ادخلي جوا وهشوف مين 

=حاضر 

فتحت الباب ف لقيتها سماء _ايدا في اي ! 

*انت اتجوزت يا احمد ؟ 

=احيه !!

  رواية كان ممرضا لقلبي الثالث 3 -  بقلم مريم سمير
nada eid

تعليقات

ليست هناك تعليقات
إرسال تعليق
    google-playkhamsatmostaqltradent