Ads by Google X

رواية عشق الحور الفصل الثاني والسبعين 72 بقلم مروه شحاته

الصفحة الرئيسية

            رواية عشق الحور كامله بقلم مروه شحاته عبر مدونة  دليل الروايات

رواية عشق الحور

رواية عشق الحور الفصل الثاني والسبعين 72

ترجل غيث من السياره ليستند عليه جاسر لتفتح بسمه لهم الباب
بسمه #ان شاء الله هتبقي زي الفل
غيث #معلش يابسمه حضري الحمام لجاسر وهتيلوا هدوم من عندي
انصرفت ليخرج الاولاد من الداخل ويجرون نحو ابيهم ليخر بالارض يضمهم اليه يتشمم انفاسهم روح حبيبته تسكن بهم
عشق #ماما مش اجت معاك يابابا
انيس #هو احنا مش هنشوفها تاني دي بقالها يوم ويوم ويوم مش اجت
غيث # ما ما وننا
جاسر # ماما تعبانه شويه بس هي هتروق وتيجي .. خلو بالكوا من بعض انيس خد بالك من اخواتك ومتتعبش خالتو بسمه ماشي
عشق # هو انت هتمشي تاني
انيس #يعني يسيب ماما لوحدها
يحيي #متخفش ياعمو انا بخلي بالي منهم
ليبتسم للفتي ويربت علي كتفه
#طبعا يايحيي ماانت الكبير
يونس # طب مفيش ازيك ياخالو ولاحاجه
غيث #خاتو بيبي
ليرفعه بين ذراعيه
#تصدق انت الجدع اللي فيهم
يحيي #امال خالوا سليم فين
غيث #راح الزريبه يايحيي ... خد اخواتك وادخل القوضه
عشق #لاء انا هقعد مع بابا واعمله العشا زي ماما
انيس #صح ونقلعه الجزمه عشان هو كان تعبان ... ماما بتعمل كده
قال جملته لينزع عنه حذائه وجوربه ليهمس باختناق
#انا بحبكوا اوي ... وماما بتحبكوا اوي
عشق #ماما جابت نونو جديد زي غيث صح اسمه ايه
غيث #هي جابت اتنين بس تعبنين شويه بس هما ولاد مش بنات
لتمط عشق شفتيها وتقول بحزن
# يعني مفيش اختي كله اخويا اخويا ...
جاسر #ادعيهم ياعشق دول تعبانين اوي
انيس #هما اسمهم ايه يابابا
#لما ماما تقوم هتقولينا
بسمه #سيبوا بابا بقي ياخد حمامه وتعالو معايا نعمل الاكل يلا
اسنده غيث للداخل ليعود قالت بسمه #دا شكله تعبان اوي
#مش قلتلك ... كويس ان العيال هنا مش عاوز يدخل البيت
#عامل ايه يايونس
#تعبان اوي يابسمه حاسس بحجره واقفه علي صدري زي مايكون روحي بتنسحب مني
#هتبقي كويسه
#عارفه امبارح غمضت عيني جنبها شوفتها واقعه في بير غويط بتحاول تطلع منه مش عارفه ... جسمها ضعيف
بسمه #ربنا يعديها علي خير يارب
الجميع #ياارب
بسمه #بس انت قدرت تقومه ازاي
#مش انا ماما كلمته كلمتين فوقته بيهم ... .. يحيي
خرج الصغير #نعم يابابا
#عارف قوضه ننا المصحف بتاعها هتتلاقاه علي المخده هاته وهات السبحه اللي تحت المخده وهات شنطه العلاج وتعالي
يحيي #فوريره
لينطلق ركضا للخارج ... خرج بعد قليل نعم الحزن يمليء وجهه ولكنه متماسك نوعا ما
جاسر#يونس
يونس #كويسه متقلقش
بسمه # يلا ااقعدوا بقي عشان تاكلو لقمه
جاسر #ملييش نفس يابسمه والله
بسمه #طب وحياه حور عندك
تقدم جاسر ليجلس امامهم
ينظر الي الطعام بشرود قال بحنين
#حور بتحب المحشي اوي
نظرت بسمه الي غيث ليربت علي كتفه
#بكره ياسيدي تقوم وتعملك احلي محشي ...كل ياجاسر عشان خاطري
ابتلع بعض الطعام بصعوبه
#مش. قادر ياغيث كل انت انا هبص علي العيال علي ماتخلص
بسمه #طب بلاش اكل هجبلك كوبايه لبن دافيه
#متتعبيش نفسك يابسمه كفايه الحمل اللي انا راميه عليكي ...
#متقولش كده حور دي بنتي مش اختي بس
قامت لتعد له الحليب وتحرك هو ناحيه غرفه الاطفال
عشق #بابا احنا عاوزين نيجي معاك نشوف ماما
انيس #والنبي يابابا والنبي والنبي
اغمض عيناه بالم
#صلي الله عليه وسلم ..... مينفعش ياانيس ماما تعبانه ومش هترد عليكوا
عشق #احنا هنشوفها ومش هنتكلم معاها هنبوسها بس
انيس #ومش هنعمل دوشه
خالص اصل ماما وحشتني اوي اشوفها بس
تنهد بقوه #طيب بس من غير دوشه عشان غيث ميحسش وترجعوا مع عمكوا غيث علي طول
يحيي #اجي معاكو ياعموا عشان اخلي بالي منهم
ربت جاسر علي كتفه #ربنا يحفظك يايحيي
غيث #يلا بينا ياجاسر الواد يونس مش عاوز ياكل هو كمان
جاسر #معلش ياغيث انا عارف انك تعبن معايا عشق وانيس عاوزين يشوفوا امهم يمكن وجودهم حواليها يخليها ترجعلنا
#ياجاسر دي مستشفي ودول اطفال يحيي #يابابا متخفش انا هروح معاهم واخلي بالي منهم تعالي ياانيس هغيرلك وانتي ياعشق روحي لماما تغيرلك
بعد قليل كان يترجل جاسر ويونس وغيث والاطفال الثلاثه لتقابلهم الطبيبه بوجهها البشوش المعتاد
#مساء الخير ياجاسر باشا
#ايه الاخبار
#الحمد لله الاولاد بقوا بخير وممكن يطلعو من الحضانه بكره ان شاء الله
#طب وحور
#احسن كتير معدلتها الحيويه كويسه جدا ودا مؤشر هايل
يونس بلهفه
#يعني ممكن تفوق
#ان شاء الله زي ماربنا نجا
الاوالاد ان شاء الله هينجيها
انيس #طب انا عاوز اشوف ماما
انحنت الطبيبه امامهم وقالت باسمه
#اهلا بالتؤام الاشقيه ... بس ماما تعبانه
عشق#احنا مش هنعمل صوت هنبوسها بس ونخرج اصل هي وحشتنا اوي
ربتت الطبيبه علي كتفهما
#طب تعالوا معايا .
تحركت بالاطفال ليتحرك خلفها الجميع وقعت عيناه عليها مازالت مغمضه غارقه في عالم بعيد عنه ولكن مهلا هناك ابتسامه شاحبه علي وجهها ... يقترب ليجلس علي طرف الفراش يتلمس بسمتها الباهته
#حور ... فتحي عنيكي وحشتيني اوي ...
ليصعد انيس علي الفراش ويلقي نفسه علي صدرها
#وحشتيني اوي ياماما
عشق وهي تحاول التسلق
#لاء ماما وحشتني انا
زينب# وبعدين ياولاد ماما تعبانه
انيس #لاء ماما بتلعب عامله نايمه عشان نصحيها
ليهزها الصغير بيديه الصغيره
#ماما اصحي ... عارفه خالتو مش قالت لينا ان انت تعبانه ... قالت ماما راحت تجيب النونو ... انا مش بحبه عشان خلاكي تنامي
عشق #يحيي طلعني عاوزه ابوس ماما
ليرفعها يحيي بصعوبه لتدفع انيس قليلا
#ابعد ياغلس ماما هتحضني انا
لتربت علي وجهها بيدها الصغيره
#ماما ردي عليا انا مش علي انيس هو وحش اصلا انا بنوتك بس كده مش تجيبي بنوته كمان بس مش مهم .... قومي ياماما عشان خاطري غيث قاعد مع يونس وخالتو بس بيقول ماما فين ...
اغمض جاسر عيناه بالم
#غيث روح العيال دي
الطبيبه #لاء سيبهم وجودكوا حواليها خلي ضربات قلبها تبقي اسرع ومعني كده انها هتبدا تستجيب فعلا
جاسر بلهفه
#يعني هي حسيت بالاولاد
#هي حسيت بحضرتك لان ضربات قلبها بدات تزيد من اول مادخلت
انيس بحده #غمض عنيك ياعمو ماما مش لابسه طرحه حرام
غيث #انا مش ببص ياانيس متخفش
يراقب صغيره بقلب نابض وهو ياخذ طرحه من جدته ليغطي بها شعر ولادته وتعدل عشق ثيابها لتخفي الاسلاك تحت ملابسها يتحرك انيس ليغطي الجزء الظاهر من اصابع قدمها
انيس بدموعه #بابا انا كنت
زعلان منك انت وماما عشان سيبتونا لوحدنا بس مش كنت اعرف انها تعبانه ومش هترد عليه
ضمه جاسر الي صدره
#حقك عليه ياحبيبي ... ربنا يباركلي فيكو ...
عشق بدموع #بابا مش تعيط
ليمسح وجهه #لاء مش بعيط انا فرحان بيكوا اوي ... ربنا يحفظها عشانكو وعشاني ..
ليجلس بجوار راسها ويهمس
# قومي ياحور شايفه الولاد قلقنين عليكي ازاي ... الحمد لله الدكتوره بتقول الولدين بكره هيطلعوا من الحضانه ... ربنا نجاهم عشانك ... اومي ياحور الدنيا من غيرك وحشه اوووي
مسح يونس دموعه وقال
#تعالو يااولاد عشان تشوفوا النونو
قفزت عشق لتمسك يد يحيي
#تعالي معايا يايحيي
يونس #مش هتيجي ياانيس
#لاء هما وحشين تعبوا ماما
جاسر #ماما تزعل منك كده ياانيس دول اخواتك انت الكبير
قبل الصغير خدها لتسقط دموعه علي وجهها
#لاء انا مش عاوز ماما تزعل مني وهروح لحمزه ومالك واشوفهم
غيث وهو ينزله
#انت سمتهم خلاص
#انا وماما كنا بنختار اسماءهم عشان بابا هو اللي بيسمي البنات ماما كانت بتقولي الحزب بتعانا يكسب عشان فيه هي وانا وغيث ودلوقتي فيه حمزه ومالك وبابا الحزب بتاعه فيه عشق بس عشان كده هي غلبانه ولازم نطبطب عليها كلنا
زينب #غيث تعالي وديني معاهم اشوف العيال
خرج الجميع ليقترب هو يريح راسه علي صدرها ويهمس بلوعه
#وحشتني ياحوريتي ... مقدرتش ادخل البيت وانتي مش فيه .... الدنيا سودا والحمل تقيل اووووي ياحور ... عارفه يمكن اللي رد روحي شويه لما خت العيال في حضني ..وحشني حضنك اوي ...وحشتني عنيكي اللي لون البندق ... حقك عليه كنت فاكر ان العيال هي اللي هتخليكي تفضلي معايا ... بس كنت غلطان عشان اناعايش جوا القلب ده وبس ....اومي ياحور عشان خاطري ...
ليخفق قلبه ويرتعش جسده
بالكامل ليحصل منها علي اول استجابه حركه لاصابعها بين اصابعه .....يتمسك بيدها كانها طوق النجاه لتتحرك مره اخري ليخرج مسرعا خديجه
#في ايه يابني
#حور ايدها اتحركت الدكتوره فين
#انت هدخلها وروح انت
اطلق ساقيه للرياح ليفتح باب غرفه الطبيبه
#حور ايدها اتحركت
#تمام اهدي بس ..انا قلتلك ان استجابتها بدات تشتغل ..
تحركت ليتحرك خلفها يتابع بشغف كشف الطبيبه لتجري اتصال وتستحضر طبيب اخر
#طمنيني
#مبدايا هي في مرحله الوعي يعني ممكن تكون سمعانا او حاسه بينا دلوقتي ..بس لازم يشوفها دكتور مخ واعصاب لانه هو اللي هيحدد ... يمسك يدها يريد فقط حركه اخري تحيي امال قلبه المهترئه *,
عاد الصغار ليقبلوا علي والدتهم
انيس #دول صغيرين اوي اوي
عشق #عاملين زي العروسه بتعتي
يحيي # قومي بقي ياخالتو دول بيعيطوا جامد زي يونس
جاسر بلهفه #هتقوم يايحيي
وقف غيث امامه ليقول بانفعال .
#ايدها اتحركت ياغيث حور هتقوم عشاني
بعد قليل حضر الطبيب ليصر علي اخراج الجميع من الغرفه وبعد مشاده كادت تصل للعنف وافف علي مضض علي وجود جاسر كان يتامل وجهها حصل علي اقتطابه وآنه مختنقه من بين شفتيها لتضيء الدنيا حوله بنور عيناها ليقترب دون وعي
#لو سمعاني حركي عينك
لتطرف عيناها
#شايفه اللي حواليكي
لتحرك عيناها وتهمس
#جاسر
استعاد كل شيء نبضه وعيه قوته روحه المفقوده ليخر في
الارض اللهم لك الحمد والشكر
يرفع راسه ليجلس علي الفراش يتلمس وجهها بشغف
الطبيب بغضب #يااستاد بعد اذنك عاوز اكمل شغلي مش عاوزين اي انتكاسه
قال بسرعه #لاء اعمل اللي انت عاوزه
حدقه الطبيب باستغراب هذا الطور الهائج كيف تحول لحمل وديع
#مدام حور في حاجه بتوجعك
#بطني
#مفيش اي وجع في دماغك
#لاء رجلي وظهري كمان بيوجعوني
وقف عند ساقيها وبدا يثنيها
#ذوقي ايدي علي قد ماتقدري
دفعت يده ليقوم بنفس الحركه مره اخري
#الحمد لله ظاهريا كله تمام بس محتاجين نعمل رنين علي المخ عشان نتاكد ان نفيش حاجه اتضررت
جاسر # تمام اللي تشوفه حضرتك
# تمام هنبدا بحركه خغيفه خالص يعني نقوم ننزل رجلينا في
الارض ونحاول نتعدل
عدل جاسر ثيابها ليخفض ساقيها يسندها
#لاء انا دايخه اوي ياجاسر
الطبيب #دا طبيعي انتي بقالك اسبوع في غيبوبه خدي نفس طويل وحاولي تاني
لتعتدل مسنده راسها لخصره
#مش قادره حاسه اني هرجع
ليضمها جاسر بين احضانه ليرفعها لتلمس قدميها الارض
الطبيب
#مدام حور حاولي بس تتغلبي علي الدوخه دي وتتحركي
جاسر # متخفيش انا معاكي
حور #متسبنيش
ليحتضن خصرها بذراعه
#متسبنيش انتي
خطوه فاخري
#كده تمام رجعها مكانها وحمدلله علي سلامتك
حور #بطني بتوجعني اوي
جاسر # معلش انتي فاتحه قيصري
تحسست بطنها وانهمرت دموعها
#الولاد ماتوا مش كده
اراحها علي الفراش جالسه لتقول الطبيبه
#اطمني الولاد زي الفل وبكره هيخرجوا من الحضانه بس انتي هتفضلي معانا شويه لحد مانطمن عليكي خالص حمدلله علي
سلامتها ياجاسر بيه ..
#الله يسلمك انا متشكر ليكوا جدا واسف يادكتور
#لاء مفيش حاجه
ليخرج الاطباء ويهرول الصغار ليقفزو علي الفراش بسعاده
#ماما صحيت خالتو حبيبتي
لينتزعهم جاسر وغيث
زينب #الف حمدلله علي سلامتك ياحور
#ماما انتي جيتي
#اشش انتي بنتي زي عيشه امال فين عيشه
#مع سليم وعم محمود بيوزعوا العجلين بنيه الشفا وربنا استجاب
ليدخل يونس ليرتمي علي صدر حور
#الحمد لله ربنا يخليكي ليه
لتقول بتعب
#ويخليك يايونس بس بطني بتوجعني انت نايم علي الجرح
ليرفع راسه ويضحك من بين دموعه
#مانا عارف مهي بتوجعتي انا كمان
لينفجر الجميع في الضحك

يتبع الفصل التالي اضغط على (رواية عشق الحور) اضغط على أسم الرواية
google-playkhamsatmostaqltradent