رواية عشق الحور كامله بقلم مروه شحاته عبر مدونة دليل الروايات
رواية عشق الحور الفصل العشرين
ايه ياجاسر مش هتروح
رفع راسه ليري علاء
علاء معنتش بتيجي البيت ليه ولاايناس كمان
جلس علي المقعد امام المكتب وقال
# مفيش حاجه انت عارف انا مش بحب اضغط عليها في الحكايه دي انا مستقر في شقتي ...وهي جنب امها
جاسر بتفكير تمام خليها برحتها طب متعرفش بتتصل بعزه ولالاء
في ايه ياجاسر ... انت قلقان من ايه هي ايناس عملت حاجه لاء انا بس عاوز افهم ايه اللي بعدها بالشكل ده عن عزه .... شافت ايه علي عزه خلاها تبعد انا عارف ايناس كويس اوي مبتحبش المشاكل
فرك علاء ذقنه وقال
اممممم طب انت شاكك في ايه
مش مرتاح بس خصوصا ان عزه راحت اشتكت لامك اني انا هجرها ومش كده وبس دي اعتذرتلي
قال بذهول دي عزه ومن امتي الكلام ده
تنهد بقوه # انا شاكك من ساعه ما ايناس بعدت مره واحده وعزه بقلها فتره بتحوم
طب مايمكن اتصلحت لما حسيت انك بتروح منها
قال بغير اقتناع يمكن بس مش قادر اصدق الحكايه دي .... علي العموم حاول بطريقه مستخبيه كده تعرف ايه حكايه ايناس وسيبلي الباقي
طب مش هتروح
مش دلوقتي ... يعني لما الدنيا تهدي شويه
اما الدنيا تهدي ولالما حور تنام .
تنهد بقوه # وليه متقلش لما عزه تنام
للدرجادي معنتش طيقها ياجاسر طب سيبها علي زمتك ليه
معتش عندي ثقه فيها فمش قادر اصدقها ممنهاش فايده القعده دي يلا خليهم يقفلوا
تحرك علاء بجواره ربت علي كتفه مازحا
# معلش ياكبير اعتبرها شربه زيت خروع
ابعد ذراعه وقال حانقا
انت هتهذر معايا يلا .... بالحق شوفلي حد في الكنترول عاوز نتيجه حور ويونس ... النتيجه دخلت الكنترول ...وعيشه هتكمل درسات عليه
البت دي طول عمرها دحيحه غيرنا خالص
اتكلم علي نفسك يافاشل ... ابقي بوسلي الواد جاسر وهاته عشان وحشني
ماشي سلام
بعد قليل كان يترجل للبيت سيطمئن فقط علي صغيرته دخل الغرفه ببطء كانت تتمدد علي الفراش علي احدي جانبيها وجهها يمتليء دموع وكالعاده تفتح الضوء الضئيل بجوارها مسح دموعها ليهمس
انا عارف انك صاحيه ... بس كمان عارف انك مش هتزعلي مني .... شرع ربنا مقدرش اخالفه ..... وبنوتي ميرديهاش اني ابقي ظالم ... تصبحي علي خير ياحوريتي
انحني ليطبع قبله ناعمه علي جبينها يرفع عليها الاغطيه وينسحب بهدوء
عارفه بس غصب عني .... مش عارفه ابطل تفكير انك هتاخدها في حضنك هتلمسها هتشوف عنيك بتلمع وشفيفك بتترعش ...صوتك بيهمس ليها هتفتكرني
اعتدلت علي الفراش لتمسح دموعها وتقول
فوقي ياحور انتي اللي اخدتيه منها مش العكس ...انتي قويه ومفيش حاجه هتكسرك ...
ربتت علي كتفها وكانها تطمئن نفسها وقعت عيناها علي منامته المعلقه هبت واقفه حملتها تستنشق عطره لقد تذكرها اتي ليعتذر ...ارتدت الستره حول نفسها احتضنتها وتقوقعت بالفراش تضع الهاتف امام عيناها لعله يتصل يبعث احدي رسائله
،،،،،،،،،،،،،،،،،،،،،،،،،،،،،،،،،،،،،،،،،،،،
٢١واجب لابدمنه
صعد جاسر للاعلي بتثاقل مازالت دموع الصغيره تؤرقه وقف امام الجناح وزفر بقوه ليفتح الباب ...رسم ابتسامه فاتره علي شفتيه وهو يراها تقترب
#وحشتني ياجاسر ايه مش عاوز تدخل ولاايه
زفر بقوه وتحرك للداخل جلس علي طرف الفراش لتقترب مره اخري تزيح سترته
#شكلك تعبان
#شويه ياعزه الشغل كان كتير شويه
ارتفعت خلفه علي الفراش لتحتضن ظهره وتفك ازرار قميصه لحظه وابعدت القميص وبدات تدلك عضلات كتفه ظهره ،،،،،،،مستسلم ظاهريا وعقله يفكر في المقابل الذي ستطلبه،،،،،، ارتخت عضلاته ليشعر بشفتيها علي ظهره انها زوجته ..وهذا حقها الشرعي هذا ما كان يحاول ان يقنع به نفسه ليرغم جسده الاحمق علي الاستجابه ...جسده الذي تأمر عليه مع صغيره حمقاء مجنونه تمتلك كل رغباته بلحظه لمسه همسه حب صادق .... تلك الدموع علي وجهها ماتزال تؤرقه ...اين الدفيء الذي يشعره معها ..اين توهجه ورغبته التي لاتنطفيء .... متي اصبحت عزه واجب مفروض عليه يقوم به مكره ....جسده اصبح ملك لدميه صغيره وهو ادمن اللعب بها ...طبع قبله علي راس عزه ليهرب للحمام ... لايريد سوي اثر حوريته فقط وقف تحت الماء وهمهم #انا اسف ياحور ...
تنهد بقوه وارتدي روبه المعلق في الحمام ليخرج لعزه التي ماتزال متمدده علي الفراش ترفع عليها الاغطيه
#كنت وحشني اوي ياجاسر
تمدد علي طرف الفراش بعيد عنها
#ودلوقتي خلاص معنتش وحشك
ضحكت بقوه
#انت ايه اللي جرالك ياجاسر بقيت شقي واااا
نظر اليها #وايه
#وساكت .... مفيش حتي وحشيني يازوزه هو انا موحشتكش
قال ببرود #عادي
قطبت بين عيناها #عادي ازاي يعني
ابتسم #انا بقالي اد ايه ملمستكيش ياعزه من يوم ماسافرتي صح ... اكيد لو كنتي وحشاني كنت اجتلك من غير ماتشتكي
اعتدلت جالسه وارتدت روبها لتقف امامه
#يعني انت جاي تذلني مش كده
قال بتعجب
#اذلك وليه شيفاها كده .... انا بردلك
كلامك مش اكتر ....مش دا كلامك ياعزه ...ليه شيفاها ذل
جلست بجواره وقالت بنعومه
#اخص عليك وانا اللي قلت هبقي وحشاك اوي زي ماانت وحشني
عقد ذراعيه وقال #عايزه ايه ياعزه
بلعت ريقها بصعوبه وقالت بارتباك
#_هعوذ ايه يعني
حدق بوجهها #معرفش انا اللي بسالك نلعب علي المكشوف احسن ياعزه
قالت بخضه #ااااانت تقصد ايه يعني بكلامك دا هاه
اعتدل بجلسته حتي صار في مواجهتها
#هقصد ايه ومال وشك اتقلب مره واحده كده ليه ... مخبيه عليه ايه ياعزه
#ووووواناااا هخبي عليك ايه بس ....انا بس مش فاهمه انت تقصد ايه
اصبح الان متيقن ان عزه تخفي شيء ما ربت علي خدها
#ااقصد الهديه اللي بتطلبيها بعد كل مرة لينا مع بعض
تنهدت بارتياح وقالت
#مش عاوزه حاجه ياجاسر ... شوف احنا نفتح صفحه جديده ...
#طب مش اما نقفل القديمه الاول
اقتربت ولمست شفتيه بشفتيها زفرت الضيق التي هربت منه جعلتها تبتعد
#لاء انت اتغيرت اوي .... البت دي عملت فيك ايه
قال بتحذير #ليها اسم واياكي تقللي منها ياعزه ....
#داانت حبتها بقي
ابتسم ببرود #هتفرق معاكي طبعا لاء عاوزه تفتحي صفحه جديده يبقي تفهمي انك هنا زيك ذيها انا هتقي ربنا فيكي عشان متحسبش ... الايام تتوزع بينكم يوم معاكي ويوم معاها ... مصاريفك زي ماهي انا مش هقلل منها بس لوحبيت اجبلك هديه هيبقي بمزاجي ياعزه .....مفهوم
كان واثق انها سترفض احتقان وجهها انفاسها المتسارعه زفرت بقوه
#موافقه
حدق بها للحظه
#تمام ممكن ننام بقي عشان جاي من الشغل تعبان
قال جملته وتمدد علي الفراش ليرفع عليه الاغطيه. ويغلق الاضاءه بجواره
#ابقي اطفي النور تصبحي علي خير
حركتها العصبيه ..زفراتها العاليه تثبت انها وافقت رغما عنها ...هو يعرف عزه جيدا .... تري ماالذي تخبئه ...تنهد بقوه انتظر قليلا حتي سمع صوت انفاسها البارده ثم حمل هاتفه هو واثق انها لن تنام فاليوم سيكون الاصعب عليها كما كان عليه ...تسلل ببطء ليستلقي علي الاريكه ويكتب
#نمتي عارف انك لسه صاحيه وقاعده جنب التليفون كمان
اتت علامه المشاهده لتاكد الحمقاء كلماته ولكنها لم تكتب هل تبخل عليه الصغيره ببعض كلمات تؤنسه
#يعني لسه زعلانه
#😭😭😭😭😭😭😭😭
تنهد بقوه #طب وحياه جاسر متعيطيش
# مهو انا لو معيطش هموتك 😡😡
كتم ضحكاته
#واهون عليكي ياحوريتي
#توء متهنش ... لو عمري يهون انت لاء
تنهد بابتسامه
# ربنا يخليكي ليه ياحبيبتي
# ااقولك علي حاجه ومتزعلش
#قولي
#هواااانت قاعد جنبها
ابتسم #لاء مريح علي الكنب
#بجد طب اضحك عليه وقلي مش لمستها ... مش هتبقي كدب اضحك عليه بس
تنهد بقوه #وبعدين معاكي متنسيش انها مراتي برضه
#💔😭
#طب خلاص متعيطيش زي ماانتي قلتي
#😖كدااااااااب
كتم ضحكاته #طب عاوزه ايه
#انا بحبك اوي طب انت لابس ايه
قطب # لابس بيجامه هلبس ايه يعني ياحور
#تحرقها البيجامه دي فاهم ولالاء
كتم ضحكاته #يخرب بيت جنانك ..
مانا هدومي عندك هنزل بالبيجامه ليه
#اه صح البيجامه بتعتك في حضني انا بحبها اوي مش سبتني وراحت لواحده تانيه
#وحشتيني اوي ياحوريتي ... عارف ان اليوم صعب بس مش عليكي لوحدك ياحور ....
#عارف نفسي انام اوي احط راسي علي صدرك وتحضني وانام
#وانا كمان نفسي اخدك في حضني وانام وحشتني عروستي اللعبه
# ماانت سيبتها لوحدها ورحت لعروسه المولد الملزقه
#انا مليش عروسه لعبه غيرك ياحوريتي
# طب اانت هتنزل امتي
#يعني بعد الفجر
#طب بص النهارده بس والله مش هعمل كده تاني ...الفجر لسه عليه ساعتين لوينفع يعني ..تخدني في حضنك عشان انام اصل انا تعبانه اوي دماغي وجعاني وعنيا ونفسي انام
اغلق الهاتف وتسلل ببطء ليخرج من الغرفه وفي دقيقه كان يفتح الباب ليصدم وهو يراها تضرب المنامه بيديها وعيناها تسقط سيل من الدموع منتفخه لدرجه الاغلاق وجهها احمر كحبه طماطم طازجه وبعض حبات العرق علي جبهتها شعرها مشعث وتهمهم
#قفلت ليه .. دانا عاوزه انام بس ...والنبي هموت ياجاسر قلبي هيقف
#حور
رفعت وجهها انها بحاله انهيار حقيقي اللعنه ماذا فعل بصغيرته مسحت دموعها بظاهر يدها وضحكت بهزيان
#انت جيت عشاني صح
شدها بين ذراعيه لتدفن راسها علي صدره وتطلق اه الم عاليه ربت علي شعرها
#اشش اهدي ...اهدي ياحور انا معاكي اهوه ...
قالت بهزيان
# انا مش زعلانه منك ...والله عارفه دا حقك وانا مش بعترض ،،،،،،بس غصب عني عارف قلت ليونس انا كويسه بس مخنوقه شويه مصدقنيش،،،،، قلي قلبي وجعني طب اعمل ايه
اراحها علي الفراش ليضمها الي صدره ويداعب شعرها بحنان
# اششش نامي ...عشان تهدي .... انا اسف ...اهدي عشان خاطري
جسدها يرتعش ويديها مثلجه ...دقيقه واحده واستكانت بين ذراعيه وكانها كانت تنتظر حضوره فقط لتنام ... كما كتبت وكما كانت تهزي ...طبع قبله علي شعرها
#يااااه ياحور انا عملت ايه في دنيتي حلو عشان ربنا يكفئني بيكي .... يااحلي حاجه في عمري كله ...والله غصب عني انا كمان
ضمها اكثر اليه ليغمض عيناه لينهي هذا اليوم بما فيه
يتبع الفصل التالي اضغط على (رواية عشق الحور) اضغط على أسم الرواية