رواية لا ابالي الفصل العشرون 20 بقلم براءة محمد
رواية لا ابالي الفصل العشرون 20
و لكن اتاها ذبون اخر فرفعت راسها لتري من الاتي فوجدت عمر و قالت بذهول : عمر . انت انت بتعمل اية هنا
فقال عمر : اية مش هتقوليلي اتفضل .
فنظرت مروة بخوف و قالت : هو مش جدي طردك و قالك متجيش هنا تاني .
فنظر لها عمر ثم قال: متخافيش يا مروة جدك مش موجود في البلد اصلا و انا مش هاخد من وقتك كتير محتاج اتكلم معاكي ضروري .
فنظرت مروة بخوف و وتوتر و قالت : و انا كمان محتاجة اتكلم معاك اتفضل .
فجلس عمر ثم نظر الي عينيها فاخفضت مروة عينيها و بعد فترة صمت كبيرة قال : بحبك .
فاشتعلت و جنتي مروة و انتشر اللون الأحمر في وجهها و قالت بخجل يطغو عليها : اية اللي حضرتك بتقول ده عيب كده .
فتبسم عمر و قال : و عيب في اية انا بحبك فعلا و دي مشاعري نحايتك يمكن مكانتش باينة في البداية لكن لكن حسيت بيها لما بعدتي عني .
فقالت مروة و مازال الخجل مسيطر عليها : لا يا استاذ عيب مينفعش تقولي كده ميصحش انا مش مرتك علشان تقولي كده انت كده بتخدش حيائي انا متعودتش علي كده .
فازدادت بسمة عمر و قال : طيب يا ستي عيب و مش هقولك كده غير لما تبقي حلالي ها اية رايك انت لو موافقة انا هحاول مع اهلك مره و اتنين و مش هيأس و .....
و لكن اوقفته مروة قائلة بقولها الذي صدمه : لا يا استاذ انا مش موافقة .
فنظر عمر لها بصدمة مضحكة و قال : نعم يا اختي و لية ان شاء الله مشبهش و لا مشبهش فية اية عيب انا ممكن اعرف السبب .
فقالت مروة في صرامة : انا هحتفظ بالإجابة لنفسي .
فقال لها عمر : بصي يا بت انت انت ليا مستحيل تكوني لحد تاني مفيهاش مناقشة فلو في اسباب زي ما بتقولي انا من حقي اعرفها علشان ازيلها لاني مش هسمح لأي حد انه انه يبعدني عنك حتي لو كان انت فيلا انا اتعودت منك علي الصراحة ها اية اسبابك .
فنظرت له مروة و بعد صمت كبير و تردد اكبر فقالت: فية اسباب كتير اولها انك انسان مش متدين انا مش هامن علي نفسي مع واحد ميعرفش دينه .
فرد عمر بذهول : انا معرفش ديني حرام عليك انا بقيت بصلي و بصوم و....
فقاطعته مروة : يا استاذ الصلاة مش بس صلاة وصوم في حجات تانية اولها والدة حضرتك لما جات علشان تخطبني كانت لابسة اية ؟
فاجاب عمر فستان .
فقالت مروة : فستان و لا قميص نوم امك يا استاذ يا محترم كانت لابسة مش لابسة كانت لابسة اشباة هدوم .
فقال عمر في غضب : انا مسمحلكيش انك تتكلمي عن امي كده .
فقالت مروة : اتمني غضب ده يظهر بشكل غيرة علي والدتك اللي اللي يسوا و اللي ميسواش بيبص و يتغزل في جمال رجليها و لا انسيابية و تسريحة شعرها اللي واو اتمني انك تكون غيور بالفعل بتخاف علي عرضك اتمني تدينك اللي بتدعية تنفذه علي اهل بيتك انا مش قدر اتجوز واحد مش غيور انا صعيدية و اتربيت علي الحمية و الغيرة مش هعرف اكون زوجة لشخص بارد .
فقال عمر في تعجب : اية اللي انت بتقولي ده الحجاب مش فرض اصلا دى زيادة تدين كمان في ستات كتير بتلبس النقاب و الحجاب و مش كويسة ربنا هو اللي بيحاسب مش انت .
فنظرة له مروة بغير رضا ثم قالت : الحجاب فرض اساس مفيش نقاش فية و اتذكر في القرآن . قال تعالى : {سُورَةٌ أَنْزَلْنَاهَا وَفَرَضْنَاهَا وَأَنْزَلْنَا فِيهَا آيَاتٍ بَيِّنَاتٍ لَعَلَّكُمْ تَذَكَّرُونَ } معنا ذلك اية ان كل اللي في السورة دي مهم جدا و فرض واضح مفيهوش كلام و في الايات الواضحة اللي بيتكلم فيها عن الحجاب بيقول اية ﴿وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ وَتُوبُوا إِلَى اللَّهِ جَمِيعًا أَيُّهَ الْمُؤْمِنُونَ لَعَلَّكُمْ تُفْلِحُونَ ﴾ [النور: 31] معني ده اية ان الحجاب فرض مش هنتكلم فية و متقليش انا مالي فعن عبد الله بن عمر رضي الله عنهما عن النبي صلى الله عليه وسلم قال: (أَلَا كُلُّكُمْ رَاعٍ، وَكُلُّكُمْ مَسْئُولٌ عَنْ رَعِيَّتِهِ، فَالْأَمِيرُ الَّذِي عَلَى النَّاسِ رَاعٍ، وَهُوَ مَسْئُولٌ عَنْ رَعِيَّتِهِ، وَالرَّجُلُ رَاعٍ عَلَى أَهْلِ بَيْتِهِ، وَهُوَ مَسْئُولٌ عَنْهُمْ، وَالْمَرْأَةُ رَاعِيَةٌ عَلَى بَيْتِ بَعْلِهَا وَوَلَدِهِ، وَهِيَ مَسْئُولَةٌ عَنْهُمْ، وَالْعَبْدُ رَاعٍ عَلَى مَالِ سَيِّدِهِ وَهُوَ مَسْئُولٌ عَنْهُ، أَلَا فَكُلُّكُمْ رَاعٍ، وَكُلُّكُمْ مَسْئُولٌ عَنْ رَعِيَّتِهِ) متفق عليه. يعني انت مسئول عن أهل بيتك كلهم و اولهم الوالده فلازم تنصح و ترشد لغاية ما الوالدة تقتنع . نيجي بقي لتاني سبب لو حصل و حضرتك حليت عقبة السبب الأول، السبب التاني ان اهلك رفضيني و دية نحن مش هنتكلم فيها كان واضح في عينيهم و كلامهم و رفض والده حضرتك المباشر ليا . مش هقعد في بيت ناسه مش عايزيني انا .
فقال عمر : مروة انا انفصلت عنهم متخفيش انا و انت هنعيش في بيت لوحدنا هم ملهمش علاقة بينا .
فتبسمت مروة وقالت كلام صدمه : و تفتكر اني كده هكون راضية لما اكون انا السبب لهجرك لأهلك ترضاها عليا دي ، لى يا استاذ عمر لا و الف لا اللي ملهوش خير في أهله ملوش خير في حد ده ربنا قال في كتابة العزيز { وَقَضَىٰ رَبُّكَ أَلَّا تَعْبُدُوٓاْ إِلَّآ إِيَّاهُ وَبِٱلْوَٰلِدَيْنِ إِحْسَٰنًا ۚ إِمَّا يَبْلُغَنَّ عِندَكَ ٱلْكِبَرَ أَحَدُهُمَآ أَوْ كِلَاهُمَا فَلَا تَقُل لَّهُمَآ أُفٍّۢ وَلَا تَنْهَرْهُمَا وَقُل لَّهُمَا قَوْلًا كَرِيمًا } يعني ربنا سبحانه و تعالي جعل ان اول حاجة بعد طاعة ربنا هي طاعة الوالدين هاجي انا و اخليك تقاطعهم .
فتحير عمر و قال : اهلي عمرهم ما نفذوا رغباتي و هم ضدها هل من الدين ان ربنا قال ان رغبة اهلي تفوق رغبتي اهلي عايزين يجوزوني واحده مبحبهاش علشان ارضيهم واحده كمان متعرفش شئ عن الدين اللي انت ذات نفسك بتتكلمي عنه و تربيلي عيال تايهين زي يتفاجئوا كل مرة ان في حجات في الدين اهم بكتير من الحجات اللي هم يعرفوها و اخسر عيالي تاني و تبقي في نسخة مني تاني . و لقد كان يتحدث في حيرة كبيرة و حزن و بدا صوته يعلو شيئا حتي ارتفع في آخر كلماته.
فتاثرت مروة بكلماته و لكنها قالت : انا مقولتش كده مش معني انك ترضي اهلك و تبرهم انك تعمل حاجة ضد رغابتك { ان جَٰهَدَاكَ عَلَىٰٓ أَن تُشْرِكَ بِى مَا لَيْسَ لَكَ بِهِۦ عِلْمٌ فَلَا تُطِعْهُمَا ۖ وَصَاحِبْهُمَا فِى ٱلدُّنْيَا مَعْرُوفًا ۖ وَٱتَّبِعْ سَبِيلَ مَنْ أَنَابَ إِلَىَّ ۚ ثُمَّ إِلَىَّ مَرْجِعُكُمْ فَأُنَبِّئُكُم بِمَا كُنتُمْ تَعْمَلُونَ } يعني ربنا سبحانه و تعالي بيقول لو هم دعوك للكفر شايف للكفر ما تبعهمش ما اجيش علي حاجة انا شايف انها الحق و هو دين و عبادة ربنا سبحانه و تعالي و علي الرغم من ذلك بيوصي بيهم و بيقول اننا نراضيهم في الدنيا و نطيعهم مش مع أول خلاف دول خلاص ضد رغبتنا يعني ربنا سامح في حقه انهم كافرين و عايذين يكفروا ابنهم ميطعهمش في الشرك بس لكن في اي شئ تبع الدنيا يطيعهم و انت كذلك متطاوعهمش في شئ ضد رغبتك و ميولك لكن حاول مرة و اتنين و تلاتة علشان تنول رغبتك بماوفقتهم و كمان متسبهمش للدنيا كده هم كبروا و عايزين اللي يوقف جمبهم في عجزهم انت عكازهم لما ضهرهم يحني متخليش شيطانك يغلبك حاول يا عمر مروة و اتنين متبقاش يائس من نحايتهم كده .
كان عمر يسمع لها وهو مذهول لرأيها و أنها كلما تتحدث من فمها اي كلمه تعجبه حتي و لو ضد هواه و تبسم وقال : طب لو العقبتين اتشالوا و رغابتك اتنفذوا توافقي عليا .
فقالت مروة في خجل : فاكر لما قلتلك انك اسمك عمر و اني عايزاك تكون زي سيدنا عمر بن الخطاب لو بقيت زيه و قريت عنه يمكن ......
فنظر لها عمر طويلا و هي تنزل راسها في خجل و عينيها في الأرض و خدودها حمراء و قال : هابهرك هاتشوفي عمر في ثوبه الجديد ثم تركها و رحل و كانت مروة مبتسمه خلفه حتي افاقت من أحلام يقظتها علي رؤية اخر شخص تمنت رؤيته في تلك اللحظة .
.......................... ...........................................
كانت ايمان في بيتها لم تخرج منه منذ اسبوع فلقد منه عليها و ذهبت لها حتي تراها ففتحت لها الخادمة و دخلت و لكنها و جدتها تشاهد شئ ما علي هتفها و حينما رأت ما تشاهده ايمان ففزعت و قالت : اية القرف اللي بتشوفية ده .
فنظرت لها ايمان و قالت: و فيها اية انا من حقي اعرف انا لية جوزي هجرني في اية صاحبه ده علشان يفضله عليا انا انا اللي كل شباب الجامعة كان هيموتوا عليا يرفضني انا علشان راجل .
فنظرت لها منه بسخرية و قالت : و عرفتي .
فقالت ايمان بحماس : عرفت كل حاجة انا بقالي اسبوع بشوفهم و بتفرج عليهم و عرفت حاجات عمري ما اتخيلها بس نقصني حاجة واحدة معرفتهاش .
فقالت منه : و اية هيا بقي .
فقالت ايمان و هي تنظر لمنه بنظرة غريبة : المتعة المتعة دي الحاجة الوحيدة اللي نقصاني و معرفتهاش
فخافت منه و قالت في سرها : ربنا يستر .
......................................................................
كان هاني يحاول مع عماد ان برجع و يعودوا لعلاقتهم معا فنهره عماد و قال : لا يا هاني انا مش هرجع للقرف ده تاني انا مصدقت ان ربنا تاب عليا ارحمني بقا انا حاليا بتعالج و من كورس العلاج انك تبعد عني فسبني في حالي بقي و بعدين انت مش اتجوزت اتعالج انت كمان و اتجوزت اتعالج انت كمان و روح لمراتك .
فصمت هاني و بعد تفكير عميق فقال : يعني تتعالج من غيري نحن أصدقاء حتي لو مبقناش مع بعض ده ما يعنيش اننا لازم نسيب بعض اية رايك لو رجعنا تاني أصحاب و مش لازم تكون خليلي اية رايك لو توديني عن الدكتور بتاعك و هو انا كمان اتعالج و تكسب فيا ثواب ها اية رايك .
فتبسم عماد بحسن نية وقال : تمام موافق .
فقال هاني انا هروح اجيبلك حاجة ساقعة بمناسبة الصداقة الجديدة و ذهب الي المطبخ و اخرج زجاجتي كولا وفتح واحده و وضع فيها شيئا ما ابيض و هو يضحك باستهزاء : عايز تسيبني يا عمده ده انت الرفيق يا روحي .
و كأن الآية الآتية تتمثل فعماد تماما
﴿وَيَوْمَ يَعَضُّ الظَّالِمُ عَلَى يَدَيْهِ يَقُولُ يَا لَيْتَنِي اتَّخَذْتُ مَعَ الرَّسُولِ سَبِيلا (٢٧) يَا وَيْلَتَى لَيْتَنِي لَمْ أَتَّخِذْ فُلانًا خَلِيلا (٢٨) لَقَدْ أَضَلَّنِي عَنِ الذِّكْرِ بَعْدَ إِذْ جَاءَنِي وَكَانَ الشَّيْطَانُ لِلإنْسَانِ خَذُولا (٢٩) ﴾.
يا تري عمر هيعرف ينفذ شروط مروة
و اية اللي هيحصل لايمان
و هل عماد كان غلطان لما سامح هاني و بدأ معاه من جديد
- تابع الفصل التالي عبر الرابط (رواية لا ابالي) اضغط على أسم الرواية