رواية طفلة هزت كيان فرعون بقلم مروة موسي
رواية طفلة هزت كيان فرعون الفصل العشرون 20
فرعون مسك الباب وفتحه : اخرجي
نور : يعني انت بتقولي امشي عشان واحدة متلزمكش
فرعون : ولا انتي تلزميني
نور : وانا هخرج ومش عاوزة ارجع تاني هنا وفعلا مشيت من غير حتي ما تاخد هدوم ليها ولا اي حاجة وطلعت علي البيت بتاعها االي فرعون كتبه بإسمها
عادل لفرعون : انت بتخرب الدنيا أكتر
فرعون : نور الفترة دي لازم تخرج من البيت ي عادل
عادل: التحاليل وصلت امسك النتيجة بتقول ان رامي ونور اخوات
فرعون بصدمه: أي يعني احساس نور مش كدب طب ازاي وإزاي صفاء تبقي خالة رامي ومتقولش ان عفاف وهي اخوات بس لحظة كدا هي لما شافتها معرفتهاش وعفاف كذلك اكيد في حاجة غلط في الموضوع
عادل بحذر: سيبك من نور ورامي دلوقتي التحاليل اثبتت ان ابن جوري هو ابنك
فرعون : التحاليل دي غلط
عادل : مفيش حاجة غلط فيها
فرعون قعد وحط رجل علي رجل وقال: عاوز اقولك من ساعة ما نور دخلت البيت هنا انا ملمستش جوري
عادل: أمال التحاليل دي أي
فرعون بذكاء: دي لعبة من جوري واكيد اللي مساعدها صفاء
عادل : ليه جوري تعمل كدا
فرعون : جوري حاسة ان نور بتعرف تسيطر عليا وواخدة راحتها عن مراتي الاولي في المعاملة وعاوزة تنتقم من وجود نور
عادل: يعني انت فاهم كدا ي عز وخليت نور تطلع برا البيت
فرعون : لازم نور تبعد الايام دي عن البيت ي عادل لازم
مش عاوز نور تبقي في الوش كفاية انا
عادل: بدافع عن نور ليه
فرعون : مش عارف يمكن عشان بتصعب عليا
عادل: يمكن أكتر عشان بقيت بتحس بالراحة بوجودها واكبر دليل انك مش عاوزها تبقي في وش المشاكل وكمان من ساعه ما جوري جت مقربتش منها
فرعون : مش عارف بس كل االي عاوزة اخلص من حياة المطردة دي بقي
عادل: ربنا هيحلها بس لازم نكمل لعبة جوري لحد ما تقع بلسانها
فرعون : طبعا لازم نكمل اللعبة اللي هي بدأتها وانا اللي هنهيها بطريقة فرعون
جوري : التحاليل جت خايفة اوي
صفاء بخبث:ليه مش انتي فعلا حامل منه .
جوري: ايوا حامل منه بس قلقانه
صفاء: هو اكيد عمل تحاليل DNA عشان يتأكد لو لقتيه كويس يبقي التحاليل تمام .
جوري: أهم حاجة ابقي هنا ونور تفضل برا
صفاء بذكاء: أهم حاجة تأمني مستقبلك بقرشين منه .
جوري بقرف: انتي كل حاجة الفلوس كدا علي فكرة فرعون مش مخليني عاوزة حاجة
سمية : عز افتح انا سمية
فرعون فوق في جناحه: تعالي ي دادة
سمية : نور فين ي ابني .
فرعون : في بيتها
سمية : هتسيب جوري توقع بينكوا
فرعون : أي اللي بينا عشان جوري توقعه
سمية: هقولك علي حاجة متفهمهاش غير الستات وبس
لما نور عرفت ان جوري جاية زعلت عشان مش عاوزة تشوف جوزها مع واحدة غيرها
فرعون : معرفش حسيت بكدا ليه بس الأكبر من ساعه لما نور جت مقربتش من جوري كان في حاجز دايما قدامي
سمية : عشان مش عاوز تجرحها بس انت بأفعالك دي جرحتها اوي
فرعون : بقيت في بحر ملوش شاطئ والموج بقي بيرمي فيا بعيد اوي اوي الدنيا بقت تقيلة عليا اوي معشتش طفولتي زي اي واحد ي دادة
سمية : صدقني لو نور فتحت ليها قلبك هتبقي اسعد زوج في الدنيا ي ابني
صلي علي حبيبك المختار
نور قاعدة سرحانه في الشباك : معقول بقالي اسبوع هنا وفرعون حتي مجاش يشوفني ولا يكلمني ولا يبعت ليا
كل اللي عليه يبعت كل يوم فلوس بالهبل وبس
بس يسأل ليه هو فاضيلي ولا أصلا طايق يشوف وشي لما ادخل اعمل حاجة اشربها وابطل تفكير كتير في موضوع منهي وفي أي وقت ورقة طلاقي هتوصلي
فرعون: آآآآآآه لو معايا حد يشارك تفكيري اوي يشارك مشاكلي
فرعون اتخيل نور قدامه وبتكلمه: منا كنت جمبك وانت مكنتش بتقول ليا حاجة
فرعون : جوايا مليون فكرة مش عارف اقول اي ولا اي وغير كدا مبعرفش أشارك حد حاجة
نور: بس انا مش حد انا مراتك
فرعون: المشكلة انك هتفضلي تكرهيني عارفه ي نور اللي مصبرك انك تعيشي هنا ان مبقاش ليكي حد
نور: وانت استغليت دا صح
بقيت وحيدة في دنيتي وضعيفه في حياتي مكنتش اتخيل يبقي في كسرة كمان
فرعون: بس انا ......نور نور روحتي فين انا لسه بكلمك نوووور وفضل ينادي عليها
عدي شهر ومفيش جديد طول المدة دي نور مشفتش فرعون والعكس
فرعون دخل في اوضة جوري كانت بتحط منوكير علي صوابعها
جوري: تعالي
فرعون: عاملة اي
جوري بدلع : زعلانه منك مش مهتم بيا خالص وبتقرب عليه
فرعون بهدوء وخبث: مش غلط قربي منك دا وانتي حامل وخصوصا لما تكوني حامل من حد غيري
جوري بتوتر: أنت بتقول أي انت عاوز تهرب من ابنك وتتبري منه
فرعون مسكها من شعرها: وحياة امك انتي مفكراني مغفل ولا أهبل انا بقالي اكتر من ٥ شهور مقربتش منك فاكرة دا حملتي إزاي بقي انطقي ابن مين دا
جوري: انت اكيد اتجننت
وهوووووبا فرعون نزل بقلم علي وشها
جوري: ابنك صدقني ابنك
فرعون: تعرفي اي اكتر حاجة قصرت فيا من ناحيتك
اني مكنتش حرمك من حاجة واني كنت مخليكي ملكة في القصر حتي علي مراتي الاولي مديت ليكي ايد الخير وانتي سلمتيني ايد الشر بس صدقيني مش هأذيكي في حاجة عشان هطلع احسن منك
جوري : تعرف مش اي حد اضحك عليه بالكلام واقولك انه ابنك خصوصا انك بتتأكد من كل حاجة قبل ما تقولها هو فعلا مش ابنك وانا مش حامل كل الحكاية ان نور متبقاش هنا
فرعون مسكها من دراعها: وهي عملت أي ليكي انطقي
جوري: انا ادعيت اني حامل عشان تخرج من هنا انا بكرها
فرعون بقرف: طول عمرك رخيصة وصدقيني لما توصلي لبيتك انا همنع عنك نزول مصر بأي تهمه ليكي واظن العقاب دا مفيش أحسن منه
جوري بغل: صدقني ي فرعون نور هدمرك وهتخليك خاتم في صابعها
فرعون بحرقة دم ليها: علي الاقل هتبقي مراتي ومسكها ورماها برا القصر
وفعلا جوري سافرت ومبقتش هتعرف تنزل مصر تاني بس ياتري كدا دورها خلص؟
صفاء لأحد الخدم: يندامه يعني مكنتش حامل وكانت مفهمانا انها حامل دا انتي طلعتي مش سهلة ي جوري دا انا صدقتك
الخدامه: والنبي ي ستي اوعي تعرفي حد اني سمعت لحسن لقمة عيشي تتقطع
صفاء : متخافيش ي بت امسكي الفلوس دي ليكي
في يوم من الايام نور صحيت قلقانه وقلبها مقبوض جدا
رامي كان تعبان جدا وفرعون لاحظ دا وأخده للدكتور وطلب منه انه يعمل عملية جراحية في المعدة
نور فضلت قلقانه علي رامي متعرفش أي السبب مسكت تليفونها واتصلت بيه
لحسن الحظ التليفون كان في ايد فرعون .
نور بخوف : ألو إزيك يا رامي انت كويس معرفش ليه اتصلت بيك واسفه علي الازعاج بس قلبي مش مطمن عليك حاسة ان فيك حاجة ومعرفش سبب احساسي دا أي
فرعون: يمكن عشان اخوات
نور باستغراب الصوت: رامي هو صوتك ماله .
فرعون: انا فرعون مش رامي ي نور
نور خافت وقفلت السكة لان افتكرت ان فرعون حذرها مرة من عدم اختلاطها مع رامي
بس فضلت تفكر ليه تليفون رامي مع فرعون
خطر في بالها فكرة انها ......
- يتبع الفصل التالي اضغط على ( رواية طفلة هزت كيان فرعون ) اسم الرواية