رواية احببت صعيدي الفصل الرابع 4 - بقلم عازفة على اوتار الحزن
رواية احببت صعيدي الفصل الرابع 4 - بقلم عازفة على اوتار الحزن
البارت الرابع🖤🖇️
في الداخل فيروز كانت معديه فسمعت ساميه بتقول
ساميه:مش ناويه تفرحي بدياب يا هاله يعني يونس خاطب امل وقاسم خاطب ليلي وسليم خاطب ورد مش فاضل غيره ولا هو علشان مش ولدك تعملي كدا
هاله بحده: ايه الكلام الماسخ دا يا ساميه وانا من أمتي بفرق بين دياب واخواته ناديه الله يرحمها كانت موصياني عليه وانا لحد دلوقتي عمري ما جصرت مع دياب بالذات انا عارفه انك بتدوري علي مصلحه بتك ودا مش عيب وبعدين فاطمه بتك قدامه علي طول لو عايز يتجوزها كان قال
ساميه:متزعليش مني ياهاله بس قوليلي أعمل اي البت بترفض اي عريس يتقدم ليها ولسه حاطه امل في دياب انه يحبها
هاله بطيبه:لا يا ساميه انا مزعلتش بس حاولي مع بتك وقوليلها كل حاجه قسمه ونصيب
ساميه:يلا ربنا يقدم اللي فيه الخير
هاله:اه صحيح اخبار سليم ولدك ايه يا احلام
احلام:الحمد لله بخير
هاله:يبقي قوليلو هاله مرات عمك زعلانه منك جوي عشان بطل ما ياجي عندنا
احلام:طب تصدقي هو جاي مع قاسم النهارده بعد ما يخلصو الشغل
هاله:يلا ربنا يعينهم
احلام:يارب تعالو نقعد بره احسن
هاله وساميه:يلا بينا
طلعت فيروز علي اوضتها وهي مش فاهمه حاجه ازاي دياب مش ابنها قاطع تفكيرها حد خبط علي الباب فتحت فيروز لقيت ورد
ورد:ايه يا فيروز مش اتفقنا اني اعرفك علي بنات علي بنات عمي
فيروز:تصدقي نسيت طب يلا انا جايه معاكي راحت فيروز مع ورد ودخلو اوضه ورد
ورد:دي فيروز يا بنات
امل بابتسامة: أيوه اتعرفنا عليها تحت كانت مع دياب
ورد بهزار:ايه دا كده يافيروز مش تقوليلي
فيروز بضحك:ياابنتي انا مشفتكيش الا دلوقتي عشان اقولك
ليلي بابتسامه:هو انتي في كليه ايه يا فيروز
فيروز بابتسامه:انا في كليه السن أخر سنه السنادي وانتو
ليلي: انا وورد وامل في تانيه كليه اعلام وفاطمه في اخر سنه كليه تربيه نوعيه
فيروز بابتسامه:مش بتتكلمي ليه يا فاطمه
فاطمه بضيق:مش حابه اتكلم مع حد
فيروز حست باحراج وورد بصت ليها بضيق
فيروز:عن ازنكم انا هروح اوضتي
امل:خليكي يا فيروز احنا عايزين نتكلم معاكي اكتر
ليلي:اه ياريت قعدتك حلو خالص
فيروز:معلش انا تعبانه شويه وعايزه انام مره تاني أن شاء الله عن ازنكم وخرجت فيروز مقدرتش تمسك دموعها اكتر من كده كانت رايحه علي اوضتها قابلها يونس
يونس وهو شايف دموعها:في اي مالك يا فيروز
فيروز وهي بتمسح دموعها:لا مفيش في حاجه بس دخلت في عيني عن ازنك انا رايحه اوضتي وبعدين افتكرت الكلام اللي ساميه قالت
فيروز:يونس انا كنت عايزه اتكلم معاك لو معندكش مانع
يونس:لا طبعااا اكيد معنديش اسبقيني علي الجنينه وانا هعمل نسكافيه وهحصلك
فيروز:تمام
راحت فيروز الجنينه وبعد فتره اجي يونس ومعاه اتنين نسكافيه
يونس بهزار:اتفضلي يا ستي عملت ليكي كوبايه معايا بس متتعوديش علي كده
فيروز بضحك:خلاص ياعم انت هتزلني
يونس بضحك:ياستي خلاص مش هزلك المهم كنتي عايزاني في. ايه
فيروز:هو سوال خاص بدياب
يونس باستغراب:مالو دياب
فيروز:هو دياب اخوك
يونس:ايوه اخويا بس انتي ليه بتسالي السوال دا
فيروز:اصلا انا كنت رايحه اوضتي فسمعت طنط ساميه بقول لماما هاله أن هي مش راضيه تجوزو عشان هو مش ابنها
يونس بابتسامه:بصي دياب اخويا من الأب بس اما اخواتي من الاب والام هما قاسم وورد بس احنا عمرنا ماحسينا انو اخونا من الاب خالتي ناديه الله يرحمها ماتت ودياب كان وقتها تسع سنين ماتت في حضن دياب عشان كده هتلاقيه اغلب الوقت بيكون ساكت وهي وصت امي علي دياب ومن ساعتها وأمي مش بتفرق دياب عننا
فيروز بحزن علي دياب:ربنا يصبره الا قولي ايه حكايه اسطبل الخيول دي
يونس بضحك:دياب كان كل ما نعمل حاجه غلط يخلينا ننضف اسطبل الخيول كلو لوحدنا انا وقاسم من غير الشغالين اللي هناك وكان بيقف علينا يراقب الشغل عارفه فلم شئ من الخوف بتاع عتريس وفؤاده اهو دياب بقا كان عامل زي عتريس ماسك الكرباج وبيشوفنا شاغلين ولا لاء
فيروز عيونها دمعت من كتر الضحك ويونس كمان وكملو ضحك وهزار
في اوضه ورد
امل:حرام عليكي يا فاطمه أحرجتي البت
ليلي بضيق:متبقاش فاطمه لو معملتش كده
فاطمه:والله كلكم دلوقتي جايين عليا هي واحده مش محترمه اصلا انا شايفها قاعده مع دياب في الجنينه دا انا بنت عمو وعمري ما عملتها
ورد باستفزاز:وليه متقوليش ان دياب هو اللي عايزها تقعد معاه
فاطمه:قصدك ايه يعني
ورد:قصدي انو ممكن يكون حبها
فاطمه:انا خارجه اقعد بره اصلك بقيتي بارده يا ورد
فاطمه خرجت بره وهي بتوعد لفيروز
فاطمه في التلفون:ايوه يابت يا تهاني اللي هقولك عليها تعمليه بالحرف الواحد.........................فهمني
يابت الفلوس ابعتي حد ياجي ياخدها انا قاعده في بيت عمي عثمان بس ياجي من الباب الوراني قفلت مع تهاني وهي بتبتسم بشر
عند فيروز
فيروز:هي الساعه كام دلوقتي
يونس وهو بيبص في ساعته: الساعه اتنين ونص
فيروز: طب عن ازنك انا هروح اوضتي
يونس:اتفضلي اه صح دياب قال لورد أنها تطلع الشنطه بتاعتك الأوضه بس يمكن ورد نسيت ما تقلك
فيروز:اه ممكن يكون نسيت هروح انا بقي عشان ارتب الهدوم في الدلاب
يونس:طبعااا اتفضلي
راحت فيروز اوضتها ورتبت هدومها في الدولاب لقت حد بيخبط علي الباب راحت فتحت
ليلي :تعالي يا فيروز صلي معانا
فيروز:حاضر بس
ليلي:بس ايه
فيروز بإحراج:انا مش معايا إسدال
ليلي بابتسامه:ياستي متشليش هم الاسدال معانا زياده
فيروز بابتسامه:طب يلا بينا
راحت فيروز وليلي علي اوضه ورد وامل ادتها الاسدال
فيروز:هي فين فاطمه
ورد:مش عارفه والله راحت فين تعالو نصلي احنا يلا
وصلو كلهم بعدين قلعو الاسدالات بتاعتهم ماعدا فيروز
فيروز واقفه بتبص لشكلها بالحجاب في المريه وأنها متغيره كتير
امل:شكلك حلو خالص بالحجاب
فيروز:عندك حق هو هنا في محالات هدوم
ليلي:ايوه في
فيروز:طب ايه رايكم تيجو معايا في يوم اصلي عايزه اشتري هدوم
ورد:تمام احنا موافقين فجاه سمعو صوت عالي تحت فيروز والبنات نزلو يبصو من الشباك اللي بيطل علي الجنينه وفيروز نسيت أنها لسه بالاسدال وفاطمه عملت نفسها طالعه من المطبخ
دياب ويونس طلعو بره في نفس الوقت اللي بيوصل فيه قاسم وسليم
دياب وهو شايف أهل البلد متجمعين عند البوابه والحراس منعين دخولهم بس دخلو قاسم وسليم عادي
دياب بغضب: في ايه وايه الصوت العالي دا
واحد من الواقفين وهو اللي فهمهم كده :مش عيب عليك ياحضره العمده لما تجيب واحده ماشيها بطال شايفين يا اهل البلد بقا العمده بتاعنا جايب واحده كدا امال احنا نعمل ايه
دياب وعيونه حمرت من الغضب وعروقه برزت قال: افتحو الباب وهاتو اللي بيتكلم دا وانتو يا اهل البلد بجا واحد ميسواش زي دا يجول علي عمدتكم كده وانتو تصدقون
كل اهل البلد منزلين رأسهم في الأرض والحراس ماسكين الشخص اللي حرض اهل البلد
دياب:الواحده اللي بيتكلم عليها دي تبجي خطيبتي واللي هسمعو بيقول نص كلمه عليها هدفنو صاحي
يونس وقاسم وسليم بيبصو لبعض بدهشه
اهل البلد كلهم: احنا اسفين يا حضره العمده
كل اهل البلد مشيو
دياب بغضب:هاتولي الكلب دا علي المخزن بعد فتره
وصل دياب البيت وكانت فيروز بتبكي وحوليها البنات بيهدوها وفاطمه جمب فيرو
اول ما دخل دياب ووراه يونس وقاسم وسليم كلهم وقفة
فاطمه كانت جمب فيروز قرب دياب منهم بخطوات ثابته وفجاه طخخخخخخخ قلم نزل علي وش...................
🥺♥️♥️♥️♥️♥️♥️
•تابع الفصل التالي "رواية احببت صعيدي" اضغط على اسم الرواية