رواية تاج الفهد الجزء الثاني 2 البارت السابع عشر 17 بقلم مريم مصطفى
رواية تاج الفهد الجزء الثاني 2 الفصل السابع عشر 17
تاج بصت للكل بنظره سريعه وبعدين بصت لفهد واتكلمت وهي باصه ف عيونه بثبات:أنا حامل ...
اتنفض فهد من ع كرسي السفره وقرب منها:عيدي كده اللي قولتي تاني؟
الكل قام وقف من التوتر وماسه واقفه مش فاهمه ف اي علشان الكل يزعل كده ..
تاج بنفس الثبات:أنا حامل
فهد بهدوء:تمام والحمل ده هينزل والنهارده مش هعرض حياتك للخطر اكتر من كده
تاج بصدمه:هتقتل ابنك !!!!
فهد بعصبية وصوت عالي :واقتل نفسي شخصيا لو اذيتك من غير ما اقصد
مصطفي:أهدوا دلوقتي وبعدين نشوف حل .
فهد:لا دلوقتي ولا بعدين الطفل ده هينزل حتي لو غصب عنك .
فهد مسك تاج من ايده وبيحاول ياخده ويطلع من القصر وهي بتقاومه
تاج:سبني يااافهد ابعد عنيييييي
الكل كان بيجري وراهم ف حاله من الصدمة والخوف ع تاج من فهد وهو متعصب .
فهد:امشي معايا ياتاج علشان مستخدمش اسلوب مش هيعجبك
تاج بعصبية:مش هروح معاك ف حته انت هتموت ابني انت مينفعش تكون اب انت اناني
فهد:أنا اللي اناني ولا انتي اللي عارفه اني مقدرش اعيش من غيرك ومع ذالك خلتيني اخر أولوياتك واختارتي تكوني ام علشان تحرقي قلبي عليكي ..لا ياتاج مش هسمحلك تعمليي فيا كده .
فهد اتحكم ف ايديها اوي وهو بيجرها وراها وهي بتحاول تبعد ايده عنها ..وهو بيجرها اتجه الترابيزه لامحت سكينه الفاكهه ع طبق الفاكهه الكبير ..فضلت تقاوم علشان تعرف تشدها من عليه لحد مامسكتها وف لحظه ضربته بيها ف دراعه ..
سماح بصوت عالييي:ابنيييييي
ورا السلم عشق كانت واقفه متابعه كل الي حصل وهي فرحانه أن فهد مش هيخلي الحمل يكمل علشان ميورثش حاجه.
الكل اتصدم من الي تاج عملته .. فهد بص لدم اللي نازل من دراعه وبصلها ..
فهد بحزن عميق:وصلت انك تحاولي تموتيني علشان علشان خاطر طفل لسه عارفه من ساعه بس انك حامل ف اي قدرتي ترفعي السكينه عليا ياتاج!!!!
تاج وهي بتعيط بحرقه كبيره:الا ابني يافهد مش هرحم اي حد يقربله حتي لو كنت انت ..كملت بعصبيه وصوت عالي وهي بتكلم بهستريا:أنا هخلف الطفل وهعيش وهربي بنفسي وهتشوفه كلكوا وهو بيكبر قدام عينكوا وانا كمان معاه مش هيحصلي حاجه بس وقتها هفضل فكره أن الكل كره ابني قبل ما يجي ع الدنيا ..كملت بهمس ودوخة:انتوا بتكرهوا انتو مش عايزني أخلف علشان تفضلوا تعايروني اني مبخلفش هاخد ابني ونمشي من هنا هربي لوحدي .
الكل كان واقف بيبصلها بحزن ونظرات شفقه وفهد واقف مش قادر يستوعب أن الخلفه تخليها توصل لكده ..
قطع صدمتهم تاج وهي بتقع ع الارض ..
فهد قرب عليها بسرعه حاول يشيلها بس بس تألم من أثر السكينه وان لسه الحادثه جروحها ملمتش ...
زين:انت لسه صحتك مش كويسه هاتها أنا هشيلها احطها ف العربيه
فهد برفض:لا محدش هيقربلها غيري أنا موجود علشان ان اللي شالها ف كل وقت .
فهد شالها وهو بيتنهد بتعب حطها ف العربيه وحسام وسليم أصروا يكونوا معاه لانه مش هيقدر يسوق والباقي استنا ف القصر وجميله راحت معاهم
حسام كان ماشي بعربيته ومعاه زين ورا عربيه سليم وفهد لحد ما وصلوا لعياده الدكتوره بتاعت تاج ..
فهد حطها ع السرير وقال لدكتوره اللي حصل .
نور(الدكتوره):لو سمحت ياااستاذ فهد لو تستنا بره علشان اعرف اكشف عليها
فهد:لا أنا هستنا معاها
نور بصت لجميله بمعني اتصرفي.
جميله: معلش يا فهد علشان خاطر تاج والدكتوره تعرف تشوف شغلها.
فهد بص ع تاج ونفخ بضيق وطلع هو وجميله بره .
سليم:هي هتبقا كويسه بس الاول لازم نشوف جرحك ده
فهد بص لمكان الجرح وبص لسليم:الجرح اللي جوايا من تاج اصعب من ده أضعاف
حسام :انت نويت ع اي هتنزل الجنين ده؟
فهد افتكر حالتها لما عرفت أنه عايز تخلص من الجنين رفع عينه لحسام :لا هي متعلقه بي واديك شوفت اللي حصل ف القصر من شويه
جميله:يعني هنسبها تروح للموت برجليها؟
فهد غمض عينيه من صعوبه الكلمه:هعمل اي ؟!مفيش ف ايدي حاجه اعملها تاج لو فاقت وعرفت أننا نزلنا الجنين أنا متأكد انها هتدخل ف انهيار ومش بعيد تموت نفسها يعني قفلتها عليا من كل مكان .
خرجت الممرضه وهي بتنادي ع فهد أنه يدخل لدكتوره هو وجميله والباقي وقف بره.
نور:ازاي يحصل حمل وأنا قايله لحضرتك أن ف خطوره ع حياتها
فهد اتكلم بصوت مبحوح:هو الاغماء الي حصل ده سببه اي.
نور:ده بسبب الانفعال مع أعراض الحمل هي حاليا كويسه بس لازم تاخدوا بالكم منها ف الشهور الجايه لحد معاد الوالده.
جميله بخوف:هو ممكن يحصلها حاجه فعلا
نور:للاسف حاله مدام تاج حرجه احنا هنعمل اللي علينا الباقي ع ربنا وهكتبلها ع شويه ادويه وكل اسبوع لازم اتابع حالتها واهم حاجه أنها تتغذا كويس..نور بصت لفهد بأسف:أنا اسفه يا استاذ فهد اني بقسي ف الكلام لدرجه دي بس من واجبي اني اشرحلك الحاله بتاعتها.
فهد مكنش سامع الدكتوره كان حاسس أنه عقله مغيب حزين وهو مش عارف يعمل اي حاجه لمراته ..فاق ع صوت تاج وهي بتصوت ..
تاج:موته ابني خدوا منيييي
فهد:اهدي محدش قربلك ومحدش هياخدوا منك
تاج:انت كداب انت جبتني هنا علشان تموته.
نور وهي بتهديها:اهدي يامدام تاج البيبي بخير وبصحه كويسه استاذ فهد جابك هنا علشان اطمن عليكي وع الجنين وكمان علشان أقوله ع الادويه اللي المفروض تتابعيها خلال الشهور الجايه
تاج ابتسمت اوي:بجد انت هتخلي معايا مش هتاخده مني؟!
فهد حط ايده مابين وشها واتكلم بحنان وعيونه بتلمع من الدموع:لا ياحبيبي محدش هياخد منك وكمان هنجهزله أوضته من دلوقتي.
تاج بصت لدكتوره بفرحه:طب هو ولد ولا بنت ؟
نور:مش بنعرف نوع الجنين ف الاول كده لسه شويه كمان ع اخر الشهر الرابع كده
تاج:اها صح بس مش مهم ولد او بنت صح يافهد
جميله كانت سانده ع مكتب الدكتوره وبتعيط ع حاله اختها طلعت نور من عند تاج وفهد وبصلتها .
نور :حالتها صعبه اوي متعلقه بالخلفه بدرجه كبيره .
جميله:ارجوكي يا دكتوره تعملي كل اللي تقدري علي علشان تحافظي عليها وع الطفل .
نور:مش عايزكي تخافي أنا هعمل كل اللي اقدر عليه والباقي ع ربنا .
جوا عند تاج وفهد..
تاج:أنا اسفه مكنش قصدي اعمل كده بس انت كنت عايز تاخدوا مني .
فهد:عارف ياتاج ومش زعلان المهم انك تكوني مبسوطه
تاج حطت ايديها ع بطنها:مبسوطه اوي ياافهد .
فهد:طب يلا علشان نرجع القصر علشان ترتاحي
تاج:اها لازم ارتاح علشان النونه ولازم امشي براحه كمان واكل كويس كل حاجه هتبقا بحذر لحد مااولد واحده ف حضني
فهد مسح الدموع اللي نزلت من عينه بسرعه وسند تاج وخرج من العياده وورا الباقي .
_____________
ف قصر السيوفي الكل كان قاعد ف حاله توتر ماسه كانت قاعده ف ركن لوحدها ومحروجه من الكل لأنها اول زياره ليها بعد كتب الكتاب ..قربت سيا منها وهي ع وشها ابتسامه باهته: قاعدة لوحدك لي كده؟
ماسه:اول زياره وحاسة أن وشي وحش عليكوا.
سيا:وشك وحش ازاي بقا ؟!!ده لو تاج لاحظت انك موجوده هنا ف نفس الوقت اللي عرفت ف أنها حامل هتتفأل ف بوجودك اوي .
ماسه :ولما هو خبر كويس لي فهد أصر أنها تنزل البيبي
سيا:انتي مش غريبه اكيد وواحده من العيله علشان كده هحكيلك .
ماسه ابتسمت ابتسامه بسيطه وحست أنها مرتاحه أن وجودها مرغوب في ...
عشق كانت قاعده ف أوضتها بتفكر وبتكلم نفسها :طب لو هي أصرت أن الجنين يفضل موجود كده بتأكيد هيكون ف وريث للثروه دي كلها ..ولو ولد هيقش كل حاجه كمان ..لا مهما حصل لازم الزفته تاج تسقطت حتي لو ع ايدي أنا.
____________
دخلوا القصر وصفاء جريت ع تاج بلهفه :انتي كويسه
تاج بسعاده: متقلقيش يماما أنا بخير بس عايزه اطلع ارتاح علشان البيبي ..بصت لسليم: معلش ياسليم اكلم الدكتور يجي يشوف جرح فهد
فهد:ملوش داعي حاجه بسيطه
تاج بااصرار :لا الدكتور هيجي علشان اطمن عليك.
فهد:طب اطلعي ارتاحي لحد ماالدكتور يجي
تاج: حاضر..بس هو تيام فين
سيا:معايا أنا وماسه ارتاحي انتي وهو معانا
تاج:تسلمي ياسيا بس انا محتاجه اخده معايا فوق مبعرفش اقعد من غيره.
ماسه قربت تيام ليها بابتسامة:اتفضلي زي القمر مشاء الله
تاج:شكرا ياماسه يامرات اخويا
سيا خدت تاج ع أوضتها علشان ترتاح والكل بص لفهد بترقب..
مصطفي: هنعمل اي هنسيبها كده لحد ما تروح مننا
فهد:تاج مش عايزه تنزل الجنين وزي ما حضرتك شايف متعلقه بي لدرجه ان الفرحه مخليها مغيبه عن الواقع !!
سماح:طب نسافرها بره أو نجبلها دكاتره نساء معروفين من امريكا يتبعوا حالتها
فهد :كل ده انا عملته من اول يوم عرفت ف حالتها وبعت كل التحاليل لدكاتره ف انجلترا وكلهم قالوا نفس اللي الدكاتره ف مصر قالوا
صفاء:طب واي الحل ؟!!!
فهد:الحل أننا نسبها ع ربنا وناخد حذرنا وندعيلها.
فهد مستناش أن حد يرد ع كلامه وطلع فوق هو مش قادر يتكلم مع حد ف الموضوع ده اكتر من كده .
عشق سمعت كل كلام فهد وابتسامه بخبث وهي بتهمس لنفسها:يبقي هتسقطي ع ايدي أنا ياتاج هانم .
_________
فوق عند تاج كانت قاعده ع السرير وهي مبسوطه وماسكه ايد تيام وبتكلم معاه :هيكون عندك اخ او اخت كمان كام شهر يروحي .
بصت لسيا:تصدقي تيام هيكون اكبر من البيبي بسنه حلو علشان يكون بينهم تفاهم وقريبين من بعض ف التفكير
سيا بتردد:تاج انتي عارفه أن الحمل ده هياثر ع حياتك ف بلاش منه...
تاج بمقاطعها:كلكوا خلاص بقيتوا واثقين اني هموت وأنا بولد طب بكره تشوفي أن أنا بنفسي اللي هوصله لاول يوم جامعته بنفسي .
سيا:ربنا يطول ف عمرك وتفرحي بي ياحبيبتي..بس انا قصدي ...
قطع الكلام دخول فهد الجناح:ريحي نفسك ياسيا الكلام معاها مبقاش منه فايده .
سيا هزت دماغها بقله حيله وسابتهم ونزلت تحت ..
تاج:انت لي مصمم ع رفضك للطفل المفروض تفرح انك هتكون اب
فهد بسخرية:يافرحتي بي وانتي بتروحي مني
تاج:يافهد...
فهد بضيق:لو سمحت ياتاج انتي نفذتي اللي عايزها ملوش داعي نتكلم بقا
تاج:طب أنت رايح فين ؟!
فهد:خارج الف بالعربيه شويه
تاج:طب ودراعك؟
فهد:هبقا اعدي ع اي صيدليه ..متخفيش الاصابه مش كبيره
سابها ومشي وهي قعدت مكانها بحزن من رد فعل فهد ...
فهد نزل تحت كان الكل مشي ماعدا جميله أصرت أنها تكون موجوده علشان تاج .
جميله وعيونه حمرا من العياط:أنا اسفه يافهد بس حابه اقعد هنا علشان اكون جمبها
فهد:انتي بتقولي اي ياجميله ده بيتك تنوري ف اي وقت ...وبعدين اي لازمه العياط دلوقتي ؟
جميله زادت ف العياط اكتر:خايفه عليها اوي يا فهد مش بعد كل السنين اللي فقدتها فيها دي وبعد مالاقيتها تبعد عني للابد خايفه اوييييي
فهد:سيبها ع الله أن شاءالله هتكون بخير أختك ياما شافت صعوبات في حياتها كتير وكانت بتعدي منها للاحسن
جميله:اتمني من ربنا يقومها بسلامه
فهد :يارب ..أنا خارج شويه تحبي اجبلك حاجه وانا راجع
جميله:لا متشكره يافهد ..
فهد مشي وجميله قعدت ع الكرسي بتحاول تمنع عياط قبل ما تطلع لتاج.
دخل فاروق وهو ماسك چاكت البدله بتاعه ع ايده اتفزع لما لاقي جميله بتعيط قرب عليها بسرعه وهو بيقعد تحت رجليها ..
فاروق:انتي كويسه بتعيطي لي كده؟
جميله بصتله بذهول من نبره صوته اللي مليانه خوف رفعت وشها لي وسرحت ف لون عيونها العسلي ورموشه الكثيفة قطع نظراتها صوت فاروق ..
فاروق:حد ضيقك أو عملك حاجه بتعيطي كده لي !!!!
جميله فاقت لنفسها بسرعه وبتستعيد شجاعتها وصوت دقات قلبها العالي :انت ازاي تقرب من بالمنظر ده
فاروق تراجع عنها وقام وقف:أنا آسف بس شوفتك بتعيطي حسيت أن ف حاجه أوحد ضيقك كنت بطمن مش اكتر
جميله:وتطمن عليا باانهي صله انت مش ملاحظ أن وجودك ف العيله كلها مش مرغوب ف وكملت كلامها بتحذير:اوعي ف يوم تحاول تقرب مني مهما كان فاهمني يافاروق باشا ...
زقته م وشها وطلعت ع فوق ..جت عشق من روا وهي بتاكل تفاحه بستمتاع:تؤتؤ نفضتلك ؟!
فاروق لف ورا بعصبية:مش هصبر عليكي كتير اوعي تنسي نفسك وافتكري كويس انتي بتكلمي مين .
دخل أوضته وهو مضايق من كلام جميله لي وعشق قاعده ع الكنبه وهي بتفرد جسمها عليها وبتاكل ف التفاحه وبتكلم نفسها:مش وقت اتخانق مع فاروق اخلص الاول من اللي ف بطن تاج وبعدين نتحاسب .
______________
فهد ركن عربيته ع جمب ونزل يتمشا ع النيل كان سرحان ف حمل تاج مش عارف يفكر
اتنفس بصوت عالي وهو بيتكلم بحزن:ف الوقت اللي الواحد المفروض هيكون اب ف بيكون فرحان والدنيا كبيره حواليه اشمعنا أنا اكون مضايق وتعبان كده!فهد عيط وهو باصص لسما:يارب انت اللي عارف قد اي أنا بحبها ومقدرش اتحمل أن يحصلها حاجه تبعدها عني .
فهد فضل واقف مكانه وهو باصص لسما وبيعيط ناسي كل الناس حواليه مش شايف غير وش تاج وبس.
_________
ف القصر
سيا كانت قاعده ف اوضتها بتاكل فهد .
فهد : كده ماما تاج هتجيب بيبي نلعب بي يامامي
سيا :اها ياحبيبي
فيروز:كده أنا وفهد هنكون الأكبر من البيبي وهنضربه ونخلي يسمع كلامنا
سيا بضحك:لا ده هيكون اخوكوا أواختكوا يعني مينفعش ياروز ياحبيبتي تضربي لا انتو هتكونوا اخواته وأصحابه الكبار ..
سليم وهو بينط من الشباك علشان يدخل الاوضه :لا ياحبيبي ابن فهد علم عليه براحتك
شهقت سيا :انت اي اللي مدخلك من الشباك كده خضتني؟!!!
سليم بغمز:وحشني ايام الشباك ده قولت نسترجع الذكريات
سيا:سليم فيروز وفهد هنا احترم نفسك
فهد:بابي ينفع تعلمني اطلع ع الشباك زيك
سليم :لما تكبر شويه ياحبيبي
فهد بتذمر:أنا كبرت ع فكره وبقا عندي 7سنين وخالوا فهد بيقولي اني راجل ولازم اتعلم كل حاجه.
سليم بسخرية:وقالك اي كمان فهد باشا
سيا:خد بالك من كلامك علشان فهد مبيحبش حد يتكلم وحش ع خالوا
سليم:والله اوقات بحس أن فهد ابنه مش ابني أنا ده انا ابوه مش واخد مني صفات كتير شبه فهد ف كل حاجه
سيا:لا يروحي واخد منك اكتر صفه حولت اغيرها فيك الهمجيه ياحبيبي
سليم:أنا همج ياسيا؟!!!
سيا وهي بتهز راسها:اها .
سليم:طب يافهد ياحبيبي خد أختك وانزل العب ف الجنينه علشان عايز مامي ف حاجه كده
سيا بخوف:هنزل معاهم
سليم بخبث:لا انتي هتخليكي هنا علشان نشوف حوار اني همج ده
فهد وفيروز نزلوا وسيا بصت لسليم بخوف وهي بتبلع ريقها:اهدا كده دي زلت لسان والله انت كيوت ياحبيبي
سليم :كيوت!!!
سيا:اي وحشه ؟!
سليم بسخرية:كيوت اي هو انا حاطط قصه ع وشي !!
سليم طلع يجري وراها ف الاوضه وهي بتصوت .
_________
ف اوضه جميله كانت واقفه ف البلكونه اللي بتطل ع الجنينه الكبيره شافت فاروق وهو قاعد قدامه اوراق كتير وفاتح اللاب بتاعه وشغال عليه بتركيز سرحت في .
جميله اتنهدت بضيق:للاسف حبيتك مش عارفه اعمل اي او آخره الحب ده هيكون اي ؟
اتحركت ووقفت قدام المرايا وهي بتبص لنفسها بستحقار وبتكلم نفسها:حبيتي واحد متجوز ياجميله حتي لو واحده مش كويسه بس ف الاول والاخر راجل متجوز وفوق كل ده حبيتي وانتي عارفه كويس أنه شخص طماع وعايز ياخد كل حاجه من فهد اللي هو جوز أختك اللي مشوفتيش منه غير كل حب واحترام ليكي تحبي عدوه؟!!!
جميله بصوت عالي :لا لازم امنع نفسي لازم امنع حبي لي مهما حصل الحب ده هيكون آخره وجع قلب أنا لازم احط حدود اكتر من كده معاه .
___________
تاني يوم الصبح الكل كان لسه نايم سليم صحي ونزل يفطر وهو قاعد ف البراند لمح فاروق خارج ابتسم بخبث واتسحب براحه ع اوضه عشق وهو بيفتح الباب بهدوء علشان محدش يحس بحاجة.
قفل الباب ولف بص لعشق وهي نايمه ابتسم وقرب منها.....
_________
جميله نزلت وهي بتكلم ف الفون مع صحبتها :خلاص يا ريهام جايه ف الطريق مش عارفه انتي لي مصممه نفطر النهارده مع بعض يعني ..خلاص اوكي جايه يابنتي .
ركبت عربيته وراحت ع المطعم اللي ديما بيفطروا ف هي وصحبتها وصلت وكانت ف انتظرها برها .
ريهام:كل ده ياجميله انتي عارفه اني بحب أفطر معاكي قبل مااسافر
جميله:سوري بس الطريق كالعاده زحمه
ريهام :طب يلا ندخل
دخلوا وطلبوا الفطار بتاعهم دخل فاروق المطعم واتصدم لما شاف جميله شارولها بيده ..وهي بصتله بعدم اهتمام كملت اكلها بضيق من ضربات قلبها السريعه ..فاروق قعد ف التربيزه اللي قدامها وبقا وشه لوشها وهو مبتسم فاتح اللاب بتاعه وبيشرب قهوته ومركز مع جميله
ريهام باستغراب:انتي تعرفي الشخص ده؟
جميله بضيق:بتسالي لي؟
ريهام:مركز معاكي اوي من لما دخل !!
جميله :لا عادي ده ابن عم فهد جوز اختي
قطع كلامهم دخول فاروق بنفس ابتسامته وبص لريهام :لو تسمحيلي اتكلم مع جميله هانم كلمتين ع انفراد ؟
جميله:وانا مفيش بيني وبينك كلام يلا يا ريهام المكان بقا يخنق
فاروق :لو سمحت ياانسه جميله كلمتين بس مش هاخرك وعد
ريهام باحراج:أنا هستناكي بره ف العربيه ياجميله
فاروق قعد وجميله فضلت واقفه مكانها
فاروق:اقعدي لو سمحت
جميله:ياريت تقول عايز اي علشان امشي
فاروق:تمام براحتك ..لي ياجميله بتنكري مشاعرك من نحيتي؟
جميله اتفاجت من كلامه الصريح واتكلمت بارتباك:انت بتقول اي مشاعر اي اللي من نحيتك
فاروق:مشاعر انك بتحبيني
جميله بتوتر :انت اكيد اتجننت
شدت شنطتها من ع الترابيزه وجت تشمي بس فاروق مسك ايده وبصلها واتكلم بنبره حب:جميله تتجوزيني...
- تابع الفصل التالي عبر الرابط: (رواية تاج الفهد الجزء الثاني) اضغط على أسم الرواية