رواية عشقت صعيدية (2) الفصل الرابع عشر 14 - بقلم رنا احمد عماد

الصفحة الرئيسية

    رواية عشقت صعيدية  بقلم رنا احمد عماد

رواية عشقت صعيدية (2) الفصل الرابع عشر 14

في المستشفي …
كانوا يقفون أمام غرفه العمليات بدموع لاتتوقف كانت كلا منهما تجلس في احضان زوجها معدا تلك التي تجلس أرضا بدموع وقهره علي اختها الوحيده أما عدي فكان يجلس بدموع ورعب علي معشوقته التي يعشقها عشقا جنونيا كان الجميع يدعي أن تكون عشق بخير لياتوا الجميع بفزع وصراخ.
هنيه بدموع وصراخ /بنتي فين ليه الي حصل حد يتكلم .
حنين بدموع ووجع/اهدي ي ماما أن شاء الله خير.
كينان بصراخ وعصبيه /ماحد ينطق فيه ايه.
ياامن بحزن شديد/اهدا ي عمي من فضلك نطمن بس علي عشق والي عملوه كده قسما بالله ماهنرحمه .
عدي بدموع ورعب /ياما قوللتها بلاش ي عشق بلاش تخطري بحياتك ومتحرقيش قلبي عليكي انا اموت لو جرالها حاجه والله هموت ي امي هموت .
فيروز وهي تحتضنه بدموع /أن شاء الله ي نور عيني عشق هتقوم منها بالسلامه .
كينان بعصبية وضيق/لا ي شيخه بريئه انتي اوي ده علي اساس انك مش عارفه مين الي عمل كده انتي اصلا من ساعه مدخلت حياتنا والمصائب مش مفرقانه.
ليث بحده /كينان انا مقدر حزنك علي بنتك لكن مش هقبل انك تكلم مرائتي كده .
ادهم بحزن شديد/اهدا ي كينان من فضلك أن شاء الله هنوصل للعمل كده وياخد جزاءه .
كينان بغضب جحيمي/بس انا بقا عارف مين الي عمل كده ومش هستنا.
اركان وهو يسير خلفه /كينان استنا هقولك .
يااامن وهو ينظر إليهم بدقه /واضح كده أن فيه بينكم وبين حد تار وواضح أن احنا الي بندفع التمن .
لينظروا ادهم وسيف وفيروز وليث الي بعضهم البعض فالزمن يعود من جديد فكانوا يظنون أن بدخول ادم السجن قد انتهت كل عدواتهم لمن ها هي تبداء من جديد …..
هند بدموع ووجع/أن شاء الله خير ي هنيه .

هنيه بدموع ووجع في احضان هند/بنتي ي هند بنتي .
نور بدموع ووجع/ربنا ينتقم من الي بيعمل فينا كده .
كانت تستند حنين رأسها علي الحائط بدموع ليقترب منها حمزه بضيق شديد.
/ايه الخنقه دي هو ده شهر العسل هنقضيه كده دي جوازه فقر والله .
حنين بكره وهمس /هي فعلا جوازه فقر ويريت تشوفلك حته تقعد فيها وتسبني في الي انا فيه .
حمزه بغيظ شديد/بقولك ايه انا عايزك تعالي معايا شويه وارجعي .
حنين بغضب شديد وهمس /بقولك ايه اخفي من قدامي احسالك لاني مش طايقه اشوف وشك واعمل حسابك اني اول ماطمن علي اختي انك هطلقني .
حمزه بضحك وسخرية/ههههه لا ي شيخه ده بعدك ي حنين وبعدين احنا لسه لحقنا نتجوز عايزه الناس تقول عليكي ايه بصراحه انا مرضهاش عليكي وبعدين ايه ده هنا قلبك قوي الله يرحم في الشقه والرعب الي كنتي فيه .
حنين بغضب شديد/علشان كنت لوحدي لكن انا هنا بين ولادي عمي الي لو عرفتهم بس الي عملته هيقطعوك حتت وانت عارف كده كويس .
حمزه بغيظ شديد/لا ي شيخه خوفت كده انا انزل تحت ادلع نفسي بدل القاعده الهم دي .
حنين بكره وهمس /في ستين داهيه .
لتنظر حنين الي تلك اليد التي تلمس علي ظهرها لتنظر الي صاحبه تلك الابتسامه الرقيقه .
ريم بحزن شديد/أن شاء الله عشق هتبقا كويسه متزعليش .
حنين وهي تمسك يدها بدموع اعتزار /أن شاء الله ريم انا بجد اسفه اوي علي الي عملته متزعليش مني أنا مش عارفه ايه الي حصلي وايه الي وصلتي ل كده انا بجد مش وحشه اوي كده ربنا يسعدك انتي وصقر يارب .
ريم بابتسامه حانيه/ويسعدك انتي كمان يارب .
منه بدموع في احضان عاصي/انا خايفه اوي علي عشق ي عاصي هي وعدي ملحقوش يفرحوا .
عاصي وهو يقبل رأسها بحنان/اهدي ي روحي علشان خاطري إن شاء الله عشق هتبقا بخير .
شاهنده بدموع ووجع/يااامن انت مش حاسس ان الموضوع ده فيه أن الي حصل معانا ومنه والي كان هيحصلها ودلوقتي عشق فيه حد قاصد يدمرنا وياذينا ي يااامن .
ياامن وهو ينظر أمامه بشرود /السر ده عند ابويا واعمامي وانا لازم اعرفه .
في الممر …
كان يسرع اركان ليمسك يد كينان بعصبية .
/كينان ممكن تهدأ علشان نفكر .
كينان بحده/اهدا ايه ي اركان بنتي بين الحياه والموت وتقويلي اهدا مفيش غيره الكلب ادم هو الي وراء الي كل حصل منه وادي عشق و يعالم الدور هيجي علي مين تاني من ولادنا ي اركان طول مالشيطان ده عايش لازم نخلص منه لازم نموته ونرتاح .
اركان بعصبية/واحنا من امتا كنا كده ي كينان بلطجيه احنا .
كينان بحده/اوعا تقويلي القانون هيجيب حقنا لانك عارف كويس أن كلب زي ده هيخرج بسهوله من اي اتهام .
اركان بمكر وخبث/بس مش هيقدر يخرج من خطه اركان المحكمه قسما بالله ي كينان زي مادخلته السجن زمان هدخله تاني والي عمله في ولادنا هدفعه التمن غالي وهخليه يبكي بدل الدموع دم وانت عارف اركان اخوك لما بيوعد بيوفي…
****************.
في فيلا مارك …
فيلا هنزورها لاول مره مارك هو أحدا رجال المافيا الأجانب وهو المسؤل الكامل عن صفقه الارحام ويعمل معه ادم وعلي .
مارك بحده /عملت برضه الي في دماغك ي ادم مصمم تفتح العيون علينا .
ادم بابتسامه /جرا ايه ي بوص مانا قولتلك الي فيها صدقني الي بعمله ده في مصلحتنا وبعدين البت دي كان لازم تترقص قرصه كده علشان تحرم تتكلم في الي ملهاش فيه .
مارك بغضب /في مصلحتنا انك تخلي عائله الجوهري وخصوصا اركان الجوهري عدو لينا انتوا بايت عليكم اتجننتوا .
علي بجديه/اهدا بس ي بوص ماعائله الجوهري المصائب عمال ترف عليهم كده مش هيبقوا فايقين لاي حاجه اصلا صدقني احنا كده في امان .
ادم بجديه/ي عني كده انا باخد بتاري منهم وفي نفس الوقت خلينا اركان الجوهري عامل زي التعبان الي كل شويه نخبطوا علي رأسه علشان يدوخ ويبعد عننا اصل انت ي بوص متعرفش اركان الجوهري ده بالداخليه كلها ..
مارك بحده/تمام بس فتحوا عنيكم علشان اكبر شحنه مخدرات هتوصل كمان كام يوم .
ادم بجديه /تمام ي بوص .
****************.
في المستشفي ….
كان الجميع يقف بدموع ورعب ليخرج الطبيب ليسرع إليه عدي برعب شديد.
/خير ي دكتور طمني .
الدكتور بجدية/الحمد لله ي جماعه والله الي حصل ده معجزه لولا انكم جيتوه بها بسرعه كانت لقدر الله تشوهت تشوه مرعب بس الحمد لله احنا لحقناها علطول بس طبعا فيه شويه تشوه هيرحوا مع الوقت ساعه أن شاء الله وهتفوق عن اذنكم .
عدي بدموع وسعاده /مش مهم مش مهم المهم أن عشقي كويسه .
هنيه بدموع/الحمد لله ي يارب الحمد لله .
اركان بابتسامه وهو يحتضن كينان /الحمد لله ي كينان الحمد لله.
ليتضنوه الشباب بعضهم بسعاده وكذالك الفتيات ليذهبوا كل واحد لجناحه لحد عشق ماتفوق ..
في جناح يااامن وشاهنده …
شاهنده بابتسامه/الحمد لله ياامن ربنا كريم تعالي ي حبيبي كل انت مكالتش حاجه من الصبح .
ياامن بابتسامه وتنهيده وهو يجلسها علي قدمه ويطعمها بحنان /هو حد كان ليه نفس لاي حاجه بس الحمد لله ربنا ستر .
شاهنده بابتسامه وحنان /عارف ي ياامن احلا حاجه كان رده فعل عدي بجد راجل اوي مش هامه اي حاجه لانه بيحبها وبس .
يااامن وهو يقبلها بعشق /علشان بيحبها زي مانبعشقك كده .
شاهنده وهي تحتضنه بعشق /انت مفيش حد زيك ي ياامن ربنا يخليك ليا ي حبيبي انت راجل نادر ي يياامن .
يااامن وهو يحملها برغبه وهمس/طب تعالي بقا علشان عايزك في موضوع مهم .
في جناح صقر وريم ….
كانت تقف ريم وهي تسرح شعرها ليقترب منها صقر وهو يقبل يدها بحنان .
/انتي ازي ملاك كده هو انا استاهل اتجوز واحده زيك كده ي ريم .
ريم بابتسامه وعشق وهي تقبل يده /ده انا الي استاهل أن اتجوزك ي صقر انت كتير عليا اوي ي صقر انت الحلم الي طول عمري كنت بتتنماه بحبك ي صقر بحبك اوي .
صقر بابتسامه حنونه/وانا كمان ي ريم ب .
ريم بابتسامه وهي تتضع يديها علي شفتيه /متكملهاش ي صقر مش عيزاك تقول حاجه انت مش حاسسها .
صقر بابتسامه وهو يقبل يدها/ليه بتقويلي كده ي ريم صدقيني انتي ليكي مكانه في قلبي مش ممكن حد غيرك ياخدها ابدا .
ريم بابتسامه وعشق/وانا راضيه ده كفايه عليا اوي ي صقر ربنا يخليك ليا.
صقر وهو يقبل يدها بحنان/ويخليكي ليا ي ست البنات معلش هروح انا المستشفي لأن عدي لوحده لحد مالبهوات يروحوه عملالي فيها عرسان جداد وانا ابن الغساله .
ريم بابتسامه وضحك /ههههه ماشي ي نور عيني وانا شويه وهحصلك .
في جناح عاصي ومنه….
كانت تبعتد عنه منه بضحك شديد.
/اهدا ي عاصي الله يخربيتك .
عاصي بابتسامه عاشقه/اهدا ايه بس ده انا هتجنن عليكي خودي هنا احسالك .
منه بضحك شديد/ههههه اه ي مجنون .
عاصي وهو يمسكها بابتسامه وسعاده/انا فعلا مجنون مجنون بيكي ي قطتي بحبك ي منه بحبك اوي.
منه بعشق وهمس/وانا بعشقك ي مالك قلبي وروحي .
****************.
في المستشفي ..
في غرفه عشق …
كان يجلس عدي بجانبها بدموع والم لتفتح عيناها تتدريجيا ليقترب منها عشق بابتسامه حنونه.
/حمد لله على السلامه ي نور عيني.
عشق بتعب /عدي هو ايه الي حصل انا مش فاكره حاجه غير أن حد كب حاجه علي وشي وشي حصله حاجه.
عدي وهو يقبل يدها بحنان/معلش اي أن كان الي حصل هنعديه ي عشق .
عشق بدموع ووجع/ي عني ايه انا اتشوهت صح .
عدي وهو يحتضنها بحنان وعشق/لا ي نور عيني والله دي حاجه بسيطه الحمد لله وبعدين انا بموت فيكي وبعشقك بكل حالاتك.
عشق بدموع وندم /سمحني ي عدي سمحتي دمرت فرحتنا انا اسفه ي حبيبي اسفه انت دايما كنت تقويلي بطلي تكتبي ي عشق بس انا كنت مصممه أكشف المجرمين دول ي عدي .
عدي وهو يقبل يدها بحنان/أن شاء الله كل الي انتي عايزاه هيحصل والمجرمين دول نهايتهم هتكون قريبه اوي ي نور عيني المهم انتي خفي كده وقومي كده ده انا في الكام ساعه دول حاسس اني يتيم من غيرك ي عشق .
عشق وهي تلمس علي وجهه بابتسامه ساحره/انا اسفه ي روحي انا كان لازم اعرف اني خلاص بقيت مسؤؤله عن حببيي وروحي وحياتي مبقتش ملكي لوحدي ربنا يخليك ليا ي عدي .
عدي بابتسامه وهمس /طب اسكتي بقا علشان انا ماسك نفسي عنك بالعافيه لاني لو عملت حاجه هتبقا فضيحه في المستشفي .
عشق بابتسامه حنونه/خلاص هسكت بس نيمني في حضنك .
عدي وهو يغفا بجانبها علي السرير وياخذها في أحضانه وهو يقبل رأسها بحنان ويدعي الله لسلامه عشقه …
في الخارج ….
كانت تجلس حنين بشرود ليقترب منها ذلك الشيطان .
حنين بكره وغيظ/استغفر الله العظيم.
حمزه بحده /ايه شوفتي عفريت ولا ايه.
حنين بكره وغيظ/انيل اخلص عايز ايه وايه الي جابك هنا .
حمزه بغضب/ما كل واحد واحد خاد مرايته ومشي وانتي هتفضلي كده كانك ملكيش راجل.
حنين بكره وسخريه /راجل بس متظلمش الرجاله وتقول علي نفسك راجل.
حمزه وهو يمسكها بحده/ماشي ي حنين براحتك بس اوعي تفتكري انك هتقدري تخلصي مني فاهمه .
حنين وهي تتدفع يده بكره /هخلص منك غصبن عنك فاهم لاني مستحيل افضل غلي ذمه واحد زيك .
حمزه بغضب وتوعد /ماشي ي حنين ماشي .
في نفس اللحظه قد وصل صقر ليلاحظ تلك المشده بينهم ليرمقه حمزه بكره وغيظ لينظر إليه صقر نظره استفزازية جعله يتوعد إليهم بالمزيد ليقترب منها صقر ..
/مالك .
حنين بوجع ومراره/انا كويسه الحمد لله.
صقر بقلق بالغ/مش باين انك كويسه الحيوان ده مضيقك في حاجه .
حنين بابتسامه وجع/معقول ي صقر لسه بتحبني بعد كل الي حصل معقول لسه بتخاف عليا .
صقر بسخرية /احبك لا متحلميش واضح اني غلط لما سالتك انا سؤالي كان علشان انتي عمي وبس مش اكتر سلام ي بنت عمي .
لتحاول حنين مسح دموعها عندما رأت الجميع قد أتا سريعا لتذهب سريعا الي الحمام لتلحقها شاهنده بقلق .
في الحمام ….
كانت تقف حنين وهي تمسح دموعها بعدما خلعت نقابها لتتحدث بوجع .
/اه ي صقر خلاص كرهتني بس انت عندك حق بعد كل الي عملته بس اطمن ي حبيبي انا عمري مهحاول ادمر حياتك انت وريم عمري .
لتسير شاهنده الي الداخل لتفزع من تلك العلامات الزرقاء علي رقبتها لتقترب منها بفزع .
/ايه ده ي حنين هو الحيوان ده عمل فيكي ايه .
حنين بدموع ووجع/ابوس ايدك ي شاهنده اسكتي .
شاهنده بدموع وصراخ /لا مش هسكت الحيوان ده لازم ينادب لتسرع الي الخارج ووراها حنين .
من امام غرفه عشق …
كان يجلس صقر مع عاصي لتسرع اليهم شاهنده بصراخ وغيظ .
حنين بدموع وتوسل /ابوس ايدك ي شاهنده اسكتي .
صقر بقلق /ايه فيه ايه.
عاصي بجديه /فيه ايه مالكم .
شاهنده بدموع وغيظ /الحيوان الي اسمه حمزه ضرب حنين ضرب جامد ومبهدلها .
حنين بدموع ووجع/اسكتي ي شاهنده كفايه .
صقر بدماء تغلي في عروقه /الكلام ده صحيح الحيوان ده عمل كده فعلا .
عاصي بغيظ وهو يمسكه /انت لسه هتسال ي صقر هو الي حابه لروحه ابن الكلب ده .
ليسرعوا بغضب جحيمي الي غرفته …
في غرفه حمزه …
كان يخرج من الحمام لينفزع من صوت دخول شخص الغرفه ليتحدث بفزع .
/مين .
صقر وهو يمسك الحزام بغضب شديد/احنا الملائكه ي روح امك .
عاصي بغضب جحيمي/وهنبعتك علي جهنم دلوقتي .
 


رواية عشقت صعيدية (2) الفصل الرابع عشر 14 -  بقلم رنا احمد عماد
nada eid

تعليقات

ليست هناك تعليقات
إرسال تعليق
    google-playkhamsatmostaqltradent