رواية احببت شخصا مجهولا الفصل الثامن عشر 18 بقلم فرح
رواية احببت شخصا مجهولا الفصل الثامن عشر 18
فريده خلصت امتحانات و اتفقو علي ميعاد الفرح بعد شهر
و في يوم فريده كانت نازله تشتري روايه كالعاده لقت ظرف مكتوب عليه الي فريده فتحت الظرف و اتصدمت لما لقت صور ل محمد و هو قاعد مع بنت في الكافيه و باين من الصور انه مبسوط و شاتات ل كلامهم
فريده اخدت الصور و دخلت اوضتها بسرعه و حطتهم قدامها و قعدت تعيط بحرقه مش مصدقه
جه الليل و محمد رن عليها كتير و هي مكنتش بترد و جالها البيت و مرضتش تطلع من اوضتها و لما اهلها يخبطو مكنتش بتفتح قعدت كده يومين
باباها خبط: فريده اطعي حالا عايزك
فريده: بابا لو سمحت مش عايزه اخرج
باباها بحزم: فريده قولت عايزك حالا
فريده بتنهيده: حاضر جايه
قامت غسلت وشها وطلعت
كلهم انصدمو من شكلها عنيها حمره و منفوخه و وشها باهت
باباها قام وقف قدامها: فريده مالك شكلك عامل كده ليه في اي
فريده بابتسامه حزن: مفيش حاجه يا بابا انا بس تعبانه شويه
باباها و اخوها بخوف: طيب البسي يلا نوديكي للدكتور
فريده بتنهيده: انا كويسه يا بابا شويه ارهاق
باباها: يا حبيبتي تعالي نروح للدكتور
فريده: انا كويسه كنت عايزه حضرتك في موضوع
باباها: قولي يا حبيبت قلبي
فريده: انا عايزه اطلق
كلهم بصدمه: اييي
فريده: عايزه اطلق يا بابا لو سمحت عرفه كده و خلي الموضوع يخلص في اقرب وقت
باباها: انا مش فاهم حاجه يعني ايه فهميني يا حبيبتي ايه غير رايك كده انتو كنتو مبسوطين
و ليه مكونتيش بترودي عليه وليه عايزه تطلقي
فريده: معلش يا بابا لو سمحت انا حابه احتفظ بالاسباب ل نفسي انا اسفه
سليم اخوها: حبيبتي طيب علي الاقل قولي اي حاجه
فريده: انا عايزه اطلق و بس لو سمحتو
باباها: حاضر يا فريده انا هكلمه
فريده: تمام عن اذنكم
دخلت فريده اوضتها و قعدت تعيط هو ازاي كان بيخدعها و هي حبته
باباها بحزن: انا مش عارف ولا فاهم حاجه
سليم: ولا انا يا بابا هما كانو مبسوطين ايه اللي حصل
باباها: والله منا عارف يابني انا هقوم اكلمه دلوقت مع انه من تصرفاته و جالها هنا بيدل انه ميعرفش حاجه
سليم: ماشي يا بابا روح كلمه
باباها رن علي محمد
محمد: السلام عليكم يا عمي
والد فريده: و عليكم السلام يابني كنت عايز اكلمك في موضوع
محمد باحترام: طبعا يا عمي اتفضل
والد فريده بحزن: انت و فريده متخانقين يابني او في اي حاجه حصلت بينكم
محمد: والله لا يا عمي انا معرفش ليه مش بترد عليا هو حصل حاجه
والد فريده: فريده عايزه تطلق يابني
محمد بصدمه: ايي تطلق
والدها: والله يابني ده اللي قالته
محمد: لو سمحت يا عمي هقفل و انا جاي في السكه
والدها: ماشي يابني تنور
وصل محمد بيت فريده و طلع فوق والدها فتح
محمد: لو سمحت يا عمي ممكن ادخلها
والدها: اتفضل يابني
محمد خبط و هي ردت بتحسبه باباها: اتفضل يا بابا
محمد دخل و هي اتنفضت من علي السرير
فريده بغضب: انت ازاي تدخل هنا
محمد بغضب مماثل: والله داخل ل مراتي اللي بقالي يومين مش عارف اوصلها لا و كمان طالبه الطلاق
فريده: انا هطلق و ياريت يكون الموضوع بسرعه
محمد: طيب فهميني انا عملت ايه
فريده: افهمك اه عايز تفهم حاضر
جابت الصور من تحت المخده و رمتهم ليه
فريده: شوف يلا انت عملت اي
محمد فتح الصور و اتصدم قرب منها و مسك ايديها و قال: فريده اقسم بالله الصور دي متفبركه والله العظيم صدقيني معرف مين دي حتي
فريده زق ـت ايده: متكذبش بقا لو سمحت طلقني من غير شوشره
محمد بغضب: طلاق مش هطلق و هثبتلك اني برئ
فريده بغضب: هتطلقي انا مش هتجوز واحد خاي*ن
محمد بهدوء: ممكن تلبسي يا فريده هنروح مشوار
فريده: مش هلبس ولا زفت
محمد: فريده قولت ادخلي البسي هطلع خمس دقايق و تكوني لابسه علشان ملبسكيش انا و سابها و طلع قعد مع والدها
محمد: معلش يا عمي هاخد فريده مشوار و راجعين
والدها: ماشي يابني
خلصتو طلعت
فريده: يلا اما نشوف اخرتها
محمد بصلها: عن اذنك يا عمي
نزلو تحت و راحو عند واحد صاحب محمد بيعرف الصور متفب*ركه ولا لا
اول ما دخلو محمد سلم عليه و قاله: وائل عايز اعرف الصور دي حقيقيه ولا لا
وائل: عنيا يا ابو الصحاب تعالي
دخلو معاه و وائل شاف الصور و قال بضحك: هو اي الشغل الرخي*ص ده دا اي عيل يعرف انها متفبركه
محمد: شكرا اوي ياسطا
وائل: العفو يا حبيب ابقي خلينا نشوفك
محمد: حاضر يلا سلام
طلعو و ركبو العربيه و محمد متكلمش معاها نص كلمه ولا هي كمان اتكلمت
وصلها تحت البيت
فريده: احم محمد
محمد: اشش انزلي و دور وشه الناحيه التانيه
فريده نزلت و هي فرحانه ان طلع برئ و زعلانه بسبب اللي حصل
طلعت فوق باباها قابلها و قال: في ايه يا فري روحتو فين
فريده بعياط و حضنته: انا غبيه يا بابا كنت هضيع جوزي مني
باباها بيحاول يواسيها و يطبطب عليها: في ايه بس حصل اي
فريده حكت ليه كل حاجه
باباها بزعل: انتي غلطانه يا فريده المفروض كنتي سألتيه الاول
فريده بحزن: عارفه يا بابا طيب اعمل ايه
باباها: امم تعالي اقولك تصلحيه ازاي
فريده:...
- تابع الفصل التالي عبر الرابط:"رواية احببت شخصا مجهولا"اضغط علي اسم الرواية