رواية ليتها تبقي الفصل الثالث 3 - بقلم الاء محمد

الصفحة الرئيسية

  رواية ليتها تبقي بقلم الاء محمد 


 رواية ليتها تبقي الفصل الثالث 3


خرجت من المستشفي وركبت عربيتهاا ومسحت دموعها .. ومسكت الفون واتصلت بحد..

+ الو .. انا عايزة باسبور و بطاقه مضروبين...

* خير يا استاذه .. عيزاهم ليه!! 

+قالت بحده : ملكش دعوة هتعمل اللي بقولك عليه ولا اروح لغيرك..

* خلاص يا استاذه ميبقاش طبعك حامي كده .. عيزاهم ف خلال قد ايه؟! 

+ بكره الصبح يكونوا عندي .. هبعتلك الاسم وكل المعلومات اللي هتحتاجها و الست اللي هتجبلي الظرف هتمشي ومعاها ظرف فيه 10.000 جنيه ... والشغلانه دي بالذات تنساها خالص وتنسي اني كلمتك فيها .. سامع..

" قفلت الفون وراحت مكتبها مشت كل الموظفين وعملت كوبايه نسكافيه وبدأت تدور ف حياته .. محمد عبدالرحمن المصري .. أهله ناس من صفوة المجتمع عندهم اراضي وشركات وسلسله مطاعم ..  مكنش صعب عليه خالص يرميها ف مستشفي ويهددها لو فتحت بوقها .. بس يا ترا شوفتي ايه يا شهد رعبه للدرجادي وخلاه يخاف تتكلمي ويحدد إقامتك ف مستشفي .. مفيش اي صورة ليه ع السوشيال ميديا مع بنته .. وف كل المقابلات الصحفيه محدش سأله عنها اصلا .. ده معناه أن محدش يعرف أن عنده بنت أساسا !!!! حياته بين القاهرة و نيويورك و اليونان بس بيسافر سينا شهرين ف السنه وكل صوره ع الانستجرام سيلفي ده معناه أن محدش بيكون معاه هناك عشان يصوره .. مراته دايما معاه في كل سفرياته الا سفريه سينا !! تاريخ جوازه منها مش معروف بس هو أعلن عن العلاقه وعمل فرح ف 2018 ..  قفلت اللاب ومسكت الفون واتصلت بحد...

+ بت يا اية .. وحشتيني ..

/اهلا بالمحامية الكبيرة ..وانتي كمان وحشتيني والله .. ايه فينك..

+ موجوده.. المهم عيزاكي ف شغل..

/ وانا جاهزة .. قوليلي؟! 

+ الراجل اللي اسمه محمد عبدالرحمن المصري .. عرفاه؟!

/ الا عرفاه هو فيه حد ميعرفوش .. ده من اغني الناس ف الوطن العربي يا بنتي..

+ هو انتوا تعرفوا أن عندو بنت؟

/ عنده ايه !!!! لا طبعا ... انتي متاكده يا بنتي ؟!

+ ايوا متاكده ... عنده بنت اسمها جميلة وعندها 9 سنين ..

/ وانتي عرفتي منين حاجة زي كده ؟!

+ مش مهم .. المهم انتي عارفه هتعملي ايه ..

/ طبعا عارفه متقلقيش .. 

+ تمام .. انا عايزاه يبقي تريند .. وكلمي العيال بتوع السوشيال ميديا والبلوجرز يعملوا كام حلقه عن حياته ... والناس بتوع الشو عيزاهم يتكلموا ف الحوار كتير .. تويتر يتقلب وكلمي حد من الناس اللي تبعنا يرصد نسبه التريند ويقول النسبه بتقل بعد ما كانت عاليه ... انا عيزاها نار ...

/ ايه كل ده !! دا انتي شايله منه اوي ..

+ تار قديم يا اية .. وانتي عارفه عاااد احنا صعايدة ومنسبوش حقنا واصل..

/ ايوا بقي يا بت عمي يا جامدة .. يلا انا هشوف الشغل واقولك...

+ اوعي تسيبي اي اثر  وراكي .. متنسيش يا اية اهم من الشغل تظبيط الشغل...

........................................................

+ اوووووف عارفه يا بت يا شهد امك ما عمرها ما فشلت تاخد قلبي بحلة المحشي بتاعتها دي ... استني كده اما ادوق تاني ... لا جامده جاااامده ...

" كانت بتبصلها وبتضحك .. جميلة طول عمرها مجنونه وبتنفذ اللي عيزاه بس متوصلش أنها تدخل المستشفي في السر حله محشي وبانيه .. بصتلها جميلة وابتسمت " 

+ تدوقي ؟

" شهد بصتلها بتردد ف جميلة بصتلها بحب " 

+ عشان خاطري كلي .. حتي لو حاجة بسيطه يلا ... ها ها .. عملتها البت وكلت ... بذمتك صباع المحشي القمر ده ولا المحاليل اللي بيدوهالك ...

" ابتسمت شهد وكلت اخيرا بعد خمس سنين عايشه فيهم على المحاليل .. بس كانت لسه خايفه وتعبانه ف دموعها نزلت .. شافت جميلة دموعها ف قربت منها حضنتها وباستها ومسحت دموعها " 

+ ابتسمت بسخرية وقالت : مفيش فايدة .. لسه نكدية زي ما انتي .. السنين دي كلها مغيرتش فيكي حاجة ..

" وهنا اتكلمت شهد اخيرا وقالت" 

& انا اسفه ... سامحيني...

+ ضحكت بفرحه وقالت : اخيرا اتكلمتي .. انا خلاص مش زعلانه .. المهم انك تكوني بخير ❤️ 

& انا غلطت ف حقك و كنت نادلة أما سيبتك .. بس والله انا نيتي كانت اني هنفذله طلبه موقتاً لانه كان معايا علي التليفون وشارط أنه يسمعني وانا بقولك كده .. وحبه حبه كنت هقنعه اني اكلمك عادي .. انا اسفه متزعليش مني...

+ صدقيني مش زعلانه .. انا سامحتك من زمان اوي يا شهد .. وصدقيني هجبلك حقك وحقي و هرجعلك جميلة ..  

& انا أنا تعبانه اوي .. كان .. كان نفسي تكوني معايا ف كل لحظه وتشوفيها .. انتي عارفه أن عيونها واسعه ولونها رمادي زي عيونك بالظبط .. وبتحب الدرك شوكليت زيك و مش بتحب السبانخ والمكرونه البشاميل زيك برضه .. كان نفسي تشوفيها ونربيها سوا... انا السبب .. انا اللي حرمتها يكون عندها خالة زيك تحبها وتحميها .. كان مفروض اعرف اني عمري ما هعرف احميها ..

+ دموعها نزلت وقالت : هيحصل .. كل اللي قولتيه ده هيحصل .. هجبها وهخرجك من هنا وهتيجوا تعيشوا معايا .. انتي العائلة اللي اخترتها و عمري ما هسمح لحد يؤذي عيلتي ... بس انتي لازم تساعديني وتقوليلي ايه اللي حصل خلاه يجيبك هنا !!!!

& عشان شوفته وهو .....


 رواية ليتها تبقي الفصل الثالث 3 - بقلم الاء محمد
nada eid

تعليقات

ليست هناك تعليقات
إرسال تعليق
    google-playkhamsatmostaqltradent