رواية نعم هو انت بقلم شهد هاشم
رواية نعم هو انت الفصل الثاني 2
علي بنبره جاديه .عاوز اعرف شركة ******* عملتوا معاها اي
كنت واقفه مصدومه من الصوت ؛ ده علي اللي انا اتكلمت معاه بتاع دقايق بس نفس الصوت
كنت بحاول أجمع كلامي علشان ارد عليه
حور.ه ه هو حضرتك عاوز اي
علي .انا المدير وبسرعه عاوز صفقة الشركة دي تتم في أسرع وقت ؛ ثانيه انتي حور صح
قفلت بسرعه مقدرتش حتي ارد يعني هو مش في اجازه رفاهيه هو اجازة تعب
حور. منه من فضلك خدي مني الشغل النهارده علشان ورايا حاجه
منه .ماشي يا حور والمره الجايه انتي اللي هتاخدي مني الشغل .
طلعت علي طول علي المستشفي ولقيته قاعد علي نفس الكرسي اللي في الجنينه وكان باين علي ملامحه انو متعصب
علي. ايه ده والدتك تعبت تاني
حور. لا
علي. انتي اللي تعبانه
حور. انت علي مدير شركة *******
علي وهو متردد .بتسالي لي
حور .انا في الشركه عندك
علي . اه انا علي
حور. هو انت عامل عمليه ومش عاوز تيجي الشركه
علي. حادثه في رجلي وبمشي بصعوبه اوي
حور.محاولتش تعمل عمليه
علي. اسالتك كترت اوي
حور. انا اسفه مقصدش ادخل بس
علي. بس بس اي يا بنتي ؛ عملت قبل كده اتنين وهما اللي خلوني امشي الي حد ما كده
حور. اه طيب انا ماشيه
علي وهو عاوز يستفز حور . في خصم من مرتبك يا استاذه علشان تمشي وتسيبي الشغل
حور. يا عم انا ناقصه ده كده كده اصلا مخصوم مني بتاع المرتب كله علشان باجي متأخر
علي . طيب تعالي بدري وهزودلك المرتب كمان
حور. اشطا
مشيت علي الشغل واول ما دخلت الشركه رحت علي مكتب علي
حور. انتي بتعملي اي هِنا
هاجر.ها ولا حاجه انتي اللي بتعملي اي هنا
حور .انتي كنتي داخله لي ملكيش دعوه انتي انا كنت هدخل ولا لأ
هاجر .اوعي كده عن وشي .
استغربت جدا منها وبدأت أشوف المكتب ؛ شكله نضيف جدا زي ما يكون فعلا هو فيه
كراسي الاجتماع برده موجوده بس مفيهاش حد .
لقيت صوت شخص كبير بيتكلم من ورايا
والد علي . المكتب شكله حلو مش كده
حور .اه جدا
والد علي. علي هو اللي عمل الشركه دي بنفسه بس للاسف
حور. اكيد كل حاجه خير ليه ؛ حضرتك تبقي هنا في الشركه
والد علي . انا باباه
حور. اه طيب عن إذنك
مشيت ورحت مكتبي وخلصت شغل وفضلت اكتر من تلات شهور علي كده ؛ مشوفتش فيهم علي خالص بس والد علي كان زي بابا الله يرحمه ؛ بدأ يدربني علي الشغل كتير اوي لحد ما بقيت نائبة مدير الشركه علشان والد علي كان هو اللي ماسك المدير في الشركه.
بعدها باسبوع روحت الشركه ولقيت
علي. اتفضلي ارجعي بقي مكانك في الشركه اللي قديم مجرد باشمهندسه مش اكتر انما نائب مدير دي لأ
- يتبع الفصل التالي اضغط على ( رواية نعم هو انت) اسم الرواية