رواية تاج الفهد الجزء الثاني 2 البارت الثامن عشر 18 بقلم مريم مصطفى
رواية تاج الفهد الجزء الثاني 2 الفصل الثامن عشر 18
سليم وهو بيقفل باب الاوضه وبيلف علشان يبص لعشق لاقيها نايمه ابتسم بخبث وهو بيقرب منها ولف ايده حوالينا رقبتها.
فتحت عشق عنيها بفزع:ابعد عني انت بتعمل ايييي سبني.
سليم:بعمل اللي المفروض كنت عملته من اول يوم دخلتي ف القصر ده
عشق وهي بتتخنق:ابعد عني هموت ف ايدك
سليم:اممم وهو ده اللي أنا عايزو موتك لانك خراب اي حاجه بتحصل انتي غلطتي غلطتين تمنهم روحك رغم أن روحك رخيصه .
عشق عرفت تتخلص من ايده اللي حوالين رقبتها وبعدته عنها وهي بتكح وبتاخد نفسها
سليم :تؤؤ انتي لحقيتي تفيصي مني ده لسه حسابنا طويل
عشق وهي مرميه ف الأرض وبتنهج:انت عايز اي منيييي
سليم مال عليها ومسكها من شعرها بغل :بقا يمرا يا****تمدي ايدك ع ست البنات وستك وترفعي عليها سكينه ده انا اخد روحك
صرخت عشق بوجع لما سليم شد ع شعرها اوي
سليم:بتصوتي ليبي ده لسه ده حساب ست البنات ..حساب فهد بقا حاجه تانيه
عشق بخوف :فهد وانا مالي ومال فهد
سليم:لا بقولك اييييي شغل النسوان الو***ده مياكلش معايا أنا مش برياله زي اللي متجوزا ولا طيب زي فهد أنا العن منه ومبسبش حقي
عشق بتوتر:انت قصدك اي ؟
سليم:عايزه تقتلي فهد فكراني مش هعرف انك انتي اللي وراها
عشق اتصدمت أنه عرف وانكمشت ع نفسها بخوف لأنها عارفه سليم أنه مش سهل ولا زي فهد اللي ممكن يغفر لحد .
مكنتش لحقت تستوعب الصدمه كان سليم جايبها من شعرها ورزعها بكل قوته ف الكومدينو اللي جمب السرير وفقدت الوعي مكانها.
سليم بصلها بقرف وتف عليها وهو بيفتح الباب وبيكلم نفسه:مرا صعرانه وبعدين اي ده دي طلعت من غير اللي بتحطه ف وشها شبه سعد رئيس الحراسه عندنا طب والله سعد احلا .
قطع كلامه صوت سيا وهي قاعده ع الكرسي اللي جمب اوضه عشق :نارك بردت بعد اللي عملته !
لف سليم ورا وهو ضامم حواجبه:انتي هنا من امته؟!!!
سيا:من لما نزلت من الجناح بتاعنا ودخلت جناح الزفته دي
سليم بتفكير :اممم وسمعتي كل حاجه طبعا
سيا وهي بتهز راسها بابتسامة:كل حاجه وبصراحه مبسوطه اويي تستاهل مش علشاني علشان بس فكرت أنها تقرب من اخويا
سليم:وانتي لما شوفتيني داخل عندها مشكتيش فيا خلاص أو غيرتي مثلا او دماغك راحت لحته تانيه؟
سيا وهي بتقف وبتلف ايديها حوالين رقبته بحنان:أنا عمري مااشك فيك ياسليم وكمان مش أنا اللي اغير من دي لاني عارفك كويس وكنت متأكدة انك هتعمل كده وتجيب حقي بس اتصدمت بصراحه لما عرفت انك عارف ان هي اللي ورا حادثه فهد
سليم باس راسها :مقدرش ياسيا اعرف أن حد لمس شعره منك واسيبه .. وبعدين أنا لسه عارف امبارح من حسام أنه وصل لناس اللي اجرتهم علشان يقتلوا بس قولتوا اتصرف معاهم وانا هتصرف مع المرا دي بطرقتي
سيا:سلييييم قولتك بطل الفاظك دي
سليم:بحاول بس الأشكال دي تستاهل .
سيا:طب يلا علشان الولاد عندهم مدرسه وانت هتساعدني ف لبسهم علشان فيروز بتغلبني .
سليم:ومالوا اساعدك قدامي ياست البنات...
ف المطعم عند فاروق وجميله .
فاروق:جميله تتجوزيني ؟
جميله اتصدمت من طلبه وتوترت:أنت بتقول اي انت اكيد اتجننت .
فاروق :لا متجننتش انا بحبك وانتي كمان بس رافضه تصارحي نفسك بكده
جميله بسخريه:وانا بعد السنين دي كلها رافضه الحب واي علاقه ويوم مااحب هحبك انت؟!!!
فاروق ببرود:القلب ومايريد ..وبعدين الحب ده بيجي من غير اذن زي كده حبيتك من اول يوم شوفتك في
جميله بعصبيه:انت واحد متجوز ازاي تفكر تقولي كده او حتي تفكر اني ممكن اتجوز واحد ع ذمته واحده تانيه!!!
فاروق بسرعه:أنا مش متجوز ياجميله
جميله بصدمه:اييي؟!!!!امال عشق دي اي
فاروق بارتباك:قصدي أننا متجوزين عرفي بس علشان ف بينا مصالح ولما تخلص كل واحد هيروح لحاله صدقيني علاقتي بيها شغل مش اكتر ولو أنا فعلا متجوزها كنت أعلنت ده للعلام والصحافه..أنا عمري ما حبيت غيرك ومش هحب غيرك أنا شايفك الدنيا كلها لما بكون معاكي بنسا الدنيا كلها جميله انا بحبك وعندي استعداد اعمل اي حاجه علشانك
جميله وشها احمر باحراج من كلامه وبصت ف الأرض ..
فاروق:ارجوكي حاول تفهميني انا حبيتك ومش شايف غيرك
جميله حاولت تهدا اتنهدت بصوت عالي وبصت لفاروق:وانا موافقه بس عندي شرط
فاروق بلهفه:اشرطي براحتك وانا هعمل كل اللي تؤمري بي
جميله:تصلح كل حاجه مع فهد وتتصرف وترجع لسيا كل أملاكه من عشق ووعد اني هكون موافقه اتجوزك وأمان لنفسي معاكي .
فاروق اتصدم من طلبها وسكت لانه ديما بيتمنا أنه ياخد مكان فهد ..
جميله بسخرية: واضح انك بتحبني فعلا ومستعد تضحي با اي حاجه علشاني
فاروق:جميله ....
جميله بمقاطعه:ولا كلمه تاني انت عرضت عرضك وانا قوللتك شرطي وانت رفضت يبقا اكيد مش هامن ع نفسي مع واحد عايز ياكل حق ابن عمه اللي من دمه اللي ملوش خير ف أهله ملوش خير ف حد يافاروق باشا
خدت جميله شنطتها ومشيت وفاروق قعد مكانه مش عارف يعمل اي بس اللي بيفكر ف أنه مش هينفع يتنازل عن أي حاجه...
ف قصر السيوفي ف جناح فهد وتاج ..
فهد وهو واقف وبيحط من البرفيوم بتاعه علشان يروح الشركه ..
قامت تاج من النوم وهي حاسه بتعب :أنت رايح الشركه ؟
فهد :اها
تاج:بدري اوي كده انت حته مفطرتش ؟!
فهد :عندي اجتماع مهم وعايز الحق اظبط كام حاجه قبل ماامضي العقود
تاج هزت راسها وسكتت وهي حاسه بنفس الوجع بس حاولت تتمالك نفسها علشان فهد ممكن يخليها تنزل البيبي..
فهد بشك:انتي كويسه ؟
تاج : اها
فهد:امال مالك تعابنه كده لي!!!
تاج:عادي ياحبيبي طبيعي الم الحمل العادي وكده
فهد اتخنق من لما افتكر حملها:طيب أنا ماشي
قرب منها وهي ع السرير ومال عليها باس خدها زي مامتعود ومشي ..
تاج وهي بتبص ع بطنها:اي بقا بدانها تعب من دلوقتي هتخلي أبوك يفرح فيا !
قطع عليها صوت عياط تيام قامت بتعب وهي حاطه ايديها ع بطنها وراحت لسرير تيام
تاج:خمس دقايق ياتيمو واكون جهزتلك الببرونه بس بطل عياط شويه علشان اخوك تعابني
خبطت سيا ودخلت ع طول..
سيا:فهد وسليم مشيوا ع الشركه والاولاد راحوا المدرسه قولت اطلع اشوفك علشان لو محتاجه حاجه
تاج:كتر خيرك ياسيا أنا فعلا تعابنه اوي وكمان تيام بيعيط
سيا : متقلقيش جميله قالتلي أن الدكتوره قالت إن الوجع ده طبيعي وكتبتلك ع دواء فهد جابه امبارح
تاج:اخوكي مش فرحان باالبيبي ورغم كده ماثرش معايا
سيا: ياحبيبتي مين قال إنه مش فرحان هو خايف عليكي اكتر من اي حد ياتاج
تاج اتنهدت بتعب:أن شاءالله هقوم بعد الولادة كويسه ووقتها مش هسمحه
سيا :أن شاءالله يلا بس الاول افطري كويس واشربي كوبايه اللبن دي علشان تاخدي ادويتك وانا هعمل الببرونه لتيام باشا وهغيرله
تاج بابتسامة:هي جميله فين مش معقول تكون نايمه لحد دلوقتي!!!
سيا:سعد قالي أنها خرجت بدري علشان تقابل واحده صحبتها .
تاج هزت راسها وهي بتشرب اللبن وسيا انشغلت مع تيام.
ف القسم ...
حسام كان قاعد ف مكتبه وفجأة دخل عليه خالد صحبه ..
خالد :ابو الصحاب .
حسام:ف حد يدخل كده يابقف انت
خالد وهو بيحط سلاحه ع المكتب:لي محسسني اني دخلت عليكي اوضه نومك ده مكتب حكومه يابشا
حسام:مفيش فايده فيك
خالد:عارف المهم اسمعني علشان عايزك ف مصلحه
حسام:قول كده ماطلتك عليا دي يبقا اكيد عايز مصلحه
خالد:بصي يامعلم اللواء أمرني بمهمه معقده كده من كام شهر لتاجر مخدرات كبير والمفروض أن تسليم البضاعة دي هتكون النهارده بليل .
حسام:اممم واي المطلوب ؟
خالد:زي ماانت عارف المدام لسه والده وعقبال عندك جابت ياسين ومحتجاني جمبها النهارده اوي ف انت ابو الرجوله وهتطلع بدالي المهمه دي تقبض ع الرأس الكبيره وتغطي عليا قدام اللوا محسن وكل حاجه متظبطلها كل اللي عليك تقبض ع الراجل وتحط ف ايده كلبشاتك الحلوين ياريس.
حسام:اممم هو مش ياسين ابنك ده اللي أنا حضرت سبوعه من شهر أنا وورد مراتي
خالد:مشاء الله دماغك فاكره اهو.
حسام:انت بتستعبط يلا ده انا مراتي والده من اسبوع وطالع عيني ف الشغل المفروض مين فينا ينزل المأمورية دي !!
خالد:ماهو افهمني بس الواد حمزه عنده حفله بكره الصبح ف المدرسة والمهم دي هتم الفجر يعني هرجع هلكان وهنام ومش هعرف اروح معاه وده مابيصدق يمسك عليا غلطه علشان يستغلني فلوس بقا ..
حسام:حاضر ياخالد هطلع أنا بدالك علشان ارتاح من رغيك ده
خالد :حبيبي يرجوله والله لجوز حمزه ووياسين لبناتك
حسام:نعممم مين قالك اني هجوز بناتي اصلا ؟!
خالد:امال هتخللهم جمبيك ؟!!!
حسام:مش بنات حسام المحمدي اللي يتجوزا ويوم ماهفكر اجوزهم مش هناسب واحد زيك
خالد:وانت تطول تناسب خالد الجندي ..بس برضو حمزه لفريده وياسين لفجر
حسام بغيظ مسك الطافيه اللي ع مكتبه وبص لخالد اللي طلع يجري برا المكتب ..
حسام بصوت عالييي:نجوم السما اقربلك ياابن الجندي ولا عيل من عيالك يطول بنت من بناتيييي
فون حسام رن قعد مكانه تاني وهو بيرد عليه.
حسام:ايوه فهد يعني انت وصلت الشركه دلوقتي..تمام أنا جيلك علشان عايزك ف موضوع كده .
قفل حسام مع فهد وفتح درج مكتبه وطلع شنطه سوده وخدها ومشي ..
ف القصر فاقت عشق من مكانها وهي حاطه ايده ع راسها بالم قامت وقفت وهي ديخه وبصت ف المرايا كان ف دم نازل من دماغها وشعرها كله بايظه.
عشق بغل:ماشي ياابن نصار وعد مني أن روحك تطلع قبل روح فهد ..
دخلت جميله القصر وهي متعصبه من فاروق طلعت تطمن ع تاج وهي بتحاول تهدأ .
دخلت الجناح وكانت تاج فرده ضهرها ع السرير وسيا شايله تيام ع ايديها ونايم ..
جميله:صباح الخير
تاج:كنتي فين بدري كده ؟
جميله وهي بتقعد الجمب التاني جمبها وبتفك طرحتها:كنت بشوف ريهام انتي عارفه انها مبتحبش تسافر غير لما اسلم عليها وتفطر سوا .
تاج:ماشي ياحبيبتي
جميله:فطرتي ؟
تاج:سيا عملتلي فطار وداتني الدواء الحمدلله
جميله بابتسامة:يازيدي يازيدي سيا هانم بنفسها حضرت الفطار
سيا:علشان خاطر تاج بس متاخدوش ع كده أنا بقولكم اهو
ضحكت تاج وجميله ابتسمت بهدوء ..
تاج:مالك ياجميله شكلك متغير ؟
جميله:لا مفيش حاجه
تاج:لا ف اي اللي معصبك كده باين عليكي .
سيا:طب أنا هنزل اشوف ماما مشيت ع الشركه ولا لسه
جميله:لا ياسيا مفيش داعي وبعدين انتي وورد زي تاج واسرارنا مع بعض اقعدي وانا هحكلكوا اللي حصل
قعدت سيا وجميله بصتلهم وبدأت تحكي اللي حصل بينها وبين فاروق ..
تاج:انتي ازاي اصلا تقفي معاه كل ده
سيا:استني بس ياتاج فاروق بيقدر الست كويس اكيد مكنش هياذيها..المهم دلوقتي انتي ياجميله
جميله بتوتر:أنا اي !!
سيا:بتحبي فاروق ؟
جميله اتوترت اكتر وفركت ايديها ف بعضها وبصت لتاج بقلق:ااا..اها بحبه
تاج:بتحبي عدونا ياجميله!!!
جميله بدموع:غصب عني ياتاج بس عمري ماهفكر اتجوزه طول ماهو ضدد فهد وحبي لي أنا هعرف اسيطر ع نفسي وابعد عنه .
سيا:الحب مش با ايدنا هي مغلطتش ..بصي يا جميله فاروق ابن عمي اها هو معروف عنه أنه شخص عملي وناجح ف شغله وبيحترم الستات وملوش ف البنات والجو ده بس برضو لي عيوب وحشه وأولها الطمع عندو استعداد يعمل اي حاجه علشان يوصل لا اي حاجه عايزها زي مابيعمل دلوقتي كده انتي فكره متجوز عشق دي علشان بيحبها وكده!!! لا ده علشان بس تساعدوه أنه ياخد أملاك فهد إنما واحد زي فاروق ده يوم ماهيتجوز هيجوز واحده زيك تصونه ف غيابه وتربي ولاده ع الدين والأخلاق مش واحده مقضيها ف حضن كل واحد شويه .
جميله افتكرت فعلا أنه قالها كده بس محبتش تقول لسيا وتاج ع كلامه ده وسكتت
تاج:سيا عندها حق ياجميله سيبك من المشاكل اللي بينه وبين فهد انتي هتقدري تكوني مطمنه وانتي عارفه العيوب دي في ؟؟
جميله:اكيد لا ..أنا هحاول اشيل حبه من قلبي مش هضعف قدامه بس مش ف يوم وليله هعمل كده
سيا:ع فكره فهد لو عرف انك موافقه انك تتجوزيي فاروق مش هيمنعك ولا هيزعل منك هو بس هيكون خايف عليكي من العيب فاروق
جميله:عارفه أن فهد مش هيسبني ارمي نفسي ف النار .
كملت جميله كلامها وهي بتمسح دموعها وبتحط طرحتها ع شعرها:هنزل أنا بقا اعمل طبق فكها كده كبير علشان تاج لازم تتغذا كويس
تاج :أنا مش هقدر اكل اقدر من كده سيا خلتني اكل كتيير
سيا:انتي المفروض تأكلي اكتر من كده انتي بتاكلي ليكي وللبيبي روحي ياجميله حضرلها طبق كبير مليان فاكهه.
قربت جميله من الباب علشان تفتحه كانت عشق استخبت بسرعه بعد ما سمعت كلام جميله عن فاروق .
عشق:محدش هيبوظ كل حاجه غير فاروق وده اخلص منه ازاي أنا اللي جبته لنفسي يوم ما روحتلها علشان يساعدني ..افتكرتك عشق أن جميله راحت تجيب لتاج فاكهه ف ابتسمت بخبث وراحت ع أوضتها وهي بطلع من شنتطها حقنه مليانه ماده مخدره من اللي بتضربه ..
ف المطبخ جميله جهزت الطبق وحطته ع الترابيزه ولفت تتطلع عصير فريش من التلاجه..
اتسحبت عشق وهي بتراقبها وبتفكر ازاي تشغل جميله .
عشق :بقولك اي اعمليلي فنجان قهوه
جميله:كنت الشغاله اللي جبهلك ابوكي شكلك عايزني المره دي احلقك شعرك خالص وبعدين اتلمي علشان شكلك لسه واخده علقه سخنه
عشق حطت ايديها مكان الزقه الطبيه وهي بدوس ع اسنانها.
دخلت جميله لجوا المطبخ علشان تجيب كاس تحط ف العصير استغلت عشق بعدها وخدت تفاحه بسرعه وهي بتحقنها بالحقنه وشالت الحقنه ف جيبها بسرعه
طلعت جميله وهي ماسكه الكاس لقيت عشق ماسكه التفاحه..
جميله وهي بتشدها منها وبتحطها ف الطبق مكانها:هو محدش علمك متسرقيش حاجه مش بتاعتك
خدت الصنيه وعدت من جمب عشق وهي بتغيظها:ياحراميه
خرجت جميله من المطبخ وعشق ضحكت بصوت عالي :هنشوف ياست جميله مين فينا اللي هيكسب ف الآخر أنا هخليكي تتحصري ع أختك واللي ف بطنها أو اللي كان ف بطنها
طلعت جميله وهي شايله الطبق حطته قدام تاج
جميله:الطبق ده بتاكل كله
تاج:حاضر هو الحمل ده هيجي عليا بخساره
سيا :مش انتي اللي عايزه تحملي اشربي بقا ..فاكره ياتاج أنا كنت بتوحم ع اي ف فهد وفيروز
تاج:موز لدرجه اننا اتاكدنا انك هتجيبي قرود
جميله: لدرجه دي؟!!
سيا:واكتر كمان كنت بنام وانا واخده صباتت الموز ف حضني
تاج وهي بتضحك بصوت عالي :هي اللي خلصت ع محصول الموز ف مصر ف التسع شهور بتاع حملها
سيا:اتريقي لما نشوف هتتوحملنا ع اي حضرتك
تاج كانت بتاكل ف برتقانه وهي بتضحك خلصتها وقربت علشان تاخد التفاحه ..فجاه جميله صرخت بصوت عالي وتاج اتفزعت والتفاحه وقعت منها ف الأرض
جميله وهي بتشيل تيام من ع الارض :ابنك بيلعب ف الكهرباء ياتاج هو عايز يخلص من حياته بدري بدري ولااي!!
تاج:ياشيخه خضتيني بصوتك ده .
جميله:لا اسيب الواد يحط المفك ف الكهرباء علشان حضرتك اتخضيتي
سيا:هو اي اللي عمل كده ف الكهربا اصلا
تاج:اخوكي مزاج عنده كل مايتعصب يقعد يفك ف فيش الجناح ويركبها ولما اتعصب عليا سابها ونسي يكملها ..هو حلمه كان يطلع كهربائي ولا اي !!!
سيا :هو كده فهد من صغره كان بيشوف جدو بيعمل كده ف أتعلم منه.
جميله:عيله متخلفه والله وبعدين الواد ده مش كان نايم
سيا:صحي وانتي تحت .
تاج:جميله التفاحه وقعت ف الأرض هاتيها لو سمحت
جميله: لا طبعا اكيد اتلوثت والاوضه لسه متنضفتش
جميله شالتها من الأرض ورمتها ف الباسكت اللي جمب السرير .
سيا:وبعدين انتي جايبه من كل نوع فاكهه حاجه واحده اي البخل ده
جميله:ده اللي جه بالي إذا كان عجبوكوا
عشق سمعت كل اللي حصل وهي بتحقد عليهم نزلت تحت وهي بتفكر ف أملاك فهد .
ف الشركه ..
دخل حسام مكتب فهد كان سليم معاه ومشغولين باالملفات اللي قدامهم
حسام:مش هعطلكم كتير هما كلمتين وهمشي
فهد:من أمته واحنا ف بينا الرسميات دي اتكلم ياحسام .
حسام حط قدامهم الشنطه وفهد فتحها ..
فهد باستغراب:اي الفلوس دي !!
حسام:20مليون .
سليم:ايوه يعني جيبهم تغظنا بيهم ولااي!!
حسام:بس يالا.
فهد:بتاع اي دول ياحسام ؟
حسام:بص يا فهد انت عارف ان حلمي زمان اني كنت ادخل كليه فنون جميله واني بحب الرسم بس طبعا عارف ابويا قعد يقولي بقا ع اخر الزمن ابن وزير الداخليه يطلع رسام ويقعد يشخبط ع الورق ودخلني شرطه غصب عني حتي شركته اللي كان مخليها بجانب الوزاره بعد مامات أنا أهملت فيها لاني مبفهمش فيها حاجه وكويس اني بحاول اقدي واجبي ف شغلي اللي عمري ماحبيته بس خلاص الشركه بضيع وانا مش عارف اعمل اي فقررت اني هضمها لشركاتك والفلوس دي كانت ف البنك هشتري بيهم كام سهم تبع شركتك وابقي شريك معاك انت وسليم واكون ضامن حاجه لبناتي لما اطلع ع المعاش أن شاءالله.
سليم:المعاش !!!معاش ده انت لسه مدخلتش ف ال40سنه مستعجل اوي .
حسام:لازم ابقي عامل حسابي ع كل حاجه أنا دلوقتي ف رقبتي مراتي وولادي لازم أمن مستقبلهم وعارف أن فهد هيكبر الشركه احسن ماكان ابويا ماسكها كمان
فهد قفل شطنه الفلوس:خد فلوسك ياحسام واعتبر أن الاسهم ف حسابك وانك شريك معانا وبالنسبه للشركه بتاعتك متشلش هم اعملي بس توكيل علشان اعرف اديرها
حسام بإصرار :لو هاخد الاسهم يبقا هتاخد الفلوس ولو ع التوكيل المحامي من بكره الصبح هيخلص كل حاجه
فهد:براحتك ياحسام بس احنا التلاته واحد وفلوسنا واحده مفيش فرق بينا
حسام :عارف يخويا علشان كده ملجتش غيرك ليك انت وسليم علشان تساعدوني
سليم:ياريتك مالجت يخويا ده الشغل هيبقا أضعاف
حسام وهو بيقف علشان يمشي: فرحان فيك والله
فهد:رايح فين؟
حسام: عندي ماموريه الفجر يدوب اروح البيت ارتاح شويه واطمن ع ورد والبنات وامشي
فهد:ربنا معاك خلي بالك من نفسك
سليم :ربنا معاك يابو البنات
حسام ابتسم ع اللقب اللي ديما بيحب اي حد ينادي بي ومشي.
فهد:كلم المحامي بتاعنا ياسليم وخلي يظبط العقود بتاعت الاسهم ويقابل المحامي بتاع حسام يشوف يظبط ورق الشركه، والفلوس دي بقا تبعت رئيس الشئون الماليه ويفتح حساب فيها بااسم فريده
سليم:بس حسام لو عرف هيزعل يافهد
فهد:مش هيعرف دول هيفضلوا موجودين في باسم فريده ولما تكبر تعمل فيهم اللي هي عايزه واي ارباح تيجي تحطهم ف الحساب بتاعها
سليم بابتسامه:مفيش طفل اتولد ف العيله دي غير لما امنتله مستقبله .
فهد:ولادكوا ولادي ياسليم وف رقبتي
سليم:عارف ياحبيبي عقبال عيالك وتفرح بيهم
فهد ابتسم ابتسامه باهته ورجع ركز ف الاوراق اللي قدامه
________
ف ڤيله حسام المحمدي ..
ورد بعصبية:يعني اي ياحسام تطلع ماموريه علشان صحابك مش عنده التزاماته ف بيته مانت كمان مسؤل وعندك بيت وانا لسه والده مبقليش اسبوع وبكره فرح زين اخو تاج يعني لازم تكون موجود
حسام: ياحبيبتي ده صحبي ووقف معايا كتير لازم مينفعش لما يطلب مني حاجه أقوله لا ..وبعدين فرح زين لسه هيكون بليل يعني هكون جيت وارتحت شويه وبليل نروح .
باسها حسام وراح ع السرير علشان ينام وورد وقفه مكانها بتكلم نفسها:ده بلفني بكلمتين وبوسه وأنا سكت عادي ؟!!!
__________
عند زين كان قاعد ف اوضته بيكلم ماسه ڤيديو .
زين:ماهو بصي بقا أنا خلاص حجزت التذاكر هنطلع من الاوتيل ع المطار نقضي شهر العسل بتاعنا وبعد شهر ننزل شغلنا وكل سنه هننزل مصر نقعد اجازه شهرين ونرجع تاني .
ماسه:بس كده يازين حياتنا كلها هتكون برا !!
زين:ودي افضل حاجه
ماسه:كده هنبعد عن الكل اوي
زين:ياماسه أنا متعود ع العيشه هناك وبكون مرتاح هناك وهرتاح اكتر لما هتكوني معايا وغير كل ده ان الفرع التاني من الشركه مش هقدر اسيب حد غريب مسئول عنه كل ده وانا قاعد وليكي عليا اليوم اللي تقولي ف عايزه أنزل مصر أنا بنفسي هنزل معاكي ها بقا قولتي اي
ماسه:لازم أوافق طالما هكون مع جوزي اكيد ورجلي ع رجله ف اي مكان
زين:بحبك لما بتغلبيني كده وبعدين توافقي ع الحاجه طب ماكان من الاول يابنت الناس
ماسه:اللاه مش بتناقش معاك الاول
زين:قدامنا العمر كله نتاقش ف بس لازم دلوقتي اروح الاوتيل اشوف الدنيا وصلت لا اي واظبط مع بابا الصفقات اللي تمت ف الشركه ف وجودي وانتي كمان بنات العيله جايين عندك كمان ساعه يعني يدوب تلحقي تخلصوا شغل البنات بتاعكوا ده .
ماسه:ماشي ياحبيبي.
زين وهو بيقفل بسرعه:بحبك باي ....
_________
ف قصر السيوفي تاج جهزت هي وتيام ونزلت تحت تستنا سيا وجميله علشان يروحوا لماسه.
دخلت عشق وهي بتشرب سجاير وبتكلم ف الفون ..
تاج بضيق:أطفي لو سمحت القرف ده انا حامل وده غلط الجنين
عشق بسخريه:هو مفيش حد غيرك هيخلف ولا اي اها سوري اصل انتي بالذات حملك ضعيف وممكن ينزل ف اي وقت
تاج بتجاهل لكلامها:أطفي الزفته دي وتتكلمي معايا بحترام .
قعدت عشق ع الكرسي وحطت رجل ع رجل وهي بتتفخ هوا السجاير بااستفزاز ف تاج
تاج:مش معني اني بسكتلك كتير ابقي بسكت غصب عني أو ضعف مني أنا أقدر امسح بيكي القصر ده كله واخليكي خدامه هنا بس برجع أشفق عليكي لانك انسانه مغيبه عايشه كل حاجه حرام نهايتك دي هتكون بشعه ع كل اللي بتعملي ده .
عشق :اممم وانتي بقا اللي هتعلميني الصح بقا؟ ده انا اسمع انك قبل ماتجوزيي فهد السيوفي كنتي شغاله ف الكباريهات .
عششششششق ..
دخل فهد من باب القصر وهو بينادي ع اسمها بكل غضب وقف قدامها وتاج ورا .
فهد:لسانك ده لو طول تاني ع تاج هانم ملكه القصر ده وست البيت هقطعهولك انتي فاهمه ...قرب فهد عليها اكتر وسحب من ايديها السجاره.
فهد ببرود:آسف ع اللي هعمله بس مراتي حامل وده غلط ع ابني اللي ف بطنها ..
فهد نزل السجاره ورفعها تاني وحطها ع دراع عشق وهو بيبصلها بغل ،وهي بتصرخ زقت ايده من عليها بصعوبه وجريت ع الحمام ..
جميله وهي نازله من ع السلم وسيا وراها :الله عليييييك ياابو نسب ياجامدا والله يابشا كنت نازله اعلم عليها ولما لقيتك جيت قبلي سبتلك الطلعه دي .
بصلها فهد وهو مبتسم ورجع بص لتاج وهو بيتكلم بصوت مليان حنيه وبيبوس راسها:اوعي تحطي كلامها ف دماغك ولو فكرت تضيقك تاني باايدك الرقيقة دي وانزلي ع وشها بالقلم واتاكدي اني ف ضهرك ديما .
سابها واقفه مكانها وطلع فوق ..تاج كانت واقفه فرحانه أنه لأول مره يكون فرحان أنها حامل .
جميله:بت اوعي تكوني بتفكري ف كلام الصفره دي
سيا:ولو حتي بتفكر كلام فهد الرومانسي ده ينسيها
تاج:سمعته قالها اي ؟!!قالها اني حامل ف ابنه!!!
جميله بسخرية:يختي امال حضرتك حامل من ابو الهول ماهو منه والكل عارف هو شقطك ؟!!
تاج :مش قصدي بس فهد من يوم ماحملت وهو كل مابجيب اي كلام عن البيبي بيضايق
سيا:امشي ياتاج ياحبيبتي زمان ورد مستنينا يلا وبعد كده اسرحي براحتك .
خرجوا كلهم وركبوا مع بعض عربيه واحده وعربيه الحراس وراهم عدوا خدو ورد معاهم وراحوا لماسه ..
عشق وهي بتغسل ايديها تحت المياه وبتبص ف المرايا :كل اللي غلط ف حقي هيتحاسب كلكواا هتتحاسبوا ..
خرجت من الحمام شافت فاروق بيحضر شنطته بصتله بستغراب .
عشق:خير كده هتنسحب من هنا ؟
فاروق:لا مضطر اسافر لمده 8شهور ف حاجات متعطله ف الشركات عندي وشغل كتير
عشق:شغل ولا بتهرب؟
فاروق:وههرب من اي !!
عشق:من رفض جميله ليك مثلا لما عرضت عليها الجواز
فاروق:انتي بتتجسسي عليااااا
عشق بخبث:مش موضوعنا دلوقتي بس لازم نقوق علشان نعرف ناخد الأملاك دي كلها وترجع ورث أبوك اللي كلوا عليك
فاروق وهو بينزل شنطته من ع السرير وبيتكلم بضيق:كل حاجه هتحصل بس ف وقتها لازم الاول اظبط شغلي هناك علشان اعرف افوق هنا.
سابها ومشي ورجعلها تاني وهو بيتكلم بتحذير:اوعي تتصرفي اي تصرف تضيعي كل اللي عملنا وخلي بالك رجالتي ف كل مكان حواليكي واي حركه هتحصل هتوصلي مفهوم ياعشق .
عشق :مفهوم بس حاول تخلص بسرعه لاني مش هتحمل العيله دي كتير
سابها فاروق ومشي علشان معاد طيارته وهو خارج من القصر كان بيبص حواليا يمكن يشوف جميله قبل مايسافر ركب عربيته وأمر السواق يتحرك ..
________
ف بيت ماسه .
البنات اتجمعوا مع بعض ومعاهم بنتين متخصصين في التجميل .
تاج :عايزه ماسه تكون زي القمر بكره هي من غير حاجة قمر بس برضو عايزها تزيد جمال
ماسه :تسلميلي ياأم تيام.
جميله:طب احنا هنا معانا واحده لسه والده وواحده حامل دول يقعدوا ع جمب بقا علشان الحركه الكتير غلط عليهم
تاج:المهم بس بعد ماتخلصوا عايزه اغير لون شعري تغيير علشان زهقت .
ورد: لا طبعا مينفعش الحامل تصبغ شعرها
تاج بستغراب:اي ده لي يعني اي علاقته باالحمل؟!!!!
ورد بضحك:والله مااعرف بس ديما يقوله كده حتي ف حملي امي حذرتني مقربش لشعري .
سيا:أنا فعلا لما جيت اعمل شعري وانا حامل ماما رفضت
تاج:اينعم أنا مش فاهمه اي السبب بس نسمع كلام الكبار .
ضحكوا البنات وبدوا يساعدوا ماسه ف تجهيز نفسها للفرح بكره.
حسام خلص مهمته بنجاح وخالد قابله ف القسم شكره وبعدين روح ع بيته ..
تاني يوم الصبح الكل كان مستعد لفرح زين وفهد مكنش مفارق تاج كان مهتم باكلها ومعاد الادويه بتاعتها حتي وهما ف الفرح رفض أنها تقف كتير وأصر عليها تقعد مكنش خايف ع الجنين قد ماهو كان خايف عليها .
خلص الفرح ووقف كلهم قدام الاوتيل .
زين كان حاضن تاج وجميله بيودعهم وماسه بتسلم ع سيا وورد .
فهد:والله كان نفسي اوصلك بنفسي المطار يازين بس لازم اوصل تاج القصر علشان ترتاح الحمل وكده اعذرني .
زين وهو بيحضنه:من غير ماتقول ياصحبي أنا كنت هقولك من نفسي وبعدين معايا حسام وسليم وبابا وماما جايين خلي بالك انت بس ع تاج .
فهد:متخفش عليها ركز انت بس مع مراتك ولو احتجت اي حاجه كلمني
زين حضنها اكتر وركب عربيته جمب ماسه وحسام وسليم قدام .
زين كان باصص ع تاج اويي لدرجه انه نزل سلم عليها تاني وهو بيحضنها:قبل ولدتك هكون موجود أنا وماسه اول ماتحددي اليوم تقوليلي قبلها علشان اعرف انزل
تاج:حاضر خلي بالك من نفسك ومن ماسه تحطها ف عينك
زين خرج من حضنها وهو بيمسح دموعه:دي ف قلبي ...هتوحشني اويي ياتاج
حسام وهو بيضرب كلاكس :اخلص يابني وراك معاد طياره وعندك عروسه هتخلل هنا
ركب زين وهو لسه عيونه ع تاج :لا الله الا الله
تاج:محمد رسول الله .
أتحركت عربيه زين ووراها عربيه مصطفي ومع جميله وسيا وورد
وفهد خد تاج وسماح ورواحوا
ايام كانت بتعدي بسرعه ع الكل وكل واحد ف دنيا خاصه بي تاج يوم تكون كويسه وعشره لا وأوقات تخبي وجعها عن فهد بس هو كان ديما حاسس بيها وف كل معاد عند الدكتوره كان بيروح معاها وسماح اوقات كانت بتكلمها بمحبه ولما تشوف تيام تفتكر أن تاج عصت أمرها ف تبعد عنها
جميله كانت ديما بتفكر في فاروق نزلت الشركه مع ابوها علشان تشغل تفكيرها عنه ديما مشغوله مع تاج لما بينزلوا يجبوا حاجات البيبي .
سيا وسليم كالعاده مقضين اغلب وقتهم بيحبه ف بعض
ورد وحسام خانقتهم طول الفتره دي بسبب أن فريده بتحب الرسم وحسام مشجعها ع كده واهملت ف دراستها.
فاورق رغم المسافه اللي بينه وبين جميله بس كان متابع كل تحركاتها .
عشق بعدت عن كل اللي ف القصر بعد مااتاكدت أن فاروق متابعها ع طول كانت بتسهر ف البار اللي متعوده تسهر ف وترجع وش الصبح .
عدت شهور مستقره ع الكل وتاج رفضت تعرف نوع الجنين لأنها مكنش فارق معاها ولد او بنت كانت بتفرح كل مابتحس بحركته ...وفهد كان بيضايق كل مايلاحظ بطنها وهي بتكبر ومعاد الولاده يقرب ..
وبعد مرور7شهور ..
تاج كانت نايمه بليل وفهد واخدها ف حضنه ونايم ..فجاه حست بتعب وحاجه قويه بتخبط ف بطنها حاولت تتحمل بس مقدرتش وباقوي صوت عندها كانت بتصرخ صوتها هز القصر .
صحي فهد بفزع :ف لييي مالك ياتاج واي المياه دي ؟!!!
تاج بعياط وصويت:مش قادره يافهد وجع مختلف عن كل مره مش قااااادره اااااااااه
سماح وسيا صيحوا ع صوت تاج وهما بيجروا ورا بعض اتجه الجناح وسليم وقف برا احترام لخصوصيات تاج
سيا :مالها تاج ف اي
سماح:دي شكلها بتولد !!استرها يارب
فهد وهو بيشيل تاج علشان يوديها المستشفى:لسه بدري ع معاد ولادتها دي لسه بدأ ف التامن من يومين .
خرج فهد بسرعه من الجناح وهو شايل تاج وصوت صرخها بيهز القصر كلها شغل سليم العربيه وطلع بسرعه ع المستشفى وفهد مع تاج ورا بيحاول يهدي فيها .
سيا كلمت جميله والكل كان بيسابق الريح وهما قلقانين علشان يوصلوا المستشفى..
فهد حط تاج ع الترولي والدكتوره نور خدتها ع اوضه الكشف وفهد معاها وماسك أيدها
نور:للاسف مضطره اولدها تاني الحمل كده هيكون خطر عليها وع الأولاد مدام تاج حامل ف 3
فهد مهمتمش لكلامها وتاج ابتسمت من بين دموعها وهي بتحمد ربنا
فهد بنبره مكتومه عياط:اللي تشوفي صح يا دكتوره اعملي المهم صحه تاج عندي هي وبس
الدكتورة راحت علشان تجهز العمليات واستدعت رئيس الأطباء لان تاج حالتها صعبه
ف الاوضه عند تاج وفهد.
تاج بتعب :هقوم وهنربيهم تيام والتلاته سوا طول مانت جمبي هقاوم علشانك يا فهد
فهد دموعه نزلت وعيط بصوت عالي وهو بيحضنها: متسبنيش ياتاج متكسريش ضهري انتي السند ليا مليش غيرك لازم تقومي بالسلامه علشاني وعلشان تيام وعلشان ولادنا لازم نربيهم سوا
تاج:قولي هنسميهم اي
فهد :مش عارف بس الدكتوره قالت إنهم ولدين وبنت شوفي انتي بقا اللي هتختاري
تاج:لا هنختار مع بعض
فهد:وعد اول ماتخرجي من باسلامه هنختارهم مع بعض
تاج: عندي الاسماء من وانا صغيره كنت بحلم أسميهم
فهد حضنها لي اكتر وهي همست بحب لي ف ودنه بأسماء الاطفال
دخلوا الكل بلهفه وهما بيحضنوا تاج بخوف عليها .
سماح بحب:هستناكي تقومي بالسلامه علشان نكمل خناقنا أنا مش هتصالح بسهوله
تاج بابتسامة:عمري مازعلت منك انتي امي التانيه
صفاء :شدي حيلك الكل بيحبك يافيروز دعيلك يابنتي تقوملنا باالسلامه انتي وولادك
سيا ورد قربوا من تاج وهما بيحضنوهاا :مستنينك بولادك
ورد:محدش هينور القصر والدنيا كلها غيرك انتي وولادك ها
حسام : ربنا يقومك بالسلامه ياتاج رغم اني زعلان مش كنتي جبتي الكل البنات ياستي
ضحكت تاج : الحمدلله رزق من عند ربنا
سليم:بصي انتي كده كده هتقومي بالسلامه علشان خاطر الواد فهد ابني بيحبك اوي
تاج: ربنا يخلي ليك انت وسيا .
تاج لمحت جميله واقفه ف اخر الاوضه وهي وعيونه حمرا من العياط
تاج بتعب:مش هتسلمي عليا ياجميله ولا اي
جميله جريت عليها وهي بتحضنها وبتعيط ومابين كلامها صوت شهقه:لا مش هودعك زيهم ياتاج انتي هتقومي وهفرح بالكتاكيت ولادك وهربيهم معاكي هنعمل كل حاجه سوا ياتاج احنا بعدنا زمان بس مش هنبعد دلوقتي صح صح ياتاج
تاج وهي بتعيط:صح مش هسيبك ..
دخلت الدكتوره نور وهي متاثره بكلامهم :جاهزه يامدام تاج ؟
تاج وهي ف حضن جميله:خلي بالك من ولادي لحد ماافوق من البنج اوعي تسبيهم يعيطوا وبالذات البنوته .
خرجت من حضنها :اها جاهزه نتوكل ع الله ..
خرجت تاج من الأوضه وهي نايمه ع السرير وجميله ماسكه ايديها واليد التانيه ماسكها فهد ..لحد ما صلوا قدام غرفه العمليات .
جميله سابت ايد تاج اكانها بتسيب روحها ..وفهد مال عليها وبس راسها ودموعه بتنزل ع وشها وهمس جانب ودانها:مستنيكي .بحبك ياتاج عمري ....
دخلت تاج غرفه العمليات والباب اتقفل والكل ع أعصابه ....
- تابع الفصل التالي عبر الرابط: (رواية تاج الفهد الجزء الثاني) اضغط على أسم الرواية