رواية تاج الفهد الجزء الثاني 2 البارت السابع والعشرون 27 بقلم مريم مصطفى
رواية تاج الفهد الجزء الثاني 2 الفصل السابع و العشرون 27
جميله بصدمه وهي بتبص ع صورهم ف شاشه التلفزيون:هما نفس لون العيون نفس الاسماء هما ولاد تاج وفهد ..وابن سيا هو فهد .
قامت وقفت بسرعه وهي بتجري ع بره وناسيه حجابها فتحت باب الڤيله الداخلي كان واقف قدامه حارس اول ماشافها نزل عينه ف الأرض وبيحاول يمنعها من الخروج :ياهانم مينفعش تخرجي
جميله بعصبية:كلم الزفت اللي مشغلك يجي دلوقتي حالا .
طلعت الشغاله الخاصه بجميله ع صوتها وهي بتجري من المطبخ :ف اي بس يابنتي استهدي باالله اي اللي حصل ؟
الحارس:دخليها جوا ياست فاطمه الله يكرمك فاروق باشا لو عرف انها واقفه من غير حجاب هيجزينا كلنا
زعقت جميله :بقولك كلم اللي مشغلك دلوقتي حالا
طلع الحارس فونه من جيبه بقله حيله ورن ع فاروق :باشا ...
شدت جميله الفون من الحارس وكلمت فاروق بعصبية :اسمعني كويس ف ظرف ساعه تكون هنا بدل ورحمه الغاليين هولعلك ف المخروبه اللي انت حابسني فيها دي وهقلب الدنيا ع راس اللي خلفوك .
قفلت الفون والحارس خده من ايديها :ياهانم اتفضلي جوا وقفت حضرتك دي غلط
فاطمه:تعالي بس يابنتي استهدي باالله بس .
دخلت جميله جوا وقفت قدام شاشه التلفزيون وهي مثبته الشاشه ع صورهم لمست بايديها ع وشهم وهي بتعيط:انا متأكدة ان انتو ياحبيابي يانور عيني والله لو اعرف انكوا عايشين مكنتش استسلمت للحيوان ده طول السنين دي .
بعد ساعتين دخل فاروق الفيلا وهو بلهفه اتصدم اول ما شافه قاعده ف الأرض قدام الشاشه وشعرها الطويل مفرود ع ضهرها وف خصل بيضه بلع ريقه بتوتر وهو حاسس أنه مش شايف حواليه غيرها ..حست بي جميله فااتتفضت من مكانها بسرعه ومسكته من ياقه قميصه:ده انا هفضحك ياكلب والله ماهسيبك يافاروق بتضحك عليا كل السنين دي .
فاق فاروق ع صوتها العالي وبعد ايهديها اللي ماسكه لبسه ومال ع الأرض جاب طرحتها وحطها ع راسها كويس واتكلم بهدوء :تاني مره تخلي بالك من حجابك لاني مليش حق اني اشوف حاجه منك .
تجاهلت جميله كلامه وزعقت ف اكتر :ولاد اختي فييين يافاروق ؟
بصلها بتوتر :ولاد أختك مين ياجميله ماانت عارفه اللي حصل زمان
ابتسمت جميله بسخرية وعيونها مليان دموع :اها واضح اني عارفه كل حاجه.
بعدت من قدام التلفزيون وهي بتشاور باايديها :ودول مين ؟
بص فاروق ع الشاشه وعينيه برقت بصدمه وبيحاول يتكلم :مين دول مش فاهم ؟!!
جميله: سيبك من الشكل ولون العيون اي معقول مش عارف تقرا الاسماء
فاروق بتوتر:تشابه اسماء مش اكتر
جميله بعصبية وصوت عالي:تشابه اسماء التلاته تشابه اسماء لون العيون صدفه ؟ فهد نصار اللي ملامحه كلها من فهد السيوفي ونظره عيونه اللي نفس نظره ابوه سليم نصار تشابه برضو ..
فاروق :ينفع تهدي أنا هفهمك كل حاجه..بس متسبنيش ياجميله والله انا عملت كل ده علشان تفضلي جمبي مقدرش ابعد عنك لو كنتي عرفتي أنهم عايشين كنتي هتهربي مني ومهما عملت حصار عليكي كنتي هتهربي غصب عني مكنش قدامي غير اني اكدب عليكي واقولك أنهم اتقتلوا .
جميله بصتله باامل :يعني هما عايشين العيله كلها عايشه مش كده .
فاروق :لا ياجميله الكل ماتوا الا احفاد السيوفي وأحفاد نصار والمحمدي وورد بنفسها اللي ربتهم.
رجعت جميله بصدمه لورا وهي بتكتم دموعها باايديها وبتهز راسها:هما عايشين كلهم عايشين هما موجودين لسه .. علشان خاطري خليني اشوفهم يافاروق وحياتي عندك .
فاروق عينه دمعت :حاضر يا جميله هخليكي تشوفيهم ...
طلع فونه من جيبه وقرب من جميله شويه :ينفع تهدي واقعدي ارتاحي..
بصتله جميله وهي بتمسح دموعها وقعدت : عايزه اشوفهم كلهم .
فتح فونه وهو بيتنهد بتوتر فتح ع اول صوره ف وشه وكانت لعيسي :ده عيسي الكبير
مسكت جميله الفون وهي ايديها بترتعش بصت ع صوره عيسي وهي بتعمل زوم عليها (تكبير) قربت الفون منه وهي بتبوس صورته .
فاروق:عيسي هو اللي ماسك كل شركات السيوفي وجزء من شركات سليم وحسام شخصيته هاديه عن ايوب اخوه بيعرف يمشي حياته بتفهم ..ده بقا ايوب نقيب قد الدنيا لي اسمه ف الداخليه بيحب الهزار والضحك بس عصبي ومش متفاهم...دي اسيا ظابط شرطه برضو زي ايوب .
بصتله جميله بصدمه ف هز فاروق دماغه بيأس:اسيا شخصيتها مجنونه شقايه مش من نوع البنات الهادي خالص بتتعامل بسلاحها ديما أسلوبها متسرع زي ايوب وزيك برضو مخدتش اي صفه من أختك الله يرحمها كلها انتي ياجميله عنيده ودماغها ناشفه وبتعمل اللي هي عايزها حتي لو الكل رفض .
جميله كانت بتسمع كلامه وهي بتبص ع كل صوره واحد شويه وبتحضنها بشوق كبير .
خد فاروق منها الفون وهو بيطلع الصوره اللي بعدها :ده بقا فهد ابن سليم رائد ف الداخليه وتقدري تقولي القائد بتاع ايوب وآسيا ف الشغل وبره الشغل هما اصلا دخلوا كليه الشرطه علشان فهد دخلها قبلهم نفس شخصيه ايوب وآسيا بس الفرق اني فهد بيعرف يسيطر ع الأمور رغم عصبيته ..ودي فيروز أخته اتخرجت من كليه الصيدله وحاليا ماسكه كل شركات ابوها مع عيسي شخصيه قويه وعمليه بتوزن الأمور بعقلها لاغيا قلبها تماما .
جميله كانت بتبصلها بدموع وع وشفايفها ابتسامه صغيره وهي شايفه الاطفال الصغيرين قدامها كبروا وبقا مسؤلين عن أملاك اهلهم .
اتنهد فاروق بتعب:دي فريده بنت حسام واضح من صورتها أنها شخصيه هاديه وانطوائيه اتخرجت من فنون جميله زي ماابوها كان بيحلم وكل أملاكهم عيسي وفيروز هما اللي بيدروها للاسف فقدها النطق من كذا سنه بسبب غياب حسام .
جميله كانت بصه لصورتها ودموعها نزلت اكتر ..فأكمل فاروق بنبره حاول يطلعها بهزار :دي بقا الدكتوره فجر كل الجنان اتجمع فيها هي بتتخانق مع اي حد بدون سبب رغم أنها مديره مستشفي كبيره بس للاسف تاعبه العيله كلها معاها اسيا كل يوم تصبح عليها بطل"قه من سلا"حها .
جميله كانت بتتفرج ع الصور وبتتسم ع شخصيتهم اللي بيحكيها فاروق ..ضحكتها اختفت بسرعه وهي بتبص لفاروق بااشمزاز:تيام فين اوعي تكون رميته مش كده تعملها أنت والحيه اللي معاك صح
فاروق:اهدي تيام موجود مع اخواته وهو اللي ماسك كل الشغل ف الشركات مع عيسي وايوب لانه متخرج من كليه الطب زيهم ونفس التخصص .
اتنهدت جميله بارتياح وهي بتبص لصورته الهاديه .
قلبت ف الصور كلها كان فاروق عملهم ملف خاص بيهم وكاتب عليه "ابنائي"شافت صوره ليهم كلهم قدام مبني كبير مكتوب عليه شركات" الاخوه "عيسي واقف ف النص وحاطط ايده ع كتف فيروز ومن الجهه التانيه فريده وواخده ف حضنه وجمب فيروز فهد وشايل اسيا ع ضهر وهي مطلعه لسانها ومن الجمب التاني ايوب وحاطط أيدها ع بؤق فجر وهي بتشده من شعره باايديها وفاروق واقف بينهم وحاضن تيام .
ضحكت جميله ع شكلهم وعيونه بدمع : هما عاملين ف بعض لي كده .
فاروق ضم حواجبه بستغراب لأن اول مره جميله تفتح معاها كلام أو تسألوا عن حاجه: كانوا بيحتفلوا بالشركه دي لأنهم تعبوا اوي لحد ماعملوها علشان تكون خاصه بيهم بعيد عن شركات اهلهم ف اليوم ده ايوب وفجر كالعاده خانقوا ف بعض ف ايوب علشان يحلقوا يخدوا الصوره كان بيحاول يسكت فجر قامت هي ماسكه من شعره وطلعت الصوره زي ماانتي شايفه كده .
جميله كانت ناسيه الدنيا كلها وهي شايفه صورهم فرحتها كبيره اوي نسيت كل العدواه مع فاروق واتكلمت معاها:بس لي حاسه اني ف اختلاط كبير بينهم .
فاروق: انتي ناسيه أنهم أهل ومتربين مع بعض ؟
جميله:حتي لو كده بس لازم يكون ف حدود بينهم
فاروق:فريده وفجر اخوات ايوب وعيسي لأن ورد رضعتهم يعني كده مفيش اختلاط ولاحاجه.
جميله:وآسيا وفيروز ؟ فهد حاضن فيروز عادي وفهد شايل اسيا ع ضهره عادي ازاي ؟
فاروق :ف دي معاكي حق بس فيروز اكبر من عيسي بكتير وفهد اسيا خطبته وفتره كده وهتبقا مراته وغير كده هي بنت خاله .
جميله :هما اتخطبوا يعني اسيا خطيبه فهد نصار بجد؟
فاروق :اها هما اصلا مخطوبين من وهما صغيرين غصب عننا
جميله:بس برضو مش لازم يكون ف اختلاط كده دول لسه مجرد خطوبه؟!!!
فاروق:حاضر ياجميله.
جميله باامل :كده هروح اشوفهم معاك يلا .
فاروق خد منها الموبيل ووقف :لا ياجميله انتي هتفضلي هنا زي ماانتي .
جميله بعصبية:ده عند امك ياابن السيوفي أنا هطلع من هنا
فاروق :لا ياجميله لا مش هسيبك.
خرج فاروق من الڤيلا وسابه جوا وهي متعصبه وبتك"سر ف كل حاجه حواليها:زمان سكت علشان مكنش عندي هدف اهرب علشانه دلوقتي هطلع من سجنك ده اجهز بقا علشان العد التنازلي بدأ وحبل المش"نقه ف انتظارك يافاروق .
ف القسم .
اسيا:تمام أنا هطلع ع القصر ونتقابل بليل لما اخلص مراقبة انت وفهد كلمني علشان نشوف هنعمل اي مع ابن ال*****عساف .
ايوب :مفيش بنت بتقول الكلام المنحل ده اعملي اعتبر حتي اني اخوكي الكبير
اسيا:انتو لي محسسني اني مدرسه اطفال ؟!!!!أنا بتعامل مع مسا"جين ومسجلين خطر ،وبعدين مكنوش كام دقيقه الفرق بينا فلقت بيهم دماغ امي .
ايوب :مفيش امل فيكي ،انا رايح لفهد ف مكتبه وانتي روحي .
اسيا بغمزه:احضنلي فهد اوي ورحمه أبوك ياايوب
مسك ايوب علبه المناديل اللي ع المكتب وهو بيحدفها بيها:ياعديمه التربية والله ماتربيتي .
جريت اسيا ع بره وهي بتجري وبتقفل الباب وراها ..
خرجت من القسم وهي بترجع شعرها الأشقر لورا وبتلبس الكاب عليه ..قربت علشان تركب عربيتها ،ف نفس الوقت هجموا اتنين عليها خدروها بمنديل وحطوها ف العربيه ...شافه عسكري كان رايح علشان يديلها مفاتيح عربيتها بعد مانسيتها ف مكتب ايوب ..
ف المستشفى..
كانت فجر لبسه البلطوا بتاعها وبتتمشي ف المستشفي بروقان ..خبط فيها دكتور وقعها ف الأرض .
فجر بصوت عالي:ااااااااااه ياضهرك يافجر يانييي
فارس :أنا آسف حضرتك كويسه ؟
قامت فجر وهي بتزعق:كويسه اي وزفت اي مش تركز ف الطريق وانت ماشي يامت"خلف .
فارس بعصبية :أنا اللي متخلف ولاانتي اللي عميا ماشيه تتمشي ف المستشفى ولا اكانك ع البحر !
فجر:وانت مالك المستشفى وبتاعتي اتمشي فيها اولع فيها أنا حره
فارس بصدمه:حضرتك دكتوره فجر مديره المستشفى اللي ملهاش لازمه ؟!!
فجر :نعمممم!!!!!!
فارس:مش قصدي يادكتوره بس حضرتك صغيره اوي ع منصب زي ده بس زي القمر مشاء الله.
فجر بهدوء:والله يابني قولت لعمي كده أنا يدوب أخري اعمل كشف نضاره لمريض اخاف حتي اعمله عمليه بس تقول اي بقا شيفاني دكتوره بجد وجداني .
فارس كان بيبصلها بذهول ع طريقه كلامها اللي تغيرت بسرعه:وجداني ؟!!!!!
فجر : اها يعني جد اويي بقولك اي تعالي اعزمك ف الكافتيريا اللي تحت بيعمله ام علي مخصوص علشاني
فارس بسعاده:الله أنا بحبها اويي
فجر وهي ماشيه جمبه:وانا كمان ف يوم نزلت الكافتيريا تحت ملقتهاش عندهم عملت مشكله كبيره وكلمت عمي فاروق وأمر أن ام علي تتعمل هنا مخصوص علشاني..اصل هو بيحيلني علشان انزل المستشفى قال اي دي فلوسك ولازم انتي اللي تابعيها كلام فاضي يراجل .اقعد اقعد ..
قعد فارس ع الكرسي اللي قدامها وهو مصدوم من طريقه كلامها معاه وهي طلبت ام علي وجت قعدت قدامه.
فجر: قولي بقا أنت تخصص اي؟
فارس كان بصصلها وسرحان ف ملامحها الصغيره وطريقه تعاملها اللي اختلفت .
فجر :ابو عمو انت رحت فين؟؟
فارس:ها معاكي بس مستغرب انك ف لاحظه اتغيرتي يعني من شويه كنتي ماسكه ف خناقي ودلوقتي حاسس أننا نعرف بعض من زمن
فجر:أنا كده مش ببطل خناق مع اي حد ومره واحده تلاقيني بعزمه ع طاجن ام علي .
فارس:وانتي عزمتي مين غيري بقا ؟
فجر:ايوب اخويا علشان ديما بتخانق معاه ..بس برضو مقولتليش إنت تخصص اي
فارس بابتسامة:أنا دكتور جراحه
فجر:امممم تخصص صعب اوي.
فارس:مش صعب لاني بحب شغلي عمتنا.
فجر:تصدق معرفش اسمك لحد دلوقتي؟
فارس:فارس الاسيوطي ياستي .
فجر:اهلا وسهلا بيكي ياابو الفوارس
قعدوا مع بعض كلوا ام علي وكل واحد فيهم كان بيحكي عن .حياته الاتنين كانوا مش مصدقين أنهم خدوا ع بعض ف لحظه .
ف الجامعه عند فريده ..
كانت قاعده ف السكشن بترسم وواقف وراها حارس خاص عيسي صمم يكون معاها ...دخل حمزه وهو ماسك أدواته وقعد جمبها وبدأ يرسمها ،بعد شويه وقت خلصت فريده ولمت حاجتها طلع حمزه وراها بسرعه وهو بينادي عليه .
حمزه: انسه فريده ارجوكي دقيقه .
بصلته فريده بحذر وهي ماسكه أدواتها ف حضنها
حمزه:متخفيش يا انسه فريده ..أنا بس حابب اعترفلك بحاجه أنا من اول يوم ليكي ف الجامعه وانا ديما عيني عليكي شدتيني ليكي بطريقة غريبه أنا مش هقدر اتكلم مع حضرتك اكتر من كده غير لما يكون ف بينا حاجه رسمي ..واتفضلي اقبلي الهديه البسيطه دي مني .
فريده كانت واقفه بتسمع كلام حمزه وهي مصدومه ووشها احمر من الاحراج..مدت ايديها خدت منه الورقه الكبيره وف لحظه كان هو اختفي من قدامها ..اتحركت ركبت عربيتها بتوتر فتحت الورقه كانت صورتها وحمزه رسمهلها بدقه ومكتوب بخط ايده جمبها "بحبك"تلقائي ابتسمت فجر وهي بتقفل الورقه وبتتنهد بارتياح .
ف القسم ....
دخل العسكري بسرعه وهو بيتكلم بخوف :الحق ياايوب باشا خط"فوا حضره الظابط اسيا .
اتنفض ايوب بفزع :انت بتقول اي!! مين دول اللي خط"فوها
خبط فهد بجمود ع مكتبه :انت بتقول اي ياجلاب المصا"يب انت؟؟
العسكري:يابشا أنا روحت اوديلها مفاتيح العربيه لقيت ناس خدروها وحطوها ف عربيته كبيره وطاروا ملحقتش اعمل حاجه.
ايوب بخوف ع أخته:أنا عايز اختي يافهد اسيا لو حصلها حاجه مش هسامح نفسي
فهد بتوتر بيحاول يدراي:اهدا ياايوب مفيش حد يقدر يعمل كده غير عساف الكل"ب ..
ايوب : والحل ده راجل وس"خ مضمنش ممكن يعمل فيها اي.
فهد:جرا اي ياسياده النقيب اللي اتخط"فت دي مش مجرد واحده عاديه دي ظابط شرطه يعني تقدر تحافظ ع نفسها
فهد كان بيحاول يهدي ايوب وهو من جوا خايف عليها بس متأكد أن أسيا بمليون راجل وبتعرف تتصرف .
ايوب :هنعمل اي هنوصله ازاي ؟
فهد:لازم نعمل تتبع لموبايل اسيا اكيد لسه مخدوش بالهم منه .. متقلقش ف ظرف ساعه اسيا هتكون معانا الأهم محدش ف القصر يعرف حاجه وخصوصا تيام وعيسي .
هز ايوب رأسه بموافقه وهو قلقان .
فهد:اقعد بقا وأهدا علشان اقولك هنعمل اي بالظبط .
ف ڤيلا خالد الاسيوطي .
كان قاعد ف الجنينه هو ومراته مها بشربوا قهوه وبيتكلموا ف كذا موضوع بعد ماطلع معاش من الداخليه ...دخل حمزه وفارس وهما بيضربوا ف بعض .
حمزه:أنا الكبير يبقا اتكلم الاول
فارس:وانا جي قبلك
خالد بملل من خناقتهم الكتير:خلصتوا شغل العيال ده اتكلم ياحمزه انت الاول
غمز حمزه لفارس وهو بيغيظه وبعدين بص لامه ولاابوها : بالصلاه ع النبي كده أنا عايز اتجوز .
فارس :وانا كمان عايز اتجوز
مها :ومين دول اللي امهم وعيلتهم كلها دعايه عليهم
خالد:عيلتهم بس دول اكيد عملوا مصيبه ف حياتهم و ولادك الابتلاء بتاعهم
فارس:لا متقلقش اللي عايز اتجوزها اجن مني عشر مرات
خالد:يبقا كده ضمنا اطفال متخلفه ف المستقبل
مها:وانت يامرهف الاحساس اللي عايز تخطبها مجنونه برضه ؟!
حمزه:خالص ياماما دي هاديه ورقيقه وجميله اويي
خالد:واي كمان يافنان
حمزه:احم مش قصدي يابابا المهم هنروح نخطبها امته؟
خالد:يابني مش لما اعرف هي مين ولا بنت مين ومناسبه ليك ولا لا
حمزه:هي مناسبه جدا بتابعها بقالي سنين والنهارده كلمتها علشان نروح نتقدم ليها ..
فارس:أنا بقا لسه عارفها من كام ساعه وتقدر تقول حبيتها لا حبيتها اي أنا وقعت في جمال شقاوتها.
ضم خالد حواجبه بستغراب:جمال شقاوتها هي مش كان اسمها جمال عينيها
فارس:لا دي جمال شقاوتها قمر يابوب بالله
ضرب خالد كف ع كف :يابني عيب كده احترم امك اللي قاعده دي
مها بسخرية:وهو من أمته فارس بيحترم حد اصلا ..المهم يانحنوح اسمها اي
حمزه وفارس ف صوت واحد :فريده حسام المحمدي ..فجر حسام المحمدي .
بص حمزه وفارس لبعضهم بذهول ..وخالد اتنفض من مكانه وهو مصدوم :بنات حسام المحمدي ؟
ف مصنع سيراميك .
كانت نايمه اسيا ف الأرض وايديها الاتنين مربوطين ورا ضهرها بدأت تفوق باالراحه .
اسيا :اها يادماغي ياماااا أنا فين واي المكان اللي كله سيراميك ده مقعول عمي فاروق هيغير ارضيه القصر ؟؟
قطع تفكيرها الغبي صوت حد بيفتح الباب وبيقف قدامها ..كانت بنت لبسه جمبسوت (سولبته)سوده جلد وشعرها اسود وف خصلات لونها احمر وقفت قدام اسيا وهي رافعه وشها السلاح .
ابتسمت اسيا وهي بتكلم بغباء:طول عمري هموت وأشوف المره العنكبوتيه اخيرا شوفتك ياشيخة.
روز :مسمعش صوتك .
اسيا:تعالي بس فكيني ونتقابل حرمه لحرمه
روز بعدم فهم:حرمه ؟
اسيا:تؤ مش عارفه يعني اي حرمه امال ماڤيا ازاي بس
قطع كلامهم دخول عساف وهو بيضحك ف وش اسيا بخبث .
اسيا:راس الارجوز جه اهو
عساف:فكراني مش هعرف انك دخلتي بيتي وان انتي اللي خدتي الورق من خزتني؟
اسيا بسخرية:مشاء الله وكمان طلعت ذكي لا بقا ده احنا نرقيك .
عساف:مانا علشان ذكي مرضتش اخليكي تقعدي لوحدك ..هاتوا يابني .
دخل واحد من الحراس وهو ماسك فهد ورابط ايده لورا ف شهقت اسيا :يخربيتك قفشوك ازاي مين هيخرجنا دلوقتي.
فهد:هو ده اللي همك نطلع من هنا وهعلقك اصبري بس
ضحك عساف بصوت عالي :للاسف محدش فيكوا هيطلع من هنا أنت وهنقتلك ونرميك ف اي خرابه ..والسنيوره بقا فا أنا محتاجه اوييي
زعق فهد بعصبية:ده لما تشوف حلمت ودنك أو تفكر تلمس شعرها من هنا
عساف بسخرية:هنشوف ياحضره الرائد..عينك عليهم ياروز .
خرج عساف من المصنع وروز قاعده بتبص لفهد بإعجاب واضح.
اسيا بغيرها:بقولك اي يارز انتي قربي اقولك حاجه.
قربت روز باستغراب وهي بتميل عليها ..راحت اسيا ضر"بتها بدماغها ف راسها قامت وقفت بعد مافكت ايديها باسراميك صغير كان موجود جمبها وقت انشغال عساف وفهد مع بعض ف الكلام ...مسكتها من شعرها :أنا مش بضربك كده علشان انتي خط"فاني لسمح الله تؤتؤ ده علشان عين اهلك دي بصتله.
فهد فك ايديها بسهوله من السيراميك اللي جمبه ووقف يتفرج ع اسيا باستمتاع .
اسيا كانت ماسكه روز وبت"ضرب فيها لحد ماوقعت ف الأرض ماغمي عليها ..
صقف فهد فخر:تربيتي عظمه ع العظمه .
اسيا:هو الباشا كان عجبه المزه دي ولا حاجه ؟
فهد:أنا ميعجبنيش غيرك يابطل
اسيا:اممم انت عرفت توصلي ازاي بقا يانحنوح؟
فهد:انتي ناسيه اني عامل تتبع لفونك علشان الحالات اللي زي دي ؟!والاغبياء اللي خط"فوكي رموا موبيلك قبل المصنع بكام متر فكان سهل اوصلك .
اسيا:ايوب عرف ؟
فهد:زمانه اصلا اقتح"م المكان أنا بس اللي خليت رجاله الكل"ب ده يمسكوني علشان اكون جمبك .
اسيا:انت جمب ومعايا ع طول يافهد .
حضنها فهد وهو بيلمس ايد ع شعرها:أنا موجود علشانك ديما يا آسيا مقدرش اتحمل بعدك عني لحظه يابنت السيوفي .
اقتحم ايوب بالقوه اللي معاها المصنع واول ماشوف اسيا بسرعه شدها من حضن فهد وهو بيضمها لي وبيغمض عينه علشان ميعيطش .
ايوب :كنت ه"موت من خوفي عليكي .
اسيا:بعد الشر عليك ياايوب أنا كويسه ياحبيبي متقلقش
طلعها ايوب من حضنه وهو بيب"وس جبينها: الحمدلله.
اسيا: بس برضو منك لله كنت أتأخر شويه الواد كان خلاص قرب يب"وسني .
ضحك فهد بصوت عالي وهو طالع بره علشان يتابع باقي القضيه
ايوب:انتي يابت مش هتتلمي بقا
اسيا:جوزني فهد وانا اتلم
ايوب:بعينك لما تتربي نبقي نجوزهلك .
سابها ايوب وخرج ورا فهد وهي بصت ع روز المرميه ف الأرض ورجعت بصت لظابط اللي واقف :متنساش المرأة العنكبوتية يااحمد حطها ف مدرعه مش ف البوكس علشان مطرش منك .
ف شركه السيوفي ..
عيسي :تمام يادكتور يونس يبقا كده كل حاجه جاهزه
يونس:شرف كبير ليا اني اكون شريك ف مجموعات السيوفي
عيسي :الشرف لينا احنا .
تيام: أن شاءالله الصفقه هتوصل المينا بعد يومين من النهارده
يونس:تمام..أنا آسف بس هي دكتور فيروز محضرتش الاجتماع لي ؟
تيام بضيق:دكتوره فيروز وراها اجتماعات اهم
يونس حس بإحراج وعيسي بص لتيام بحذر .
يونس:طب استاذن أنا علشان عندي ميتنج كمان ساعه ف الشركه
عيسي :اكيد اتفضل.
خرج يونس من مكتب عيسي وهو بيدور بعينه ع فيروز .
ف المكتب .
عيسي :انت ازاي تتكلم بالاسلوب ده يابني ادم انت؟
تيام:عيسي انت محضرتش المره اللي فاتت وشوفت كان بيبص ازاي لفيروز
عيسي :والله ؟ والمفروض اصدق كلامك ده بقا انت عارف مين يونس الجندي ؟
تيام:يونس الجندي ع عيني وراسي بس يوم مايفكر يبص لواحده من اخواتي مش هخلي رجله تخطي عتبت الشركه دي
عيسي:انت صدقت نفسك ولا اي اخواتك مين انت ملكش مكان بينا وياريت تبعد عننا بقا ..أنا اخواتي اعرف احافظ عليهم كويس .
بصله تيام وعيونه اتملت دموعه وسابه ومشي ،وهو خارج من الشركه قابل فيروز :مالك ياتيام واخد ف وشك وماشي كده لي
تجهلها تيام وكمل طريقه قرب علشان يركب عربيته افتكر كلام عيسي لي وأنه ملهوش حق ف اي حاجه ساب عربيته ومشي وقف تاكسي وطلع ع القصر .
فيروز:ماله تيام ياعيسي قولتله اي ؟
عيسي:الباشا بيقولي أن يونس الجندي بيبصلك بنظرات مش مريحه
فيروز:وهو مكدبش من اول ميتنج ويونس منزلش عينه من عليا ومحبتش اقولك علشان متبوظش الدنيا وتيام بنفسه أصر اني محضرش الاجتماع ده علشان كده محضرتش .انت كدبت اخوك ياعيسي حتي لو مش من دمك بس متربي معاك تيام عمره ماقصر ف حق حد فينا وديما بيحل مشاكلنا حتي اليوم اللي الشحنه غرقت ف وانت مسافر تتفسح عندك خالك زين كان هو هنا بيحل المشكله قبل مايوصلوا ليك ويتقبض عليك وحط توقيعه مكانك علشان لو لقدر الله حصل هو اللي يتقبض عليه مش انت وف الاخر حلها وعرفنا نعوض الخساير
عيسي بذهول:انتي بتقولي كده علشان قلبي يحن عليه صح ؟
فيروز:لا دي الحقيقه ياعيسي احنا طول عمرنا بنكره عشق دي وعارفين أن كل كلامك بتكون قصدها توقع مابينا ومن لما عرفتك أن تيام مش اخوك وبخت سمها ف وشك وانت مش طيقه صالح اخوك ياعيسي علشان والدتك ترتاح لأنها اكيد زعلانه منك دلوقتي وحاسه بيك هي حاربت الدنيا كلها علشان تجيب تيام ع قصر فهد السيوفي زمان .
ّ
خرجت فيروز من مكتب عيسي وهو قعد مكانه بيفكر ف كلامها .
ف قصر السيوفي ..
ورد بترحيب : وحشتيني ياماسه اوي
ماسه:وانتي اوي ياحبيبتي اخبار الأولاد اي ؟
ورد:بخير الحمدلله امال زين مجاش معاكي لي كده .
ماسه بحزن:ماانتي عارفه بعد اللي حصل مبقاش بيقدر ينزل اجازات كتير بس يومين كده وهيجي علشان تيام عايزو ف موضوع مهم .
ميلت غزل دماغها بإحراج ف الأرض ع ذكر اسم تيام .
ورد:وانتي ياموج ياحبيبتي مش كفايه قراءه الكتاب ده من لما جيت اقعدي معانا شويه
رفعت موج نضارتها الكبيره ع وشها :كتاب مهم جدا ياعمتو مقدرش اسيبه حاليا
ماسه بملل من بنتها:هي كده ع طول الكتاب ف وشها ليل نهار ومحدش عارف يتكلم معاها .
تاج وهي بتاكل من طبق الكبير اللي ماسكه ف ايديها:والله ياعمتو حاولنا نخليها تفشل معرفناش
غزل:خليكي انتي ف الطبق بتاعك انتو الاتنين تركيبه غريبه واحده مبتعملش حاجه ف حياتها غير القراءه والابحاث والتانيه مبتعملش حاجه غير أنها بتاكل كل خمس دقايق.
ورد:انتي الكبيره برضو ياغزل لازم تتحملي اخواتك .
ماسه:مين دي غزل ؟التلاته اجن من بعض ياورد وبالذات الصغيره دي زين غلط يوم ماسمها تاج كان المفروض تكون جميله .
ابتسمت ورد بحزن واضح: الحمدلله ع نعمه وجودهم اهم بيعوضونا عن اللي راحوا .
دخل تيام القصر وتجاهل كل الموجودين وطلع ع اوضته.
ماسه:تيام ماله كده ؟
ورد:اكيد اتخانق هو عيسي كالعاده هطلع اشوفه .
غزل باسرع:لا ..قصدي ينفع بعد اذن حضرتك ياماما اطلع اطمن عليه أنا عارفة المشاكل اللي بينه هو عيسي معرفش السبب اي بس عندي علم بالخلافات اللي بينهم
ماسه:ماشي ياغزل بس خلي باب الجناح مفتوح .
غزل:اكيد ياماما ..استاذنك ياعمتو
ورد:اتفضلي ياحبيتي .
طلعت غزل بتوتر لحد ماوصلت لجناح تيام خبطت ع الباب براحه وفتحت كان تيام فتح شنطته وبيحط لبسه فيها وبيمسح دموعه ..
غزل :تيام مالك ف اي انت رايح فين .؟
تيام:رايح ع المكان اللي المفروض اكون ف عيسي عنده حق أنا مليش حق هنا ف اي حاجه.
غزل بعصبية:يعني اي ملكش حق ده بيتك والشركة ليك فيها زيه بالظبط انت الكبير
تيام بصوت عالي وهو بيعيط :لما اكون اخوه بجد إنما أنا حتت عيل جي من ملجأ.
بصتله غزل وهي مصدومه : ملجأ ؟ انت مش ابن فهد السيوفي ازاي ؟!!!
- تابع الفصل التالي عبر الرابط: (رواية تاج الفهد الجزء الثاني) اضغط على أسم الرواية