رواية كان اسمه حبيبي الفصل الثالث 3 بقلم الاء محمد

الصفحة الرئيسية

  رواية كان اسمه حبيبي بقلم الاء محمد


 رواية كان اسمه حبيبي الفصل الثالث 3


ها يا حياه ... طمنيني يا حبيتي ..

قولت بابتسامه نصر + متقلقيش يا عمتو .. الخطه ماشيه تمام ... وقريب اوي كل حاجه هترجعلك..

: انا اسفه يا حبيبتي اني دخلتك ف اللعبة دي .. انتي ملكيش ذنب ف كل ده..

+ متقوليش كده يا عمتو .. انتي مش عارفه انتي ايه عندي و غلاوتك من غلاوة ماما الله يرحمها ...

: تسلميلي يا حبيبتي... المهم هو حاول ي*ضربك أو يعمل اي حاجة ...

+ لا خالص ... كلام وبس وحرفيا لسانه بيقول حاجة وعينه بتقول حاجة تانيه خالص... " ابتسمت " مش عارف يبقي قا*سي.. 

قالت بدموع : وراث الحنية من أبوه الله يرحمه .. قلبي وجعني عليه اوي ..

+ مسحت دموعها وحضنتها : كل حاجة هتبقي تمام .. اوعدك ... حازم هيرجعلك وشركتك كمان واسمك وسمعتك ...

: انا مش عايزة اي حاجة غير حازم ... عايزة ابني يا حياه ...عيزاه يعرف الحقيقة... 

+ هيعرف كل حاجة .. اوعدك..

" شوية وخرجنا .. حازم صمم أن بابا وعمتو يتغدوا معانا .. كان بيضحك وبيهزر معايا زي ايام الخطوبة بالظبط .. بالرغم اني عارفه أنه متجوزني انتقام .. بس كنت أتمني أن حبي ليه يكون كافي أنه يغيره ويخليه يبص لقدام ويشوف مستقبله " 

& طيب احنا هنمشي بقي .. خلي بالك من يا حياه يا حازم ... انت واخد حته من قلبي..

" مسك ايدي وبصلي بحب " 

_ ف عنيا يا عمي متقلقش عليها ...

: اوعي تزعلها يا حازم .. انا اللي هقفلك عشان تبقي عارف...

ضحك وقال _ متقلقيش يا عمتي ...

.........................................

_ رايحه فين يا هانم..

" وقف قدامي وهو مربع ايده وبيبصلي " 

+ لازم انزل بسرعه ... المستشفي كلموني وقالوا إن ف حالة خطيرة جت طوارئ..

_ مفيش نزول..

+ حازم بجد اخر حاجة ينفع تتعمل دلوقتي أننا نتخانق ... ف حد بيخسر حياته ولازم ألحقه...

_ قولت مفيش نزول...

حاولت أتمالك اعصابي وقولت : حازم ... انا سكتت علي كل اهانت*ك ليا وكلامك الجا*رح .. بس حاجة واحده بس اللي مش هينفع اسكت عليها وهي شغلي... لو سمحت لازم انزل... الست دي لو ماتت ذنبها هيبقي ف رقبتي ورقابتك.

"سكت ودخل الاوضه ورزع الباب ... بصيت للاوضه بحزن ونزلت بسرعه ... كانت حالة صعبه اوي .. قعدت 4 ساعات ف العمل*ية واخيرا خلصت ودخلت مكتبي ارتاح .. رميت نفسي ع الكنبه وغمضت عيني بتعب وفجأة لقيت الباب اتفتح  " 

* عملتيها يا بنت اللذينه وخطفتي الأنظار تاني..

+يا ساتر يارب ...  الله اكبر ف عينك ... وانا اقول حياتي بايظه ليه اتاريكي حاطه عينك فيها...

* فين البايظه دي يختي .. من اسبوعين فرح ف ارقي مكان ف مصر و انهارده عملية صعبه وتقيله ونجحتي فيها...

+ يا بت ايش حال ما انتي عارفه أن جوازتي فيك اصلا وشهر وكل حاجة هتخلص ... اومال لو مكنتش حكيالك كنتي قولتي ايه ... 

* ولو ولو اسمه جواز برضه .. لا وايه مع راجل كل بنات البلد تتمناه .. بت بعد ما الحوار يخلص ويعرف كل حاجة ابقي رشحيني ليه والنبي ...

+ يختي يفضلوه وعليه الف بوسه ... وبعدين انتي بتعاكسي جوزي قدامي يا بت ... نهار اب..وكي اسود..

* الاااااه مش كان من شوية جواز فيك وهينتهي ... 

بصتلها بغيره وضحكت  + لمي نفسك يا ليلي هااا انا مش نقصاكي ... المهم كنت عايزة اديكي اسم كده تخلي اخوكي يجبلي كل المعلومات عنه ... 

* اشطا .. طيب  فيه جديد ؟!

+ قبل ما اجي ع طول عمتي كلمتني وقالتلي ان الظابط اللي متابع معاها قالها أن شريف شهاب عنده شحنه مخ*درات جديدة وهما عارفين كل حاجة عنها وبيخططوا يمسكوه متلبس و يخلوه يعترف بكل اللي عمله وساعتها حازم يعرف الحقيقه...

* طيب يا بنتي وليه انتوا مقولتوش ليه كل حاجة وخلاص..

+ مكنش هيصدق يا ليلي .. حتي لو عملنا DNA واثبتنا أن عمتي هي أمه الحقيقيه .. مش هيصدق أن شريف خطفه منها ولبسها تهمه بوظت سمعتها .. دي قعدت 10 سنين تتعالج ف مصحه نفسيه بسبب اللي حصلها .. 

* يعني كل الإدلة اللي معاكوا دي ومش هيصدق!! ده يبقي حمار ومغفل بشكل..

+ بس يا بت متقوليش عليه كده .. وبعدين طبيعي ميصدقش حطي نفسك مكانه .. لو حد جه قالك أن ابوكي مش ابوكي وخطفك من أهلك الحقيقين وتاجر مخ*درات و سلا*ح و جاي ف اي حاجة شم*ال هتصدقيه ... 

* أما يبقي حد معاه أدلة .. وفيه تحاليل ممكن اتاكد بيها وصور وحاجات كتير مش هيبقى قدامي اختيار اصلا غير اني اصدق..

+ ده عندك انتي  .. شريف كان عامل حساب يوم زي ده ... و ربي حازم بطريقه قاسيه وعلمه يشك في كل اللي حواليه وميصدقش حد غيره .. بس تعرفي .. حازم حنين اوي وجواه كمية حب تملي العالم ده كله ... كنت اتمني يكون بيحبني زي ما بحبه .. كنت اتمني كل حاجة تكون حقيقه .. 

ضحكت وغمزتلي * سيدي يا سيدي .. دا انتي واقعه اوي .. طيب ع الاقل مكنتيش اتجوزتيه يا موكوسة عشان الموضوع ميبقاش صعب عليكي اوي كده ..

دموعي نزلت + معرفتش اقول لا .. رغم اني عارفه أنه كان بيعمل كل ده عشان اوافق اتجوزه وينتقم من بابا فيا ..بس حبيته وحبيت المشاعر المزيفه اللي حسسني بيها .. 

" قامت حضنتني وفضلت تطبطب عليا " 

* متزعليش يا قلبي .. كل حاجة هتبقي تمام أن شاء الله .. وربنا هيعوضك...

+ يارب .. انا همشي بقي عشان اتاخرت .. وانتي تابعي الحالة ولو حصل اي حاجة كلميني..

* خلصانه .. خلي بالك ع نفسك ..

" خرجت برا المستشفى وانا حاسه بوجع ف قلبي عمري ما حسيت بيه .. اكبر غلطه عملتها ف حياتي اني حبيته .. مكنش لازم اسمح لنفسي أقرب منه وأحبه.. كان لازم التزم بالخطه واقرب منه كصديقه وبس ... بس انا اللي غلطانه وانا برضه اللي هدفع تمن غلطتي ... فوقت ع صوت السواق و هو بيقولي وصلنا ... دخلت البيت واول ما دخلت اتصدمت من اللي شوفته .. 

+ مين دي يا حازم ...

قال ببرود _ دي ناردين خطيبتي .. 

"بصتلها لقيتها بتبصلي باستهزاء ف قلت بلامبالاة"

 + خطيبتك!!! اممم طيب يا حبيبي مش تقولي انك هتجييها ع الاقل كنت جبت غدا معايا ... ع العموم انتي مش غريبه يا حبيبتي المطبخ موجود ممكن تعملي اي حاجة سريعه أو تطلبوا دليفري .. " قربت منه وبصتله بحب " حبيبي انا هدخل انام شوية قعدت وقت طويل اوي ف العمليات ف محتاجة ارتاح .. 

" بوسته ف خده وجريت ع الأوضه .. مكنتش عارفه اتنفس ... معقولة حازم يعمل فيا كده ... معقولة يكون عايز يكسر*ني كده ... قعدت اعيط كتير .. لحد ما سمعت باب الشقه اتقفل ف فهمت أنها مشيت ومفيش ثواني ولقيت باب اوضتي بيتفتح وحازم بيبصلي بغضب " 

_ انتي اي اللي عملتيه ده؟! 

قولت ببرود : عملت ايه؟! 

_ كلمتي ناردين بالطريقه دي .. ودخلتي الاوضه عادي كده ولا كأنك شوفتي واحده غريبه مع جوزك .. انتي ازاي بارده كده ؟! 

+ انا مقولتش حاجة غلط .. هي مش ضيفه برضه موجودة في وقت غدا ... وبعدين عادي انا مش معتبره نفسي متجوزة اصلا.. ف براحتك..

_ نعمم!! مش معتبره انك متجوزة ازاي يعني ؟!!!!

+ واحده يوم فرحها جوزها قالها مش بحبك وكنت بخدعك وبمثل عليكي وأنها مجرد خدامه ... هتعتبر نفسها متجوزه!! حازم أنت نهيت حياتنا من قبل ما نبدأها .. ف انا بعتبر نفسي مطلقه بس ناقص امضتك وامضتي ع حته ورقه وخلاص..

ربع ايده قدامه وقال  _ ومين قالك بقي اني هطلقك .. ده بعينك... وابعد ليكي من نجوم السما..

+ هتطلقني يا حازم .. يأما هلجأ للخلع.. انا مش عيزاك..

قرب مني وقال بهمس: بس انا بقي عايزك .. بمزاجك أو غصب عنك ..

" بعدت عنه ولسه هرد لقيت الموبايل رن " 

+ الوو ... مين حضرتك .. بتقول ايييه !!!


 رواية كان اسمه حبيبي الفصل الثالث 3  بقلم الاء محمد
nada eid

تعليقات

ليست هناك تعليقات
إرسال تعليق
    google-playkhamsatmostaqltradent