Ads by Google X

رواية شطرنج الحب الفصل العشرون 20 - بقلم جنى غنيم

الصفحة الرئيسية

    رواية شطرنج الحب الفصل العشرون 20

رواية شطرنج الحب الفصل العشرون 20

 عوض هج"م على نورا محاول يغر"ز السكي"نة في بطنها و نورا بتصوت و تدافع عن نفسها بأيدها السليمة 
عزيز نزل من التاكسي و شاف نورا جرى ناحيتها و ضر"ب عوض بالبو"كس نورت تلف و تلاقي عزيز فقالت بصدمة : مش أنتَ م"يت ؟
عزيز تلاشاها و شدها ناحيته و فضل يضر"ب في عوض ، نورا صوتت و قالت : ارجوك يا عزيز سيبه 
عزيز قام و قال : بتدافعي عنه و كان هيمو"تك 
عزيز مسكها من دراعها مصا"ب 
نورا بألم : سيبني ... دراعي مكسو"ر 
عزيز قال بهدوء مميت : امشي قدامي نروح المستشفى ..احنا في خطر يلا 
في مستشفى 
نورا قاعدة و دكتور العظام يركب لها الجبس و قال : خلي بالك على نفسك يا استاذة نورا عظمك ضعيف 
عزيز طلع برا يعمل مكالمة لاحظ رجلين رايحين جايين ناحية الاوضة كل شوية و يبصوا عليه ، عزيز بلع ريقه بتوتر و دخل الاوضة و قال لدكتور : انتم خلصتوا و لا لسة ؟
الدكتور : اه خلاص و الف سلامة مرة تانية
الدكتور خرج فقال عزيز : احنا لازم نمشي فورا ...في ناس برا مراقبانا
نورا مصدومة و لم ينتظر عزيز ردها و شدها من أيدها السليمة و هي كانت بتصوت : يا مجر"م سيب ايدي 
 وقف عزيز مرة واحدة و قال : بقولك ايه أنا مش ناقص .. أخرسي بقا طالما انا مجر"م و فيا كل العبر  اسكتي
 نورا تعيط و أول ما سمعت كلام عزيز عيطت أكتر و بدأت تشهق و شدت أيدها من أيده ... راح مسك أيدها تاني و قال بصوت فحيح الأفاعي : مش قولت تخرسي 
و بدأ يمشي و هو مسكها و راح لعربية كان مأجرها عشان محدش يعرف يوصلهم و فتح الباب و رمى نورا جوا العربية دون مراعاة لأي حاجة و لا حتى اصابتها و نورا اتخبطت جامد و قفل الباب و ركب العربية و بدأ يسوق و نورا كانت بتعيط في صمت و سندت دماغها و أتكلمت بصوت خافت : انتَ شايف ده حل اننا نهرب و نستخبى ...يا ريتني ما شوفتك 
عزيز و هو مركز في الطريق : عندك حل تاني يا فليسوفة زمان  
سكتت دنيا و متكلمتش 
فريد بسخرية : القطة بلعت لسانك و لا ايه ؟ 
اكتفت نورا تبص له دون كلام ، كمل عزيز سواقة .. و كانت نورا تبص من شباك العربية و تعيط في صمت لغاية ما وصل عزيز و لسة هيقول لنورا يلا لقاها نامت من كتر العياط ، نزل شالها و دخل مكان عبارة عن اوضة واحدة 
عزيز حاط نورا على السرير و فاقت و قالت : ابعد عني ...ده كده خط"ف مش هروب انا عن نفسي مش خايفة 
عزيز : بقولك ايه احنا الاتنين في دايرة واحدة و مش عزيز الضبع اللي يخاف 
نورا قعدت ساكتة و عزيز حاط ايده على راسه و قال فجأة : احنا نتجوز 
google-playkhamsatmostaqltradent