رواية تاج الفهد الجزء الثاني 2 البارت العشرون 20 بقلم مريم مصطفى
رواية تاج الفهد الجزء الثاني 2 الفصل العشرون 20
فهد:اسيا.
سليم بستغراب :اسيا مين يافهد؟
فهد بابتسامة بسيطه :اسيا بنتي هاتيها من فوق ياسيا عايز اشوفها.
سيا بسعاده:حاضر ياحبيبي ارتاح وهطلع اجبهلك حالا.
طلعت سيا وهي بتجري ع السلم ،وفهد قعد ع الكنبه بييبص للقصر اللي الحزن سيطروا عليه... نزلت سيا وحطتها ف ايدين فهد ع طول .
بصلها فهد بحنان وهي بتعيط:اي يا اسيا بتعيطي لي انتي جعانه ياقلب ابوكي .
ادخلت ورد:أنا رضتعها وغيرتلها من شويه اخواتها ناموا اللي هي شكلها هتطلع شقايه البنت دي
فهد بأمتنان:شكرا ياورد ع وقفتك جمب ولادي
ورد:متقولش كده دول ولادي برضو .
بصلها فهد بشكر ودخل اوضه مكتبه وهو شايل اسيا قعد بيها ع الكرسي اللي قدام مكتبه .
فهد:هحاول اعوضك انتي وأخواتك عن امكوا تعرفي أن هي اللي ختارت اسمك انتي وأخواتك بس برضو انتي جيتي علشان تعوضيني عن غيابها يعني من النهارده انتي مسئوله مني زي ماانا هكون مسؤل عليكي هننهون ع بعض هحكيلك كل حاجه عن حياتي ..رفعها فهد لفوق وهو بيبتسم ف وشها فا فتحت عيونها الزرقاء براحه لاول مره :بسم الله مشاء الله اللهم مبارك ،اي الحلاوه دي تعرفي نفس عيون والدتك ..ضمها فهد ف حضنه وهو طالع من اوضه المكتب:تعالي نطلع نشوف اخواتك علشان كده هيغيروا منك صح ..
سماح:رايح فين ياحبيبي ؟
فهد:بدور ع سيا أو ورد عايز اعرف الوالدين فين وكمان تيام؟
سماح:سيا وورد بيرتاحوا من يوم النهارده وولادك فوق مع المربيات ف جناح الاطفال
فهد:تمام عن اذن حضرتك.
سماح:مش محتاج حاجه يافهد ؟
لف فهد وبصلها : متقلقيش عليا ياامي انا كويس تاج خلاص راحت بس قدرت تعوضني با اسيا فتره وهعدي منها أن شاءالله.
سماح بدموع:ربنا يصبرك ويكرمك يابني ويفرح قلبك .
فهد كان طالع ع السلم وسامع دعاوي سماح وهو مبتسم ودموعه نازله من ع وشه وبيحمد ربنا أن أمه راضيه عليه وطول ماقلبها راضي عليه ربنا هيقف جمبه.
دخل جناح الاطفال وعيونه اتسحرت بجمال الاطفال اللي فيه فهد ماسك مسدس لعبه ومثبت فيروز ف الحيطه وبيلعبوا وفريده قاعده ف ركن بعيد وبترسم وفجر المربيه شايلها وبتلعب معاها وتيام قعد ف الأرض بيحبي ورا اللعبه وولاده نايمين ع السرير الكبير اللي ف جناح .
فهد بهمس:ربنا يبارك فيكم .
المربيه حطت فجر ف سريرها بعد مانامت واستاذنت من فهد طلعت من الجناح.
قرب فهد من السرير وهو بيبص ع الوالدين بشوق كبير: اكيد زعلانين علشان مشغول مع اختكوا وناسيكوا؟بس انتو برضو رجاله هتتحملوا إنما اختكوا بنت يعني لازم نخلي بالنا عليها ولا بس تعرفوا انتو التلاته احلا من بعض عيونكوا نفس اللون بتاع امكوا ربنا قاصد يعوضني بيكوا.
طلع فهد الصغير جمب السرير وهو بيبص ع اسيا: بقولك اي ياخالوا ؟
فهد:قول يافهد.
فهد وهو بيغمز بيعينه :هي الحته اللي ف حضنك دي تبقي مين ؟
فهد بصدمه:حته؟!!!
فهد الصغير:اها عيونه ملونه وعجباني
فهد الكبير:هقولك اي مانت أبوك سليم بقولك اي يلااا اسمعني كده وركز معايا بنتي ملكش دعوه بيها ولا تقربلها انت فاهم
فهد الصغير :ماهو اسمعني يا فهد باشا وركز انت معايا كده العيله دي مفهاش غير تلات بنات بس أولهم فيروز اختي وطبعا دي متنفعش خالص وفريده بت مايصه ملهاش غير ف الرسم وطول الوقت متشعبطه ف حضن ابوها يعني حتي لو عايز أشقطها مش هعرف فجر بقا زنانه كل مااقرب منها تقعد تعيط لحد مالناني تدخل تسكتها ف مفيش غير بنتك وكمان لون عيونها شدني اوي ليها .
فهد كان قاعد بيسمعه بتركيز وهو مصدوم :عارف انا مش مصدوم من ولا كلمه من دول عارف لي ياحبيب خالك؟
فهد بكبرياء:لي يابو الفهود
فهد:لانك تربيه سليم
فهد الصغير:غريبه ياخالوا رغم أن الكل بيقول أن شبهك
فهد:ماهو انت مخلط ياحبيبي ع الاتنين.
تجاهل فهد الصغير كلامه وهو بيبص ع الطفلين:المهم دلوقتي عرفني مين البشوات ؟!!
فهد : فيروز فريده تعالوا ياحبيابي علشان اعرفكوا ع الأفراد الجديدة اللي انضموا العيله.
جريوا البنات وهما بيضحكوا وبيحضنوا فهد شالهم حطهم ع السرير وقعدوا حواليا كلهم ..
فهد شال الطفل الكبير وهو بيعرفهم:ده عيسي فهد السيوفي
فيروز:ابنك ياخالوا صح ؟
فهد الصغير:اي الغباء ده ماهو بيقولك عيسي السيوفي يبقا شقطه؟!
فهد:ولد كلم أختك باادب
فريده:وطبعا اللي جمبه ده اخوه شبه اوي ياانكل فهد
فهد:اممم علشان هما تؤام
فهد:طب مانا وفيروز تؤام ومش شبه بعض
فريده:غبي علشان انت وفيروز توأم مختلف هي بنت وانت ولد
فيروز:سيبك منهم ياخالوا وقولي اسمه اي هو والبنوته دي ؟
فهد حط عيسي مكانه وشال الطفل الصغير:ده بقا ايوب فهد السيوفي الفرق بينه وبين عيسي دقيقه ،ودقيقه ياستي اسيا فهد السيوفي اصغر اخواتها
فريده:يعني عمتو تاج كان ف بطنها كل دول ؟!!!
اتنهد فهد بحزن عميق:اها ياحبيبتي ،ودلوقتي دول إخواتكم الصغيرين .
فهد: اخواتنا اي بس ياخالوا تف من بؤقك يراجل أن شاءالله هصاحب بنتك واتجوزها كمان
فهد بنفاذ صبر:عارف ياض انت محتاج تربيه من هنا ورايح متقعدش مع ابوك اخلاقك هتدهور اكتر ماهي متزفته
فيروز:طب ياخالوا احنا كده هنعرف مين عيسي ومين ايوب ازاي دول شبه بعض اوييي
فهد:بصي عيسي عيونه زرقاء بس لونها غامق شويه ايوب عيونه زرقاء بس فاتحه جدا زي اسيا .
فريده:طب وتيام اخوهم برضو؟
فهد الكبير: اها طبعا اخوهم وهو الكبير كمان .
فهد بفخر:أنا الكبير هنا متنساش ده ياخالوا
فهد بسخرية:واصمله محترم ياحبيب خالك .
ضحكوا الاطفال كلهم وفهد قام جاب تيام من الأرض وهو بيبوسه وبيحطوا ع السرير جمبهم وفجر صحيت من النوم وفهد خدها جمبهم فضلوا يلعبوا مع بعض لحد ماناموا كلهم وفهد ف النص وهما حواليهم.
بره ع باب الجناح.
سليم بهمس:عايزك تطمني ياسيا اخوكي بس محتاج وقت هو مش هينسا تاج بس هيخرج من الحاله اللي هو فيها علشان خاطر ولاده فهد لو ولاده كانوا لقدر الله راحوا مع تاج مكنش هيتحمل الصدمه بس اهم بيعوضوا الحمدلله
سيا:فهد عايز يريح تاج وشايف أن بقربه لأولاده يبقا كده مخليها فرحانه وروحها مرتاحه
سليم:بصي ع الرغم أن اخوكي ماسح بيا وباابني الأرض جوا ع قد ماانا فرحان أنه بيحاول مع نفسه يخرج من كل اللي حصل .
ف ڤيله مصطفي والد تاج وجميله.
زين كان قاعد ع سرير تاج وبيعيط وجميله واخدها ف حضنها وبطبط عليه وبتعيط.
زين:راحت ياجميله بعد مالاقنها طول السنين دي كلها راحت
جميله بوجع: عارفه أن فراقها صعب علينا كلنا بس لازم مننساش إن ده قضاء ربنا
دخلت صفاء وهي بتمسح دموعها :وبعدين فيكوا انتو الاتنين العياط ده كده مش هيخلها ترتاح .
زين وهو بياخد مفاتيح عربيه جميله من ع الكومود:أنا هروح اشوف ولادها لازم احس بحاجه من رحتها حواليا.
دخل مصطفي بتعب:بكره روح براحتك دلوقتي الكل تعبان وزين محتاج يكون مع نفسه وأهل البيت زمانهم بيرتاحوا بعد اللي حصل
زين:بس انا مش هقدر اتحمل للصبح
جميله:بابا معاه حق يازين الكل تعبان بكره اول مايطلع النهار هنروح أنا وأنت نطمن عليها
بصلها زين بقله حيله وقعد ع السرير تاني وهو حاطط وشه بين ايديها ودموعه بتنزل ع أخته بصمت..
"ف قصر السيوفي "
كان الكل نام بتعب والحزن مالي قلوبهم ع فراق تاج..ف نص الليل صحي فهد بص حواليه ع السرير وهو شايف اطفال القصر نايمين ف حضنه باسهم كلهم ومال ع ايد اسيا باسها بحنان وخرج من الجناح بهدوء عدا ع الأوضه اللي جمبها وخبط بهدوء ع المربيه ووقف بعيد علشان تاخد راحتها لأنها اكيد نايمه ف الوقت ده..فتحت المربيه باب الاوضه وهي بتلف الطرحه ع شعرها.
فهد:سامحيني لو صحيتك ف وقت زي ده ياريت تروحي جناح الأولاد تنامي معاهم لاني خارج
المربيه:ولا يهمك يا فهد باشا تحت امرك
فهد:خلي بالك الأولاد كلهم وآسيا ف عينك لحد ما ارجع
المربيه: متقلقش كلهم في عيني ربنا يبارك لحضرتك فيهم .
انسحب فهد وهو رايح اتجاه الجناح بتاعه قرب ببطئ وحط ايده ع اوكره الباب وهو بيفتحه براحه ومغمض عينيه بالم فتح الباب وهو بيخطي بخطوط تقيله لجوا وبيقفل ورا وقف قدام الجناح وعينه بتلف كل ركن في ..كان مضلم مفهوش روح زي الاول وقف مكانه وهو شايف تاج ف كل مكان وهي قاعده بتسرح شعرها الطويل ف المرايا وهي واقفه ف البراند بتشرب قهوتها وبتسمع ام كلثوم وهي نايمه ف حضنه وبيتفرجه ع التلفزيون وبتضحك ع مسرحيه العيال كبرت اللي مكنتش بتزهق منها وهي بتنادي ع فهد علشان يجبلها لبسها ف الحمام لما كانت اغلب الوقت بتنسا.. فهد كان واقف وشايف كل التفاصيل قدامه قرب ع السرير وهو بيحضن المخده اللي اخر مره كانت نايمه عليها واتكلم بصوت مبحوح من العياط:مش قادر ياتاج بحاول علشان خاطر ولادنا بس مش قادر فرحتي مش مكمله من غيركي ازاي قدرتي تعملي فيا كده ياتاج ؟!!!!
حضن تاج المخده ف حضنه اويي وهو بيضم نفسه زي الجنين لحد ماراح ف النوم..
ف مكان كله ورد وزهور جميله ومياه ماشيه بين الزهور ف الأرض كانت واقفه تاج وهي لبسه فستان ابيض طويل وبتميل تشم ريحه الورد لفت وراها وهي بتبص لفهد بسعاده وبتديله تلات وردات: هتفضل زعلان مني كتيير؟!
فهد :انتي خلفتي الوعد اللي بينا ياتاج وعدتيني مش هتسبيني وخلفتي الوعد
تاج :بس دي حاجه مش بااردتي ياابو عيسي ربنا هو اللي ف ايده الحياه والموت وانا عمري انتهاء ف الحياه خلاص
فهد:بس سبتيني لوحدي
تاج فتحت ايده الاتنين وهي بتحطله التلات وردات فيهم:مين قالك انك لوحدك انا سيبلك تلات وردات يافهد هيملوا حياتك ركز يافهد معاهم اديهم كل الحنيه بتاعتك انا عارفه انك مش هتكون اب جميل وهتربيهم صح ولادك هما اللي هيبقا السند ليك خليك صاحبهم قبل ماتكون اب ليهم
فهد:وانتي ياتاج؟
تاج بابتسامة:أنا زي ماانت شايف سعيده ومرتاحه وديما حواليك يافهد وشايفك اوعا تزعل ولادنا لانك هتزعلني أنا ولادنا يافهد ولادنا حافظ عليهم...
صحي فهد من نومه مفزوعه :تاااج .
اذان الفجر كان بياذن والهواء داخل من البلكونه اتنهد فهد بارتياح وهو بيكلم نفسه بابتسامه:أنا كده اطمنت عليكي ياتاج وعد اني هخليكي تشوفيهم احسن ناس .
قام فهد من ع السرير وهو حاسس بيرتاح خد شاور ووقف اتوضاء علشان يصلي الفجر .
كان كل مايسجد يدعي أن ربنا يصبره ع فراقها وأنه يديله القوه ع تربيه ولاده خلص صلاه ولبس لبسه بسرعه ونزل من القصر بهدوء علشان محدش يصحا شغل عربيته واتحرك اتجاه البوابه بس سعد واقفه بقلق:فهد باشا حضرتك كويس ؟
فهد:أنا تمام بس رايح مشوار كده
سعد:تحب اجي مع حضرتك أو ابعت الحراسه ؟
فهد:ملوش داعي ياسعد خلي بالك بس ع القصر والاولاد اللي في
سعد :تحت امرك يا فهد باشا .
خرج فهد بره القصر اللي مفيش حاجه حواليه غير مباني لسه متبنتش فرمل عربيته بسرعه لما لاقي عربيه فاروق بتقف ف وشه .
نزل فهد بغضب:لما مبتعرفش تسوق بتركب عربيات لي ؟
فاروق حاول يتمالك أعصابه لانه عارف ان فهد حاليا مش فايق لا اي نوع من الخناقات:أنا آسف بس لسه جاي من السفر وتعبان مخدتش بالي .
بصله فهد بملل واتحرك علشان يركب عربيه تاني بس فاروق واقفه وهو بينزل من عربيته وبينادي عليه:فهد لاحظه لو سمحت
وقف فهد:خير المره دي ؟!
فاروق:البقاء لله بعيد عن خلافاتنا بس من واجبي اعزيك أنا عارف انها كانت غاليه عليك واكيد حاجه زي دي أثرت عليك بس كلنا لها.
فهد كان حاسس أن فاروق شمتان في فااتكلم بثبات:مش واجبك ولاحاجه وثانيا أنا مفيش حاجه تأثر فيا افتكر ياابن عمي اني فهد السيوفي يعني مفيش حاجه تهزه فاهمني طبعا
فاروق:عارف انك بتقول اني شمتان فيك بس ده مش قصدي اطلاقا أنا بس حبيت اعزيك مش اكتر .
بصله فهد من فوق لتحت وركب عربيته ومشي ...
أتحرك فهد بعربيته ع كوبري قصر النيل ف المكان اللي ديما تاج كانت تيجي تقف ف وترمي كل مشاكلها ف النيل.
ركن عربيته ع جمب ونزل وقف قدام النيل وهو بيبص ع المياه وبيتنهد بنفس عالي كان واقف ساكت بيتامل المياه بهدوء كان ناسي كل الناس اللي حواليا ..كان واقف شاب جمبي مشغل ف مايك كوبيله لمصطفي قمر بصوت عالي *كان ليا ف يوم حبيب احلا من القمر ،سابني لوحدي غريق سابني لسهر واعمل اي ناس وده حكم القدر"
ردد فهد بعد مالاغنيه خلصت :وده حكم القدر .
بص جمبه لقي الشاب ده واقف بعيط وف ايده المايك قرب عليه بفضول :انت كويس ؟
الشاب:كنت كويس لحد ماهي سابتني ومشيت
فهد:لو تسمحلي ادخل وندردش سوا
الشاب :وانا اعرفك؟!
فهد باحراج:احم أنا آسف مكنش قصدي ادخل بس حبيت اعرف مالك يمكن اقدر اساعدك
سابه فهد وجه علشان يمشي وقفه صوت الشاب وهو بينادي عليه :استنا لو سمحت يمكن لما الاقي حد اتكلم معاه ارتاح
رجع فهد لي تاني ووقف جمبه والاتنين باصين للمياه.
فهد:اسمك اي الاول ؟
مهاب:اسمي مهاب
فهد:مالك بقا يامهاب واي الاغاني اللي مشغله ع الصبح ومنكد ع الكوبري كله؟
مهاب :كنت بحب واحده زميلتي ايام ماكنت ف الكليه عطتلها كل الحلو اللي جوايا كنت بشتغل بجانب الكليه علشان اقدر أجبلها كل اللي هي عايزه طالباتها كانت كتيره وانا اهلي ناس ع قد حالهم يدوب اللي جي ع قد اللي رايح لاقيتها بتكلمني امبارح وبتقولي أنها هتتخطب لواحد من زميلانا ف الكليه ابوه من الناس التقيله ف البلد يعني تخيل بقولها وانا بكل منتهي البرود قالتلي انت اي ؟!انت لسه مش لاقي شغل ولو لاقيت هتجيب كام يعني أنا عايزه حد يجبلي كل اللي عيني تيجي ع اي مش يقعد يقولي معيش واستني لما أدبر اومري.
فهد كان بيسمعه باهتمام : وبعدين ؟
مهاب:بعتتلي كل الهدايا اللي كنت بجبهالها مع صحبتها ومعاهم رساله منها أنهم شويه حاجات ملهمش لازمه ولا تليق بيها وأنها عمرها ماحبتني
فهد: وطبعا انت كلامها كسرك وروحت جبت المايك اللي ف ايدك ده ودخلت ف دور الاكتئاب وعشت مع جو الاغاني ع واحده اصلا محبتكش بدل ماضيع وقتك ف الكلام الفاضي ده كنت تقوم تدور ع شغل تبني نفسك علشان تثبت لأهلك ولنفسك انك راجل يعتمد عليه
مهاب:لي كلكوا شايفين ان المفروض مزعلش ع حب حياتي حتي ابويا شايف اني مينفعش ازعل عليها
فهد:لأن والدك صح لو هي انتو الاتنين كنتوا بتحبوا بعض فعلا والقدر هو اللي فراقكوا كنت تزعل وقتها إنما دي محبتكش كل ده شغل عيال .
بصله مهاب بضيق وسكت فأكمل فهد كلامه :تعرف انا مراتي لسه متوفيه امبارح
بصله مهاب بذهول من بروده :ولي مش زعلان عليها مكنتش بتحبها؟!
فهد بابتسامه فيها سخريه:أنا فعلا مكنتش بحبها هي كانت روحي الهوا اللي بتنفسه
مهاب :يبقا هي محبتكش !!
فهد:أنا ومراتي كان في بينا قصه حب كبيره سبع سنين جواز كل يوم كان احلا من اللي بيعدي حتي لو كنا بنمر بمشاكل
مهاب:طب ولما كل ده لي انت موجود هنا دلوقتي واحد مكان اكيد هيكون تعبان
فهد: لأنها لما ماتت سبتلي تلات وردات ماتت وهي بتولدهم ف الاول مكنتش مستوعب أنها تسبني وتمشي بس بعد مافوقت بصيت ف وشي ولادي وقررت اني لازم افوق واركن الزعل ع جمب علشانهم هي ضحت بحياتها علشان تجبهم ع الدنيا ودلوقتي دوري علشان ارد تعبها ده .
مهاب بأسف:أنا اسف لو كنت فتحت عليك جروحك
فهد:هي متقفلتش اصلا علشان تتفتح ...المهم انت خريج اي ؟
مهاب بسخرية:صيدله كنت الاول ع دفعتي لمده اربع سنين وبعد كده تقديراتي عاديه .
فهد:طب كويس خد الكارت بتاعي وروح ع الفرع الأساسي اللي موجود ف الكارت وادي لسكرتيره هناك وهي تتولي الأمر
بص مهاب ف الكارت بصدمه:انت بتقول اي دي شركات الفهد جروب اكبر فرع لباقي شركات عيله السيوفي يعني عمري ماهتقبل اكيد
فهد:لي بتقول كده؟
مهاب:أنا من اول مااتخرجت وانا بحاول اقدم هناك ف الفروع التابعة ليهم بس ديما بترفض من غير سبب تقولي اروح الفرع الكبير انت اكيد بتهزر
فهد:وههزر لي اذا انا بنفسي رئيس الشركات دي فهد السيوفي .
مهاب الخبر وقع عليه زي المياه المتلجه ف يوم شتا :وحيات امك ؟!!!!
فهد:نعمممم!!
مهاب بتوتر:مش قصدي والله بس انت بتكلم جد
فهد وهو ماشي:فوق لمستقبلك يامهاب الحب الصح هتلاقي ف يوم من الايام مش دلوقتي تسعه بالظبط تكون مستلم شغلك لو عرفت انك جيت متاخر اعتبر نفسك مرفوض .
دور فهد العربيه وهو طالع ع الفيوم ومهاب واقف باصص لكارت بذهول .
"ف قصر السيوفي "
دخل فاروق القصر ودخل ع اوضته شاف عشق نايمه بلبس السهر والشرب باين عليها ضرب كفه الاتنين ف بعض:مفيش فايده.
دخل غير لبسه وخد اللاب بتاعه وخرج قابل جميله وزين والشغاله بتفتحلهم الباب ...بص ع جميله بشوق بفستانها الاسود وحجابها وعيونه الحمرا من العياط ومعالم الحزن واضحه ع وشها ..
فاروق:البقاء لله ياانسه جميله ،البقاء لله يادكتور زين .
جميله بصتله وسكتت وزين رد بصعوبه:ونعمه بالله
جميله: لو سمحت بلغي سماح هانم او مدام سيا أننا موجودين وعايزه اشوف الأولاد
الشغاله:تحت امرك يا جميله هانم
فاروق :احم انتو مش اغراب تقدرو تطلعوا تطمنوا عليهم
جميله:البيوت ليها احترامها ولما صحاب البيت يقولوا اطلعوا نبقي نطلع واتفضل شوف كنت رايح فين .
بصلها فاروق بإحراج وخد اللاب بتاعه وخرج ع الجنينه..
نزلت سماح ووراها الشغاله: صباح الخير يا جميله عامل اي يازين
زين: الحمدلله.
جميله:احنا اسفين ع الازعاج اللي ع الصبح ده بس زين كان محتاج يشوف ولاد تاج وفهد علشان طيارته بليل
سماح:ياخبر ياجميله ده بيتكوا ياحبيبتي وياريت تقعدي هنا معانا الفتره دي علشان تكوني جمب ولاد أختك
جميله: حاضر ياطنط عن اذنك هطلع اشوفهم
سماح:اتفضلي يابنتي .
طلعت جميله وزين لفوق وسماح نادت ع الشغاله:حضري الفطار علشان الكل قرب يصحي وطالبات جميله هانم كلها مجابه مفهوم
الشغاله:تحت امرك يا سماح هانم
سماح:واطلعي صحي فهد باشا علشان يفطر معانا
الشغاله:فهد باشا خرج من القصر بعد اذان الفجر .
سماح: خرج ؟!!!طب شوفيلي سعد فين وخلي يجي علشان عايزها.
فوق ف جناح الاطفال.
دخلت جميله الجناح وهي بتبص ع اسيا وعيسي ع السرير وايوب مع المربيه .
قربت براحه شالت عيسي وزين شال اسيا وقعدوا جمب بعض زين بابتسامه:شوفي حلوه ازاي شبه تاج اويي
جميله:مشاء الله هما حلوين
زين :لو سمحت هاتي الطفل اللي معاكي
قربت المربيه بابتسامه :اتفضل يادكتور .
زين:دول شبه بعض ياجميله بصي مفيش فرق بينهم
جميله:مع الوقت هنعرف نفرقهم من بعض
فهد صحي من النوم:أنا بعرف افرقهم من بعض
زين:بجد أسماءهم اي الاول تعرف
فهد بفخر:اغسل وشي واسناني واشرب اللبن بتاعي واجي اقولك ..اها خلي بالك من الحته اللي ف ايدك علشان تخصني
جميله :حتتته؟!!!!
فهد:اها انتي متعرفيش أن خالوا فهد خطبها ليا امبارح وقالي يافهد يابني
زين بسخرية:قالك اي يافهد يابني؟!!!
فهد: اها طبعا ماهو بقا حمايا قالي يافهد يابني البنت دي بقت خطيبتك من النهارده تحافظ عليها .
جميله:فهد قالك كده !!!
فهد:صدقيني اها ..
زين :طب يعم الدانجوان تعاله قولي اسميهم اي؟
فهد:بصي ياريس دي اسيا حبيت قلب فهد نصار
جميله:صبرني ياااارب
زين :كمل من غير محن أبوك ده
فهد:وهو بيبص ف عيون عيسي اها ده بقا الاخ عيسي الكبير
وده اللي مبيبطلش عياط وخناقني من لما جه ايوب ياصبر ايوب .
جميله بإعجاب:اسمهم جميله ومميزه اويي
فهد:اها ماهي ماما تاج هي اللي سمتهم كده قبل ماتسافر عند ربنا .
زين بص لعيسي بانكسار وسكت..
فهد طلع جمبه وهو بيطبط عليه :بص ياعمو زين أنا عارف انك زعلان علشان هي أختك وانا زعلان علشان مش هشوفها تاني بس خالوا فهد قالي امبارح ان مينفعش اعيط علشان هي حاسه بينا هي هتفرح لما تشوفنا فرحانين وكمان هي ف مكان جميله اويي عند ربنا واكيد ف الجنه
جميله وزين كانوا بيسمعوا كلام فهد وهما مبتسمين ع حب طفل صغير لتاج .
فهد:ودلوقتي تخلي بالك من اسيا علشان دي خطبتي ها
زين وهو بيبص لجميله بسخرية :تربيه سليم هناخد منه أي لازم يجي اخر الكلام ويعك
دخل سليم وهو بيشيل فهد:اللاه انت غريب يجدع ماالواد محترم قدامك اهو صح ياحبيب بابي
فهد ببراءه:أنا مش عارف هو مضيقين لي كل ده علشان قولتله خلي بالك من الحته ال.....
قطع كلامه ايد سليم وهو بيحطها ع بوقه:بس اسكت ششش
زين :متربي اوي الصراحه.
سليم:الله يكسفك .
فهد:طب نزلني بقا علشان عندي مدرسة واصحابي البنات ف انتظاري ف الباص ولسه ملبستش وهتاخر عليهم
زين:متربي متربي مفيش كلام ابنك فضله شويه ويضرب ورقه عرفي .
سليم:طب روح ياحبيبي شوف مامي صحيت ولا لا علشان مينفعش تسمع الكلام النوتي ده
مشي فهد بره الجناح وجميله بصت لسليم :امال فهد فين؟
سليم: كان نايم هنا اكيد ف الجناح بتاعه ..المهم انتو عاملين اي ؟
زين:هنعمل اي الواحد حاسس ان الدنيا كلها وقفت بعد موتها
سليم:غلط يازين لازم تمشي دنيتك الزعل والعياط مش هيرجع اللي راح تعرف أن فهد من اول ماشال اسيا وبص ف وشها وهو قرر أنه يركن زعله وحزنه ع جمب ويفوق علشان خاطرها وخاطر عيسي وايوب لو شوفته هتقول أن تمام ومفيش اي حاجه مزعلها عكس اللي جوا بس كويس أنه بيقاوم علشان ولاده .
زين :ربنا يصبرنا كلنا أنا مضطر اسافر بليل علشان الشركه انت فاهم الدنيا عامله ازاي
سليم بتفهم: شوف شغلك وركز ف مستقبلك كلنا هنا حواليهم ..ومبروك ع المولود اللي هيشرف قريب
زين:الله يبارك فيك .
"ف محافظه الفيوم "
وصل فهد بعد تلات ساعات ف الطريق دخل جوا قدام قبرها وقعد:صباح الخير قولتلك هيجيلك كل يوم مش هسيبك لاحظه جيلك النهارده وانا مطمن وعارف انك ف مكانها كويسه حلمت بيكي لدرجه اني صحيت مرتاح حاسس بروحك حواليا فعلا زي ماقولتيلي وسمعت كلامك وسميت عيسى وايوب وآسيا برغم اني كنت عايز اسمي البنت تاج ع اسمك بس حبيت اسمع كلامك واسميها زي ماانتي عايزه تعرفي كل اللي ف القصر زعلان عليكي كلهم بيحبوكي اوي ياتاج أنا مش جي اعتبك علشان سبتينا انا خلاص عرفت أن ده نصيبنا ف الدنيا..برغم انك وحشتيني بس اسيا معوضاني عن جزء من حضنك فيها شبه منك اوي ياتاج عيسي بقا هادي مش بيعيط كتير ايوب واها من ايوب مش بيبطل عياط زنان اوييي والاستاذ فهد حبيبك الصغير خطب اسيا منه لنفسه كده عامل زي ابوه مبيفوتش فرصه مش عارف ازاي كنتي بتشوفي شبهي ده ؟!!!بحبك ياتاج.
قام وقف وهو بيشمر أكمام قميصه وبدأ يكنس حوالينا القبر ويرش مياه بعت الغفير جبله كل انواع الورد اللي تاج بتحبه ورصه حوالينا القبر كله خلاص مهمته وطلع بره قفل المدفن.
فهد:كل يوم تنضف المكان وتجيب ورد وترصه زي ماانا عامل بالظبط وكل يوم هاجي بنفسي اشوف كل حاجه
الغفير:تحت امرك يابيه
طلع فهد فلوس من محفظته وحطاها ف ايد الغفير ومشي علشان يرجع القاهره تاني .
"ف قصر السيوفي "
كانوا كلهم قاعدين ف القاعه الكبيره بتاعت القصر ومعاهم عيسي وايوب وآسيا..
سيا:يعني سعد مقليكيش رايح فين؟
سماح:كل اللي قاله أنه عنده مشوار
سليم: أنا متاكد ان عند تاج
سماح:الله واعلم المهم يكون بخير ..
دخل فهد ع كلام سماح:أنا بخير ياامي ملوش داعي القلق ده
سماح: حمدالله ع سلامتك ياحبيبي
فهد مال باس ايديها وخد عيسي منها:اي تعبوكي العيال دي ؟!
سماح بهزار علشان تفك الحزن اللي ف القصر:نسمه يافهد مقولكش ايوب مش بيبطل عياط ولا تيام العاقل بتاعهم مش بيلعب غير ف الكهربا اسيا بقا فهد مش سايبها ف حالها عمال يبوس فيها وياخدها من جميله غصب عننا عيسي هادي شويه
ضحك فهد ع كلام أمه وبعدين بص لسيا:اي ياسيا متربي ابنك شويه
سيا:والله يافهد تعبني مبقتش قادره عليه
ورد بهمس:يختي انتي بتربي اصلا علشان تتعبي
سليم:ماتسيب الواد يلقط رزقه يافهد
فهد:ابنك أخلاقه بقت منحله بسببك
سليم بتفأج مصطنع:منحل اخلاق ابني بقت منحله!!!أخص ع يافهد
فهد :ماهو أنا مش هسمح بالي حصل زمان يحصل دلوقتي
حسام:وهيحصل اي بس يابرو روق بس كده
فهد: زمان الباشا خد اختي مني ودلوقتي ابنه عايز ياخد ابنتي انتو موركوش غيرناا
سليم ببرود:اها احنا بنموت ف بنات عيله السيوفي خلي الواد ينبسط ياببلوي يااخويا
فهد:الكلام خساره مع جوزك .
سيا:فقدت الامل ف خلاص يافهد .
فهد بص لجميله شافها شايله اسيا وساكته:اي يعم القطر ساكت لي ده مكنش حد بيضحك العيله دي كلها غيرك
جميله عارفه أن فهد بيتكلم كده علشان يخبي ضعفه قدام الكل فأردت عليها بنبره زعل:بلعب مع اسيا بس مش اكتر ،صحيح يافهد لي مسمتش البنت ع اسم تاج؟
الكل سكت بحزن وفهد اتكلم بابتسامته:لأن ده كان طلبها بس ده ميمنعش أننا نقدر نقولها ياتاج عادي .
دخل فاروق من الجنينه ف الكل سكت عيونه جت ف عين جميله وهما بيبصوا لبعض بشوق واضح ..
سابهم فاروق ودخل اوضته وفهد بص لجميله بابتسامة.
فهد:هاتي اسيا وتعالي عايزك ف الجنينه بره
جميله استاذنت من الكل وخرجت ورا قعد فهد وهو شايل ايوب وعيسي ع ايده وقعدت قدامه جميله:ف حاجه يافهد؟!
فهد بابتسامة:بتحبي فاروق ياجميله؟؟
- تابع الفصل التالي عبر الرابط: (رواية تاج الفهد الجزء الثاني) اضغط على أسم الرواية