رواية جبابره الاسد كاملة بقلم الكاتبة مليكة عبر مدونة دليل الروايات
رواية جبابره الاسد الفصل الثاني
جيهان بصدمه: انت قولت اي؟
فاضل:تعالي يا جيجي اسد عاوز يتجوزك ، اي رأيك!
جيهان بسخريه: لا و الله و ده من امته ، انا اساسا مشفتهوش من سنين مره واحده كده جواز، طب فرضا هنتجوز انت تعرف عني اي اساسا بحب اي بكره اي بنام امته، انت اسا....
وقبل ما تكمل كلامها قاطعها اسد: انتي فاكره اني انا معرفش الكلام ده ، اه انا شوفتك من شويه بس انتي من عيله عز الدين ، ده حتي الخدم اللي في القصر انا عارف عنهم كل حاجه ، ف بلاش كلام حقوق المرأه ده عليا انا بالذات، و بعد كده لما تتكلمي بلاش صوت عالي تمام؟ علشان تصرفي هيزعلك مني، احنا لسه بنتعرف ،
بص لعمه فاضل وهو بيقوم من علي الكرسي: حضر نفسك يا عمي الفرح اخر الشهر يعني بعد ثلاثه اسابيع ، وهبعت السواق مع المساعده بتاعتي علشان تشوف هي عاوزه اي ، حضري نفسك يا عروسه !
مشي ببرود وهي بتشيط منه
جيهان: بااارد ، تلاجه ، ...تلاجه اي ده فريزر ، ده الفريزر ارحم منه !
أما فاضل قعد يضحك عليها ومسك ايدها وقعدها علي رجله
فاضل بهدوء: جيجي بصي ليا .
جيهان بصت ليه وفاضل اتكلم: انتي عارفه انك الوحيده اللي باقيه ليا و اكيد مش نختار ليكي غلط و اسد انسان كويس جدا و اي بنت تتمناه و انتي عارفه كده كويس و كمان عمره ما صاحب بنت علشان هو راجل و فاهم كدا وبعدين انا مش عارف انتي متضايقه لي مش ده حبيب القلب!
جيهان بكسوف: اي اللي انت بتقوله ده بس يا بابا ده زي اخويا.
فاضل ضحك جامد: يا بت عليا الكلام ده ، ده انا اللي مربيكي و انا عارف من صغرك و انتي بتحبي اسد رغم خوفك منه بس ده و شاور علي قلبها بيحبه و الحب مش حرام القلب مش ب ايد حد و انا عارف انك بترفضي علشان هو سافر و لما رجع قرر أنه يعيش لوحده و انت متضايقه علشان كده مكنتيش راضيه تيجي معايا علشان ماتشفهوش وعارف انك رفضتي الدكتور محمود اللي بيدرس ليكي علشان انتي بتحبي اسد و انا فخور بيكي انك معشمتيش حد و يا عالم ممكن اسد يحبك و تعيشوه سوا وتخلفوا أما لو شايله هم محمود ده هو اكيد هيتجوز ويكمل حياته و ياعالم يا روحي ممكن ابنك او بنتك يتجوز بنته او ابنه
جيهان حضنته :شكرا اوي يا بابا انا بحبك اوي
فاضل بحنان: وانا كمان بحبك يا بنتي الحلوه و يلا يا عروسه بقا علشان تحضري نفسك.
___________________
و تمر الايام وسط تحضيرات الفرح و شمس مرات رأفت دايما مع جيهان هي و وجد مرات أليف بيساعدوها دايما أما اسد مش خالص من اصحابه المجانين وتريقتهم عليه أن اسد خلاص دخل القفص ، وبعت لأكبر مصممين الازياء في العالم علشان يعملو فستان فرح جيهان
أما هو من جواه حاسس بفرحه
وجيهان قررت تعترف لأسد بحبها حتي لو هو مش بيحبها بس يكفي شرف المحاوله
ولما عرف نائل الحديدي جواز جيهان من اسد قعد يتوعد لأسد بالموت و لجيهان و فاضل.
أما فاضل اطمن علي بنته وعارف أن هيجي يوم و اسد هيحب بنته زي ما هي بتحبه
و وسائل الإعلام كلها بتتكلم عن جواز اكبر رجال الأعمال في مصر و العالم و بيحاولوا يعملوا لقاء صحفي
و المصممين خلصوا الفستان في خلال الثلاثة اسابيع علي طلب اسد وليه لا مين ميعرفش الاسد وجبروته و قوته
وطلب من جون الاندلسي صديقه و رجل اعمال روسي لي ثقله و هو و اسد صحاب من زمان يراقب نائل الحديدي لانه شاكك أنه شغال في أعمال مشبوهه و فعلا جون عمل اللي اسد طلبه و بيراقبه طول الوقت أخباره عند اسد دايما وجمع عنه معلومات كتيره
________________
يوم فرح اسد وجيهان...
اسد بعت الفستان لجيهان والكل اتفاجأ من جماله والذوق العالي للفستان
شمس: تحفه اوي الفستان يا جيهان
وجد: معاكي حق يا شمس
وتلاقي وجد ايد صغيره بتشد الفستان بتاعها تبص تلاقي بنتها جيسي هي اه مش امها اللي خلفتها بس هي اللي ربتها زي بنتها وبتحبها اكتر من بنتها كمان
جيسي بطفوله: مامي مامي
وجد شالتها: نعم يا قلب مامي
جيسي: انا ثعلانه من اثد عثان مث جبلي فثتان زي جيجي
(انا زعلانه من اسد علشان مش جبلي فستان زي جيجي)
وجد: يالهوي علي اللي زعلان لا مينفعش خالص شوفي يا ست جيهان جوزك عمل اي
جيهان ضحكت: ماله بس جوزي
وجد بطفوله: مش جابلي انا وجيسي فستان زيك ليه بقا هو انتي احلي مني في اي وبعدين انا أخته وهي بنت أخته و اخوه
جيسي بضيق طفولي: علي فكله اثد ده بتاعي انا و بث و انتي خدتيه مني وهو كان قالي اني هبقي علوثه وهو العريث
(علي فكره اسد ده بتاعي انا وبس و انتي خدتيه مني وهو كان قالي اني هيبقي عروسه وهو العريس)
الكل ضحك علي خفه دم جيسي و وجد حضنتها بحب كبير: ياربي علي بنتي الحلوه اعمل اي بس و انتي عسل كده
جيسي: مث انتي عايزه تعرفي تعملي اي هاتي تليفونك
وجد بأستغراب :ليه
جيسي بضيق طفولي : وجد بلاش رغي كتير
وجد بصدمه: رغي و وجد بنت انا امك!
أما شمس وجيهان دمعوا من الضحك
جيسي: هاتي بقا اوف
وجد: خدي خدي احسن تضربيني
جيهان هي وشمس قعدوا يضحكوا لما جيسي نزلت من حضن امها وقعدت تنط علشان تجيب السرير والكل بيضحك و وجد حركت رأسها أن مفيش فايده من بنتها وبعد محاولات طلعت علي السرير ومسكت التليفون و اتصلت علي اسد
في الوقت ده اسد كان قاعد مع أليف و رأفت بيهزروا ويضحكوا سوا وتليفونه يرن باسم وجد
أليف بأستغراب وخوف: اي ده وجد بتتصل عليك ليه
اسد: اهدي هرد اهو
اسد: الو يا وجد
وفتح الاسبيكر علشان الكل يسمع
أما في الوقت ده جيسي فتحت الاسبيكر والكل متابع الموقف
جيسي: انا مث وجد يا اثد اي نثيت حبيبتك
(انا مش وجد يا اسد اي نسيت حبيبتك)
أما اسد ضحك و قلب جيهان بقا يدق جامد
اسد بحنان : يخرابي هو انا اقدر ده انتي قلب اسد
جيسي: طب انا قلب اثد نثيت عروثتك وهتتجوز وكمان مث هتجيب ليا فثتان زي جيجي
(طب انا قلب اسد نسيت عروستك وهتتجوز وكمان مش هتجيب ليا فستان زي جيجي)
أليف: يا بت هو خلفك ونسيكي مش انا و انتي نزلنا جبنا واحد
جيسي: أليف اقعد انت دلوقتي علي جنب انا مث طايقه نفسي وبكلم اثدي اثكت انت
(أليف اقعد انت دلوقتي علي جنب انا مش طايقه نفسي و بكلم أسدي اسكت انت)
أليف بفخر: تربيتي يجماعه
الكل ضحك
اسد: بس كده عيوني قبل الفرح واحد هيبقي عندك
جيسي : أما نثوف ويبقي احلي من بتاع جيجي
اسد بضحك: حاضر بس قولي ليا الفستان عجبك
جيسي: اه جدا اثدي وكمان جيجي عاجبها اوي و قعدت تعاكس فيك قدامي
جيهان بسرعه شدت منها التليفون
جيهان بغيظ:عيله زبا*له
كلمت اسد: احم المفروض اقفل دلوقتي و شكراً علي الفستان حلو و قفلت في وشه بسرعه
أما هي بصت ل جيسي بغضب و جيسي بلا مبالاه و مشيت و وجد و شمس قعدوا يضحكوا
و عند الشباب اسد بص بصدمه للتليفون وبعد كده بص لاصحابه ويقعدوا يضحكوا
و اسد:بعت فستان ل جيسي ف قمه الجمال و الروعه و بدله باللون الاسود لفهد
و جيهان لبست الفستان وجهزت وكانت جميله جدا و عزمت أصحابها اللي في الجامعه و اسد لبس بدله باللون الاسود و مشط شعره بأحترافيه شديدة و رش عطره وكان جذاب بحق و كل أصحاب جيهان قعدوا يعاكسو فيه وجيهان نزلت مع فاضل و هو انسحر بجمالها وهي كمان و فاضل سلمها ليه وشال الطرحه من علي وشها و باس راسها و راحو يرقصوا
و اللي كان متابع محمود دكتور ل جيهان في الجامعه هو اه بيحبها بس هو عاف انها بتحب ابن عمها و ليها حق أن كل البنات اللي في القاعه هيموتوا عليه و قرر قراره النهائي
و خلص فرح جيهان و اسد وسط مباركات رجال الأعمال لأسد السوق والعالم و العيله
و راحو القصر و طلعوا الأوضه بتاعتهم
اسد بهدوء: غيري هدومك وتعالي علشان عايز اتكلم معاكي
جيهان: ماشي
و راحت غيرت هدومها و لقت اسد قاعد علي الكرسي اللي في الأوضه وشاور ليها تقعد علي الكرسي الليي قدامه
قعدت
اسد: جيهان انا عارف انك مش كنتي راضيه عن الجوازه بس
قاطعته جيهان مره واحده و بدون مقدمات: بحبك
اسد بصدمه : نعم قولتي اي
جيهان: انا بحبك يا اسد من زمان من ساعه ما كنت صغيره عارف أمتي لما المس بتاعتي ضربتني و انت روحت و زهقت ليها وخدتني و روحنا كلنا ايس كريم سوا وخدتني في حضنك انا بحبك من وقتها بس انت سافرت و اتعلمت برا و بعد كده جيت وعشت لوحدك علي فكره انت مش مطالب تبادلني نفس الشعور و انا عارفه انك اتجوزتني علشان تحميني من نائل الحديدي صدقني لو لقيت حبك أنا هسيبك علشان تكمل حياتك مع اللي بتحبها حتي لو مش انا المهم انك تكون سعيد .
وجات تقوم و فجاه.......
يتبع الفصل التالي اضغط على (رواية جبابره الاسد ) اضغط على أسم الرواية