رواية انتقام ليل الفصل السادس عشر
رواية انتقام ليل الفصل السادس عشر
دخلت الممرضه براحه علشان تقولهم أن خلاص لازم لين تلبس لبس العمليات وتجهز
ليل: (بيتكلم ايطالى)تمام بس ممكن تدينى دقيقتين اصحيها
الممرضه: اكيد ، وخرجت وسابتم
ليل قرب من لين وبا*سها فى خد*ودها وعلى جبينها وفضل يل*مس على شعرها ووشها علشان تصحى
ليل : لين يلا يا حبيبى قوم
لين : اممممم وبتفتح عيونها بشويش
ليل ابتسم على شكلها البرئ ومسك ايديها با*سها وقال: يلا يا حبيبى علشان خلاص آن الأوان علشان ترجعى تانى تمشى على رجلك وتبقى احلى عروسه فى الكون
لين بقلق وخوف: هو هو انا هدخل العمليات دلوقتى
ليل با*س را*سها وقال: مش عايز اشوف نظرة الخوف دى انا حبيبتى شجاعه وقويه
لين هزت راسها بخوف
ليل: هنده للممرضه علشان تجهزى تمام
لين برضو من الخوف مش قادرة ترد
ليل نده الممرضه ودخلت للين بابتسامة وبدأت تساعدها ولبستها هدوم العمليات وقالت لليل
كده هى جاهزة ربع ساعة بالظبط وتدخل العمليات
خرجت الممرضه واتجه ليل للين
ليل مسك ايد لين وبدأ يهديها
متخافيش يا حبيبتى صدقيني هتحسى انك بتحلمى وهتفوقى وترجعيلى تانى كويسه وبخير
لين بتعيط وساكته
ليل: لين ارجوكى بلاش عياط
لين : انا خايفه ، خايفه يا ليل وحاسه أن ممكن يجرالى حاجه
ليل اخدها فى ح*ضنه وهداها خالص
ليل: اوعدك انك هتبقى بخير
لين : هتفضل جنبى
ليل: طول الوقت واوعدك اول ما هتفوقى هتلاقينى ادامك
لين : وعد
ليل بص فى عيونها اوى وبعدين قال
واثقه فيا
لين : أنا واثقة فيك لدرجة انى سلمتك قلبى وعمرى ، نسيت ابويا وبيتى وحياتى علشان انت جنبى ، حبيتك يا ليل
ليل بدهشه وخضة وهو هي*موت من السعادة: وانا هفديكى بروحى ، عمرك ما هتندمى ، انا حبيتك اكتر من روحى ، اختارتك انت وسيبت حق اخويا
لين مدت أيدها ولمست وشه وكل ملامحه وقالت : هرجعلك احسن من دلوقتى
ليل : اوعدك انك هتعيشى معايا اجمل سنين عمرك
دخلت الممرضه مرة تانيه وقال : جاهزة
لين اخدت نفس وقالت: جاهزة
اخدوها على الترولى لحد غرفة العمليات وليل ماسك ايديها لحد ما وصلت
سابته ودخلت وهو حس أن روحه انسحبت منه
ليل افتكر فى اللحظه دى اهله والأمان اللى كان عايش فيه وحس أنه لازم يسمع صوت امه
رفع تلفونه وجاب رقم اهله وفضل باصص كتير على الرقم وهو بياخد نفسه بالعافيه
وفى الاخر داس على الرقم وهو عيونه بتدمع
دموع وجع على حبيبته واشتياق لأهله ولصوت امه
التلفون بيرن وفجأة جاله الرد
@السلام عليكم
ليل: وعليكم السلام ورحمه الله وبركاته
فتحيه بصدمه: عمار
ليل بصوت مهزوز: امى
فتحيه بعياط: ابنى ، حبيبى وحشتنى اوى ياعمار ، كده يا واد تعمل فى امك كده
ليل: غصب عني يا امى
فتحيه: ليه كده يا عمار ، ليه يابنى تعمل فينا كده ليه ، سيبت بيتك واهلك وناسك ومشيت فى طريق اللى يروح ميرجعش
ليل: كان لازم يا امى ، كان لازم ارجع حق اخويا وحقى
فتحيه: مكنتش عايزة حاجه من الدنيا بعد اخوك غيرك انت يا ضانيا
ليل أول ماسمع كلمة ضانيا انهار من العياط
فتحيه: يابنى مالك متوجعش قلبى عليك
ليل مسح دموعه وحاول يجمع نفسه ويبان ثابت وهادى: مفيش يا امى ، محتاج دعواتك
دعيالك يابنى ليل ونهار بدعيلك
فى اللحظة دى جاله اتصال وكان لازم يرد
ليل: معلش يا امى هتضطر اقفل معاكى ، سلام
وقفل مع أمه ورد على المكالمه
في الصبح صفوت راح ع الفيلا المهجورة وكان عازم أنه يروح يكمل تعذيب في محسن عشان يعرف منه مكان ليل ، بس وهو ماشي في الممر سمع صوت خارج من الأوضة اللي عدي جمبها اتنهد بضيق وفتح الباب وقال : ايه يا توفيق باشا ان شاء الله الخدمة تكون عجبتك سيادتك الخدمة دي مش بنقدمها الا لضيوفنا الخاصين
توفيق بلع ريقه بالعافية وقال: مية ، مية يا صفوت انا من امبارح ما شربتش
صفوت قرب ومشي ناحية توفيق وقال : تؤ تؤ تؤ اخص علينا
دقيقة واحدة والمية تكون عندك
خرج صفوت وجاب ازازا مية وراح عند توفيق
بص توفيق للمية بلهفة وقال : هات هات
صفوت قرب ودلق المية جمب توفيق وقاله اشرب الأرض نضيفة علي فكرة
توفيق بص لصفوت بإحت*قار شديد وقال له : طول عمرك قلبك حجر ، طول عمرك مش بتحس بأوجاع الناس بتق*تل وتش*رد وتن*هب كل حاجة ف حياتك عادي محدش له تمن ، لكن جه اللي خلاك لفيت حواليك نفسك كنت مستعد تركع وتبو*س الأيادي عشان توصل لبنتك ، أنا بجد بتمني ان ليل دا يكون بيعذب بنتك المشلو*لة ليل نهار بدون شفقة
صفوت سمع الكلام دا وحرفيا اتجنن مسك توفيق من رق*بته وفضل يخ*نق فيه لحد ما فقد الوعي
في الوقت دا كان ماجد الحارس كلم ليل وقاله علي خط*ف محسن
خرج صفوت من عند توفيق وقال لواحد من رجالته : فوقه بمعرفتك
ومشي ناحية اوضة محسن
اول ما فتح الباب كان ماجد خبي المية وقف وقال : بحاول افوقه ياباشا من الصبح مش بيفوق شكله كده خر*ع ومش حمل كفين ، نجيب له دكتور يا باشا
صفوت: اكيد هات دكتور في اسرع وقت ، دا بالذات مش لازم يحصل له حاجة دا الكارت الوحيد اللي ممكن يوصلني لبنتي
ماجد : تحت امرك يا باشا
•تابع الفصل التالي عبر الرابط:"رواية انتقام ليل"اضغط علي اسم الرواية