رواية عشق من الماضي كامله بقلم الكاتبه المجهوله عبر مدونة دليل الروايات
رواية عشق من الماضي الفصل الثالث عشر 13
د/ محمد : سحر عندها ورم سرطاني
سلوى بصدمه : لااااا انت كداب سحر كويسه لاااا سحر كويسه ااه سحر لسه سيباها حالا و كانت مفيهاش حاجه
د/ محمد : تب ممكن تهدي و تسمعيني
سلوى بدموع : قول قول يا خويا قول قولي ان سحر معندهاش حاجه
د/ محمد : انا مقدر اللي انتي فيه بس للاسف بسبب الحادثه قدرنا نعرف الورم دا فين و نحدد مكانه و للأسف مقدرناش نصتأصله وقتها لان كانت حالتها حرجه و كان عندها نزيف داخلي و لو كنا عملنا اي حاجه وقتها كان هيبقى في خطر على حياتها
سلوى بدموع : و العمل يا دكتور هنعمل ايه
د/ محمد : مفيش قدامنا حل الا انها تفضل هنا قدامنا و تحت عنينا على ما حالتها تستقر و ندخلها العمليات علشان نصتأصل الورم دا
سلوى بانهيار : كان مستخبي دا فين يارب دا سحر غلبانه و في حاله ازاي يحصل فيها كل دا
د/ محمد : انتي المفروض تحمدي ربنا لان لولا الحادثه اللي حصلت لها دي مكناش قدرنا نكتشف الورم دا و كان ممكن ينتشر ووقتها مكناش هنلاحقها و كان هيقضي عليها
سلوى بدموع : الحمد لله يارب الحمد لله
عند سحر
سحر : الحمد لله كفايه كدا
أم سحر بحب : كفايه ايه لا تاكلي يالا هي المكرونه و حشه
سحر بحب : لا والله دي كانت تحفه و البطاطس يا سلااام مقرمشه زي اللي بحبها بالظبط
أم سحر بحب : بالهنا و الشفا يا قلبي
قاطعهم دخول الدكتور محمد : السلام عليكم
الكل : و عليكم السلام
د/ محمد : الله الله مكرونه بالبشاميل في المستشفى دخلتي بيها ازاي دول مانعين اي اكل يدخل هنا
أم سحر : هو اكل المستشفيات دا اكل دا اكل يمرض مش يشفي و غير كدا سحوره بتحب الاكله دي
د/محمد : و انا مليش من الحب جانب
أم سحر : لا ازاي من عيوني احلى خرطه مكرونه بتحب الطرف ولا الوسط
د/ محمد : هههههه دا انا بهزر
أم سحر : و مالو دا الاكل كتير و يساع من الحبايب الف
د/ محمد : ربنا يخليكي بالهنا و الشفا ليكم انا بتغدي مع الست الوالده ربنا يخليها يارب
أم سحر : ربنا يخليك ليها و يخليكم ل بعض يارب
د/ محمد : اللهم امين يا ماما عن اذنكم
أم سحر : اتفضل يا دكتور
الدكتور محمد طلع
أم سحر : و الله دكتور ابن حلال
سحر : الا سمر اختي فين و ساره
أم سحر بارتباك : هاااه اا ما انا قولت لك سافرت عند خالتك
سحر : تب و ساره و كتابها
أم سحر باستغراب : كتابها
سحر : أيوا يا ماما مش في الاجازه بنوديها كتاب علشان تحفظ القرآن
أم سحر : ااه ااه ما هو لسه الدرجات طالعه بقي نفرحها شويه
سحر بلهفه : يعني نجحت في سنه رابعه و هتخش خمسه
أم سحر في نفسها : رابعه ايه دي خلصت ٢ ثانوي
سحر : معايا يا ماما
أم سحر بحب : معاكي يا ضنايا من عيوني هروح اتصل ب اخواتك يجوا لك و بإذن الله هجبهم و اجيلك بالليل
سحر : تمام يا ماما
قاطعهم دخول على
على : ازايك يا ماما
أم سحر بحب : ازيك يا حبيبي خد بالك من سحر على ما اجي باليل
على وهو بيبص ل سحر بحب : من عيوني
أم سحر بحب : تسلم يا حبيبي مش عايزه حاجه يا سحوره
سحر بحب : عايزه سلامتك يا ماما
أم سحر : سلام يا حلوين
و طلعت برا
على بحب : اخبار روح قلبي ايه
سحر بخجل : بطل طريقتك دي
على بحب : مالها طريقتي انا معدتش هخبي انا بحبك يا سحر
سحر بخجل : دا لسه المرحله طويله لسه ٤ سنين كليه و ماجستير ودكتوراه لسه بدري على الموضوع ده
على بارتباك : ما هو ما هو
سحر : اقولك على حاجه
على بحب : قولي يا سحوره
سحر : ما توفي بوعدك و تاخذني الملاهي
على بحب : خفي انتي بس واول ما تطلعي من المستشفى هوديكي
سحر بزعل : خلاص ماشي
في المساء
د/ محمد ل سلوى : خلي سحر تاكل واديها الدوا بتاعهاو بعدهم الحقنه دي...........
سلوى : حاضر يا دكتور بس انا جبت لك التحاليل اللي قولت لي عليها فضلت مع دكتور التحاليل لغايه ما طلعها يارب تكون خير
د/ محمد وهو ماسك الاشعه : اهوا شوفي كدا دا الورم السرطاني اللي قولت لك عليه لو فضل اكتر هيصيب الخلايا اللي حواليه فخلينا نلحقها من الاول
سلوى بدموع : يعني في امل لشفا يا دكتور
د/ محمد : الحمد لله اكتشفناه في الأول اهوا وان شاء الله خير
يالا بس روحي ل سحر واعملي اللي قولت لك عليه و اياكي تجيبي لها سيره احنا مصدقنا ان نفسيتها اتعدلت و تحسنت عن الاول
سلوى وهي بتمسح دموعها : حاضر يا دكتور
في غرفه سحر
سلوي بحب فتحت الباب : سحوره يالا علشان العشا
قطعت كلامها لما شافت سحر مش موجوده
سلوى بخضه وهي بتخبط على باب الحمام : سحررر انتي هنا
لايوجد رد
فتحت الباب و.................
يتبع الفصل التالي اضغط على (رواية عشق من الماضي) اضغط على أسم الرواية