رواية تاج الفهد الجزء الثاني 2 البارت الرابع والعشرون 24 بقلم مريم مصطفى
رواية تاج الفهد الجزء الثاني 2 الفصل الرابع و العشرون 24
بعد مرور 25سنه ..
تلات موتسيكلات ريس واقفين جمب بعض بتحدي ،وصوت الحكم وهو بيذيع عن أسماء المتسابقين..
الحكم ف المايك بصوت عالي وحماس:المتسابقه المتميزه اسيا السيوفي .
كل اللي كانوا موجودين صقفوا وهتفوا بااسمها بتشجيع
كمل الحكم بحماس اكتر:والمتسابق الثاني ايوب السيوفي ،والمتسابق الثالث فهد نصار .
صفر الحكم وهو بيعلن عن بدأ المسابقه..أتحرك التلات موتسيكلات بسرعه عاليه
اسيا ف المقدمه وقريب منها ايوب ووراهم فهد ..
ايوب وهو مركز ف السابق :اي شكلك مش قد التحدي المره دي .
اسيا وهي بتزود السرعه وبتعلي صوتها:أنا اسيا السيوفي قد كل حاجه.
انطلقت بالموتسيكل وايوب وراها وفهد جمبه بيحاولوا يوصلوا قبلها .
بعد شويه وقت وصلت اسيا وهي بتعدي الشريط اللي اخر السابق ..
صفر الحكم والكل بقا بيهتف بااسم اسيا ،وصل ايوب بعدها وفهد ورا بمسافه قليله.
قلعت اسيا الخؤذه من ع دماغها وشعرها الاشقر انسدل ع ضهرها :قولتلكم انتو الاتنين مش قدي ف المباره دي بس الواضح أن انتو بتحبوا كل سنه التلفزيون يتكلم عن فشلكوا .
قلع ايوب الخؤذه بتاعته وعيونه الزرقاء وضحت اكتر :متنفخيش نفسك بس ع الفاضي كده مكنوش كام مره كسبتيهم !
اسيا بسخرية:كام مره!يابني ده مفيش مره انتو كسبتوا فيها المركز الاول .
فهد:احنا سيبناكي علشان انتي بنت غير كده نقدر نفوز عادي.
اسيا:طب اقولك انسا اني بنت واعتبرني ايوب اخويا الغبي ...
ايوب قاطعها :اللاه ولي الغلط أنا اخوكي الكبير
اسيا:نقطني بسكاتك دلوقتي ..وانت يافهد سابقني لحد القصر ونشوف قد كلامك ولا لا
فهد: وماله ياحته نتسابق .
اسيا ركبت الموتسيكل بتاعها تاني وهي بتتحرك بي :ورايا ياابن نصار.
ركب فهد الموتسيكل بتاعه وهو بيشاور لأيوب :ورايا يابوب .
انطلقوا التلاته مع بعض وكل شويه يقربوا من بعض وهما بيضحكوا بصوت عالي ..
وصلت اسيا ع بوابات القصر وجه فهد وايوب بعدها .
اسيا:اي يافهد لسه برضو مصمم ان انتو اللي بتسبوني افوز بمزاجكوا ؟!
فهد:لا ياحته انتي طول عمرك بتحبي تفوزي بمجهودك أنا اللي بحب انكشك بس.
ايوب :انت يااعمي اختي اللي انت واقف تشقطها دي .
اسيا بعصبيه :ماتسيبوا يازفت انت هو كان بيشقطك انت ..بصت لفهد وهي مبتسمه :كمل يافهد واي تاني .
ايوب وهو بيخبط كفه ع كف:شوف البت البجحه والله لو عيسي شم خبر هيعلقك ع باب القصر زي الدبيحه .
رجعت اسيا لورا وهي بتتصنع الغضب:عيب اوي كده يافهد الكلام اللي انت بتقول ده احترم ياأخي اني بنت .
ايوب :ايواا خليكي مؤدبه
فهد بخبث وهو بيبص لآسيا:مين دي اللي مؤدبه ده انا ليل نهار ببو"س فيها.
شهقت اسيا بخوف وهي بتجري ع جوا : والله ماحصل ياايوب ده كداااب
ايوب وهو بيجري وراها:هقتل"ك يااسيا واغسل عارك هي حصلت للبو"س يابنت السيوفي ..
فهد دخل وراهم وهو بيضحك عليهم وآسيا بتجري.
وهي بتجري خبطت حد بيفتح الباب الداخلي للقصر ووقعت عليها ف الأرض ...
قامت بسرعه وهي بترجع شعرها لورا :معلش ياعشق بس ايوب بيجري ورايا معرفش انك بتفتحي الباب
عشق بعصبية :انتي مش هتبطلي شغل العيال ده انتي كبرتي ع الحركات دي
دخل فهد ع صوت عشق وهي بتزعق لأسيا:مترفعيش صوتك عليها هي اعتذرت وخلصنا مضر"بتكيش بالنا"ر.
عشق:انت بتعلي صوتك عليا هقول اي ماانت تربيه ورد .
جه فاروق من وراهم وهو بيزعق بغضب :عششق أنا حذرتك كتير مترفعيش صوتك ع واحد فيهم وخصوصا اسيا .
عشق :انت مش شايف اللي عملته دي وقعتني ف الأرض بسبب تهورها
فاروق:اكيد مش قصدها واعتذرت انتي اللي مكبره الدنيا
عشق بتهكم:ولا مكبره ولا مصغره اهم عندك اشبع بيهم
خرجت عشق بعصبية وآسيا صقفت باايديها وهي بتجري ع فاروق تحضنه:الله عليك يافاروق ياجامد.
فاروق حضنها بحنان :يابكاشه كل ده علشان جبتلك حقك بس
اسيا:اخص عليك ياعمو أنت عارف اني بحبك من قبل ماتزعق لعشق
فاروق:وانا ليا غيرك علشان احافظ عليه ؟
ايوب:اي ياابو عمو أنا واقف لو مش واخد بالك ولا هي اسيا بتاكل الجو
ابتسم فاروق وهو بيضم ايوب :كلكوا عندي واحد ياحبيابي .
فهد كان واقف بصصله بنظرات تحفز بصله فاروق:عامل اي يافهد؟
فهد :تمام
فاروق :مش محتاج اي حاجه ياحبيبي ؟
فهد:لا شكرا عن اذنكوا طالع علشان عندي شغل ..ايوب المهمه هنطلعها اليله
اسيا بحماس:وانا طالعه معاكوا صح
فهد بنفاذ صبر :احنا اتكلمنا كتير ف الموضوع ده وقفلنا
اسيا:يعني اي ده شغلي حضرتك نسيت اني ظابط شرطه ودي مهنتي ؟.
فهد:وانا القائد بتاعتك وبقولك اني مش محتاجك ف العمليه دي
اسيا:لا انت عارف ان وجودي مهم معاكوا وان أنا وايوب ف التيم معاك يعني من حقي اجي
فهد :وانا قولت لا.
فاروق :براحه يااسيا هو خايف عليكي مش قصده يبعدك من شغلك
ايوب:فهد خايف عليكي المره دي خطر
سابهم فهد ببرود وطلع فوق ع اوضته..
اسيا بصوت عالي:والله لعمل فيك شكوه ياابن نصار
ايوب:خلاص بقا يااسيا عديها المره دي هو الشغل بيخلص .
فاروق :احنا خايفين عليكي يااسيا
اسيا :أنا مدخلتش كليه الشرطه علشان الاستاذ فهد يختارلي شغلي ع مزاجه أنا هطلع العمليه دي وهو حر
ايوب بهمس لفاروق:هتولع يابو الفروق وهتشوف
فاروق:تموت انت لما تلاقي خناقه ف القصر
ايوب:بنتفرج ببلاش يجدع ..
نزل تيام وهو شايل ملفات كتير وبيجري بسرعه اتجاه الباب .
اسيا :اي ياعمهم مش تصبح طيب .
تيام وهو بينهج:أنا آسف بس عيسي قرب يخلص فطار وهيروح الشركه ولو ملقيش الملفات دي ع مكتبه هيكدرني قدام الموظفين .
مشي تيام بسرعه وهو بيجري ف بص ايوب لفاروق بأسف :لأمته ياعمي هتسيب عيسي يعامل تيام باالشكل المهين ده ؟؟
فاروق:والله يابني حاولت مع عيسي كتير بس مبيسمعش لحد
اسيا:حقيقي بزعل اوي من عيسي لما بشوفه بيعامل تيام كده
خرج عيسي من اوضه السفره وهو بيقفل ذرار بدلته وبيتكلم بثبات:صباح الخير
ايوب بضيق:اهو صباح زي اي صباح
عيسي :اي اخبار المباره يااسيا
اسيا:تمام المركز الاول كاالعاده ..عن اذنكوا .
ايوب وهو بيبص لعيسي بخذلان:خديني معاكي يااسيا علشان الحق ارتحلي ساعتين .
طلعوا ع اوضهم فابص عيسي لفاروق وهو ضامم حواجبه بستغراب:هما مالهم الاتنين دول ؟
فاروق :يعني حضرتك مش عارف ؟ ياريت تتعدل مع اخوك تيام شويه وافتكر انه شريك ولي حق ف الشركه زيك مش موظف.
عيسي وهو ماشي وبيتكلم بسخرية:حق مجاش غير ابن الملاج اللي يبقا شريك ف شركات السيوفي .
خرج عيسي من القصر وهو بيرزع الباب الكبير وار بعصبية ..خبط فاروق كف ع كف وهو بيهمس لنفسه:محدش تعبني غيرك ياابن فهد .
نزلت فيروز ببدلتها الرسميه وملامحها الجامده وشايله ف ايديها شطنه اللاب توب.
فاروق:رايحه الشركه متأخر النهارده مش عوايدك يعني ؟!!!
فيروز:كنت سهرانه ع صفقه الادويه الجديدة ومنمتش غير الفجر وعمتو ورد محبتش تصحيني علشان ارتاح شويه .
فاروق بابتسامه:ولا يهمك ياحبيبتي تعالي نفطر مع بعض وبعدين روحي الشركه
فيروز:لا ميرسي يا اونكل أنا لازم أتحرك حالا وهبقا أفطر ف الشركه
خرجت ورد من المطبخ وهي ماسكه كوبايه لبن:مفيش خروج غير لما تشربي كوبايه اللبن دي انتي مش شايفه وشك بقا عامل ازاي من التعب والسهر .
فيروز:ياعمتو...
فاروق :اسمعي كلام عمتك يافيروز ،ولو عايزه تاخدي اجازه من الشركه ترتاحي فيها مفيش مشكله هنزل بدالك
فيروز وهي بتشرب اللبن:لا يااونكل انت عارف اني بحب شغلي ملوش لازمه تتعب حضرتك.
فاروق:اللي يريحك المهم متتعبيش نفسك ف حاجه
فيروز وهي بتبوس خد ورد:شربت اللبن اهو ينفع امشي بقا
ورد بابتسامه:خلي بالك من نفسك ربنا يستر طريقك
مشيت فيروز من القصر وورد طلعت فوق بس فاروق نادا عليه:مدام ورد من فضلك عايز اتكلم معاكي
نزلت ورد من ع السلم وهي بتقعد ع الكرسي قصاد فاروق:ف حاجه يادكتور فاروق.
فاروق :أنا مش عارف لي طول السنين دي بحس انك بتتجنبي الكلام معايا رغم اني بعتبرك اختي الصغيره
ورد:بص يادكتور فاروق أنا هخليني صريحه معاك ..أنا من 25سنه ورجلي خطت القصر ده وانت ديما ف صفي لما عشق بتحاول تزعلني أنا او الأولاد وطلبتنا كلها مجابه ومش بتفرق ف المعامله بين الشباب وكلهم واحد عندك وبتخاف عليهم من الهوا وكتر خيرك ،بس أنا من جوايا مش بحس براحه وانا بتكلم مع حضرتك
فاروق بستغراب :طب اي السببب انا ممكن اكون ضيقتك ف حاجه من غير قصدي ؟
ورد:بالعكس أنا مفتكرش أن طول السنين دي عينك اترفعت ف وشي وديما بتبقا ماشي ف القصر وعامل صوت علشان لو أنا واخده راحتي ..بس هو شعور اني مش حابه اتكلم معاك ف حاجز من جوايا اتجهك طول السنين دي ..أنا اسفه اني بقول كده بس انا مبعرفش اقول عكس اللي جوايا.
فاروق بتفهم:ولا يهمك يامدام ورد أنا مقدر كلامك و...
قطع كلامه فريده وهي نازله باادوات الرسم الكبيره بتاعتها ..
فاروق :أنا مش منبه عليكي يافريده متشليش اي حاجة كبيره وانتي نازله من ع السلم افرض وقعتي لقدر الله .
فاروق بصوت عالي وهو بياخد منها الحاجه :هااااله
جت المربيه بتاعتهم وهما صغيرين:اؤمر يافاروق بيه
فاروق:نادي عم مدبولي ياخد حاجات فريده هانم يحطها ف العربيه .
هاله:حالا يابيه.
بصتله فريده وهي بتشاور باايده بشكر لفاروق لأنها مبتكلمش .
فاروق:انتي رايحه فين ع الصبح كده ؟!!!
شاورت باايده ع الادوات وهي بتشرح لفاروق ..
فاروق:كورسات رسم يابنتي انتي مش متخرجه من فنون جميله لي وجع القلب ده ماافتحلك مكان خاص بيكي .
ورد بتدخل وهي بتحضن ايد بنتها:غاويه تعب نقول اي .
فاروق :ع راحتها محدش يقدر يقولها حاجه.
استاذنت فريده وهي بتسلم باايده ع فاروق وامها ومشيت ..اتنهدت ورد بحزن ع حال بنتها الكبيره فالاحظها فاروق :هو مفيش اي تحسن ف حالتها ؟
ورد :مفيش للاسف ..اخر دكتور حضرتك جبته من بره قال إن دي حاله نفسيه هي رافضه الكلام علشان موت ابوها
فاروق:مش فاهم اشمعنا بعد موت حسام بسنه حصلها كده؟
ورد :كانت كبرت وبدأت تسأل عليه لأنها كانت متعقله بي لحد ماابدات تفهم أنه خلاص ومن وقتها رفضت الكلام وحشني صوتها نفسه حتي اسمعه مره منها .
فاروق بندم وهو بيقفل عينه لأنها شريك ف كل اللي بيحصل زمان :أن شاءالله تتحسن وانا مش ساكت وهكلم كذا دكتور بره يمكن نلاقي حل .
ورد:ربنا يسهل عن اذنك علشان هطلع اشوف سيا ..
طلعت ورد وقعد فاروق مكانه وهو بيندم ع كل اللي حصل زمان .
خرجت فجر من اوضه السفره وهي ماسكه سندوتش مربي وحاطه عليها جبنه وقعدت جمب فاروق .
فجر :مالك يا فاروق اي اللي مزعلك يااخويا كده
فاروق بابتسامه واسعه :مفيش ياستي شويه مشاكل مع اخواتك عادي
قطمت ف السندوتش وبوقها مليان :هتفضل تحل ف مشاكلهم وتشيل ف قلبك لحد ماهتقع ساكت ومحدش هينفعك وانت لسه شباب
فاروق :طب كلي براحه وبعدين اتكلمي الاكل مش هيطير
فجر :تاخد قطمه يافاروق ؟
فاروق:سندوتش جبنه ع مربي اي العك اللي ع الصبح ده
فجر :عك؟ والله انت مافهم حاجه وبما اني دكتوره ف بقولك أن السندوتش ده مفيد وصحي جدا
فاروق :طب ياست الدكتوره اخبار المستشفي بتاعتك اي .؟
فجر :عيب عليك أن شاءالله قبل الشهر ده مايخلص هكون جيبالك ضرفها.
حط فاروق ايده ع وشه بيأس من فجر :لي ياحبيتي كده انتي عايزه تشليني ؟
فجر شهقت وهي بتحط أيدها ع صدرها:اشلك بعد الشر عليك لي يافاروق تقول كده ؟
فاروق:يابنتي انا فتحلك المستشفى دي علشان تثبتي نفسك فيها مش تقفليها .
فجر:انت لي مش عايز تفهم اني مجرد دكتوره عيون بعيونك الجامده دي
فاروق:اولا اسمها دكتوره رمد ثانيا أنا عمك يابنتي مش صحبك .
فجر:وات ايڨر انت عايز اي دلوقتي ؟
فاروق:عايز ربنا يهديكي وتطلعي تلبسي وتروحي المستشفى تتابعي شغلك وانتي لبسه البالطوا الجميل بتاعك
فجر بملل: يافاروق ده انا مكملتش سنه متخرجه يجدع يعني خلصت من سكاشن 8الصبح علشان تتطلعلي انت والمستشفي دي وبعدين مش انا صاحبه المستشفى اروح ف اي وقت بقا براحتي
فاروق:وعلشان انتي صاحبه المستشفى لازم تروحي اول واحده يلا ياحبيبي يلا اشربي الكوفي بتاعك واجهزي ..اي الكسل بتاعك ده مش شايفه اسيا اللي صحيا من قبل الفجر وعندها مسابقه ومجهود
قامت فجر وهي بتخبط ف الأرض برجليها بتذمر وطلعت ع السلم وهي بتكلم بصوت عالي :طب اسيا دي مخها طاقك ومخبوله ف عقلها أنا مالي بيهااا..
خرجت اسيا من الجناح بتاعها وهي بتشد اجزاء سلا"حها وبتضر"ب رصا"صه ف الحيطه ..
اتنفضت فجر من ع السلم وهي بتصوت وبتجري ع اوضتها :يامجنونه يابنت المجانين اش حال ماانا الكبيره .
اسيا بصوت عالي:كلمه كمان وهاجي افجر دماغك يافجر ...مش كل يوم هصبحك بر"صاصه ده مبقاش قصر السيوفي ده بقا القصر العيني .
فاروق تحت قعد ع الكرسي وهو بيضحك :مفيش فايده ف العيال دي .
"ف شركه السيوفي "
دخلت فيروز مكتب عيسي وهي بتحط قدامه ملفات تبع الصفقة قعدت وحطت رجل ع رجل وهي بتكلم بثقه:دي كل الاوراق اللي انت طلبتها خلصتها امبارح وتقدر تشوف بنفسك معتقدتش أن ف حاجه فيهم عايزه تتعدل .
عيسي:مش محتاج اراجع وراكي يافيروز أنا عارفك ديما ملتزمه ف شغلك .
خبط الباب ودخل تيام وهو ماسك ملفات ف ايده:الميتنج بعد نص ساعه ياعيسي
عيسي بضيق:كذا مره قولتلك اسمي دكتور عيسي متنساش نفسك يا تيام .
تيام بص ف الأرض بااحراج:اؤمرك يادكتور عيسي
عيسي بحزم:اتفضل شوف شغلك مش عايز غلطه .
تيام جه يمشي بس فيروز زعقت بصوتها كله :استني ياتيام ..بصت لعيسي بجمود :انت مين ادالك الحق تعامله كده متنساش أنه اخوك الكبير ياعيسي
عيسي بصوت عالي :مش اخويا وكلكوا عارفين كده
فيروز :عيسيييي صوتك ميعلاش عليا متنساش اني الكبيره وليا احترامي
عيسي :انتي اللي بتخليني أخرج عن شعوري بسببه
فيروز:انت اللي بتعمل كده وديما ناسي أن تيام اخونا ...بصت لتيام وهي بتزعقله:وانت ازاي تسكت ع معاملته دي ليك انت نسيت انك الكبير يادكتور.
تيام:وهو عنده حق يافيروز أنا مجرد واحد اتربا ف عيله السيوفي مليش اني اتكلم كفايه انكو ربتوني ف وسطيكوا .
فيروز:انت اتجننت اي الكلام الفارغ ده انت اخوانا وعيسي لي حساب تاني بس المره دي مع اونكل فاروق لأن تخط حدوده
بصلها عيسي بغضب وسكت لأنها الكبيره وكلامها بيمشي .
فيروز:اتفضل ياتيام ع مكتبك واجهز علشان هتحضر الاجتماع ده زيك زي عيسي .
خرج تيام ومن المكتب وهو بيمسح الدموع اللي نزلت غصب عنه راح ع مكتبه علشان يستعد للاجتماع.
"ف مكتب عيسي"
فيروز:آخره مره هحذرك ياعيسي من معاملتك مع تيام
عيسي:فيروز متتعمليش معايا ع اني صغير
فيروز:لا انت صغير وكل دي حركات عيال لما تتغير وقتها بس هعرف انك كبرت .
عيسى: حط وشه بين ايديها بضيق .
اتنهدت فيروز وهي بتحط ايديها ع كتفه :عيسي انت اخويا الصغير وصحبي لي كره تيام كده ،انا وانت والكل بنكره عشق بسبب معاملتها لينا لي سمعت كلامها لما حاولت تخلينا نكره تيام ونرمي بره القصر لولا فاروق وقفلها لي سمعت كلامها وكرهت تيام .
عيسي:أنا مش بكرهه بس حاسس انه ملوش حق أنه يشيل اسم ابويا
فيروز:عمتو ورد قالتلنا أن تيام وصيت مامتك تاج لازم نحافظ عليها انا عارفه انك عمرك ماشوفت مامتك متعرفش غير اسمها علشان كده ع الأقل حاول تحب تيام علشان روحها متزعلش .
بصلها تيام بدون رد فعل ورجع بص ف الملفات تاني مشيت فيروز بضيق:مفيش فايده الكلام معاك صعب ..
"ف قصر السيوفي "
ف جناح فهد نصار تحديدا ..
كان نايم ع بطنه وحاطط المخده ع دماغه علشان ميسمعش صوت ايوب .
ايوب :ايوه برضو انت مش عايز اسيا تطلع معانا العم"ليه دي لي وانت عارف ان وجودها مهم
فهد :يابني ادم بطل زن دماغي ورمت من الزن بتاعك
ايوب قعد جمب فهد وهو بيحط ايده ع ضهره:ياحبيبي قولي ..
اتنفض فهد من مكانه وهو بيشد القميص بتاعه وبيلبسه:انت بتحط ايدك عليا وكمان حبيبي واقولك هي حصلت مالك ياايوب انت مبقتش مظبوط لي كده
ايوب :اي انت دماغك دي راحت فيييين انت مبتفكرش غير ف قله الادب وبس يافهد
فهد:طب اطلع بره علشان دماغي قربت تسوحني عليك
ايوب :مش قبل ما اعرف مش عايز تاخد اسيا معانا لي؟
فهد بنفاذ صبر:يا غبي افهم العمل"يه اللي احنا طلعنها دي هتكون فين ؟
ايوب:ودي محتاجه تفكير ف ملهي ليلي كبار"يه يعني
فهد :حلو اهو انت جوابت ع نفسك
ايوب :جوابه ع نفسي ف اي مش فاهم
فهد:أنت متخلف ياالا بقولك كبا"ريه هتودي أختك كباري"ه ياراجل مالها قرونك طولت ليييي كده ؟
ايوب وهو بيبتسم بغباء :تصدق عندك حق ،بس برضو اسيا مش بنت زي باقي البنات دي عليه بونيه بتخليني انام ف السرير اسبوع
فهد بسخرية:انت مش شايفها زي بقا البنات بس أنا شايفه حته حلوه تدوب ف البؤق .
ايوب بصراخ:مش كدااااا احترم شعوري دي اختي اللي انت بتكلم عليها دي
فهد:ولو انت ناسي دي خطيبتي ولولا اخوك الزفت كان زماني متجوزه ولمامها من الاقسام .
ايوب:يعني كده انت مش عايز تخليها تطلع العمل"يه دي علشان غيران عليها وعلشان معندناش بنات تدخل كبا"ريهات
فهد:اخيرا الحمار فهم بالظبط كده .
اقتحمت اسيا الاوضه بصوت عالي:طب يافهد اعمل حسابك اني هطلع الع"مليه دي واللي عندك اعمله
ايوب :انتي واقفه بتلمعي اوكر يااسيا !!!
اسيا بردح:لا ياحبيبي اسيبكوا تتفقوا عليا انت وحضرت الرائد .
فهد وهو بيخبط ع ايده:ااالله اسيا السيوفي بتردح من قعدتها مع المساجين .
اسيا :متخرجش بره الموضوع انا جاي معاكوا يعني جايه
فهد:وانا قولت لا
اسيا:شايف الحيطه دي والحيطه اللي ورا ايوب والحيطه اللي وراك
فهد:اها مالهم عايزه تغيري شكل الديكور يعني علشان فرحنا ؟!!
اسيا:تؤتؤ دول تخبط راسك فيهم علشان كلامي اللي هيمشي .
فهد:كلام مين اللي يمشي جرا اي يااسيا انت مفيش راجل مالي عينك ولا اييييي
دخلت ورد ع صوتهم بهدوء :امممم خناقه كل يوم المره دي ع اي.
فهد:الهانم بنت الحسب والنسب عايزه تنزل معانا الكب"اريه علشان الشغل.
اسيا:اديك قولت علشان الشغل مش رايحه ارقص .
ورد:يااسيا مينفعش ياحبيبتي انتي بنت وأماكن زي دي غلط تدخليها
اسيا:انتو عايزين تجنوني أنا ظابط شرطه مش عيله صغيره يعني ده شغلي مش لعب عيال
ورد:يابنتي اخوكي وخطيبك عارفين مصلحتك بلاش تقومي الدنيا عيسي لو عرف مش هيعديها ع خير
اسيا بإصرار:وانا قولت هروح يعني هروح
فهد :ده ع جثت"يييي .
"بليل ف الملهي اليلي "
اسيا كانت قاعده ع ترابيزه وهي لبسه بنطلون ابيض وعليه توب كت وفرده شعرها لورا
عساف :وانتي اسمك اي بقا ياحلوة
اسيا بضحكه خليعه:محسوبتك ريري
عساف:اممممم اسمك جميل زيك ياريري .
قربت اسيا منه بدلع وشبه بتحضنه وبتديله الكأس: اشرب ياباشا ده من ايدي.
مد عساف ايده ياخده منها وشربه ع شوط واحد ..
دخل فهد وايوب وهما متنكرين زي اللي في المكان وبيدورا بعينهم ع عساف .
ايوب بهمس :هو اللي هناك ده ؟
دقق فهد بعيونه اكتر وشاف اسيا :يابنت ال ورحمه ابويا لكسر دماغك الناشفه دي يا اسيا .
ايوب بخوف:فهد اهدا دلوقتي لو عملت اي تصرف متهور كل حاجه هتبوظ ومش هنطلع من هنا غير واحنا متق"طعين
فهد داس ع ايده بغضب ورجع بص اتجاه اسيا وهي بتحضن عساف.
ايوب بهمس:الله يخر"بيتك فهد هيطر"بقها ع دماغنا.
فهد:سيب ايدي ياايوب خليني اعرف اجيب أختك المحترمه .
ايوب :يافهد اسمعني ...
عدت اسيا من قدامهم وهي بتشاورلهم باالفلاشه وع وشها ابتسامه انتصار.
خرج فهد وراها بغضب وايوب واقف مكانه بيكلم نفسه:مو"ت اسيا اليله.....
- تابع الفصل التالي عبر الرابط: (رواية تاج الفهد الجزء الثاني) اضغط على أسم الرواية