رواية شطرنج الحب بقلم جني غنيم
رواية شطرنج الحب الفصل الخامس 5
حسيت نورا بنفس حد وراها بتلف ، لقيت عزيز وراها هتصوت كت"م عزيز بوقها بأيده نورا بدأت تعيط و حضنته بقوة و عزيز حاط وشه في رقبتها و يتنفس بقوة كأنه يطلع الضغط اللي جواه ، نورا قالت بشهقة : ابعد عني ابعد عنييي
بدأت تضر"ب عزيز على كتفه
عزيز بعد عنها بالعافية و قال محاول يغير الموضوع : كنت بختبرك اشوف ردة فعلك
نورا بتهوي بأيدها و تحاول تاخد نفسها و قالت : نجحت بقا في الاختبار ؟ .. مش كل جاجة امن الدولة تعرفها يا حضرة الظابط
نورا مشيت و لكن عزيز مسكها من دراعها و قال : بتكابري ليه يا نورا ؟ ايه سرك ؟!
نورا بدموع : اديك قولت سر ..سيبني في حالي انا كنت ماشية جانب الحيط لغاية ما أنتَ ظهرت في حياتي
عزيز شد"ها و قعدها و قال : طالما جعانة كنتِ المفروض تقوليلي
نورا بلعت ريقها بإحراج و لم ترد فقال عزيز : عايزة حاجة معينة ؟
نورا : أنتَ عارف الساعة كام دلوقتي هتطلب ديليفري دلوقتي ؟
عزيز :هو احنا بنعمل حاجة غلط ملكيش دعوة بكلام الناس ..ها بقا عايزة حاجة معينة ؟
نورا : لا عادي .. انا بس عندي حساسية من الشطة و الفلفل الاسود
عزيز مسك تليفونه و قال : تمام
نورا قاعدة و افتكرت موقف
فلاش باك
نورا قاعدة على ترابيرة السفرة مع اسرتها و كانت حاسة بأيد على رجلها تبص تحت المفرش و تلاقي والدها و يبص لها نظرات مش أب و بنته نهائي
نورا قامت بفزع و قالت : عن اذنكم شبعت... انا هنام
انتهى الفلاش باك *
نورا دموعها تنزل عزيز ييجي و شايل كياس الاكل و قال : أنتِ كويسة ؟
نورا بصيت له و قالت : عمرك شوفت اب حاول يتحر"ش ببنته ؟
عزيز بصلها بعدم فهم : اكيد لا ... بس ليه بتقولي كده ؟
نورا قامت وقفت و قالت : انا ابويا راجل و"قح و عمل كدة
نورا جريت على اوضتها و قفلت الباب
عزيز واقف مش مستوعب حاجة و قال : طب مين هياكل الاكل ده ؟
صباح تاني يوم
نورا طلعت لقيت عزيز يحط ازازة لبن في التلاجة فقالت : صباح الخير
عزيز قفل باب التلاجة و قال : صباح النور يا رب تكوني احسن دلوقتي و انا اسف على اللي حصل
نورا بتوتر : و لا يهمك عن اذنك الحق اجهز عشان اروح الشغل
عزيز: انا بلغت لواء غفران بموافقتك و أنتِ مش هتروحي الشغل
نورا بإستغراب : يعني ؟
عزيز : يعني هتاخدي اجازة عشان هنبدأ تدريبات نجهزك بيها للمهمة ..اقنعي كاظم بأي حاجة يعني صاحبتك هتتجوز و محتاجة مساعدة عشان يتيمة و محتاجة اسبوعين اجازة
نورا بتوتر : حاضر ..هروح اكلمه
عزيز قعد و مصطفى خرج و قال : عزيز صباح الخير
عزيز حضن اخوه و قال : صباح النور يا درش عندك درس النهاردة صح ؟
مصطفى : اه يا دوب البس و انزل
عزيز : انا فخور بيك دايما اعمل اللي عليك و متشغلش بالك بالباقي
مصطفى : ربنا يطول في عمرك يا عزيز
نورا جات فقال مصطفى : صباح الخير يا نورا
نورا ابتسمت و قال : صباح النور يا مصطفي
مصطفى دخل الحمام فقالت نورا : كله تمام وافق .. هو اصلا مسافر و كان لسة هيتصل بيا و هيرجع بعد شهر
عزيز قام و قال : عظيم ...يلا عشان مستعجلين مش عايزين نضيع وقت
بعد فترة
نورا ركبت الاسانسير مع عزيز و قالت : هو انا مش مجرد جاسوسة ايه لازمة التدريبات
عزيز ابتسم و قال : انتِ شغالة مع مافيا يعني لازم تكوني في قمة التركيز و تبقى جاهزة عشان لو اتكشفتي
نورا ماشية ورا عزيز و ركبوا العربية و عزيز هيحط مفتاح العربية
يلاقوا عوض خال نورا واقف و ماسك شو"ما ( عصا"ية كبيرة ) فقالت نورا بصويت : الحق يا عزيز
عوض ضر"ب ازاز العربية الامامي بالشو"ما اتكس"ر و عزيز حضن نورا و ...
- يتبع الفصل التالي اضغط على ( رواية شطرنج الحب ) اسم الرواية