رواية عشق الحور الفصل الخامس والعشرين 25 بقلم مروه شحاته

الصفحة الرئيسية

   رواية عشق الحور كامله بقلم مروه شحاته عبر مدونة  دليل الروايات

رواية عشق الحور

رواية عشق الحور الفصل الخامس والعشرين 

يابابا انا ملييش اي لزمه في المشوار ده
محمود #ازاي ياسليم مانا قلتلك جوز اختك قال ايه
يونس بمشاغبه #عاوز تهرب ليه ياكبير
سليم بغيض #اهرب من ايه يازفت انت
يونس باسما #اسال نفسك يمكن يكون في حد هناك مش عاوز تشوفه ولاحاجه
سليم بغيض #حد مين متوضح كلامك يازفت انت
يونس #يعني حد ..واحده .... دكتوره ...قمر كده .... وعنيها سودا مكحله يلهوي و
ضربه قويه علي ظهره جعلته يقع ارضا سليم بغضب
#انت اتهبلت يلا ... انت ازاي توصف واحده كده
محمود باسما # ودي بقي عيشه مش كده يايونس
يونس # اه احبك ياحوده وانت معايا علي الخط ... كلنا لها ياكبير
هب سليم واقفا وقال بغضب
#انت زودتها اوي يايونس انا ماشي
#سليم
التف الي ابيه فقال محمود بجديه
#من امتي ببقي بكلمك وتسيبني وتمشي
#انا اسف يابابا
#ممكن افهم انت مش عايز تيجي معانا ليه من امتي بتقف في وش الخير انت عارف يعني ايه عجلين يتوزعوا علي الفقرا
سليم بحنق #يابابا يعني جاسر الراوي مش عارف يطلع عجلين
مجمود #لاء عنده بدل الواحد عشره بس هو حط المسؤليه دي علي كتفك عشان عارف انك هتاخد احسن حاجه عنده طالما طالعه لله ...عشان انت بتفهم في الحجات دي
سليم بسرعه #ياسلام مش مبرر علي فكره مهو عنده اللي بتفهم ..
زفر بقوه واستغفر للمره الكم تقتحم تلك المتطفله افكاره تامله محمود للحظه وقال باسما
#وايه متكمل اديني مبررك اللي بترفض بيه ثواب زي دا
بلع ريقه بصعوبه وزفر بضيق وعاهد نفسه انه لن ينظر لتلك العائشه لن يتيح لها اي فرصه سيختار العجول ويرحل ويمكنه نيل جزء من الثواب بذبحها وتوزيعها ولكن بعيد عنها
#خلاص يابابا انا جاي
خرجت خديجه من الغرفه
#يونس شوف كده بسمه خلصت ولالسه انا لبست يحيي
#تون اوبح
رفع يونس الصغير بين ذراعيه وقال بحب
#ياحبيبي حرام عليك انت بتشلفط اسمي علي الاخر تعالي اما نشوف امك
# بمه راحت بابا
احتضنه يونس الي صدره
#بعد الشر .... ربنا يخليها يارب ... احنا هنروح لحور يايحيي
#حور هاي
#نفسي افهم اشمعني حور اللي بتنطق اسمها صح
بسمه من خلفه
#عشان سهل يايونس وواضح ان الواده عنده عقده في حرف السين بيسقطه كله
#تصدقي صح يابسوم دا مشلفط اسم سليم علي الاخر بيخلبه منظف احواض
ضحكت بسمه وتحركت خلف يونس علا صوت الصغير
#ليم اوبح يون كخ
سليم بعصبيه #مش يلا بقي
بسمه بهمس في اذن والدتها
#هو سليم ماله
رفعت كتفيها وتحرك الجميع للخارج محمود
#جاسر بيه اتصل بيه وقال ان هما وصلو البيت ومستنينا هناك ... محدش يتكلم في موضوع حمل حور سمعني يايونس
#اشمعني انا يعني
بسمه #عشان انت اللي مسحوب من لسانك ياخفيف
وصلو للقصر ليترجل الجميع بسمه
#ماشاء الله لاقوه الابالله دا الواحد عايز عجله عشان يلف في القصر ده
استقبلهم جاسر بابتسامه مرحبه ليدعوهم للداخل حيث زينب
زينب #منورين البيت ياجماعه
خديجه #دا نورك ليه بس تتعبي نفسك وتنزلي
زينب بمحبه #وانا عندي اعز منكوا ياخديجه
بسمه #امال هي حور فين
جاسر #هي لسه تعبانه هدخل اجبها اهوه
بسمه # لاء خليها مرتاحه
جاسر باسما #نزليه متخفيش البيت امان .. يازهره
ترجلت فتاه صغيره ووقفت امامه
#نعم ياسيدي
#شوفي الاستاذ يحيي سلمك سيبيه يلعب بس عينك عليه تمام
تناولت الفتاه الطفل وتحركت
#في عنيه متخفيش
تحرك جاسر للداخل يعلم ان الصغيره تتحرق شوقا لرؤيه عائلتها دخل الغرفه فقالت بلهفه
#اجو ..وبسمه اجت
#كلهم اجو ... بس حلوه اوي بسمه
رمقته بنظره حارقه
# طوعني بدل مااخزق عنيك وتبقي جاسر الاعور
انفجر ضاحكا
# تعرفي ان عيني تشوف واحده غيرك
تعلقت بعنقه
#لاء بس انت بتغظني وانا بتغاظ عادي
احتضن خصرها وهمس
#طب هو مش الدكتور قال اني العب بعروستي عادي ... ايه بقي
قالت بحنق #ايه انت عازم الناس عشان تلعب بالعروسه
قرب وجهه منها
#طب حاجه تصبرني
قبلت شفتيه وهمست
#هي نزلت ولالسه
#لاء لسه وغيث وعلاء لسه محدش فيهم جه هي البت عيشه فين
قالت باهتمام #اوعي تقول بيدور عليها
ابتسم #يعني عينه لفت غصب عنه عشان بعد كده حسيت انه بيستغفر
#انا موعتش علي ابويا ،،،،،،،بس من حكايات بابا وماما عنه عرفت انه هو اللي ربي سليم ،،،،، واللي استنتجته من كلامهم ان بابا كان متشدد بزياده ،،،،،،،بس سليم خريج ازهر ودارس علوم شرعيه،،،،،، عارف وهو بيدرس في الكليه كان بيدرس كمان في معهد اعداد الدعاه
قال باعجاب #نظرتي عمرها ماخيبت ... مهو اللي يربي بنوته ولما يشوفها كبرت قدامه يمنع عينه انها تترفع تاني يبقي بيعرف ربنا اوي
#داانت كنت متبعه بقي
#طبعا مهو لو كان رفع عينه تاني مكنش هيشوف بيها
تلمست وجهه وهمست بسعاده
#بتغير عليه
#طبعا داانا بغير من يونس
خطفت قبله من شفتيه وهمست يخرب بيت طعمتك وحلوتك دي
بص ماما هتقوم بالواجب معاهم وانت تلعب بالعروسه
انفجر ضاحكا وانزلها
#عدي ادامي يابت يلا
امسكت يده لتهزها وقالت
#ماشي تعالي نزحلقهم ونلعب برحتنا
قال بتحذير # حور مش عايز تنطيط متنسيش الدكتوره قالت ايه تمام ... وبعدين انتي تعبانه
#ماشي
اعتنق كتفيها لتعتنق هي خصره ويخرجوا للجميع كان سليم يتحدث مع علاء الذي وصل لتوه
علاء# حمد لله علي السلامه ياحور نورتي البيت
حور #ربنا يخليك يابو جاسر امال فين جاسر وامه
علاء# جاسر تعبان شويه فمعرفتش تيجي
حدقه جاسر بنظره ولكنه هرب من نظراته وقال بسرعه
#بس انا عندي ليكي بقي مفاجاه هتخليكي تروقي علي طول
زينب #قول ياعلاء انا عماله افكر في المفجاه دي من امبارح
علاء#اصل جاسر قلي اتصل بواحد صاحبنا
جاسر بحنق #متنجز ياعلاء
علاء# مبروك ياحور مبروك يايونس انتوا نجحتوا
يونس #بجد والنبي
حور #جبت كام قول بسرعه قلبي هيقف
يونس #كدابه متصدقهاش وبلاش فضايح
علاء #حور٨٩٪ و يونس ٤٩٪
حور #قليل
يونس #طب احلف كده وحياه ابنك
جاسر #مبروك ياحور الف مبروك شكلك هتعمليها زي ماعيشه قالت امال هي فين ياامي
زينب #مش عارفه كانت هنا من شويه تتلقيها راحت تصحي غيث
نظره غضب عبرت عيون سليم قبل ان يخفض بصره جعلت جاسر يبتسم
#اقعدي ياحور عشان انتي تعبانه
بسمه #الف مبروك ياحور
حور # ربنا يخليكي يابسوم تعالي اقعدي جنبي بقالي كتير مشوفتكيش
هب سليم واقفا واقترب من جاسر
#معلش ياجاسر بيه انا مستعجل شويه ممكن بس حد يعرفني مكان الزريبه
جاسر #مستعجل ليه احنا هنتغدا سوا
سليم بوجوم #معلش اعذرني انا
جاسر بتاكيد#انا هبعت معاك حد تشوف الزريبه لكن مفيش اعذار اتفضل يادكتور ...يا عامر
اقترب احد الرجال منه
#مع الدكتور للزريبه واللي يختاره تشحنه في عربيه ربع نقل علي بيت الحج محمود فاهم
#اامر ياباشا اتفضل يادكتور
ترجل سليم خلف الرجل تري من يكون المدعو غيث الذي ذهبت لتوقظه ...وكيف يوافق اخيها علي تلك المهذله الاخلاقيه ...زفر بضيق وضرب الهواء بساقه الزريبه بالجانب الخلفي للبيت وقف الحارس وقال
#اتفضل يادكتور شوف اللي يعجبك الزريبه بتعتنا كبيره ومليانه بخيرات ربنا
دخل سليم للداخل ليفاجيء بكميه المواشي امامه اختار عجلين بعد ان كشف عليهما وسحبهما العامل للخارج كان في سبيله للخروج الاانه استمع لهمهمه جانبيه ..همهمه جعلته يخرج بخطي سريعه ليسال العامل بغضب
#ايه اللي جنب الزريبه
#دا الاسطبل يادكتور
#طب ممكن ادخل اشوفه
#برحتك يادكتور انا هشحن العجول
تحرك لداخل الاسطبل وتلك الهمهمه تخنقه #انا بحبك اوي
ماالذي اغضبه وماذا تعني هي او اي اخري من بنات حواء التي تتبعهم الفتنه اينما ذهبوا لعله الفضول في معرفه الغيث الاحمق تسمرت قدماه في الارض وهو يتابعها تربت علي عنق فرس بحنان وهي تهمس
#عارف .... انت الوحيد اللي بحسه حاسس بيه ...
خطوه غير مدروسه جعلته في مجال رؤيتها لتنتفض وتقول
#دكتور سليم حضرتك دخلت هنا ازاي
دلو ماء بارد احد الحمقي سكبه فوق راسه ليخفض بصره ويفرك لحيته تنحنح بقوه
#اناااااا اسف اصل كنت في ... الزريبه وقلت ابص علي الخيل
اغمض عيناه واستغفر هاهو للمره الاولي يكذب لينتشله صوتها العذب من اضطرابه
#محصلش حاجه يادكتور ...انا ملحقتش اشكر حضرتك عشان حضرتك قدمتلي في الدراسات العليا
حسنا اخرجته قليلا من حرجه يمكنه محادثتها كاي طالبه عنده
#مفيش تعب ولاحاجه يادكتوره قررتي مجال الدبلومه ولالسه
تنهدت بقوه #هعملها في رمد الخيول ...
قالت جملتها لتعتنق عنق الفرس الابيض .. انها تعشق الخيل مثله ليس مثله ...... اقترب ناحيه الفرس ليصهل وتبتعد هي لتربت علي عنقه وتهمس
#اهدي يا مرجان دا الدكتور سليم اخو حور ....
ربت علي راس الفرس وقال بابتسامه للمره الاولي تراها علي وجهه بسمه تضيء عيناه التي تراها للمره الاولي بلونها الزيتي وتلك الغمزات الرائعه التي بالكاد تظهر خلف لحيته مسح راس الفرس وقال
#اسمك مرجان اسم حلو .
عاد لاقتطابته وعبوثه ماان ظبطها متلبسه بالنظر اليه خفض بصره وقال
#هو اعمي من امتي
تنهدت بقوه #من سنتين اجاله رمد عادي السايس اهمل بعدها بقي كده كل اللي هو محتاجه عمليه تشيل التجمع الدموي اللي ورا العين ابيه جابله اكبر البيطرين في البلد وكلهم قالولو مفيش حل .. .ومحدش وافق علي الجراحه ولما قلت لابيه قالي يعني انتي هتفهمي اكتر من اشهر البيطريين
لما يخونه هذا البصر اللعين ليرفعه اليها لما راي لمعه الدموع بعيناها المكتحله الرائعه اقترب خطوه من الفرس ووضع يده علي عنقه لترتطم بيد ناعمه صغيره تصيب شبكته العصبيه بصدمه ،،،،،يسحب يده وتسحب يدها ،،،،،،،يعتذر ويرتبك يجب ان يهرب من هنا ....فقد ايقن ان فتنته ليست في جميع نساء الارض فتنته في تلك العائشه وحسب ......تحرك خطوه للخلف ليقول بتلعثم الجم لسانه
#ممكن اشوف الاشعه اللي اتعملتله
#هي عندي في البيت اتفضل حضرتك وانا هجيبهالك علي طول
تحرك للخارج هو فقط مهتم بهذا الفرس المسكين

يتبع الفصل التالي اضغط على (رواية عشق الحور) اضغط على أسم الرواية
رواية عشق الحور الفصل الخامس والعشرين 25 بقلم مروه شحاته
حبيبة

تعليقات

ليست هناك تعليقات
إرسال تعليق
    google-playkhamsatmostaqltradent