رواية تاج الفهد الجزء الثاني 2 البارت الثاني والعشرون 22 بقلم مريم مصطفى
رواية تاج الفهد الجزء الثاني 2 الفصل الثاني والعشرون 22
*المذبحه*
ف قصر السيوفي ..
كانت العيله كلها متجمعين يوم الجمعه كاعادتهم الكل قاعد ف القاعه الكبيره اللي موجوده في القصر .
سماح:بس فهد أتأخر النهارده عند تاج كلمه اطمن عليه ياسليم .
سليم وهو بياكل من الحلويات اللي مع فيروز:كلمته وخلاص داخل ع بوابات القصر .
فيروز:يابابي انت كلت طبقي كله ع فكره
سليم بصوت عالي:تعالي شوفي بنتك ياسياا بتعد عليا بتعد ع ابوها اللي صرف دم قلبه عليه ده بدل ماتشيلي اللقمه من بؤقك ووتقولي اتفضل يابابي مكنش العشم
فيروز :سوري يابابي بس ازاي يعني اشيل الاكل من بؤقي واحطه ف بؤقك ده شيء مقزز
سيا:هو مش قصده يافيروز ابوكي دماغه لأسعت بس
حسام:يابني احترم نفسك ده انت المفروض قدوه لاولادك يابني ادم .
سليم:خليك انت بس مع بنتك اللي ماشيه تشخبطلنا ف اي حته ناقص تشخبط ف وشنا كمان
حسام:اولا بنتي مش بشتخبط دي بترسم فن ياجاهل وبكره تشوف هتبقي فين
سليم:هتبقي فين لاموخذه؟!!!
جميله وهي بتبوس عيسي:سيبك منه ياحسام سليم فايق النهارده ع الآخر شكله كده بيحب جديد .
سيا:ب اي ياختي حبه عقربه تلهفه
سليم:عم شكشك زي ماولعتيها طفيها .
جميله:لما تخلي عندك ذوق الاول
سيا :انت بتخوني ياسليم نهار أبوك اسود ..سوري يااونكل طبعا مع احترامي لحضرتك
نصار بابتسامه:براحتك ياحبيبتي خدي راحتك ع الآخر هو عايز تربيه ربي انتي بقا
سليم :ياحاج أنا ابنك مش كده انت بترميني ف الناااار
نصار بصله بلامباله ورجع يكمل كلامه مع مصطفي، وسماح وصفاء قاعدين بيتكلموا ف كذا حاجه
سليم بهمس :حد يبقا معاه البسبوسه دي ويبص بره يابسبوسه ده انتي اللي مليه القلب والعين
ملامح سيا هديت شويه وهي مبتسمه لسليم:رغم أن كلامك بلدي كالعاده بس حلو .
سليم :هو ف اي اجمد من البلدي .
ضحكت سيا بصوت عالي ف التفتت جميله وورد اتجاه
جميله بسخرية:كل بعقلك كلمتين يامنيله علشان يداري ع عملته؟؟!
سليم بنفاذ صبر:دوننا عن العيله كلها اشمعنا أنا اللي ديما واقفه ف زوري كده ؟!
جميله ببرود:علشان انت مش متربي وبنتنا غلبانه وهبله وبيضحك عليها بكلمتين
سليم:وانتي بقا النصحه اللي فيهم مش كده؟!!
جميله بفخر : اها ولو انت او الواد اللي جمبك ده فكرته تزعلوا ورد او سيا بكلمه محدش هيسلكوا من ايدي
حسام:اللاه وانا مالي ياجميله هو وبعدين اهي عندك أساليها أنتي عمرك قفشتيني مع واحده ؟
ورد:الصراحه من يوم ماجوزته وهو محترم .
حسام:وده لي علشان باخد احتياطتي وانا بخونك
ورد بفزع:اييييييي
حسام :ابي
سليم :طلاق سيا ورد هيبقا ع ايد جميله وابقوا قولوا سليم قال ..
دخل فهد وهو بيقطع خناقتهم مع بعض ..
سماح:اي ياحبيبي اتاخرت لي كده النهارده ؟
فهد :كنت حاسس اني عايز اقعد مع تاج شويه
صفاء بحزن ع بنتها:ربنا يرحمها يابني .
فهد:المهم اسيا وايوب فين مش سامع صوت عياطهم كالعاده يعني؟!
جميله:ف الجناح فوق مع المربيه بتنيهم
فهد بابتسامة:مش المفروض أن ايوب هو اللي مش بيبطل عياط اي عيسي بقا زنان هو كمان !!!
سيا :هو ف زي هدوء عيسي ده انا اول مره اشوف طفل مش بيعيط بس كل الحكايه أن تيام حابب يلعب مع عيسي وكل ماتيام يشيله تلاقي عيسي الضحكه عنده مرسومه ع وشه
قعد فهد ف الارض جمب تيام وهو شايل عيسي وكل شويه يبوسه ف خده.
فهد وهو بيبص الاتنين بحنان:ربنا يزيد المحبه بينهم .
قرب علشان ياخد عيسي منه بس تيام عياط وهو بيحرك رأسه برفض .
فهد :خلاص ماتعيطش اهو معاك
حطه فهد ع رجل تيام تاني علشان ميعيطش وتيام بيلعب معاه .
فهد :طب أنا هطلع اطمن ع الأولاد فوق لحد مالغدا يجهز
سماح:قوموا يابنات جهزوا السفره مع بعض
قامت جميله ومعاها ورد وسيا دخلوا المطبخ وهما بيشرفوا ع الاكل بعد مالخدم جهزوا.
جميله:مالك ياسيا حاسه ان في حاجه مزعلاكي ؟
سيا بقلق:مش عارفه ياجميله حاسه بقلق قلبي مش مطمن
ورد:لي بتقول كده ؟؟
سيا: حاسه بحاجه مش كويسه هتحصل خايفه اوي
قربت جميله عليها وهي بتحضنها:أن شاءالله كل حاجه هتبقا كويسه والعيله كلها موجوده معانا اهو متقلقيش طول ما احنا مع بعض مش كده ولا اي ياورد
ورد وهي بتقرب عليهم:كلام جميله صح احنا مع بعض يعني مفيش حاجه تخلينا نقلق.
فوق ف جناح الاطفال دخل فهد وشال اسيا وايوب ع ايده وهو بيبوس فيهم .
فهد نصار:بقولك اي ياخالوا خف بوس ف البت شويه لاحظ شعوري ياأخي
فهد السيوفي:شعورك؟!!!!وانت عندك شعور اصلا ؟وبعدين بنتي هاخد الاذن منك قبل مابوسها ولااي
فهد نصار:اها تاخد الاذن مني دي مراتي ومحدش يبوسها غيري
حط فهد السيوفي اسيا وايوب ع السرير ومسك فهد من قفاه وهو بيرفعه من ع الارض :مرات مين يلا وتبوس مين عارف لو شوفتك بتقرب لبنتي تاني هحطك ع السيخ.
دخل سليم وهو بينادي ع فهد السيوفي :فهد يلا علشان الغدا جاهز .
فهد نصار:الحقني يابابي خالوا فهد هيحطني ع السيخ .
سليم بلا مبالاة:أن شا الله يحطك ف البلاعه تستاهل انت مش فتنت عليا المره اللي فاتت اشرب يحلو بقا
فهد السيوفي:أبوك باعك هو كمان بسهوله
فهد نصار:عيله ملهاش امان هقول اي منكوا لله وربنا لشتكيكوا لحقوق الطفل .
سليم بسخرية:حقوق الطفل ؟!
فهد السيوفي وهو بيرمي فهد ع سليم:خد ياابنك ياسليم وياتربي يا تخلي يبعد عن بنتي
شال فهد اسيا وطلب من المربيه تنزل تقعد بيهم تحت بحيث يكونوا جمبه
سليم وهو شايل فهد: ده انت هتشوف ايام سوده مع فهد يعني سايب كل البنات اللي حواليك وملقتش غير بنت فهد انت عبيط ؟!
فهد :مانت كمان يابي عبيط ملقتش غير اخت فهد وتتجوزها ؟!!!
سليم بصله بغيظ وهو بيشيله ع كتفه ونزل لتحت .
الكل قعد ع السفره ف جو أسري وبيتناقشوا ف اكتر من مواضيع وجميله وخناقنتها مع سليم كل شويه لحد مااخلصوا غدا وقعدو كلهم ف القاعه الكبيره تاني والأطفال معاهم .
جميله: هقوم اجيب الحلويات بقا وبالمره اجيب التورته اللي جوا اكلها
سليم:والله انا مش فاهمه الناس الطفسه دي لما تتخن مين هيبص ف وشهم وهما شبه الفيل
جميله ببرود:سكتي جوزك ياسيا بدل ماافتحله دماغه نصين
سابتهم جميله ودخلت وراها ورد وهي بتضحك
سيا:تستاهل جايب لنفسك الكلام لي ماهي كانت ساكته
فهد:لا ازاي لازم يستفز اللي قدامه لحد مايتهزق
قامت سيا من جمب سليم وهي رايحه المطبخ :قولوا يافهد ياحبيبي او حاول تربي هو وابنه اللي قاعد جمبه ده انا مخلفتش غير فيروز والله
فهد:انت جننت اختي انت وابنك ؟!!
سليم: احنا هنستعبط أختك مجنونه من قبل مااتجوزها
فهد:لولا أن أبوك قاعد والناس الكبيره قاعده معانا لكنت قومت ظبطتك ع كلامك ع اختي ده .
ف المطبخ جميله وهي بطلع التورته من التلاجه وبتحطها غ السفره ف المطبخ :شايفه جمال التورته محدش يحط عيينه عليها دي بتاعتي كلوا من الحلويات
ورد وهي بتضرب كف ع كف:لا حول الله يارب انتي يابنتي مش بتزهقي من أكل الجاتوهات؟!!!
سيا:جميله ممكن تزهق من نفسها عادي بس متزهقش من أكل الجاتوه
جميله:اهي قالتك واوعي يختي كده خليني افتح الشباك ده شويه
قربت جميله وهي بتفتح الشباك وتبص ع الجنينه الكبيره اللي المطبخ بيطل عليها بس لامحت بعنيها أن الحراس كلهم واقعين ف الأرض ف شهقت بسرعه وهي بتقفل الشباك كويس وبتجري ع برا وورد وسيا مش فاهمين ف اي.
جميله:الحق يافهد ف حاجه بتحصل ف القصر غريبه
الكل قام وقف بفزع وفهد حاضن اسيا لحضنه بتملك :ف اي ياجميله ؟
جميله:كل الحراس اللي موجودين ف الجنينه واقعين ف الأرض اكيد ف حاجه ف حد عمل كده
حسام وهو بياخد سلاحه من جمب الچاكت بتاعه:أنا هطلع فوق اشوف ف اي محدش يتحرك من هنا فهد اقفل بوابه القصر الداخليه كويس سليم تعاله معايا .
الكل كان واقف قلقان ومحدش فاهم اي اللي بيحصل ومين عمل كده .
فوق ع التراس كان حسام وسليم واقفين بيشوفه ف اي لحد ماسليم اتكلم بقلق:الحق ياحسام دول ناس ملثمين ؟
حسام وهو بيبص عليهم وهما بيقتلوا الحرس بسلاح كاتم للصوت:أنا مش فاهم حاجه دول من الواضح عصابه كبيره وشكلهم ناويين ع شر
سليم:انت لسه هتفكر كلم القسم أو اي حد من معارفك يبعت قوات ع القصر العدد بتاعهم كبير مش هنقدر عليهم
حسام بسرعه طلع فونه وهو بيرن ع خالد :الو خالد اسمعني كويس أنا ف قصر السيوفي اكيد عارف عنوانه دلوقتي ف ناس هجمه ع القصر ومن الواضح أنهم خطر مش مجرد سرقه قصر ...اسمعني بس تجيب القوات وتيجي بسرعه ياخالد.
قفل حسام الفون بسرعه وهو بينزل ع تحت وورا سليم .
حسام:القصر كله محاصر يفهد وكل الحراسه وقعت لازم نتصرف لحد مالقوات تيجي
فهد :محاصر ازاي يمكن حرامي
حسام:لا يافهد دول ناس عارفين هما بيعملوا اي كويس مفيش وقت لازم نتصرف قبل مايدخلوا علينا
سيا كانت ماسكه ف حضن سليم بخوف وورد شايله فجر وماسكه ف ايد حسام برعب .
نصار:احنا كده بنضيع وقت لازم نتصرف
فهد باس اسيا وايوب وحطهم ف ايد جميله ورجع شال تيام وعيسي وحطهم ف ايدين سيا :خدوا كل الولاد كلهم من هنا وامشيوا من الباب الخلفي للقصر أنا متأكد أن محدش هناك لان مفيش حد يعرف مكانه المهم تبعدوا عن المكان ماما وطنط صفاء وعمي نصار ومصطفى يروحوا معاهم وانا وحسام وسليم هنتصرف.
سماح :لا مش هسيبك يابني
فهد:يامي ارجوكي مفيش وقت
نصار:مش هنمشي ونسيبكوا تعالوا كلنا نطلع لحد مالشرطه تيجي مش هنخاطر بحياه حد فيكوا
مصطفي:مينفعش نسيبكوا يابني
فهد بعصبية :ومينفعش اهرب وف ناس بيتهجموا ع بيتي مفيش وقت يلا بسرعه هجيب سلاحي من المكتب وتخرجوا بسرعه
دخل فهد يجبوا سلاحه من المكتب..
سيا :مش هسيبك ياسليم مش هسيبك اقنع فهد يجي معانا علشان خاطري
سليم:مينفعش ياسيا لازم نعرف مين الناس دي وعايزين اي من فهد .
خرج فهد وهو بيدي سلاح لسليم وبيزعق بعصبيه :انتو لسه متحركتوش .
سماح:قولت مش هسيب واحد فيكوا انتو التلاته
حسام كان حاسس ان ف رجلين بتقرب ع الباب فازعق بسرعه لفهد:مفيش وقت يافهد دول بيحاولوا يفتحه الباب
فهد :جميله خدي الأولاد وورد وسيا واتحركي ف اقرب وقت
جميله بخوف :حاضر
ضمت جميله الأولاد ف حضنها بخوف وهي بتتحرك وورد وسيا وراها .
فهد نصار بعياط:أنا عايز افضل مع خالوا وبابي
سليم:مينفعش يافهد لازم تروح مع ماما وعماتك علشان تحميهم انت الراجل يافهد خلي بالك منهم
فهد نصار برفض :لا هفضل معاك
حسام:خدي ياسيا واتحركوا بسرعه متقلقوش هنجيلكم بعد مانخلص المهم تبعدوا عن القصر .
خرجوا البنات بسرعه من القصر وهما معاهم الاطفال وفهد حاول يقنع الكبار أنهم يخرجوا .
فهد:ياماما ارجوكي ....
قطع كلام فهد صوت الباب وهو بيقع الأرض ودخول رجاله كتير مغطين وشهم وف أيديهم اسلاحه.
حسام بصوت عالي :اضربوا نار ع اي حد مش لازم حد من اهلنا يحصلوا حاجه.
فهد خد صفاء وسماح وهو بيبعدهم عن الرصاص
سليم :مش هنقدر ياحسام لوحدنا دول بيقتلوا ف الخدم واي حد بدون تفاوض دول جايين هنا علشان حاجه واحده وبس وهما يخلصوا علينا .
قطع كلام سليم صوت رصاصه ف دماغ نصار وهو بيقع ع الأرض صرخ سليم بكل قوته :ابوياااا
شده حسام بسرعه ورا الكنبه:لو خرجت من هنا هتموت
سليم بعصبيه:ابويا ياحسام ابويا اضرب بالنار
حسام وهو ماتمالك أعصابه لانه عارف ان ف الوقت ده مينفعش الضعف فيها :اثبت ياسليم لازم متضعفش علشان نعرف نجيب حقه وعلشان حياتك مهمه علشان ولادك ومراتك اثبت ياسليم
فهد بره كان بيحمي صفاء وسماح ومصطفي وعيونه بدمع وهو شايف نصار واقع ف الأرض ودمه مغرق وشه ..
حسام كان بيضرب نار ع اي حد بيتعرضله سليم كان تايه بسبب موت ابوه اللي كان معاه وبيضحك من من دقايق دلوقتي مبقاش معاه قام بغل وهو بيشد اجزاء سلاحه وبيضرب نار عليهم
فهد بزعيق :حسام خلي بالك من سلييييم
ف لاحظه كانت جت رصاصه ف قلب مصطفي وقع جمب فهد وصفاء جسمها كله اتنفض :مصطفييييييي
فهد مكنش قادر يتحمل اكتر من كده عيلته بتدمر حواليه طلع من ورا السلم بسرعه وسماح بتجري ورا بخوف ام
سماح:لا يافهد لااا متطلتعش متوجعش قلبي عليك .
فهد:مش هينفع ياامي حسام لوحده وسليم مش مستوعب هو بيعمل اي .
فهد طلع من ورا السلم وسماح طلعت ورا وهي بتشده لجوه من ايده لمحت بعنيها واحد من المسلحين وهو بيصوب بسلاحه ع فهد صرخت بااسم فهد وهي بتبعده وبتقف مكانه كانت الرصاصة اخترقت بطنها.
فهد جري عليها وهو بيسندها علشان متقعش ف الأرض:امي متسبنيش انتي كمان مش هتحمل خسرتك فتحي عينك ياماما متسبنيش زي تاج كلكوا اتخليتوا عنيييي
حسام بيحاول يبعد اي حد يقرب اتجه فهد لانه اتاكد أن الهدف المطلوب هو فهد .
حسام :احمي ضهري ياسليم فهد ف خطر لازم يفوق
سليم تجاهل كلامه وقرب ع فهد بسرعه وهي بيتحاشي كميه الرصاص اللي من كل مكان .
سليم:قوم يافهد قوم هات حقها وحق ابويا وعمي مصطفي اوعي تستلم دلوقتي قوم يافهد.
فهد كان بيبصله بهزيان مش عقله مش قادر يستوعب الصدمات دي كلها وهو لسه بيحاول يستوعب موت تاج اللي فات عليها شهر يخسر أمه كمان ؟!!!!
باس أمه ورفعها حطها جمب مصطفي وصفاء قاعده بتتنفض وهي شايفه جوزها جثه من غير روح .
مال جاب سلاحه من الأرض بغضب وخرج هو وسليم من ورا السلم وحسام اتخبا ف ورا العمود وفهد وحسام ورا العمود التاني وبيصوبه ع كل المسلحين .
قرب واحد من رجالتهم وهو بيشد صفاء وبيحط المسدس ع دماغه :فهد السيوفي يظهر حالا ويسلم سلاحه احنا مكنش عايزين كل ده يحصل مش عايزين غير روحه
صفاء بصراخ :لا ياااافهد لا يابني متطلعش فداك روحي أنا مش هقدر اعيش بعد موت جوزي متطلعش يافهد متسبهوش ياسلييييم
فهد تجاهل كلامها وطلع بسرعه من ورا العمود وهو بيتكلم بعصبية :سيبها أنا قدامك اهو .
بص راجل لصفاء وضغط ع سلاحه ف دماغه وقعت من ابن ايديها ف الأرض:
فهد وهو بيضرح بعصبية:لييييييي
الراجل ببرود :انت السبب لو كنت ظهرت من اول مره مكنتش قتلتها ودلوقتي دورك .
رفع سلاحه ع فهد وهو بيشد اجزاء السلاح وبيصوب اتجه وهو بيضرب الرصاصه اتجه قلب فهد خرج سليم من روا العمود وهو بيبعد فهد وبياخد الطلقه مكانه،طلع حسام بفزع وهو بيجري ع سليم
فهد:سلييييم
سليم وهو بيقف بوجع وبيتكلم بصوت عالي :اثبت ياحسام انت وفهد ف دراعي انا كويس
حسام :الأوضع بيتزم اكتر يافهد
فهد :هما عايزين روحي أنا ومش هتحمل خساره اكتر من كده أنا هطلع وهسلم نفسي
سليم:علي جثتي تتحرك من هنا مش هنخسر بعض مستحيل
حسام:محدش فينا هيحصله حاجه هنخلص عليهم طول ما احنا ف ضهر بعض .
قدام الباب الخلفي للقصر .
سيا بعياط:مش قادره أنا هرجع لسليم واخويا
جميله:محدش هيدخل جوا غيري اركبوا تاكسي وابعدوا من هنا
ورد بتوتر :ف صوت حد جي هنعمل اي
جميله وهي بتقرب من الباب وبتشوف مين :اهدوا ده سعد .
ظهر سعد وهو مصاب ف كتفه وماسك سلاحه:انتو بخير ياهوانم
سيا بلهفه:فهد باعتك علشان نرجع القصر تاني هما كويسين صح محدش حصله حاجه
سعد بأسف:للاسف لا أنا لما هجموه ع القصر اتصابت وكنت بحاول اطلع من القصر علشان ادخل من الباب الخلفي وانقذكوا بس لاقيتكوا هنا فهد باشا فين ؟
سيا بعياط:جوا كلهم جوا
سعد:أنا داخل اشوف الوضع اي ارجوكم ابعدوا من هنا
جميله برفض وبعصبيه:أنا جايه معاك ومحدش يعترض سيا وورد هتركبوا اي تاكسي وتخلوا بالكوا من الأولاد
سيا:لا أنا عايزه اشوف سلييييم
جميله :محدش فيكوا هيدخل .
وقفت جميله تاكسي وهي بتحط الاطفال في بعصبية :اركبي ياسيا
سيا :مش هروح ف حته أنا عايزه سلييييم
شدتها سيا غصب عنها ودخلتها بالعافيه .
جميله بحده:ورد خلي بالك منهم دول أمانه ف رقبتك
ورد بدموع :لا اله الا الله
جميله:محمد رسول الله
كانت هتتحرك مع سعد بس رجعت تاني وهي بتميل ع شباك التاكسي وبتكلم بنبره حنونه: متزعليش مني ياسيا بس ده علشان خايفه عليكي
سابتها جميله ودخلت مع سعد وسيا منهاره وورد بتحاول تهديها وتهدي نفسها علشان الاطفال .
فهد نصار كان متابع كل حاجه وهو عيونه بدمع وشايل اسيا ع رجله ..
دخل سعد بحذر وورا جميله طلعوا من المطبخ وهما ماشين ف الطرقه المفتوحة ع القاعه الكبيره سمعوا صوت ضرب نار ف اتفزعت جميله وهي حاسه ان قلبها هيقف .
ف القاعه الكبيرة كان مستخبي فهد وسليم وحسام وهما بيضربوا نار .
سليم بتعب من دراعه:وبعديين هي القوات مجتش كل ده ليي؟
حسام:الطريق من الدقي للقصر بياخد ساعه هانت اتحملوا يرجاله.
واحد من المسلحين وهو نازل من ع السلم :الاطفال ملهمش اثر فوق
الشخص التاني:المدام قالت نخلص عليهم قبل مانخلص ع فهد السيوفي لازم نلاقيهم القصر كبير اكيد متخبين ف اي مكان
حسام:مدام مين يافهد اللي عايزه تقتلك انت وولادك ؟
سليم:مفيش غيرها يعمل العمله بنت ال***نطلع من هنا وانا هخليها تتمني الموت ومطلوهوش
فهد بنبره مخيفه:قصدك عشق مش كده
سليم:هي زفته وهي اللي حاولت تقتلك قبل كده بس انا اللي غبي علشان عدتها بالسهوله .
فهد:مش وقته لازم نتصرف قبل مايوصلوا للاولاد
قطع كلامهم صوت صراخ جميله ..
فهد وهو بيقف:ده صوت جميله اكيد عرفوا مكانهم
خرجوا الثلاثة ورا بعض بسرعه ووقفوا جمب بعض ..
جميله كان ماسكها واحد من المسلحين ومصوب المسدس عليها :الأولاد التلاته فبين انطقييي
جميله وهي بتحاول تبعد عنه :ابعد ايدك بدل مااقطعهلك
سعد كان واقف رافع سلاحه ف وش باقي المسلحين بصله فهد بندم لان جميله جت معاها .
جميله بدأت تصرخ لما شافت جثه ابوها وامها والدم مغرقهم جالها حاله هستريه
اتكلم شخص تاني وهو بيقفل فونه :خدها برا هي دي البنت الأوامر عندنا محدش يلمسها حطها ف العربيه وخلي حد معاها
فهد الرصاص بتاعه خلص رما مسدسه ف الأرض وهو بيهجهم ع الراجل اللي واخد جميله
وسليم وحسام وسعد بيضربوا نار ع الباقي وبيحموا فهد جت طلقه ف ايد فهد فا غصب عنه ساب جميله والراجل خدها لبره
سعد جري عليه علشان يوقفه كان الراجل التاني ضربه ع دماغه بالمسدس وغاب عن الوعي .
حط السلاح ع دماغ فهد:ولادك التلاته فيين
فهد وهو واقع ف الأرض ومناخيره متنزف
الشخص المسلح:ولادك فييييين
هجمم حسام ع الشخص ده وهي بيضربه وسليم ماسك السلاحين وبيضرب بيهم .
جت رصاصه من المسلحين ف ضهر حسام وواحده تانيه ف بطنه ووقع بين أيدين فهد ..
سليم :حسااااام كان بيجري عليه وهو بيضرب بسلاحه اي حد بيتعرض لي جت طلقه ف رجله ف وقع ع الأرض بالم ودموعه نزلت زحف لعند حسام وهو ف حضن فهد .
سليم بعياط:هو كويس مفهوش حاجه يافهد
فهد عيط بحرقه عليه :شكلنا دي نهايتنا ياسليم وهنموت مع بعض زي مافضلنا طول حياتنا مع بعض .
حسام وهو بيحاول يتكلم:بناتي ورد
فهد بعياط:حقك عليا حقكم عليا أنا سبب كل ده انا السبب ف دمار العيله دي كلها
حسام وهو بيتكلم بصوت متقطع :انت ..سبب ..كل حاجه حلوه يافهد .
غمض حسام عيونه وهو بيستسلم للموت صرخ سليم بهقر وفهد جمبه بيعيط والدم حاولينهم ف كل مكان طلعت رصاصه مواجه ف بطن سليم صرخ فهد وهو حاضن حسام وسليم حاطط ايده ع بطنه وبيتكلم بالم وبوقه بيجيب دم :مش زعلان علشان هموت بس سيا مش هتتحمل تكون لوحدها يافهد ..بحبك يااخويا
غمض سليم عينه دماغه بتترمي ع الأرض ضرب النار وقف وفهد بيبص ع حسام وسليم وهو حاضنهم وبيبوس فيهم ويرفع عينه يبص ع أمه وأهله وهو بيصرخ بيطلع كل الوجع والقهر اللي جوا.
وقف شخص مسلح قدامه ورفع ف وشه المسدس:جيم اوڤر اللعبه انتهت ولادك فييييين
فهد مد ايده وهو بياخد سلاح حسام وبيرفعه ف وش المجرم بغل وف لاحظه صوب علييه ف نفس الوقت كان ف طلقه تاني موجهه ف قلب فهد وقع بين حسام وسليم وهو بيبتسم:قولتكوا مش هنسيب بعض لا دنيا ولااخره .
برا القصر ..
سيا قلبها اتهز وجسمها كله اترعش وصرخت ف سواق التاكسي :اقف بقولك اقففففف
ورد بعياط:اهدي ياسيا هما كويسين اكيد كويسين
سيا مكنتش سامعه اي كلام ورد بتقوله كانت بتزعق ف السواق بعصبية:اقففففف بقولك
السواق ركن ع جمب وسيا فتحت باب العربيه وهي بتجري ع القصر تاني .
ورد نزلت تحلقها بس سيا كانت بعدت بصت لاولاد وهي بتعيط وبصوتها كله :ياااارب .
قربت سيا من بوابات القصر واستخبت بسرعه اول ماشافت المسلحين بيركبوا عربياتهم اللي كانوا ركننها ع مسافه بعيده من القصر .
دخلت وقلبها ضرباته بتزيد بخوف كل مابتقرب خطوه دخلت القاعه الكبيره وهي بتشهق بصدمه وبتغمض عينيها رافضه تفتحهم تاني وتشوف اللي شافته اول مادخلت الدم ف كل مكان عيلتها كلها ف الأرض قدامها مفهمش روح ..
فتحت عيونها وهي بتصرخ وبتقعد ف الأرض وهي بتحضن فهد :فهد حبيبي قوم انت كويس ياحبيبي رد عليا يانور عيني
سابت فهد وهي بتتكلم بشكل هستيري وبتحط راس سليم ع صدرها :سليم قوم طمني انت عارف اني بخاف لما تكون انت او فهد وحسام مش معايا هما نايمين صح هما حصلهم اي أنا مكنتش عايزه اسيبكم هما أصروا جميله هي بعدتني عنك بالعافيه صدقني سليم انت مش بترد لييي سليم هزعل منك بجد سلييييم قوم وانا هعملك كل اللي أنت عايزو مش هعصبك تاني هقولك حاضر ع كل حاجه بس قوم وصحي فهد وحسام متسبونيش مش أنا الاميره بتاعتكوا ديما تدفعوا عني أنا اميرتكوا الصغيره ومحتاجكوا جمبي
سيا وشها كله بقا دم ولبسها كانت بتبص حواليها وهي بترتعش وشايفه الدم حواليها القصر كان أشبه للمذبحه لا هي بالفعل كانت مذبحه شافت سماح والدم حواليها سابت سليم وهي متذحف ع ركبها مكنتش قادره تقف من كم الصدمات قربت ع سماح وهي بتحضنها:سبتونييي كلكوا لييي حتي انتي ياماما بقيت يتيمه ولوحدي وانتو مع بعض .
راحت لسليم وهي بتحضن فيها وبتلف ايديه حوالين رقبتها بس كانت بتقع:احضني ياسليم احضني زي ماكنت بتحضني ياسلييييم .
ع بعد مسافه من القصر كانت ورد قاعده جوا التاكسي وهي بتعيط والاولاد بيعيطوا ع صوت عياطها
السواق:اهدي يامدام علشان العيال أنا مش فاهم ف اي بس ربنا يكون في عونك
سمعت ورد صوت عربيات الشرطه وهي بتقرب ف نزلت بسرعه وهي بتشاور باايديها علشان توقف .
نزل خالد وسلاحه ف ايده:مدام ورد ف اي انتو كويسين
ورد بعياط:كلهم ف القصر ف ناس هجموا عليه أنا مش عارفه أروح هناك علشان ممكن يذوا الأولاد خدني معاك انقذهم الاول .
خالد : اهدي مفيش حاجه أن شاءالله
ورد:لا أنا هروح معاك مش هقدر اتحمل كل ده ع اعصابي
خالد :حضره الظابط خد الأولاد وحاسب التاكسي واطلع ع بيت المقدم حسام وخد ظابط معاك كمان وخلي بالك من الأولاد
ظابط:اؤمرك يافندم
ركبت ورد ف عربيه خالد وعربيات الشرطه وراهم .
ف طريق المطار ...
ماسه:مش كنا عارفناهم أننا جايين يازين
زين: النهارده الجمعه والكل بيتجمع عند فهد هتبقا مفاجاه لما نروحلهم علشان كده مكنتش عايز حد يعرف
ماسه:هما هيفرحوا اوييي اصلا
زين بتنهيده :وانا هفرح اوي لما اشوف ولاد تاج وحشوني اوي
ماسه : لما كنت بكلم جميله ڤيديو كنت بشوفهم مشاء اسيا عيونها تسحر زي جميله وتاج الله يرحمها
زين :الله يرحمها .
ف عربيه خالد ..
خالد:اهدي يامدام ورد
ورد بعياط:حاسه أنه حصلهم حاجه قلبي مش مطمن
خالد :خلاص احنا وصلنا اهو .
دخل خالد بعربيته من بوابات القصر اللي كانت مفتوحة وورا عربيات الشرطه .
نزلت ورد من العربيه وهي بتجري لجوا وخالد وراها والقوات.
سيا كانت لسه قاعده مكانها بين الجثث بتبصلهم بهزيان كانت بتضرب نفسها باالاقلام ع وشها وهي بتصرخ :ده كابوس أنا نايمه صح أنا نايمه وهصحا دلوقتي وانزل اشوفهم متجمعين مع بعض ده كاااابوس اااااااااه
وقف ورد ع صراخ سيا وهي بترجع لورا بخوف قرب خالد عليها بعدم فهم :مدام ورد ف اي ؟
ورد :سيا بتصرخ جوا أنا سمعت صوتها .
خالد شاور للقوات تستعد وساب ورد مكانها ومعاها حد يحميها دخل جوا براحه ومجهز سلاحه وبيبص من جمب الباب المكسور شاف سيا والدم مغرقها وحواليها كل أهلها.
طلع من ورا الباب وهو مصدوم وسلاحه وقع من ايده .
سيا رفعت راسها وهي بتبصله وبتصرخ:هما كويسيييين تعاله شوفهم أنا مش عارفه مالهم هما هما ....مقدرتش تكمل كلامها وهي بتشهق من العياط وبتصرخ .
ورد سمعت صوتها تاني بعدت العسكري عنها وهي بتجري لجوا لاقيت خالد واقف مش بيتحرك وسيا بتصرخ دخلت من جمبه ورجليها بترتعش وبتبص لسيا وهي مبرقه عينيه وحاطه ايديها ع بؤقها وبتهز راسها برفض وبترجع لورا ..
سيا قامت جريت عليها بسرعه:ورد تعالي شوفي حسام خلي يصحي فهد وسليم ماما كمان مش بترد عليا كملت بعياط وانكل نصار ومصطفى كلهم كلهم مش بيردوا هو ده كابوس وهنفوق منه صح احنا بنحلم صح لا لا ده مقلب من مقالب سليم جوزي هو بيحب يشوفني قلقانه عليه هما بيهزروا بس انتي مش بتردي لي انتي متفقه معاهم مش كده ياورد .
ورد فاقت ع صراخ سيا وهي بتجري ع حسام وبتقعد جمبه:حسام هوديك المستشفى دلوقتي هي اصابه زي اللي كنت بتاخدهم ف شغلك وهتقوم علشان خاطر فريده وفجر قوم ياابو البنات مش انت قولتلي انك عايز بنات كتير افتح عينك وانا موافقه أخلف تاني وهعملك اللي انت عايزو قوم شوف صحابك اخواتك مش بيردوا علينا ياحسام
سيا قربت منهم ف الأرض ومسكت ايد فهد حطتها ف ايد سليم وشدت ايد حسام من ورد وحطتها ف ايد فهد
سيا:هما مسكوا ايدين بعض أهم زي ماهما ديما ايد واحده اكيد هيصحوا يفتحوا عينيهم هتشوفي.
قرب الظابط من خالد وهو بيحط ايده ع كتفه:أنا عارف ان حسام غالي عليك وعيله السيوفي كمان بس لازم نكلم الإسعاف والطب الشرعي .
مسح خالد دموعه وبص الظابط:خلص كل حاجه حقهم هيرجع لازم نقلب الدنيا ع اللي عمل كده
بعد وقت قصير كان الطب الشرعي وصل والاسعاف والإعلام والصحافه .
شالوا جثمان سماح وهما بيغطوا وشها وشايلنها ع الترولي سابت سيا فهد وسليم وهي بتجري وراهم وبتصوت:امييييي متاخدوهاش سيبهم ابعدوا عنها
رجعت تجري ع فهد وقعت ف الأرض وزحفت ع ركبها :فهد هياخدوا ماما يافهد خليهم يسبوها واخدين ماما انت هتخليهم ياخدوها رد علييييا يافهد .
جه المسعف ومعاها واحد كمان وهما بياخدوا فهد منها وهي ماسكه في :سبهولي أنا لوحدي متاخدوهش مني سبوا معايا أنا أخته لا مش أخته أنا بنته الصغيره هو ابويا بعد موت بابا هو وعدني يبقا ابويا وكل حاجه ليا سبوا معايا ابعدوا عنيييييي
خدوا منها وهما طالعين بي ع عربيات الإسعاف
ورد كانت حاضنه حسام وبتبوسه ف شعره :مش هيخدوك هتروح فيين وتسبني انت عارف اني مليش حد غيرك متسبنيش ياحسام يوجع قلبي يااااارب خدني معاه
قربوا من سيا وهما بيحاولوا يخدوا سليم من حضنها :لا انتو خدتهم كلهم سبوا معايا خلي ف حضني شويه سبوا علشان خاطري خدتوا اخويا وامي سيبوا سليم حبيبي محدش هياخدوا محدش هيقرب منه سيبواااا قوم ياسليم بقا قوم كل ده وسيبني لوحدي قوووم
دخل خالد وهو بيشاورلهم سيبوا وهو بيقعد جمب سيا وف حضنه سليم:لو بتحبي سيبي علشان نعرف مين اللي عمل فيهم كده سيبي ياسيا علشان خاطره هو
سيا وهي بتهز دماغها برفض:مش عايزه اعرف مين اللي عمل كده أنا عايزه معايا وف حضني وبس
مسكت ايد خالد وهي بتبوسها:ابوس ايدك خليهم سيبوا أنا مليش غيره هو عارف اني مبعرفش اعمل حاجه من غير مايكون معايا هو عارف اني ضعيفه من غيره خلي ف حضني شويه
بصلها خالد وهو بيحط ايده ع وشه وعيونه حمرا وقف وهو بيشاور للمسعفين ياخدوا وسيا بتصوت وبتجري وراهم :سلييييم متسبنيش سليييم .
قربت عربيه زين وماسه من القصر والسواق وقف .
زين رفع عينه من ع التلفون :ف اي وقفت لي ؟
السواق:ف بوليس وإسعاف وإعلام قدام القصر ومانعين الدخول
زين بستغراب :لي كل ده ف اي
ماسه:استنا يازين نفهم الاول .
نزل زين من العربيه وماسه ورا وهي حاطه ايده ع بطنها من الحمل .
زين بعصبية:ف اي هنا واي اللي بيحصل جوا القصر .
امين الشرطه:ممنوع الدخول دي تعليمات
زين :ف اي اللي بيحصل هنا ده قصر جوز اختي وعيلتي موجوده جوا
امين الشرطه:كل اللي كانوا موجودين من عيله السيوفي اتقتلوا والشرطه بتحقق جوا ف اللي حصل .
ف مطعم راقي .
عشق وهي بتكلم ف الفون بهمس:يعني اي مفيش اثر للاطفال راحوا فين ؟
_احنا ملقناش غير صور الناس اللي امرتي بقتلهم ولادهم مش موجودين والبت اللي أمر بيها الراجل اللي كان معاكي موجوده في المخزن تبع الباشا ملناش دعوه بقا باالباقي الهم بقيت المبلغ يوصلي قبل بكره
قفل الراجل الفون وعشق بتخبط رجليها ف الأرض لفت علشان تدخل المطعم لاقيت فاروق واقف وراها ومربع ايديه .
عشق بارتباك :انت واقف كده لي مش المفروض تقعد مع الناس علشان الشغل ؟
فاروق:اتنازل عن الاملاك؟
عشق : هما اصلهم يعني
فاروق :اي اللي حصل بالظبط من غير لف ودوران ؟
عشق:أنا غيرت الاتفاق بتاعتنا وبدل ماالناس اللي اتفقنا معاهم أنهم يهددهم ف القصر يتنازلوا اتفقت ع قتلهم بس للاسف ولاد فهد مكنش ليهم اي اثر اختفوا
فاروق برق عينه بذهول :قتلوا مين انتي بتقولي اي !!!
عشق:وطي صوتك الناس هتلاحظ الاتفاق الوحيد اللي متغيرش جميله انت مكنتش عايز انها تشوف أهلها وهما مرفوع عنهم سلاح علشان اكيد كانت هتحملك الذنب واهو خليت اتفاقك أنها تبقا بعيده عن كل ده ومنوره دلوقتي ف المخزن بتاعك
فاروق :انتي ازاي بارده كده احنا متفقناش ع قتل حد وايديكي اهو قتلتيهم وقدر ربنا يبعد عنك الأولاد علشان يورثوا اهلهم
عشق ببرود:كل حاجه وليها حل برضو المهم اني ارتحت منهم
فاروق:لو حصل اي حاجه أنا مليش دخل حبل المشنقه مش هيتلف غير حوالين رقبتك انتي بس
عشق: ينفع تهدأ شويه محدش هيشك فينا علشان كده اصريت أن نقابل شركاء تبعك ف الشركه وف مكان عام علشان يبقي ف شهود أننا ملناش دخل
بصلها فاروق وهو بيدوس ع سنانه بغضب منها .
عشق :ودلوقتي استاذن منهم علشان نروح المستشفى ونكون موجودين لأن الخبر انتشر ف كل مكان واكيد مش هنسيب ولاد خالتي ولاد عمك من غير ماندفنهم
فاروق بغضب:انتي حيه وماشيه ع الأرض .
ضحكت عشق وهي ماشيه رايحه تركب العربيه:بكره لما تسيطر ع الأملاك هتعرف ان الحيه دي كانت السبب انك تاخد حقك .
- تابع الفصل التالي عبر الرابط: (رواية تاج الفهد الجزء الثاني) اضغط على أسم الرواية