رواية حارسي الشخصي مجهول الهوية الفصل التاسع و العشرون 29 - بقلم سندريلا انوش

    رواية حارسي الشخصي مجهول الهوية بقلم سندريلا انوش

 رواية حارسي الشخصي مجهول الهوية الفصل التاسع و العشرون 29

ثم دلف مأذون وخلفه منصور بحليه رماديه وباقه من الورود الحمراء قائلاً:دا لو فيها عيوب الدنيا والله ما هسيبها.

فخرجت ندي عندما سمعت صوته وهو يتحدث لتصعق مما تشاهده..

فقهقه بقوه قائلاً:خشي يابت اغسلي وشك وتعالي ببطاقتك..انهاردا ليلة فرحنا.

ظل واقفه امامه لا تصدق ما تفوه به حتي سحبتها والدتها الي غرفتها واخرجت فستان بسيط للغايه قائله:البسي دا بسرعه..عبال ما اتصل علي خالك.

وبالفعل اتي خالها كريم..علي عجله من امره ثم وقف يلهث امام باب الشقه قائلاً:اي يا صفاء..في حد يعمل اللي عملتيه دا.

فنهض منصور وصافحه قائلاً:معلش يا خالي بس الموضوع مينفعش يتسكت عليه..وندي هتكمل علاجها وهي علي ذمتي..عشان اعرف اتصرف من غير قيود او قلق من اي فتنه.

ثم مال علي اذنه واكمل:انت عارف اهل الحاره..لسانهم مبرد.

ثم ابتعد فضحك كريم بخفوت واتجه الي صفاء واحضتنها قائلاً:مبروك يا صفاء.

فعانقته بقوه وحب منذ الطفوله فهو كان دائما يقف بجانبها في الشدائد وهو من واجه والد ندي واجبره علي كتب ندي باسمه..

وهنا فتحت ندي باب غرفتها وخرجت بخجل ثم جلست بجانب خالها الذي قبل جبيناها بحب قائلا:كبرتي وبقيتي عروسه يا ندي.

فاحمر وجهها بحمره طفيفه..فنظر منصور اليها..لا ينكر ان شحوب وجهها وذلك الاصفرار الغريب الذي يحتل قسمات وتعابير وجهها انصرت علي ملامحها الجميله..

ولكنها ستظل في اعينه أجمل نساء العالم..

في الاسفل.. 

خرجت هند من نافذتها ونظرت الي منزل منصور فوجدت شرفته مفتوحه فعلمت انه رجع.. 

ولكن صوت الطبول وتلك الاغاني الشعبيه التي لا تعزف الا في مناسبات الزواج..لفت انتباهها..

فعقدت حاجبيها باستنكار قائله:مش ممكن.

ثم دلفت بسرعه وجذبت وشاح خفيف ونزل غير عابئه لصراخ والدتها بها..

حتي وصلت الي بنية ندي..وصعدت السلم علي عجله..

حتي وصلت الي شقة ندي ورأت منصور وهو يمضي علي عقد الزواج..

فتراجعت للخلف وضغطت علي قبضة يدها بقوه..

وفرت دموعها علي صدغها..بمجرد سماعها..

بارك الله لكم وعليكم وجمع بينكم في خير..فقبل منصور جبين ندي قائلاً:اكيد خير باذن الله طول ماهي معايا.

فاحتقنت اعين هند ثم جزت علي اسنانها ونزل راكضه الي منزلها ثم اهرجت من خزانتها وشاح لونه اسود قائله بكل ما اوتي من حقد وكرهه:مش هتكمل هتموتي يا ندي هتموووتي.

ثم اخذت ذلك الوشاح ونزلت مجدداً وذهبت الي ام بطه واقتحمت منزلها بكل غجريه فوجدت أمرأة تجلس معاها وتتحدث عن امور السحر..

فالقت ذلك الوشاح وقالت:عاوزاه تموت تعباها دا مش كفايه..ثم خلعت احد اسورتها الذهبيه وقالت:دا تمن السحر..انا عوزاه دلوقتتت..تسلطي جن عاشق بقي تهببي اي زفت المهم جوازتهم دي تفسسسددد.

فاخذت ام بطه ذلك الوشاح وقالت بمكر:عاوزه الجوازه تبوظ تجبيلي حاجه تخص منصور عشان العمل يكمل.

فنظرت هند بقلق وقالت:انا عوزاها هي اللي تتأذي مش هو! 

فتحدثت تلك السيده التي تجلس قائله:من غير ما تجيبي حاجه تخصه..انت عارفه اسم امه! 

فهزت راسها بالموافقه..

وبعد ساعه اخذت هند بالفعل ما سيقضي علي حياة ندي بالكامل..

ذهبت الي المقابر ليلاً ووضعته بجانب السحر الاول..

اما عند ندي..

فذهب الجميع من عندهم وتبقي خالها وامها ومنصور..

فحمحم منصور قائلاً:طب اناا..هاخد ندي في شقة ابويا مؤقت لحد ما شقتنا تكمل.

كادت ان تعترض امها ولكن خالها قال:وماله يابني دي مراتك ومحدش يقدر يقولك تلت التلاته كام! 

فابتسم منصور بحرج وقال:متخافيش يا حماتي انا هشيلها في عيني ومن بكرا كمان انا اللي هتابع معاها كل الجلسات.

فابتسمت والدتها وربتت علي ظهر ابنتها وقالت:ربنا معاكوا يابني..بس انا هاجي بردو معاكوا.

فنهض منصور وقال:زي ما تحبي يا حماتي عادي..ثم نظر الي ندي وقال:اي.

فرفعت راسها بخجل وقالت:اي في اي؟!

فنظر الي خالها وقال:اااه دي عامله نفسها هبله! 

ثواني وكانت بين يده فشهقت بحرج وهي تحاول النزول فكبلها بقوه وقال:ناولي باقة الورد امو 150ج دي كدا يا خال.

فضحك بقوه واعطاه باقة الورد فوضعه في احضانها وقال:سلاموعليكو.

وخرج من منزلها ثم نزل السلم قائلاً بضيق:انت خسيتي كدا لي؟!

فوضعت راسها علي منكبه وقالت بسخريه:خسيت بس؟!..انا شعري بيقع يا منصور..انا خايفه اقلع طرحتي قصادك..هتتخض من منظري.

فخرج منصور من منزلها وسار في الحاره قائلاً:اي دا هو انا معرفتكيش؟!

فابعدت راسها ونظرت اليه بغموض:معرفتنيش اي؟!

فدلف منصور بنيتهم وقال:اني بحب القرع؟!

فنظرت اليه بعدم فهم..ثم ضحكت بقوه وقالت بضيق مزيف:انا مش قارعه ياض لسا في شعرتين.

فوصل منصور الي شقته ثم دفع الباب بقدمه ففتح ودلف قائلاً:هنشوف كل حاجه دلوقت..بس الاهم انك معايا.

ثم اغلق الباب واتجه الي الاريكه ووضعها برفق ثم جلس بجانبها وصمتوا قليلاً..

قبل ان تقول هي:هي ازاي الشقه نضيفه كدا انت جيت بدري اوي كدا؟؟

فابتسم بسخريه وقال:لا لا جبت واحده نضفت عبال ما جيتلك وكدا..ثم تنهد بضيق وقال:ندي عاوز احكيلك حاجه بس ياريت دا ميأثرش علي علاقتك بأختك هاله.

ثم قص عليها ما حدث بالصباح حتي جاء الي مصر..

بينما صعقت ندي بما يقوله فكيف يفعل كامل كل هذا ولاجل ماذا..ولما ذلك الحقد والغل..

فتنهدت بضيق ثم ابتسمت قليلاً وقالت:ميهمش اتقفل باب هيتفتح غيره باذن الله.

فابتسم منصور وقال:باذن الله.

فتوترت ندي قليلا وكان يبدو عليها التردد قبل ان تقول:منصور هوو..هو ممكن احلق راسي!

فنظر اليها بتفحص ثم نظر في عيناها وجد بصيص من الاصرار..

فتنهد وقال:طالما انت عاوزه يبقي مقدرش ارفضلك طلب.

وبالفعل احضر منصور ادوات الحلاقه ثم جلس امامها وقال:عاوزك تكوني عارفه انك مهما تتغير ملامحك هفضل بحبك.

فهزت راسها بالموافقه...

فقبل جبينها..وبدء في خلع حاجبها رويداً حتي انتهي من اخر قطعه..ونظر الي خصلاتها التي تكاد ان تعد علي الاصابع..

فمرر يده بين تلك الخصلات وقال بمزاح:طلعوا اربع شعرات يابت..انت بتضحكي عليا ولا اي؟! خايفه احسدك! 

فضحكت ندي بخفوت وقالت:طيب انت هتبدء هناا..هنوسخ الدنيا كدا.

ولكنه لم يعطيها اهتمام بل بدء بالفعل في حلاقة باقي خصلاتها..

بينما اغمضيت عيناها بقوه وهي تشعر بكل هصله تسقط من فوق رأسها..

ولكنه لم يكمل الحلاقه لها ولكنها ظلت تستمع الي صوت تلك الآله ففتحت عيناها وجدت يحلق راسه مثلها وعلي وجهه ابتسامه هادئه..

وهنا لم تتمالك نفسها فانفجرت فالبكاء..فاحضتنها منصور من الخلف وقال:كل خطوه معاكي همشيها زيك بالظبط..لحد ما تخفي يا ندي.

مر شهر..

شهر وهيثم يفكر..ماذا سيفعل في اخيه! 

حتي اتصل بدرغام..فاجابه بفتور قائلاً:اهلا بالعيل اللي مجرينا وراه وفي الاخر خلف بوعده! 

فابتلع هيثم ريقه بتوتر وقال:درغام..انا مش قادرر ابلغه عنه..انت عارف يعني اي اخوياا..انا في نار والله العظيم.

فصمت درغام قليلاً وقال:طيب والاء!..الاء اللي مهند موقف حياته كلها عشانه..ومين اللي قتلها..مش اخوك! وابوك مين اللي قعدته في فرشته من اخوك! ومين اللي طلع اشاعه عنك انك انتحرت مش اخوك!..ومين اللي حاول يقتلك بدل المره اتنين ولا ورا بعض كمان يعني مصمم..مش عزيز اللي عمل كدا دا هيثم! 

فتنهد هيثم بيأس وقال:ايوا هو.

فصاح درغام بغضب:انا ماااسك نفسي عنه بالعافيه..ناهيك عن الديب..ولا مهند ولا فاسم ولا لا..كلنا ساكتين عشانك يا هيثم بيه..وانت! انت ساكت انت كمان..انا بخلي مسؤوليتي عنك..انا بكرا مسافرله وهخلص عليه بنفسي.

فصرخ هيثم بهلع ثم هدر بدرغام بقوه:لا يا درغام اهدي عشان خاطري انا بس اهدي انا هبلغ خلاص هبلغ.

فتنفس درغام بهدوء قليلاً وقال:تصور فيديو ليك حالا وتبعته لمحرز يرفعه علي موقع الجريده والسوشيل ميديا..وسيب الباقي علي سلطات بلادكم. 

فتنهد هيثم بضجر ونظر خلفه وجد روز تنظر اليه بترقب فقال لدرغام وهو ينهي حديثه:بلغ محرز يجهز كل حاجه.

ثم اغلق هاتفه ومسح وجهه بضيق..فاقتربت روز ووضعت يدها علي كتفيه قائله:لازم حد يقف قصاده يا هيثم..والا هيكمل في طغيانه.

فاستدار هيثم ونظر اليها باعين محتقنه:مش قادر اصدق ان دا عزيز اللي ربيته علي ايدي يا روز..مش قادر اتخيل اني بقف قصاد اخويا الصغير واكنه أكبر عدو ليا.

فتنهدت روز بقلة حيله ثم هزت منكبيها قائله:هو اللي اختار يا هيثم..هو اللي اختار طريقه.

فهز راسه بالموافقه ثم نظر الي تلك المساحه الخضراء قائلاً:هطلع لايف دلوقت وحالا.

عند ميساء..

جلست بلهفه فهي الان سترى كل ما ماهو حولها..فلا دعي لتلك العصابه التي تحجب اشعه الشمس عن عينها خوفاً من ان تفسد عمليتها..

بدء الطبيب في نزع تلك العصابه فظهرت عيناها وهي مغمضه..

الطبيب بجديه:افتحي عينك بهدوء يا انسه ميساء كدا.

فبدءت في هز جفونها بعصبيه حتي بدءت تظهر مقلتيها بروي..

ولكن الرؤيه كانت مشوشه..فهزت راسها بالنفي قائله:مش شايفه حاجه..انا شايفه ضوء بس اشخاص لا..شبه شبه..

فسبقها الطبيب قائلا:غيامه علي عينك..دا شيء طبيعي.

ثم استأذن من والدها واحضر دواء واسقط منه قطرات صغيره في عيناها..

فاغمضتها بضيق قليلا..وفتحت اعينها مجدداً ولكن هنا..توقف قلبها عن النبض! 

عندما رأت والدتها نصب عيناها وبجانبه الطبيب..

فنهضت بسرعه واحضتنت والدها بقوه وبكت..فضحك الطبيب بخفوت قائلاً:مبروك يا انسه ميساء العمليه كدا نجحت.

فنظرت الي الطبيب وشكرته بقوه..وخرجت بين احضان والدها ولكنها صرخت بقلق وقالت:يالهوووي انا نااسيه ندي! 

فعقد ابيها حاجبيه بتعجب وقال:مين ندي دي؟!

فاخرجت هاتفها من حقيبتها وقالت:صحبتي يا بابا دي حالتها الصحيه صعبه اووي الورم اللي في المخ تضخم ومحتاج عمليه بفلوس كتيره اووي..انا وعدتها اني هروح اشوفها في المستشفي العام.

فوقف ابيها امام سيارته وقال:طيب تعالي اوصلك! 

فهزت راسها بالنفي قائله:هروحلها انا بتاكسي..روح شغلك انت يابابا.

فنظر اليها بقلق قائلا:متاكده يا ميساء انت لسا يعني شايفه وممكن يحصل حاجه! 

فاوقفت سيارة اجره قائله:متقلقش يابابا..انا بخير.

ثم قبلت ابيها من صدغه وركبت السياره وانتلقت الي المشفي العام لتري من علي مشارف الموت...

في المشفي..

تتعالي صوت صرخات ندي بقوه من شدة المها القوي..

بينما يقف منصور لا حول ولا قوه له..امام الطبيب الذي يقول:لازم تجمعوا المبلغ دا ضروري لانها لو فضلت من غير العمليه دي لمدة اسبوع..ثم تنهد وقال:هنفقدها.

فمسح منصور وجهه بضيق ودخل مجدداً الي ندي ومسك كفها قائلاً:انا هروح اخد فلوس الشقه من الراجل ونعالجك بيها يا ندي انا مش هستني لحد ما تروحي مني.

فهزت رأسها بالنفي قائله:ل..لا يا منصور..لاا..انا ميته خلاص ميته..اتجوز انت وعيش حياتك..بعدي..ان..اناا..فكمم فمها بيده وقال بغضب:اسكتيي يا مجنونه اسكتي اي الكلام دا انت هتعيشي يا ندي وهنكمل جوازنا وهنجيب عيال وهنشوف احفادنا باذن الله.

فابتسمت ونظرت امامها قائله بقلة حيله:الله يا منصور تفتكر ممكن! 

وهنا نهضت امها من الارض وقالت:انا لازم اتصرف واروحله.

وهنا نهضت ندي بتعب وقالت بصياح مبحوح:لااا..متروحيش..كح كح..اوعي..كح..تروحيله.

فارجعها منصور الي فراشها وقال لامها:روحيله..بسرعه يا حماتي دي بنته واكيد هتصعب عليه.

فهزت راسها باصرار وخرجت راكضه..وهنا اصطدمت باحد..

فاعتذرت وبمجرد ان نظرت الي ذلك الشخص جحظت اعينه بصدمه ثم هزت راسها بالنفي وخرجت راكضه..

فنظرت ميساء امامها وقالت:مش دي ام ندي؟!..ثم شهقت بفزع واقتحمت العنبر وبحثت عن سرير ندي فوجدت منصور يجلس بجانبها وهي في حالة اعياء شديد..

فاحضتنها ميساء بقوه وقالت بعتاب:اسفه يا ندي والله العظيم اسفه بس انت عارفه اني كنت في ظروف صعبه اووي.

فابتسمت ندي بتعب وقالت:ولا يهمك يا ميساء انا عارفه اللي عندك كله..ثم ابتعدت عن ندي وقالت:انا جبت مبلغ من الفلوس ممكن تنفاعكم..يعني ندفع نص وانا هتصرف فالنص التاني من ورا بابا.

فضحكت ندي بسخريه وقالت:انتم بتعملوا كل دا لي انا في الاخر همووت! فلوسكم هتروح في الارض.

فصرخ منصور وهدر بها:قولت انسي سيرررة الموووت ديي.

فتدخلت ميساء وجذبت منصور من ذراعه وقالت:اهدى يا منصور.

فنظر الي ميساء بقلة حيله..

عند ام ندي..

خرجت راكضه ثم استقلت اول سيارة اجره قابلتها وذهبت الي ذلك العنوان المشؤم..التي لم تتخيل يوماً انها ستعود اليه..

حتي توقفت السياره ودفعت ثمن الاجره ونزلت واقفه امام تلك الفيلا القابعه خلف تلك البوابه..

ثم تقدمت ووقفت امام احد رجال الحراسه قائله:الباشا موجود! 

فنظر الرجال الي ثيابها الباليه ثم ابتسموا بسخريه وقال احدهم:لا مش هن..فقطع حديثه صوت بوق سيارة رب عملهم..

فالتفت صفاء الي السياره..ورأته..تقسم ان السنين مرت ولكن لم تغير شيء في ملامحه..مازلت قسمات وجهه توحي يهيبه ووقار..ولكن لا مشكله من بعض التجاعيد الخفيفه..

فاقتربت صفاء ووقفت امام سيارته..ولكنه لم يتعرف عليها!! 

واخرج راسه من النافذه قائلا:وسعي ياست انت من قصادي!

فضربت بيدها علي سيارته وقالت بصراخ:بنتنا بتموووتتت يا عماد..بنتنا ندي.

فنزل من سيارته.وجذبها من ذراعها وقال:انا مش قولتلك مش عاوز اشوف وشك تاني لا انت ولا بنتك! 

فضربته في صدره وقال بانهيار:اول واخر طلب هطلبه منك..محتاجه تمن العمليه بتاعتها..وتيجي تشوفها يا عماد ولو لمره واحده بس.

فنظر في اعينها بجمود فجذبت هي ذراعها من قبضة ثم انحني لتقبل يده قائله:مفيش غيرها راده عليا النفسسي يا عماد..اديني الفلوس وتعال شوفها.

فجذب يده منها بعنف واخذها من ذراعها ودلف بها سيارته وصعد بجانبها قائلاً:قوليلي العنوان.

عند عزيز..

ضرب الكأس في الحائط قائلاً:هيكووونووا راحوا فييين شهر كامل محدش عرف عنهم ولا عنه حاجه..اييي بلعتهم الارض! 

فتراجع رجاله للخلف بينما تقدم احدهم قائلا:جلالتك انا موصليش اي اخبار عنهم بقالي شهر..انا بعت كذا وااحد قالولي انه ادارة شركة روز كل العمال اللي فيها واخدين اجازه من يوم الحادثه حتي حاولت اوصل لاي موظف معرفتش! 

فقال عزيز بهدوء:اطلع برا..فقال الرجل:ب..فصرخ الاخر بقوه:اطللععع برااااااا.

عند هيثم..

انتهي من بثه المباشر الذي حضره الالف والالف من الناس حول العالم لا يصدقون انه علي قيد الحياة..ولكن ما جعل الامر يصدق انه كان حسابه الشخصي الموثق..وليس حساب مزيف او محتال..

ربتت روز علي كتفه قائله:دا الصح يا هيثم انت عرفت الناس الحقيقه.

لم تمر دقائق حتي انتشر الخبر كالاسماك في البحار..

وخرجت النشرات الاخباريه وهي تعلن عن تلك الصدمه التي اهزت لها الاراضي القطريه  ..

بينما فتح الديب هاتفه وجد البث الخاص بهيثم فابتسم بهدوء قائلاً:هو دا هيثم اللي اعرفه.

ناهيك عن اقتحام السلطات القطريه للقصر الخاص بالعائله الملكيه..وتم القبض علي عزيز بتهمت التحريض علي القتل والاخري بتهمت الاغتصاب والقتل المتعمد ل_ألاء_ناهيك عن نشر اخبار كاذبه بشاء موت الملك والوريث الشرعي لتلك البلاد..

عند ندي..

ساعدتها ميساء علي الجلوس فظهرت القلاده في عنق ميساء فشهقت ندي بفزع وقالت:يالهوي انا اعتنقتي المسيحيه! امتي؟؟

فضحكت ميساء وقالت:يا هبله دي بتاعت يوسف..ثم ابتسمت ببريق حزن في اعينها وقالت:لسا فيها ريحته مش هقدر افرط فيها.

في الخارج..

اوقف عماد سيارته امام مبني المشفي المتهالك قائلاً:اتفضلي انزلي.

هنزلت صفاء من سيارته ووقفت بانتظاره..حتي نزل هو ودلف معها الي المشفي..فرمق كل شيء حوله بالاستحقار..

ثم توقف امام العنبر الخاص بندي..واخذ نفساً عميقاً..ودلف وظل يسير وهو ينظر الي المرضى حتي وقعت اعينه علي ابنته ميساء..التي نهضت بنفس الصدمه وقالت:بابا؟؟ بتعمل اي هنا.

فنظر الي تلك النائمه علي فراشها وتنظر الي بتشفي..ثم قالت:انت..انت ابويا صح! 

فنظرت ميساء اليها بصدمه وقالت:دا باباي انا؟؟ از.. ازاي..فنظرت صفاء الي ميساء..فهي تحمل ملامح والدها تلك الاعين والشفتين! 

فاقترب عماد من ندي قائلاً:انت ازاي شبهي كدا؟؟

ثم مد يده وتفحص معالم وجهها بينما ميساء قالت ومازالت الصدمه تعتلي معالم وجهها:يعني طووول الفتره دي كنت مع اختي وانا مش حاسه..طبب ازااي..ثم وجهت حديثها الي والدها قائله:ازاي ندي اكبر مني بخمس شهور ازااي!! 

فنظر عماد الي ابنته وقال:هحكيلكم علي حاجه من البدايه.

عند مهند..

تنهد براحه وهو يري في الاخبار عزيز وهو مكبل الايدي ثم اخرج صورة الاء من جيبه قائلاً:حقك رجعلك يا روح الفؤاد.

ثم قبل صورتها ووضعها في حيبه مجدداً قائلاً:لازم اسافر للقصر بدل ما يكون في حالة فوضى.

عند ندي..

نظرت صفاء في الارض خجلاً من منصور الذي لا تبدو معالم الصدمه الكبيره علي وجهه..

حتي قالت ميساء بعتاب:انت ازاي عملت كدا هه..انت حرمتني من اختي..انا طول عمري كنت اتمني يكون عندي اخت تشاركني حياتي وانت يا بابا بكل بساطه حرمتني من دا.

فانحني عماد علي رأس ندي وقبلها بقوه ثم قال الي ميساء:وانا هصلح كل دا لوقت وهنعيش كلنا سوا.

ثم نظر الي منصور وقال:انت خطيبها مش كدا؟؟

فرفع منصور يده اليسرى وقال:جوزها..بس كتب كتاب معملناش فرح لسا هستناها تقوم بالسلامه.

فاخرج عماد هاتفه قائلاً:مش هتعمل العمليه دي في مصر.

ثم ارسل رساله الي احدي المستشفيات في المانيا..ثم التقط صور لتقريرتها الطبيه..وانتظر الرد..

دقائق ثم اتاه الرد بالموافقه علي حالتها وسترسل الان المشفي طيارة طبيه لتحمل المرضيه اليهم ولكي تقوم بالعمليه في اسرع وقت ممكن.

في المقابر..

كان يسير احدهم..ولكنه سقط بقوه علي الارض وغرزت يده بين التراب بعنف..عند محاولته للنهوض شعر بشيء اسفل يده..

فحفر بفضول واخرج ذلك الكيس الصغير ونظر بمحتوي فوجد ذلك السحر فهلع مما بين يده..

ثم نظر مجدداً الي الحفره فوجد شيء اخر فجذبه واخرجه قائلاً:لا إله إلا الله اي الناس المؤذيه دي.

ثم اتجه الي النيل ووقف اعلي الكوبري..شرع في فتح ذلك السحر وبدء في قرأة القرآن الكريم وآيات تخص ذلك السحر ثم القى به في المياه..

لتنحل عقدة ندي..لان الله اراد ان يختبر قوة صبرها وايمانها وهي نجحت في ذلك الاختبار وايضا لم تجزع من امر الله وقالت لما انا يا الله بل كانت تقول الحمدلله علي كل حال..



في اليوم التالي..

وقف الجميع امام غرفة العمليات بينما ندي كان تجهز حالها للخضوع الي العمليه ولكن في قلبها قوة ايمان قويه..بينما تساعدها ميساء في ارتداء ملابس المشفي وهي تقول:انا اختي زي القمر يا ناس..انجزي بقي جوا كدا عشان عاوزين ناخد جوله في برلين هنا..جايز نعمل فرحكم هنا.

فضحكت ندي بروي قائله:هتموتي وتلبسي فستان سواريه انا عارفه.

فاحضتنتها ميساء بقوه وقالت:انا بحبك اووي يا ندي..عمري ما تخيلت ان يكون عندي اخت ربنا يقومك بالسلامه.

ثم ابتعدت عنها ومسحت دموعها قائله:يلا بطلي عياط وادخولي.

فضحكت بالرغم من المها وقالت:يابنتي انت عبيطه انت اللي بتعيطي مش انا!

ثم مسحت دموع ميساء وقالت:انا هخرج كويسه باذن الله انا واثقه في ربنا اوي.

فابتسمت ميساء..خرجوا سويا وودعت ندي الجميع بحراره..

ودلفت علي اقدامها الي غرفة العمليات..

في قطر..

دلف مهند القصر بهيبته فوجد الملكه تبكي بقوه وتقول:لييي يا هيقم تعمل في اخوك كدا.

فتدخل مهند وقال:وهو عمل كدا لي في خطبتي ولي حاول يقتل اخوه ولي طلع عاق! بعتذر عن وقاحتي جلالتك بس دي الحقيقه.

فهزت راسها بالموافقه ومسحت دموعها قائله:فعلاا انا اللي دلعته يا مهند انا اللي عملت فيه كدا.

فجلس مهند بجانبها وقال:هيثم هيجي بكرا عشان توالي امور الحكم.

فنظرت اليه باعين محتقنه وقالت:يرجعه ربنا بالسلامه ليا.

في الكويت..

جلس كامل مع صديقه..الذي قال بدهاء:بقولك اي يا كامل انا مش راكب في دماغي حكاية ان منصور هو اللي اخد الفلوس وبعدين انت الوحيد اللي قولت اشمعنا محدش فتش مكتبك يا منصور! 

فنظر كامل حوله وقال بهمس:هقولك..انا اللي عطلت الكاميرات واخدت الفلوس وحطيتها في مكتبه عشان ميستحقش كل اللي كان فيه..دا واحد كان حشاش وبلطجي ازاي يشتغل في مكان زي دا؟؟

فرجع صديقه بظهره وقال:واحنا مالنا بالماضي احنا ليا الحاضر وهو كان واحد خلوق ومحترم معانا كلنا وبصراحه بقي ماكنش بيسب فرض!

فابتسم كامل بسخريه وقال:بردو..ميستحقش..انا بس اللي استحق المرتبه دي في الشغل.

فابتسم صديقه بتشفي ثم نهض قائلاً:طيب استاذن انا بقي كدا..عندي شغل.

فصافحه كامل قائلاً:وانا عندي شغل بردو سلام.

فحمل هاتفه واغلق ذلك المسجل ثم بعته الي ابو بدر قائلاً:هو اللي عمل الحكايه كلها في منصور..انت ظلمته يا ريس. 

ظلت العمليه مستمره لعدة ساعات..حتي خرج الطبيب بتعب قائلاً:لقد نجحت العمليه.

فصرخت ميساء بسعاده ثم سجد منصور في الارض عندما ادرك انها بخير..

بل ما ااد فرحتهم ان الطبيب اخبر والدها انها شفيت من سرطان الدم ايضا انها معجزه في حد ذاتها..

ولكن اتي لمنصور مكالمه دوليه! من رقم كويتي..

فاجاب بتعجب:الو!

فاتاه صوت ابو بدر قائلاً:كيفك يا منصور! 

فنظر منصور حوله بتعجب وقال:بخير والحمدلله يا ابو بدر.

فابتسم ابو بدر وقال:انا ظلمتك يا منصور..ياريت تسامحني.

فضحك منصور بخفه وقال:المسامح كريم يابو بدر بس اللهم انك عرفت اني بريئ من الفلوس دي.

فاجابه الاخر بهلفه وقال:وانا بدي اعوضك انا بعتلك اليك مبلغ خمسة الف دينار كويتي علي حسابك البنكي تقدر تتزوج بيهم.

فجحظت اعين منصور بصدمه وقال:بجددد! انت بتتكلم جد يابو بدر.

فضحك الاخر وقال:جد يا منصور..وطردت كامل لانه خائن للامانه.

فضحك منصور بعدم تصديق وقال:الله يعزك يابو بدر الله يعزك.

فابتسم ابو بدر وقال:مبارك عليك الزواچ يا منصور.

فبادله المباركه فقال ابو بدر قبل ان يغلق:اذا تبغي ترجع مافي مشكله..مكانك موجود.

فنظر منصور الي باب غرفة العمليات وقال:لا مش هقدر ابعد عن مراتي بالذات في الفتره دي.

وبمجرد ان انهي منصور المكالمه سجد في الارض..

تزامناً مع خروج ندي علي الناقل توجهها الي غرفتها..

اما في مصر..

كان هند تجلس من امو بطه بصدمه:ازاي اتفك قصدك اي بكلامك دا..هترجع ساليمه تاني؟

فاخذت امو بطه البخور من امام هند وقالت بغجريه:زي ما قولتي بالظبط..ندي هتصحي وانا مش عارفه اخترقها او اخترق طاقتها تاني..دي محصنه نفسها بتلاوة القرآن والصلاه..وذكر الله في كل حاجه.

فجذبت البخور بعنف والقت به في الارض تزامناً مع دخول الشرطه..وصرخ احدهم قائلا:اثبتي عندك انت وهي مطلوب القبض عليكم بتهمتة تعليم السحر واستغلال الناس.

فتراجعت هند للخلف وهو تقول:والله ابدا يا بيه دا هي مش انا ان..اااااااااااه.

سقطت للخلف من النافذه لتصل الي الارضه جثه هامده..فتجمع اهل الحاره حولها بصدمه..

بينما هبطت والدتها وتصرخ قائله:ضيعتي نفسسككك يا هنددد ضيعتي نفسسسسك.

في المساء عند هيثم..

تمسكت روز به وقالت بصوت مبحوح:هتمشي خلاص! مش هشوفك تاني يا هيثم.

فابتسم ببريق حزن طفيف وقال:الغائب عن العين قريب من القلب.

ثم تحسس خصلاتها قائلاً:بوعدك لينا مقابله تاني بس هتكون في ظروف احسن من دي.

فدلف انور قائلاً:الطياره علي السطح انجز.

فتعلقت في ذراعه اكثر وقالت:طب..طبب..خد بالك من نفسك.

فربت علي يدها بلطف وقال:خدي انت بالك من قلبي اللي معاكي.

ثم صعد الي سطح الفيلا وركب الهليكوبتر..ورجع الي بلاده..بينما ودعته روز ودموعها تجري علي صدغها..

ثم رفعت يدها الي السماء قائله:انا واخده قلبك بس انت واخد روحي معاك.

عند ندي..

بدءت تستفيق من المخدر..ونظرت حولها وجدت الجميع نائم..عدا منصور اخذ ركن في الغرفه وجلس به يقرأ فرضه اليومي..حتي انتبه اليها..

فختم ما كان يقرأه..ونهض سريعاً وساعدها علي الجلوس قائلا بهمس:هدي راحتك يا ندي.

فأعتدلت في محلسها وقالت بخفوت:حاسه ان دماغي وجعاني اووي.

فضحك بخفوت قائلاً:مش يمكن عشان عامله عمليه فيها؟؟

فنظرت اليه بتعجب قائله:ايوا صح! 

فقبل جبينها واخبرها بكل ما حدث حتي قالت بصدمه:طب اختي هاله هتعيش ازاي؟!

فهز كتفيه بقلة حيله وقال:معرفش بس كامل مش هيوقف حياته اكيد بيدور.

فنظرت حولها ووضعت يدها مكان الجرح وقالت:انا بقيت في اسره كان نفسي فيها من زمان.

فاحضتنها منصور وقال:ولسا اسرتنا احنا الاتنين هتكمل.

في صباح اليوم التالي..

جلست روز امام التلفاز..حتي ظهرت نشره عاجله تأكد ظهور الملك هيثم لهيب المهندي..امير المملكه القطريه..وهذا كان خطابه في الصباح..

ثم ظهرت صورته بالزي الملكي ثم صعد الي المنصه ووقف بكل وقار قائلاً:اعلن نفسي الآن وامام الجميع اني الامير لتلك البلاد..وكل ما تداول من اشاعات حول قتلي..كان مزيفاً..وان اخي عزيز سيعاقب كأي مواطن قطري خالف القوانين..شكرا.

ثم نظر الي الكاميرا وابتسم ابتسامه جعلت قلب روز يخفق بقوه وكأنه يعرف انها ستراه..كما ان قلبها اخبرها بل واكد انه يقصدها هي بتلك الابتسامه الساحره..

• يتبع الفصل التالي اضغط على ( رواية حارسي الشخصي مجهول الهوية) اسم الرواية