رواية لا ابالي الفصل الواحد والعشرون 21 بقلم براءة محمد
رواية لا ابالي الفصل الواحد والعشرون 21
كانت مروة مبتسمه خلفه حتي افاقت من أحلام يقظتها علي رؤية خالد الذي كان مكسور تماما و يعرج بسبب كسر ساقه أمامها الذي دخل الصيدلية بهدوء و بوجه غير مفهوم و أغلق الصيدلية و اقترب عليها حتي أنها من الزعر وضعت يديها أمام وجهها وقال بكل هدوء : لية لية مقولتيليش اول واحد .
فقالت مروة في حيرة و خوف : اقول اية .
فقال : الاستاذ اللي حضرتك كنت معاه فب الصحراء لية مقولتليش مش انا اخوكي دا انا كدبت الدنيا كلها وقولت اختي متعملش كده .
فقالت: انى معملتش حاجة غلط .
فقال بصوت عالي و هو أمامها مباشرة : امال لية كدبتي لما سألتك و قولت انك كنت لوحدك .
فقالت مروة في زعر وصوت اشبه بالبكاء : لأني خوفت خوفت يا خالد انت اول استقبال كان لية منك من غير حتي ماتسالني كان قلم علي وشي وكنت عايز تقتلني رغم انك اصلا متعرفش حاجة رغم ان كل السبب اللي خلي حضرتك تمد ايدك عليا كان كلام من ستات بيكرهوني رغم اني عارفة اني معملتش حاجة غلط لو كنت قولتلك الحقيقة في ساعتها كنت هتقتلوني كلكم رسمي و انى معملتش حاجة انا اخترت الحل الامثل .
فقال خالد بنفي : لو كنتي حكيتي عل كل حاجة ...
و لكن قاطعته مروة : كداب انت كداب انت عصبي يا خالد و وقت عصبيتك مبتميزش و كنتوا هتقتلوني انت عارف انا من كتر عصبيتك مبقيتش عارف انا الكبيرة ولا الصغيرة كل حاجة عملي رعب رعب لغاية ما تعبت و بقيت اترعب حتي اني اعبر عن رأيي .
فنظر لها خالد و هي مزعورة هكذا ثم قال مغيرا للموضوع : لية رفضتيه مش ده فتي أحلامك اللي كل ما يجيك عريس تتطلعي فية القطط الفطسانة لية رفضتي ده ده بقي في كل أحلامك طويل و شكله كويس و حالته المادية كويسة و متعلم تعليم مفيش حد اتعلمه في بلدك كلها فلية رفضتية و لا انت عاجبك حالك لغاية ما عنستي .
فقالت مروة في تعجب : اولا انا مش عانس ثانيا انا عندي اسبابي أهله مش موافقين و هو مش متدين يا خالد مقدرش اتجوز واحد مش علي دين .
فقال خالد في نفي : اولا اه انت مش عانس لكن كام سنه كمان و هتدخلي في العنوسة ثانيا أهله مش مهمين انت هتتجوزية هوا مش أهله ثالثا الواد كويس علميه الدين علي مهلك .
فقالت مروة لخالد الذي بدا يتعب من وضعيته هكذا فكان يقف علي قدم واحده : اقعد يا خالد فجلس خالد و قالت مروة : بص اولا انا مش عانس و لا داخله علي عنوسه كل الموضوع اني ملقتش الشخص المناسب الشخص اللي هكمل معاه باقي حياتي ملقتوش يا خالد يعني مثلا ترضي تتجوز واحد علي زوقي او زوق امك فهز خالد راسه بلا فاكملت او واحده حلوة وعجباك ولكن مش متدينة و متبرجة فاشار بلا فقالت لية فقال : انا مش هقدر اتجوز واحده كده اني مش قرني و مقدرش امنها علي عيالي ، قالت مروة طيب تمام ،طيب يا خالد لو فيها كل أحلامك لكن مش متعلمة ،فاشار بلا فقالت : لية .
فقال : علشان علشان انا هتعب هتعب معاها انا عايز واحده اعرف اتناقش معاها و احده تقود أولادي لطريق لعلم بصي مع ان امي مش متعلمة و كانت وخير الام و ياريت لو لقيت زيها بس في زمنا ده البنات مبقيتش زي زمان و الزمن اتطور فأنا عايز اللي تساعد معايا .
فقالت مروة : امال لية مستغرب انت فضلك بس تطلب الحالة المادية و تبقي زي بس ده عليكم انت فمش هتفرق قوي يا خالد انا عايز واحد اتقبله مش هقول شكلا لا انا عايزة اكون راضية عنه كليا شكلا و موضعا لازم يكون في قبول بينا علشان بعدين متعبش لان انا اللي هعيش معاه مش انتوا فلازم انا اللي اختار لان حضرتك مش هتيجي انت و تقعد معاه و تكون زوجي مكاني فهمني و عايز واحد متعلم عايز شخص مثقف اكلمه و يكلمنه اتفاهم معاه يكون في ما بينا نقاش بناء نخرج أسرة سليمة سوية عايزة اب لولادي كل ما يقعدوا معاه يكونوا حاسين بالرضا و الفخر ان ده بابهم و عايزة واحده متدين يا خالد متدين يعلم ولادي الدين و الأهم من ده كله يعاملني بما يرضي الله ما يكونش بينا غير ربنا هو اللي يحاسبه عليا بحيث محتاجش لحد فيكم ياخدلي حقي لان لو راح الحب اللي في قلبه ناحيته يعاملني بالرحمه اللي بينص عليها الدين ده اللي ناقص في عمر و كمان عايزة و احد مرتاح مديا نحن مش في زمن الصحابة فمحدش هيرحمنا انا مش عايزاه ملياردير انا بس عايزة يكون لية شغل ثابت بحيث نعرف نعيش في الحياة دي اما بالنسبة لأهل عمر فيا خالد انا مش هقدر اتجوز واحد أهله مش راضين هيحصل حاجة من الاتنين يا اما هيحنلهم بعد الجواز فهيبهدلوني حتي لة هو مش عارف يا اما هيقطعهم بسببي و يكون قاطع للرحم و دي كبيرة انا مش كدها بالإضافة كمان ان يا خالد لو نفترض ان في يوم من الايام انت حبيت واحده و اهلك موافقوش هتقاطعنا علشانها هتسيبنا علشانها فهز خالد راسه بالنفي .
فقالت مروة : طيب اللي مترضهوش لأهلك لية بترضاه لأهل غيرك و كمان انا عايزة لنفسي عزوة فينا بعد ليا و لولادي و يكون ليهم جده و جده بيحبوهم زينا فلية احرم نفسي م ده كل ده يا راجل اول ما ابوك بيتخانق مع امك جدك بيكون معاها هي و بينصفها فأنا عايزة زي كده طمعت في حاجة انا .
ففكر خالد في صمت طويل ثم قال : لا ابدا مطمعتيش ده انت كلك طمع ده لو كل البنات بتفكر زيك كده مكانش حد اتجوز .
فقالت مروة مصححه : مكانتش بت اتجوزت غلط لو كل بنت حطت شروط اللي هي عايزاه و اتفقت معاه مفيش بنت هتتعب أغلبية الجوازات اللي حضرتك شايفها دي كلها خناق و قسوة و انا مش هتحصل ده انا عايزة واحد يا خالد اول ما ابهدله الدنيا و اكون انا اللي غلطانه من ساسي لراسي يقولي دلوعتي خاصمتها صالحتها لما بكت وتوسدت احضاني القت علية القبض مشتاقا لها فتحولت عصبيتي لحناني
ان الرجال فوارس لكنما لا سلطة تعلو علي النسوان
دلوعتي خاصمتها صالحتها لما بكت وتوسدت احضاني القت علية القبض مشتاقا لها فتحولت عصبيتي لحناني
عدنا نشاكس بعضنا حتي الصباح عاد المزاح والمزاج كما يجب
خطفت بمكر هاتفي قفزت لصدري بدا الحساب والتحري يا محب
من هذه صاحبتها كم نمرة الغيتها كم حلوة بغيابنا غازلتها هيا اعترف يا حضرة السلطان
اعد كم صعب علية عدهن فلاعترف مجموعة وتجمعوا في واحدة
هي انت يا دلوعتي طيوبتي محبوبتي المتفردة المتجددة والمتوقدة
فتصافحت وجناتنا وتهامست انفاسنا اشهد لنا يا حبنا هي او انا لا لن نضيع في الخصام ثواني
دلوعتي خاصمتها صالحتها لما بكت وتوسدت احضاني القت علية القبض مشتاقا لها فتحولت عصبيتي لحناني
ان الرجال طيبون سادتي لا يجرحون مشاعر النسوان
كانت مروة تقول الكلمات بحالمية شديده فقال لها خالد يفيقها من احلامها : يا سلام يا سلام يا اسي كاظم ده في الأحلام يا ماما ابقي اتغطي كويس قبل ما تنامي .
فقالت مروة في غيظ : انت لية ما حسسني اني بطلب طلب صعب طب ده انا بطلب حاجة من ربنا اللي يقدر في ثانية يهد الدنيا هل ربنا غير قادر انه يحققلي أحلامي .
فقال خالد : حاشا لله متقولنيش كلام انا مقولتوش انا بس بفوقك لان الكلام ده كلام اغاني مفيش منه علي ارض الواقع .
فقالت مروة بعند و غيظ : طب عندا فيك مش هتجوز غير واحد يقولي دلوعتي .
............... ............. .. ......... ... .....................
كانت منه تتحدث مع والده ايمان و تحاول اقناعها بأن ابنتها في خطر و تقول : يا طنط بنت حضرتك في خطر بنت حضرتك بقالها اكتر من اسبوع في بيتها مطلعتش منه ده غير أن اصلا تصرفاتها بقيت غريبة
بنت حضرتك لازم تتطلق من اللي اسمه هاني ده والا هتضيع .
فقالت صفاء في عند : اية اللي بتقوليه طلاق اية انا بنتي مش هتتطلق انت فاهمة انت عايزة تخربي بيتها و بعدين انت عايزة الناس تقول اية تقول انها لسة بتحب عمر و بعدين هي اللي اختارت و هي اللي اتسرعت و مسمعتش كلامي تشرب بقي و يلا انا ماشية عندي ميعاد في الجمعية عن تقبل الام لاولادها باخطائهم و محاولة تصليح أخطاء البناء و عدم تركهم لذئاب الحياة .
و خرجت صفاء و كانت منه تنظر إليها بدهشة و ذهول حتي كاد يسقط فمها من هذة السيدة
....................... .................. ..........................
كان عمر و علي يتناقشان عن مى سيفعلوه في الفترة القادمة من تجديدات في المصنع حتي قال عمر : انى لازم ارجع البيت في حاجات كتير لازم اعملها .
فقال علي : طبعا ما هو الكلمة مني كخة لكن من الحب بلسم و امر مطاع علي الرجال .
فضحك عمر وقال : بعيدا عن أنها كده فعلا لكن مروة فيها حاجة مميزة مبتقليش مثلا متعملش كده غلط و بس لا دي بتقولي و هي بتنصحني أنها حرام و تثبتها بدليل من القرآن.
فقال علي : ازاي يعني .
فقال عمر : يعني مثلا لو قلتلك السلام بين الراجل و الست حرام و معرفتش اجيبلك دليل من القرآن أنها حرام فعلا هتقتنع .
فقال علي : لا طبعا و بعدين هي حرام لية و بعدين انت مش بتسلم يا بني عادي ده انت امريكاني اصلي .
فقال عمر : كنت بسلم لكن حاليا لا مروة قالتلي حرام علشان في حديث بيقول : "لأن يطعن في رأس أحدكم بمخيط من حديد خير له من أن يمس امرأة لا تحل له" و بصراحة انا بطلت اسلم لكن مش هكدب عليك كنت عايز اعرف لية فروحت لشيخ و بصراحة اجابته مريحتنيش فرحت لكذا دكتور و لكن في واحد فيهم فهمني حاجات كتير قوي هو دكتور فسيولوجي في كلية الطب بص بقي يا سيدي هو شرحهالي كده ان الرجل علشان يتتم زواجه يعني يحصل تزاوج بين الرجل و المرأة لازم الرجل يعمل عملية اسمها المني و هي خروج الحيوانات المنوية و علشان العملية ده تحصل في مؤثرات بتاثر عليها و هي اللمس و الطعام و النظر والصوت و الكلام ده كله غي القرآن و السنه و واضح يعني الطعام مثلا بيقولك انه مؤثر قوي جدي فأنت لو مكلتش هتضعف العملية دي و الكلام ده جي بالنص فعَنْ عَبْدِاللَّهِ بْنِ مَسْعُودٍ : قَالَ لَنَا رَسُولُ اللَّهِ ﷺ: يَا مَعْشَرَ الشَّبَابِ، مَنِ اسْتَطَاعَ مِنْكُمُ الْبَاءَةَ فَلْيَتَزَوَّجْ، فَإِنَّهُ أَغَضُّ لِلْبَصَرِ، وَأَحْصَنُ لِلْفَرْجِ، وَمَنْ لَمْ يَسْتَطِعْ فَعَلَيْهِ بِالصَّوْمِ؛ فَإِنَّهُ لَهُ وِجَاءٌ. مُتَّفَقٌ عَلَيْهِ.
فلو جي حد عادي زينا هيقول اية الكلام ده اية علاقة الصوم بالزواج .
و النظر مثلا من ضمن المؤثرات الجبارة انك تنظر علي بنت ممكن تعمل العملية دي و انت مش واخد بالك لكن التوضيح واضح جدا في كتاب الله فقال الله تعالي { لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ۚ ذَٰلِكَ أَزْكَىٰ لَهُمْ ۗ إِنَّ اللَّهَ خَبِيرٌ بِمَا يَصْنَعُونَ (30 } و تيجي لواحد و يقلك ما تبص براحتك دي زي اختي انت فعلا ممكن متحسش بحاجة نحو واحده لكن ممكن تتاثر جدا من واحده تاني و خصوصا لو بتحبها .
اما الصوت يعتبر برضوة مؤثر قوي جدا ففي كتابه تعالي ( يَا نِسَاءَ النَّبِيِّ لَسْتُنَّ كَأَحَدٍ مِّنَ النِّسَاءِ ۚ إِنِ اتَّقَيْتُنَّ فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَّعْرُوفًا (32)) يعني الست مينفعش تعلي صوته برضوه لكن متخليهوش رقيق قوي و نحن برضوه المفروض منحاولش نسمع كتير و نركز في صوت الستات و خصوصا لو بتحبها مش ناقصة هي
امت اللمس بين الرجل و المرأه فأنا قلتلك حديث عنه و برضوة يعتبر مؤثر في العملية دي و العملية بالظبط متفسرة في حديث الرسول النبيِّ صَلَّى النبيِّ صَلَّى اللهُ عليه وسلَّمَ ..( كُلُّ ابْنِ آدَمَ لَهُ حَظُّهُ مِنَ الزِّنَا ، فَزِنَا الْعَيْنَيْنِ النَّظَرُ، وَزِنَا الْيَدَيْنِ الْبَطْشُ، وَزِنَا الرِّجْلَيْنِ الْمَشْيُ، وَزِنَا الْفَمِ الْقُبَلُ ، وَالْقَلْبُ يَهْوَى وَيَتَمَنَّى ، وَيُصَدِّقُ ذَلِكَ أَوْ يُكَذِّبُهُ الْفَرْجُ )
و طبعا يا اخويا يقولك يطلع راجل و يقولك بعد ده كله دي زي اختي .
كان علي يسمع هذا من صديقه الذي كان يصادق الفتيات و لا يصدق و كان فاهه قد قارب الارض من ذهوله و قال : يعني المفروض لا سلام و لا كلام و لا سمع و ممكن كمان صوم ، و بعدين تعالي هنا انت اقنعتني انت تسيبك من الهندسه و الشركات و الكلام الفارغ ده و تشتغل داعية .
فضحك عمر و قال : داعية مرة واحده بس اوعدك هحاول الدين ده حرفيا طلع جميل قوي .
................................................. ...................
في أحداث كتير المفروض تكون النهاردة لكن مع الأسف فصل النهاردة كبير جدا فكفاية كده و نكمل الاثنين
اتمني اعرف رايكم في عمر الجديد و رأي مروة في زوجها المستقبلي
- تابع الفصل التالي عبر الرابط (رواية لا ابالي) اضغط على أسم الرواية