Ads by Google X

رواية كان اسمه حبيبي الفصل الثاني 2 بقلم الاء محمد

الصفحة الرئيسية

  رواية كان اسمه حبيبي بقلم الاء محمد


 رواية كان اسمه حبيبي الفصل الثاني 2


حضرت الفطار وروحت الأوضه عشان الأوضه عشان اقوله سمعت بيتكلم وبيقول ..

_ متزعليش مني يا امل .. انا بعمل كل ده والله عشانك واوعدك هجبلك حقك... منهم كلهم ...

اتصدمت من اللي سمعته ... أمل !!! مين امل !! وياخد حقها من مين ... انا هتجنن .. قررت اتصرف بشكل طبيعي لحد ما افهم مين دي وحازم عايز ينتقم من مين .. خبطت ع الباب .. 

+ الاكل جاهز يا حازم..

_ طيب..

 " خرج بعد شوية وهو مكشر وبيبصلي بقرف ... مقدرتش احدد نضراته دي معناها ايه "

_ ايه القرف ده ... الاكل طعمه وحش وناقص ملح .. انتي فاشلة ف كل حاجة كده ... 

بصتله بصدمه وقولت + ايه اللي انت بتقوله ده .. انت اول مرة تقولي اني فاشله ... ده انت .. انت اللي كنت بتشجعني وبتقولي اني ناجحه وذكية ... ايه اللي حصل لكل الكلام ده...

_ هه اديكي قولتيها كان كلام ... كلام وبس .. لكن الحقيقه بقي انك فاشله وغبيه وضعيفه ..

+ حازم !! انت بتقول ايه !!! ليه كل ده !! ليه بتعاملني كده .. انا عملتلك ايه عشان تعمل معايا كده ... حولت اجمل يوم في حياتي لخيبة أمل كبيرة وحزن هيفضل معلم ف قلبي دايما...

" ضحك وبصلي بتريقه و حقد " 

_ هو ده المطلوب ... انا هحرق قلبك ومش هسيبك غير وانتي متدمرة ومفيش امل فيكي..

" دموعي نزلت ولسه هرد لقيت الباب بيخبط .. مسحت دموعي بسرعه وروحت افتح لقيته مسك دراعي بقوة " 

_ انتي رايحه فين خشي البسي حاجة بدل اللي انتي لبساه ده وانا هفتح ...

" بصيت ل لبسي باستغراب .. كنت لابسه كاش قصير فوق الركبه .. اتكسفت وجريت ع الاوضه بسرعه .. ازاي لبست كده قدامه وازاي نسيت اصلا أن فيه حد معايا ومينفعش البس كده ... اتعاملت تلقائي علي اني مع حازم .. جوزي وحبيبي ونسيت اني زوجه مع ايقاف التنفيذ ... سمعت صوت بابا وحازم بيرحب بيه بحب واحترام ... هو ازاي بيتحول كده ... ده نظرته من شوية كافيه تقتل كل الامان اللي ليه جوايا "

قولت بعياط + وحشتني اوي يا بابا ...

& وحشتك ايه يا بكاشه وايه الدموع دي  .. ده هي ليله واحده .. امال بعد اسبوع هتعملي ايه ...

" ضحكت وفضلت حضناه وبعيط .. مش عارفه ده عشان بابا وحشني فعلا واول مرة ابعد عنه ولا عشان فرحتي اللي اتدمرت بسبب حازم " 

: ما خلاص بقي يا بت ... الله يكون في عونك يا ابني ع النكد ده ... 

" ضحكت ومسحت دموعي .. دي عمتو أميرة .. اخيرا بقيت كويسه وهترجع لطبيعتها " 

جريت عليها حضنتها + كده يا عمتو ... وانا اللي قولت إنك هتيجي ف صفي .. بتحرجيني قدام الأجانب...

ضحك حازم وقال _ وهو انا أجانب..

بعدتني عنها : لا طبعا متقصدش ... متزعلش منها هي طول عمرها دبش كده ... 

" لقيته قرب مني وشدني قعدني جنبه ومسك ايدي وباسها " 

_ مقدرش ازعل منها ... دي هي كل حاجة ف حياتي ... ربنا رزقني بيها بعد سنين عذاب ...

: ربنا يحميكوا يا حبايبي ... تعالي معايا يا حياه عيزاكي ..

" استاذنا منهم ودخلنا الاوضه " 

: ها يا حياه طمنيني..

قولت بابتسامه نصر : متقلقيش يا عمتو الخطه ماشيه تمام... وقريب اوي كل حاجة هترجعلك...


google-playkhamsatmostaqltradent