رواية مليكة الفهد الفصل التاسع و العشرون 29 - بقلم حبيبة مدحت

الصفحة الرئيسية

  رواية مليكة الفهد البارت التاسع و العشرون 29   بقلم حبيبة مدحت

رواية مليكة الفهد كاملة

رواية مليكة الفهد الفصل التاسع و العشرون 29


(عند الياس وبلال)
قاعدين في الجنينه بعيد عن القصر بلال شاف عماد خارج 
بلال: مش المفروض يكون خرج من بدري 
الياس:معرفش ممكن يكون بيتكلم مع جدك؛المهم اسيبك انا عشان تعبان نوم 
الياس:وكمان أجل معاد الوفد بلغهم بعد اسبوع يقدرو ينزلو
بلال:ماشي،وانا هروح اشوف ايناس عشان مقعدتش معاها من ساعه كتب الكتاب 
الياس بغيره علي اخته:تقعد معاها فين ياض
بلال بتلاعب:في اوضتها هيكون فين هي مراتي 
الياس وقف وشمر الجلابيه وركب فوق بلال علي الكرسي:استحلتها انتا،انا مكنتش راضي علي الجوازه دي 
بلال بصراخ أنثوي:ي لهوي بتتح*رش بمراتك ام عيالك انتا لازم تكتب عليا دلوقت من تاني واقولهم عايز يسط*قني
الياس:يلا ي واطي علي أوضتك وانا هخلي ايناس تقفل الباب عليها 
بلال وهو بيجري من قدام الياس:انا من مصغرها وانا عامل نسخ مش نسخه لباب اوضتها عشان لما تقفله ادخلها وجري علي القصر 
الياس بضحك: عاشق ولهان يا ولد عمي
بلال من بعيد:اضحك ي اخويا بكرا تقع علي بوزك زي 
الياس لنفسه:والله انا وقعت ومحدش سمي عليا
وصل الفيلا بتاعته 
الياس للحرس:العربيه تروح المغسله وجهزو العربيه السودا الكبيرا 
الحارس:امرك ي باشا 
داخل الفيلا الياس ل ايمان:السلام عليكم 
إيمان وهي بتمسح:وعليكم السلام يبني،مليكة مستنياك في اوضه السفره
الياس:ماشي، واتجه لغرفه السفره 
الياس:انا قولت اكلتي الاكل ومستنياني عشان تحلي بيا
مليكة وقفت وقربت منه:انتا غيرت هدومك فين 
الياس ميل باس راسها:غيرتهم في الجناح بتاعي في القصر 
مليكة:طب نتعشي بقا عشان محتاجه انام 
الياس:اه م انتي اول مره تصحي بدري بعيد عن الكليه الي بتروحيها بالعذاب 
مليكة:لا تقلق رايحه الكليه بكرا ههههه
قعدو ياكلو وطلعو الغرفه 
الياس:من النهارده تنسي الكنبه دي بدل قسما بالله ارميها في السرداب تحت،تزعلي مني تعالي عتبيني في حضني انا مش بعض 
مليكة بهزار:اه واضح انك مش بتعض دا انتا واكل رقبتي الصبح 
الياس جري وراها:يبقا اعضك في حته تاني الي قولتلك عليها الصبح 
مليكة بتذكير:انتا مقولتليش حاجه الصبح 
الياس:بجد اخص عليا تعالي لما اقولك تاني بس فعلي مش كلام 
مليكة:بس ثانيه كدا ننام عشان ورايه كليه بكرا 
الياس:الكليه بس دا انتي هتروحي مع البنات عشان تساعديهم في تجهيزات الفرح وكمان تجيبي فستان تحضري بيه 
مليكة نامت جمبه اخدها في حضنه:حاضر
الياس:بس الفستان يكون محترم سامعه 
مليكة:حاضر 
الياس:ي سلام علي الهدوء الي انتي فيه دا لو كنتي تسمعي الكلام من الاول دا انا كنت مصدوم لما شوفتك اول مره شكلك جميل بس لما سمعت لسانك احوش من الجرار بتاع الزرع،كنتي عايشه ازاي مع الناس بره 
مليكة وهي رايحه في النوم طلعت همهما:همهم زي السكر في الشاي 
الياس:نامي بدل م اطخك عيار واخلص منيكي 
في صباح يوم جديد وإحداث جديده 
مليكة مع الياس في العربيه عشان يوصلها الكليه
مليكة ل الياس:هنزل الشركة امته 
الياس بهدوء بيلبس النضاره الشمس:بصي انا مش مقطنع بنزولك الشركة بس مدام حبه الشغل مفيش مانع تنزلي بس بعد الفرح
مليكة:ماشي بس انا فعلا حابه اشتغل اصل هقعد في البيت هعمل ايه لوحدي 
علي الناحيه التانيه بلال مركب ايناس جمبه ومشغل اغاني:ابو خد عنابي 
إيناس بكسوف:بلال
بلال:بلا بلال بلا زفت دلوقت من النهادره كل الي جاي بتاعي 
إيناس:والله هنزل، مش كفايه الي عملته امبارح 
بلال:وانا عملت ايه امبارح واحد دخل يقعد مع مراته وبا*سها فيها حاجه،وبعد كدا تنزلي  ايه وانا عيل معاكي بصي الحركه دي جري بالعربيه جامد خلاها اتنطرت علي كتفه 
بلال بخبث:وهو هذا المطلوب، شوفتي النهارده جدي جهز لينا جناح الكبير زي بتاع الياس اخوكي عشان ندلع 
(عند شاهيناز )
واقفه عند البوابه 
شريف نزل من العربيه:ي سبحان الله دايما وقتي مظبوط 
شاهيناز مبحلقه:انتا ايه الي جابك دلوقت 
شريف:جاي اوصلك الكليه 
شاهيناز:لا شكرا ليك،انا هتصل ب الياس يعدي ياخدني 
شريف بغضب:سوسن قدامك انا صح 
شاهيناز:ي سبحان الله حاسس بنفسك 
شريف بيجز علي سنانه:طب اركبي وانشاء الله هكسرلك مناخيرك الي رفعاها علي الفاضي،واعملي حسابك هعدي عليكي عشان نروح نشوف الز*فت الفستان 
(عند جنه)
نايمه في اوضه امها موبيلها رن والمتصل لؤي اخدت الموبايل من علي المكتب:الو
لؤي:صباح الخير يا حبيبتي 
جنه:صباح النور 
لؤي:احسن دلوقت
جنه:الحمد لله احسن مفيش غير رجلي بس وجعاني 
لؤي:انا هجبلك المحاضرات بتاعت الكليه
جنه:شكرا ليك خالص وعلي وقوفك جمبي 
لؤي:ابقي اشكريني في بيتنا ي ستي المهم اجهزي علي الساعه ٢ عشان هخدك هنروح نشوف الفستان مع البنات وانا هروح مع الشباب نجيب البدل 
جنه :حاضر بس رن عليا قبل م تيجي 
بلال:خلاص تمام 
في الكليه عند مليكة وصلت قبل شاهيناز 
شاهيناز دخلت مقريفه من شريف علي الأخر 
مليكة شافتها وراحت ليها:مالك زعلانه ليه 
شاهيناز بأبتسامه:مفيش بس زعلانه اني حسيب قصر جدو بعد بكرا 
مليكة:هي دي سنه الحياه بقا الدنيا كدا اهلنا بيكبرونا ومصاريف ونتجوز ونخلف ونكبر أولادنا وفي الأخر برضه هيتجوزو ويسبونا 
شاهيناز:فعلا الحمد لله علي كل حال 
مليكة:طب انا كنت عايشه بره واحده طايشه بعمل الي عايزه عمري م اتوقعت ان انزل اقابل اهل بابا واتجوز بطريقه دي شوفتي النصيب فعلا غلاب،بصي انا صعدعتك وانتي عروسه لسه هروح انا عشان عندي محاضره بعد دقايق هتبداء هخلص ونتجمع عشان نشوف الفساتين انتي والبنات 
شاهيناز:خلاص تمام
في الشركة دخل الياس وراه بلال بعد م اوصل ايناس 
الياس قاعد علي المكتب بتاعه:بلال كلمت الوفد
بلال:لا ملحقتش ابلغهم جدك مصحيني من النجمه عشان بيجهز الجناح بتاعي انا وايناس 
الياس:خلاص انا هكلمهم وكمان متنساش عشان تجيبو الدهب 
بلال:اكيد طبعا دا كلام يبني جدك خلص الموضوع إمبارح والصايغ جاي النهارده البيت ومعاه الدهب 
الياس:تمام،روح ظبط آخر شغل والعقود عشان منعطلش مصالح الناس في فتره الفرح وانا هخلص هنا
بلال قام،والياس جاله إتصال من لؤي
لؤي:صباح الخير ي الياس
الياس:صباحك عسل،قول
لؤي:فاهمني انتا 
الياس:طبعا يبني ههه
كنت عايز البنات يساعدو جنه عشان انا مبفهمش فيها ،وكمان شايف وضع جنه 
الياس:اطلع علي القصر شويه كدا هات جنه واحنا هنطلع علي اي مول يكون في كل حاجه عشان ننجز ونوفر وقت 
لؤي:خلاص أول م اتحرك بجنه هرن عليك 
(في القصر)
الحج عمران قاعد علي كرسي في ادخله القصر 
الحج عمران للعمال:عارف منك ليه ي ولد لو العبشه اتكسر منها حاجه هكسر مخك 
العامل:والله حاضر ي حج 
الحج عمران:وانتا ي واد علق فرع الزينه عدل متخليش السلك عريان عشان السور محدش يتكهرب 
قام دخل القصر كله بيشتغل علي ايده وسنانه 
الحج عمران ل فاطمه:ابعتي واحده من الخدم تجهز جناح الياس عشان يبات هنا النهارده 
فاطمة:حاضر ي عمي
عند الشباب اتجمعو في مكان واحد داخل مول كبير 
الياس:نبداء بالفساتين ولا البدل 
شريف:من رأي الفساتين عشان هيطولو 
الياس:تمام بنات اسندو جنه معاكو وانا هنيجي وراكو 
إيناس:لا ي الياس فال وحش احنا لما نخلص هنرن عليك
الياس:ماشي يلا انطلقو 
دخلو البنات يختارو الفساتين مليكة بتساعد جنه 
شاهيناز اختارت واحد ضهره مفتوح
شاهيناز للعامله:لو سمحت عايزه  اقيس دا
البنت:المناسبه امته حضرتك 
شاهيناز:إحنا هنشتري مش هنأجر 
البنت:مفيش مشاكل حضرتك انا بسأل عشان لو في تظبيط نلحق عشان المعاد 
شاهيناز:بعد بكرا الفرح، ممكن بقا تنزليه 
إيناس:انا عايزه اقيس دا بس هاتيلي الطرحه بتاعته 
البنت:ثواني ي فندم وهجيبه لحضرتك 
مليكة لجنه:ايه رأيك في دا ي جنه
جنه:جميل اوي عايزه اقيسه 
عند الشباب
الياس هتلبسو بدل بيضه ولا سودا 
بلال رقص حواجبه:الاتنين عشان السيشن 
الياس:تمام سابهم يختارو وراح اختار بدله سودا كلاسيك 
الياس رجع ليهم:انا خلصت انتو اختارتو 
شريف:انا تمام كدا فاضل الساعه والجزمه 
صاحب المحل:الفرع بتاعي التاني في جزم قدام اهو جمب محل الفساتين ممكن تخلصو باقي حاجتكو واحنا هنخلص تظبيط البدل 
لؤي:تمام يلا بينا
الياس داخل محل الجزم لمح مليكة بتتفرج علي فستان فرح بيهام عجبها اوي 
الياس شاور ليها من بره انتبهت ليه وخرجت بره المحل:مالك 
الياس:مفيش شايفك واقفه كدا فين فستانك 
مليكة:هنا فساتين زفاف بس 
الياس مسك ايدها ولف المول لقي محل فساتين سواريه:تعالي ندخل هنا في فساتين سواريه اهي 
الياس:اختار ل مليكة فستان لونه كريمي روعه 
الياس:ايه رأيك
مليكة:حلو اوي ي الياس 
الياس:تيجي اقيسه ليكي في البروفه 
مليكة بكسوف:هات بقا 
الياس خلص مع مليكة رجع تاني للشباب واخد جزمه سودا وجاب كرفته لونها كريمي لون فستان مليكة 
الياس:كل حاجه تمام 
لؤي:فاضل البنات 
جنه:إحنا جينا 
بلال:فين الحاجه
ايناس:في المحل روحو حاسبو وهاتو الفساتين 
شاهيناز:والجزم من المحل الي جمبه ايدك اليمين لان المحل علي ايدك الشمال دا جزم رجالي 
بلال:اللهم صلي على النبي كل دا 
مليكة بغرور:لا طبعا لسه فاضل حاجات حريمي هات الفيزا ي الياس 
الياس:انتو هتفلسوني مش عايز احضر الفرح 
مليكة:يلا ي شباب مع بعض علي الكافيه لغايت م نخلص 
الياس دخل محل الفساتين:لو سمحت كنت عايز الفستان دا 
الياس ل بلال:هات الفيزا بتاعتك 
بلال:لا ي حبيبي 
الياس:بلال خلص 
بلال:خد اهي بس برحه عليها 
البنت:حضرتك هتظبط مقاس لحد معين 
الياس:لا عايزه بكل مشتملاته 
البنت: تمام
(عند البنات) في محل لبس بيتي ولانجري 
جنه:مستحيل البس دا
مليكة:ليه ي حبيبتي 
ايناس بوجه احمر:دا قله أدب خالص 
مليكة:اه طب اسكتي انتي ي طماطم هانم دورك جاي وانا هتصرف 
شاهيناز:هاتي براحتك مش هلبس 
مليكة:بجد تعبت منكو اما لما ندخل في لبس البيتي وخروج هتعملو ايه 
بعد ساعات خرجو بيدور علي الشباب في الكافيه 
بلال:والله انا نمت وشهق من منظر الاكياس 
مليكة:الله واكبر في عينك وبعد كدا إحنا بنات براحتنا 
جه مسج ل الياس فتح يشوف اتصدم:نعم ومبحلق في الموبايل
بلال:مالك ياض
الياس:خد شوف،،بلال مسك الموبايل وقري بصوت عالي
رواية مليكة الفهد الفصل التاسع و العشرون 29 -  بقلم حبيبة مدحت
nada eid

تعليقات

ليست هناك تعليقات
إرسال تعليق
    google-playkhamsatmostaqltradent