رواية عشقت صعيدية (2) الفصل الخامس 5 - بقلم رنا احمد عماد

الصفحة الرئيسية

   رواية عشقت صعيدية  بقلم رنا احمد عماد

رواية عشقت صعيدية (2) الفصل الخامس 5

 في فيلا الجوهري ....
كان يقف الجميع بصدمه من حديثها الصادم بالنسبه لهم كان يقف كينان وهو ينظر إليها بغضب جحيمي أما صقر فكان ينظر إليها بقوه اجتاحت قلبه اثر ماحدث ليخمد تلك النظره القويه التي كانت تحتل عيناها .
/مبرروك ي بنت عمي الف مبروك هكون اول واحد واقف في فرحك واطمني قلبي ده اغلا من كنوز العالم كلها اغلا منك بكتير اوووي متخافيش عليه لا عاش ولا كان الي يكسره اتمنالك حياه سعيده .
ليرحل صقر بكل قوه وشموخ تاركها تنظر إلي أثره بقلب شعر بخوف من القادم .
زينه بغضب /بقا كده ي حنين تكسري قلب ابن عمك بالطريقه دي أخص عليكي أخص .
سيف بحده /زينه خلاص الموضوع انتهاء مفيش نصيب والبنت قالت كده بصراحه خلاص .
كينان بارتباك وخجل شديد/انا اسف جدا ي سيف اسف ي اخويا .
سيف وهو يربت علي كتفه بحنان /بتتاسف علي ايه ي كينان كل شئ قسمه ونصيب وحنين هتفضلي بنتي زي شاهنده يلا ي زينه .
اركان بابتسامه /ده كله نصيب ومهما حصل احنا اخوات ومفيش حاجه تفرق بينا فاهمين .
هند بابتسامه /عندك حق ي اركان.
يااامن وهو يمسك يد شاهنده بابتسامه تخفي الما/مساء الخير كويس انكم متجمعين علشان فيه حلو حبينكم تعرفوه .
سيف بابتسامه/خير ي يااامن ي ابني قولنا اي خبر حلو احنا محتاجين والله .
يااامن بابتسامه /انا وشاهنده صفينا لبعض وبطلنا عناد واعترفنا بحبنا لبعض وقررنا نتجوز ونتجمع مع بعض في حلال ربنا .
زينه بسعاده كبيره/بجد ي شاهنده بجد ي بنتي .
شاهنده بابتسامه حزن ووجع/بجد ي ماما انا مستحيل الاقي احسن من يااامن حبيبي وابن عمي.
اركان بابتسامه وسعاده /اللهم صلي على النبي اخيرا حد فرحنا في العائله دي الف مبروك ي ولاد .
هند وهي تحتضن يااامن بسعاده /الف مبروك ي قلب امك الف مبروك ي حبيبي .
زينه وهي تحتضن شاهنده بابتسامه وسعاده/الف مبروك ي حبيبتي الف مبروك .
شاهنده وهي تقبل يد والدتها بندم وتعب /الله يبارك فيكي ي امي ربنا يخليكي ليا .
حنين بابتسامه /الف مبروك ي شاهنده الف مبروك ي ياامن .
شاهنده بابتسامه/الله يبارك فيكي ي حنين عقبال ربنا يجمعك مع صقر اخويا يارب .
صقر وهو يحتتضن شاهنده بحب وحنان/لا خلاص ي شاهي معدش ينفع خليكي انتي في فرحتك ي حبيبتي الف مبروك ي نور عيني مبروك ي ياامن خليك بالك من اختي فاهم .
ياامن بابتسامه/الله يبارك فيك ي صقر متقلقش شاهنده في عنيا .
عشق بوجع والم وهي تحبس دموعها بصعوبه /الف مبروك ي شاهنده الف مبروك ي ياامن عن اذنكم .
لتسرع عشق بدموع والم الي الخارج ليسرع ياامن وراءها .
كينان بحده وغيظ ل حنين /عايزك حالا في مكتبي .
هنيه بحده وغيظ/روحي شوفي الي هيجرالك علشان انتي تستاهلي التربيه من اول وجديد .
حنين بغيظ /استغفر الله العظيم يارب.
في الخارج ...
كانت تجلس عشق بدموع ووجع فقد أتت اللحظه الذي ظلت خائفه منها ليجلس ياامن بابتسامه بجانبها .
/اسف لو كنت سببتلك كل الحزن ده ي عشق بجد اسف بس صدقيني انتي تستاهلي احسن من بكتير  .
عشق وهي تمسح دموعها سريعا وتنظر إليه بابتسامه/متعتزرش ي ياامن الحب مش بأيدينا انا مخترتش احبك وانت مخترتش تحب شاهنده وصدقني انا سعيده من قلبي ليكم ربنا يسعدكم .
ياامن وهو يمسك يدها بحنان ويتحدث بوجع /صدقيني ي عشق مش كل حاجه بتبان من بره بتبقا حقيقه ساعات الواحد بيبقا شايل وجع يهد جبل ومصمم يبان قدام الكل أنه في غايه السعاده رغم أن الحقيقه غير كده خالص .
عشق بقلق /مالك ي يااامن فيك ايه .
يااامن بابتسامه وجع/مفيش حاجه كل الي عايزه انك متزعليش مني ي عشق انتي عارفه اني بعتبرك اختي الي كنت أتمناه تكون موجوده ومعزتك في قلبي كبيره اوي علشان كده عايزك تفتحي قلبك العاشق الولهان ده الي بيموت فيكي .
عشق بارتباك شديد/ها قصدك ايه مش فاهمه .
يااامن بغيظ /وحياه امك ي عني مش عارفه عدي ي اختي الي بيعشقك افتحيله قلبك يا عشق صدقيني عمرك مهتلاقي حد يحبك قده .
عدي بابتسامه/الف مبروك ي ياامن ربنا يباركلك ي ابن عمي .
ياامن بابتسامه/ديدو تسلميلي ي حبيبي عقبالك ليكمل بهمس هسيبك مع المزه انا عايز فرحكم قريب فاهم .
ليسير يااامن الي الداخل ليجلس عدي بجانبها بابتسامه وهو يخرج إليها الشيكولاته .
عشق بضحكه خطفت قلبه/ايه ي عدي انت شاري شيكولاته قد ايه علشان كل ماتحس اني مضيقه تتديني واحده علشان تفرحني .
عدي بعشق وهمس/لا انا لو علشان افرحك مش بس هجيبلك شيكولاته ده انا اجبلك الدنيا كلها تحت رجليكي .
لتنظر إليه عشق وهي تشعر بأن حديث ياامن صحيح لتشعر بأن عدي سيكون هو مالك القلب والروح فياامن سيصبح ماضي وسيكون عدي هو الحاضر والمستقبل ❤️❤️❤️❤️.
في الجنينه ....
كانت تجلس هند بجانب اركان بسعاده كبيره.
هند بسعاده كبيره /ياااه ي اركان فرحانه فرحه متتوصفش انا من زمان عارفه أن يااامن بيموت فيها الحمد لله ي يارب ربنا يسعدهم يارب .
اركان بابتسامه /يارب بصراحه موضوعهم غطا شويه علي الي عملته حنين مع صقر بجد كسرت قلب الواد .
هند بغيظ شديد/هي البت حنين دي طول عمرها بت معقده ده تلاقي هنيه اختي هتجنن ربنا معاها .
عاصي بجديه /مساء الخير.
هند بابتسامه /مساء الخير ي حبيبي .
اركان بجديه /حمد لله على السلامه ي عاصي .
عاصي باستغراب /خير مالكم شكلكم مبسوطين .
هند بسعاده /الا مبسوطين ده احنا طايرين من الفرحه اخوك ياامن وشاهنده خلاص هيتجوزوا .
عاصي بصدمه /يتجوزا ازي ي عني بالسرعه دي .
اركان بجديه /الي حصل ي عاصي ربنا عايز كده عقبالك أن شاء الله لما تعقل وتتجوز ونتطمن عليك انت كمان .
هند بابتسامه ودعاء /امين يارب .
عاصي وهو يحدث ذاته باستغراب /ايه الي حصل ده شاهنده مكنتش طيقاه ازي قراروا يتجوزوا بسرعه كده من غير مقدمات الموضوع ده مش مقنع انا لازم اعرف ايه الي حصل.
في غرفه مكتب كينان ...
كانت تتضع يديها علي خديها اثر صفعه قويه من والدها جعلها تنظر إليه بصدمه ودموع .
حنين بدموع ووجع/بابا دي اول مره حضرتك تمد ايدك عليا.
كينان بغضب شديد/واضح اني اتاخرت كان لازم اعمل كده من زمان مكنتبش عملتي الي عملتيه وكسرتيني قدام اخويا وانتي واقفه تعانديني في الكلام وببساطه كده بتكسري قلب ابن عمك وبتتكلمي بمنتهاء قله الادب هو ده الدين ي شيخه حنين.
حنين بحده ودموع /انا مغلطتش هو الي معندوش دم انا دايما بفهمه اني مش عايزاه بس هو مش راضي يفهم كان لازم ارد كده عليه علشان يفهم .
كينان بحده /دي اسمها قله ادب كان المفروض تقوليلي رايك ده بيني وبينك مش بالطريقه دي وتجرحي عمك ومرائته.
حنين بخجل /انا اسفه ي بابا اسفه بس ياريت حضرتك تحدد ميعاد للدكتور حمزه علشان يجي يطلبني من حضرتك .
كينان بحده/اديله رقمي وخليه هو بنفسه يكلمني وانا أحدد معاه الميعاد .
في غرفه صقر ...
كان يمسك تلك الصوره وهو يمزقها بدموع ووجع حقا قد كسرت قلبه بلا رحمه فهو يعشقها بشده لكن لن يموت بدونها سيكمل حياته كما يريد ليتحدث بقوه وثبات ..
/مش هموت من غيرك ي حنين مش هتعيشي إنتي وتكملي حياتك وانا اموت بالبطي انا كمان هكمل حياتي اوعدك ي حنين ان اخليكي تندمي علي الي عملتيه وانا متاكد انك هتندمي ندم عمرك علي خسرتك ليا .....
في جناح يااامن وعاصي ....
كان يجلس يااامن علي السرير بتعب ليسير عاصي الي الداخل .
عاصي بجديه /اخبارك ايه ي يااامن .
يااامن بابتسامه تعب ووجع قد شعر بها عاصي علي الفور /الحمد لله ي عاصي بخير .
عاصي بحده /الي قاله بابا وماما ده صحيح انت وشاهنده فعلا هتتجوزه .
يااامن بابتسامه ليخفي ألمه /ايوه أن شاء الله اخير عقبالك يارب .
عاصي بغضب وصراخ/يااااامن الكلام ده ميدخلش علي اخوك فيك ايه ايه الي خلاكم تاخدوا القرار ده بسرعه كده انت وشاهنده كنتوا عاملين زي الديوك هي مكنتش بطيقك ابدا وطول عمرها رفضه علاقتكم ايه الي حصل فجاه كده .
ياامن بارتباك وقلق /محصلش حاجه ي عاصي فوقنا ي اخي كل الي فات كان لعب عيال وخلاص قررونا نوقفه ونتجوز وبعدين ايه كلامك ده ده بدل متبارك لاخوك .
عاصي بقلق /مش مقتنع ي ياامن انا متاكد ان فيه حاجه غريبه شكلك نفسه شايل هم كبير قولي ي يااامن فيك ايه قولي ده اخوك وهشيل عنك .
 يااامن بحده وقلق من كشف عاصي اي شي /ايه ي عاصي انت مكبر الموضوع ده كده ليه قولتلك أننا خلاص قررنا ننهي الي بينا ونتجوز ادي كل الي حصل .
عاصي بضيق /ماشي ي ياامن مبروك بس انا برضه مش مقتنع .
ليقاطعهم طرقات الباب ليفتح ياامن ل شاهنده .
شاهنده بابتسامه أمام عاصي /يااامن حبيبي كنت عايزه اتكلم معاك في موضوع كده .
عاصي بسخريه وقلق/والله حبيبك ده انتي مكنتيش بطيقي اسمه يمكن ربنا قادر علي كل شي .
يااامن بابتسامه وارتباك /ماشي ي حبيبتي تعالي ننزل الجنينه .
عاصي بغيظ وحده/ماشي ي ياامن مسيري اعرف حكايه الموضوع ده أما اروح اشوف التانيه الي هخلي عشيتها سوداء .
في غرفه منه .....
كانت تجلس منه علي السرير وهي تتدون بعض المعلومات ليقاطعها طرقات الباب.
منه بغيظ /اتفضلي ي امي كنت هنام دلوقتي والله من غير ماتيجي .
عاصي بغيظ شديد/انا مش امك ي اختي .
منه بصدمه وارتباك /عاصي ي نهار اسود انت اتجننت رسمي انت بتعمل ايه هنا.
عاصي بغيظ وغيره/جاي اشوف الهانم الي كانت قلباها من شويه ضحك ومسخره في الجنينه مع واد ميسواش بصله .
منه بسعاده بداخلها لغيرته الواضحه لتتحدث باستفزاز  /اه قصدك رامي ده ابن زميل بابا شاب جنتل ومحترم ووسيم وبيقدر مشاعر الناس .
عاصي وهو يقترب منها بغيظ لتسقط علي السرير ليعتليها بغيظ وغيره .
/قسما بالله العظيم لو جبتي سيره الواد ده علي لسانك هقطعه سامعه ولا لا .
منه وهي تتدفعه بغيظ/لا مش سامعه وانت مش من حقك تتدخل اصلا فاهم ي عاصي .
عاصي بحده وغيره /انا مش فاهم غير حاجه واحده انك بتاعتي فاهمه بتاعتي وبس .
منه بغيظ ودمع/انت اناني ي عاصي اناني عايزني كده قدام عينك علشان ترضي غرورك وتفضل حاسس اني ملكك بس لا ي عاصي منه مش هتكون لعبه في ايديك فاهم .
ليخرج عاصي لتجلس هي بدموع وغيظ .
/ماشي ي عاصي ماشي انا هخليك تعترفلي قدام كل الناس بحبك ي كده ي نصيبنا مش هيكون مع بعض .
في المستشفي ....
في غرفه صقر ....
كان يجلس صقر وهو يدرس تلك الحاله باهتمام لتسير ريم بمرحها المعتاد .
ريم بابتسامه ومرح/احلا دكتور في مصر كلها ايه الاخبار.
صقر بابتسامه/كويس ي دكتور ي هبله .
ريم بغيظ شديد/كده متشكرين ي سيدي بس بصراحه بقا انا جعانه .
صقر بغيظ /ي خربيت الاكل ده انتي مفجوعه مفيش غير الاكل.
ريم بغيظ شديد/شكرا هتوكلني ولا لا علشان انا صرفت المرتب كله علي الاكل.
صقر بضحك ويأس /هههه تعالي ي اختي مانا خلفتك ونسيتك .
ريم بابتسامه ومرح/شكرا ي دكتور ي عسل انت .
في الجنينه ...
كانوا يقفون ياامن وشاهنده مقابل بعضهم .
يااامن بحده /غير عايزه ايه.
شاهنده بوجع وحزن /انا عرفت من ماما انك صحيح حددت فرحنا بعد بكره .
ياامن بجديه /ايوه اظن مش من مصلحتنا أننا نتأخر اكتر من كده مش ضمنين الكلب الهربان ده ممكن يعمل ايه .
شاهنده بدموع وحزن/انا خايفه اوي ي يااامن .
ياامن بسخرية وضيق /لا ي شيخه دلوقتي خايفه مخفتيش وانتي بتسلمي الكلب ده السكينه الي يدبحنا بيها .
شاهنده بدموع وصراخ/كان غصبن عني ي يااامن كنت لوحدي كنت عامله زي التايهه.
يااامن بغضب شديد/اوعي تقويلي كنتي وحيده طول عمري كنت جنبك وانتي كنت دائما بتبعدي لانك انتي كنتي عايزه كده اوعي تعلقي غلطتك علي حد  .
شاهنده بدموع ووجع/طب ودلوقتي ي يااامن هتفضل جنبي برضه ولا خلاص بعدت ومش هعرف ارجعك تاني .
يااامن بحده وهو يسير للداخل /يااامن مبقاش ياامن بتاع زمان ي شاهنده خلاص راح ومش هيرجع تاني ابدا .
شاهنده بتحدي وقوه ودموع /هرجعه ي ياامن يااامن الي كان بيحبني هرجعه لحضني هخليه يعاقبني علي غبائي معاه علي اني ضيعته من ايدي زمان علي اني سمحت لكلب ميسواش أنه يجرحه....
صباحا ....
في فيلا الجوهري.....
كانت تنزل منه الذهاب الي امتحانتها لتصعق من وجود رامي إمام الباب .
/رامي بتعمل ايه هنا دلوقتي .
رامي بابتسامه/جاي اوصل خطيبتي للامتحان عندك مانع .
منه بصدمه واستغراب /خطيبتك قصدك ايه مش فاهمه .
رامي بابتسامه/بصراحه انا طلبت ايدك من كابتن ادهم وبصراحه هو رحب وانا خلاص اعتبرت نفسك خطيبتي واستاذنت منه اني اوصلك وهو وافق .
منه بضحك /ههههه والله انت مجنون .
عاصي بحده وغيظ/ايه ده أن شاء الله ممكن افهم. .
منه بجديه /اه نسيت اعرفكم رامي ابن زميل بابا عاصي ابن عمي .
رامي بابتسامه/اهلا وسهلا يلا ي منه .
عاصي بغيره وغيظ وهو يمسك يد منه /يلا علي فين انت عبيط يلا ولا بتستهبل .
رامي بغيظ وحده /اتكلم عدل احسالك علشان ماغلطش فيك .
عاصي وهو يمسكه بحده وغيره /تغلط فيا طب انا بقا هوريك الغلط ي روح امك .
ادهم بغضب شديد/عاصي بطل همجيه ومتتدخلش في موضوع ميخصكش .
عاصي بغيره وغيظ/ميخصنيش ازي دي بنت عمي .
ادهم بحده /بنت عمك ابوها عايش ي عاصي وبعدين ايه المشكله واحد بيوصل خطيبته .
عاصي بصدمه /خطيبته خطيبته ازي ماتردي انتي موافقه علي الكلام ده .
منه بوجع والم /طالما بابا موافق انا كمان موافقه ..

   تابع الفصل التالي عبر الرابط:"رواية عشقت صعيدية" اضغط علي اسم الرواية
رواية عشقت صعيدية (2) الفصل الخامس 5 -  بقلم رنا احمد عماد
nada eid

تعليقات

ليست هناك تعليقات
إرسال تعليق
    google-playkhamsatmostaqltradent