رواية انتقام ليل الفصل الخامس عشر 15 - بقلم فاطمة عادل

الصفحة الرئيسية

 رواية انتقام ليل الفصل الخامس عشر 15 بقلم فاطمة عادل

 رواية انتقام ليل الفصل الخامس عشر 15

البارت15

لين اول ماسمعت صراخ ليل اغم عليها

بيلا جريت عليها وفضلت تفوق فيها مفيش فايده 

ليل بصوت تعبان : لو سمحت يابيلا قربيها منى 

قربت منه الكرسى ولين مش فى وعيها خالص ، ليل حاول يقرب بجسمه من الكرسى وفضل يهز فى لين ويضر*بها بخفه على وشها علشان تفوق وبعدين طلب من بيلا أنها ترفعها هى والمساعدات بتعوها ويحطوها جنبه على الكنبه

رفعوها وحطوها جنبه وهو رفع رأسها بشويش وحط أيده تحتها وبقت فى حض*نه ، طلب من بيلا برفان وفعلا جبتله رش على أيده شويه وبدأ يشممها لحد مافاقت وبدأت تهز فى رأسها بشويش

اول مافتحت عينيها لاقت نفسها فى حض*نه وهو بيبص عليها بتعب بس مبتسم أنها خافت عليه 

لين بخضه : انت كويس

ليل قرب منها اكتر ومل*س على شع*رها بحنان وعلى وشها وقالها : طول مانت جنبى انا كويس ، كده تخضينى عليكى 

لين : مقدرتش استحمل وجعك ياليل 

ليل با*س جبينها وشدد على حض*نها اكتر وقالها انا بخير ياحبيبتي

لين مش مصدقه نفسها ، هو فعلا قال حبيبتى

ليل غمض عيونه واتكلم بتعب وقال: انا تعبااان ولازم انام 

لين بتبص حواليها وبتقوله هنام هنا

ليل : مش قادر اشيلك ومش قادر انام بعيد عن حض*نك 

لين اتكسفت ودفنت وشها فى حض*نه وهما الاتنين راحوا فى النوم

تانى يوم صحيت لين لاقت نفسها لوحدها وليل قام من جنبها 

اتخضت واتعدلت وبدأت تدور عليه بعيونها مش شيفاه

لاقته نازل من فوق بتعب واضح ووشه مليان خدوش من الواقعه وحاطط أيده على الجرح اللى فى كتفه

لين بصت بوجع عليه وقالت: انت لسه تعبان

ليل : صباح الخير الاول ، قلتلك متقلقيش كله هيروح بسرعه

لين بدأت تدمع وتقوله ايه اللى حصل

ليل قرب منها ومسح دموعها وقالها قولتلك مش عايز اشوف دموعك وبا*س جبي*نها وخدها

ليل: يلا علشان نفطر ورفعها بايده بس اتوجع جامد

لين شهقت بسرعه وقالتله نزلنى ياليل بيلا هتساعدنى

ليل : متقلقيش عليا وطول مانا جانبك محدش هيساعدك غيرى 

ودخلها الحمام وقالها يلا هسيبك تاخدى راحتك

خلصت لين وقعدوا يفطروا وبعدين قام من مكانه 

ليل عمل اتصالاته لكذا مستشفى هو يعرفها فى إيطاليا علشان عمليه لين 

وعرف من الدكتور أن لازم لين تروح بنفسها تعمل فحوصات طبية على رجلها ويعرفوا بالظبط ايه اللى هيتم

ليل محبش يقول للين دلوقتى وقال علشان مش تبقى متوترة وقلقانه


صفوت كان قاعد عند حمام السباحة في فيلته وبيدخ*ن سيج*ار بعصبية ومركز عينيه ع الفراغ بتكشيرة مرعبة وشر دفين 

فجأة وصل واحد من رجالته وقال : صفوت باشا صفوت باشا 

صفوت : اممم

_ لقينا دراع ليل اليمين محسن اللي مش بيفارقه ابدا 

صفوت : كل*ب ليل يعني هاتوه بأي تمن عايزه حي 

الراجل ابتسم بفخر وقال : عيب يا باشا حالا هيكون مر*مي تحت جز*متك هو ف طريقه علي الفيلا المهجورة وهناك هنروقوا ، اول ما يكلمني رعد ويقول انه وصل الفيلا هنتحرك من هنا علي طول 

هز صفوت راسه يعني تمام 

وبعد مرور وقت اتصل رعد وقال انهم وصلوا الفيلا المهجورة 

قام صفوت بكل حماس طلع اوضته ولبس خاتم راس الشيط*ان وابتسم بشر ونزل 

ركبوا العربية وراحوا ع الفيلا المهجورة 

وبعد وقت وصل صفوت ومشي بخطوات سريعة دخل لقي محسن متروق جدا ووشه كل د*م 

صفوت وهو بيقرب قال باستفزاز : تؤ تؤ تؤ ليه كده يا اولاد فيه حد يعامل الضيف كده أنا هاضر*بكم علي أيديكم 

محسن رفع وشه وهو بياخد نفسه بالعافية من شدة الض*رب وكانت ايديه متربطة بحبل نازل من السقف وهو واقف وهدومه مقطعة من شدة الض*رب والعرق مغرقه 

صفوت طبطب علي خد محسن وقال بغضب : ليل زفت فين 

محسن هز راسه وقال بضعف : ما اعرفش 

صفوت كور إي*ده وض*رب محسن بالخاتم في وشه وقال بغضب : بقولك ليل فين 

محسن خده اتعور وبقي بين*زف د*م قال حاول يتمالك نفسه عشان يفقدش الوعي وقال بتحدي : لو ق*تلتني مش هاقولك ليل فين ، 

كور صفوت إيده ولسة هيض*رب محسن قام محسن بص*ق علي وش صفوت وقاله : فين مراتي فين إبني 

صفوت وصل لقمة غضبه بس سكت لما محسن اتكلم وسمع كلامه باهتمام وشاور لرجالته ينزلوا سلا*حهم اللي رفعوه علي محسن لما بص*ق علي صفوت 

صفوت قال بحيرة : مين ؟؟!! انت مين وليل مين 

محسن بسخرية : زعلان علي بنتك صح ، انا لولا ليل ما بيحميها ويخاف عليها انا كنت قط*عتها م*ية حت*ة وجيبتهالك

صفوت مسك محسن من شعر راسه وفضل يخ*بط د*ماغه في الحيط بهستريا ويقول : ما تقدرش ما تقدرش 

انت ميييين ميين 

محسن فقد وعيه من كتر الض*رب وراسه بقت بت*نزف د*م 

صفوت زعق وقال : فوقوووووه

عند ليل 

 قعد ليل جنب لين وبعدين قال 

ليل : جهزى نفسك هنخرج شويه كده

لين : بجد! هنروح فين

ليل بابتسامة: هفسحك وكمان عاملك مفاجاه حلوة بس يارب تعجبك

لين لسه هتقرب تح*ضنه بس اتكسفت ورجعت تاني

ليل قرب منها وهو بيضحك على كسوفها وراح حض*نها وهمس جنب ودانها وقال: مش قولتلك كلى

 ملكك ومش عايزك تتكسفى ياقلب ليل

لين بصدمه: انا قلب ليل

ليل هو بيبص فى عيونها : قلبه وروحه وحياته اللى جايه كلها

لين اتكسفت وبصت فى الارض راح ليل رافع واشها وبا*سها برقه على شفا*يفها وسابها وطلع على فوق

لين بقت تترعش من كم المشاعر اللى هى حاسه بيها وحست بسعاده بقالها كتير اوى محستهاش

ليل طلع غير هدومه وهو مبسوط جدا وقرر أنه يغرق مع لين فى بحر عشقه وأنه يركن انتق*امه على جنب دلوقتى ، لازم حبيبته ترجع تمشى على رجلها من تانى ولازم يخليها تعيش كل اللى فاتها من عمرها 

نزل ليل وقال للين : انا جهزت يلا انت كمان علشان تجهزى ، قرب يشيلها

لين: ليل بلاش ارجوك انت لسه تعبان وجرحك مفتوح ارجوك انا هقول لبيلا تساعدنى

ليل : وانا قلت طول مانا جنبك محدش هيساعدك غيرى ، وانا مش تعبان طول مانت مرتاحه

ابتسمت لين وشالها ليل وطلع بيها على فوق 

ساعدها تلبس وتجهز ونزلها لحد عربيته وركبها جنبه ، لف ليل الناحيه التانيه وركب وساق بيها

ليل : تحبى تتفسحى الاول ولا المفاجاه الاول

لين بحماس : هو ايه المفاجاه

ليل : هتعرفيها فى وقتها ، ها تحبى ايه

لين : نتمشى شويه بالعربيه وبعدين المفاجأة

ليل رفع ايد لين على شف*ايفه وب*اسها برقه

هى اتكسفت وشالت ايديها

بعد شوية وقت

لين : ليل 

عيونه

ليل انا نفسى اكل ايس كريم

ليل : بس كده احلى ايس كريم لبنوتى

لين ابتسمت بسعاده وحماس

وصل ليل عند محل ايس كريم وقالها تحبيه ايه

لين : انا بحب الشيكولاته والمانجا

ليل : عيونى 

نزل ليل وطلب اللى هى عيزاه ورجع تانى وفى أيده الايس كريم

لين اخدته بحماس وفضلت تاكل فيه وهى مبسوطه ومستمتعه جدا لدرجة بهدلت بوقها شيكولاته

ليل بص عليها وابتسم على شكلها الطفولى واخد مناديل وقرب من وشها ، هى رجعت وشها لورا كده وعيونها فيهم نظرة طفله 

ليل بلع ريقه وحاول يمسك نفسه وبعدين قرب المنديل وبدأ يمسح الايس كريم ، لين اتكسفت وحطت وشها فى الارض

ليل مقدرش يمسك نفسه راح قرب منها وبا*سها

لين اتخضت و اتكسفت 

بعد ليل عنها وبص شاف وشها جاب مية لون 

ليل ضحك جامد وقال : كل ده علشان بو*سه ، اومال لو عملت حاجه تانيه هتعملى ايه

لين بصدمه: ليل !!!!

ليل ضحك وساق بيها العربيه وفضل يفرجها على أماكن حلوة جدا بالعربية

اخر النهار اخدها على المستشفى اللى اتفق معاها 

وقف ليل قدام المستشفى ولين استغربت

لين : احنا هنا ليه ياليل ، انت لسه تعبان!؟

ليل بهدوء وحنيه: لا ، احنا هنا علشانك

لين بتوتر : علشانى انا ! 

ليل: ايوة يا قلب ليل ، تعالى بس نطلع وهفهمك كل حاجه

نزل ليل من العربيه وفتح الباب وشالها وطلع بيها على المستشفى

اول مادخل كلم الاستقبال وعرفهم أنه حاجز ميعاد مع الدكتور وأنه عايز يقابله

خلص ليل شوية إجراءات ودخل للدكتور ، قعد لين على السرير واتكلم شويه هو والدكتور ، حكاله عن الحادثه وعن اللى حصل للين 

كل ده ولين قاعده متوترة جدا ودموعها فى عيونها من كتر الخوف

خلص ليل كلامه مع الدكتور وبعدين قاله : تمام انا هقوم افحص رجل المريضه علشان اعرف المطلوب 

ليل طلب منه يتكلم معاها شويه الاول وبعدين يفحصها

خرج الدكتور من العياده علشان يسيبلهم مساحه يتكلموا سوا

ليل قرب منها وقعد جنبها وحط أيده على وشها ، مسح دموعها وقالها : عارف انك متوترة وأنك مش عندك فكرة عن الموضوع من قبل كده ، لكن صدقينى انا محبتش اوترك قبلها 

لين بعياط: انا خايفه اوى 

ليل : هشششش اياكى تخافى وانا جنبك ، الدكتور هيكشف كشف طبيعى ويشوف ايه المطلوب ، مش انت عايزة تمشى على رجلك تانى 

لين بتهز رأسها بدموع

لين بيمسح دموعها وبيقول : اوعدك ياروح ليل انك هتمشى وتلعبى وتروحى وتيجى وتعملى كل اللى فى نفسك ، بس ارجوكى بلاش خوف

لين ساكته ومش بتتكلم

ليل: ها انده للدكتور 

لين هزت راسها ومش بتتكلم

ليل با*س راسها وخدو*دها

جاى يقوم مسكت أيده وقالت : متسبنيش

ليل: انا بس هنده للدكتور ومش هسيبك ابدا

خرج ليل ونده للدكتور

دخل الدكتور وفحصها فحص شامل وعمل ليها كل التحاليل المطلوبه وعرف انها ممكن تعمل العمليه خلاص

اتكلم مع ليل وعرفه انها ممكن تدخل للعمليات الصبح لو حب

ليل اتفق مع الدكتور وبدأوا يجهزوا لين للعمليات

حطوا فى ايديها الكانولا اللى هتنقل العلاج فى جسمها طول الليل لحد ميعاد العملية وهى بتتوجع منها وبرضو خايفه جدا من العمليه

ليل قاعد جنبها يخفف عنها ويطمنها لحد ما يجى ميعاد العمليه وتدخل

لين بتعب : ليل

ليل وهو بيبو*س أيدها : عيون ليل

لين: انا خايفه اوى

ليل بيبو*س كل حته فى وشها وبيبو*س أيدها : متخفيش ياقلب ليل كله هيكون زى الحلم ومش هتحسى بحاجه 

لين: هتسبنى 

ليل: عمرى ، انت بقيتى روحى حد يسيب روحه

لين ابتسمت ومالت على صدره وغمضت عيونها من تقل العلاج اللى داخل جسمها

لين بنعاس وصوت واطى : ليل دى بتو*جعنى ، وبتشاور على الكانولا

ليل مسك أيدها وبدأ يبو*س فيها ويم*لس بشويش عليها وهو بيقول : معلش ياقلبى دى لازم علشان علاجك

لين بنعاس اكتر وهى بتدفن رأسها فى ح*ضنه : بس بتو*جعنى 

ليل ضحك براحه وفضل يطبطب عليها لحد ماراحت شويه فى النوم ، ليل كمان من التعب راح فى النوم جنبها

طلع الصبح ودخلت الممرضه براحه علشان تقولهم أن خلاص لازم لين تلبس لبس العمليات وتجهز


عند صفوت

صفوت من جبروته وقلبه القاسي كان كل ما محسن يفقد الوعي يفوقوه بجردل مية ساقعة علي راسه ووشه 

ويفوق مخضوض

مسكه صفوت من شعره تاني وقال : أنا بتعامل معاك بشويش لحد دلوقتي ، فاشتري نفسك وقولي مكان ليل فين والا مش هسمحلك تم*وت علي ايديهم وهخليك بس تتمني المو*ت انت فاهم 

  محسن كانت حالته صعبة جدا جسمه كله جروح ووشه تقريبا مش باين من الد*م وبيتنفس ببطء شديد قال : اع اعمل اللي اللي انت عايزه انا ماعرفش حاجة 

كان واقف واحد من رجالة صفوت دا نفس الشخص اللي بيساعد ليل وعرفه ان صفوت كشف هويته 

كور إيده وكان نفسه يساعد محسن بأي طريقة بس مش عارف يعمل ايه 

محسن فقد وعيه تماما من كتر الضر*ب 

صفوت قال للحراس: فكوه وريحوه لحد الصبح هو كده جاب آخره وانا مش عايز يحصله حاجة 

الحراس : تمام يا باشا 

مشي صفوت ووراه رجالته لكن ماجد ما خرجش معاهم فك محسن وسنده لحد ما وصل لسرير في نفس الأوضة نيمه ع السرير وجاب ميه و حاول يفوقه عشان يشرب بس محسن فعلا كان في حاله صعبة 

خرج ماجد م الأوضة ومسك راسه وقال لباقي الرجالة : محدش معاه بنادول ولا أي مسكن يا زعامة انت وهو ، عندي صداع رهيب 

واحد طلع شريط بنادول وقاله خد اتنين ورجعلي باقي الشريط دا مش بيفارقني

ماجد : تمام شكرا يا زعامة 

الراجل: العفو يا مرجلة 

دخل ماجد عند محسن وفوقه بالراحة واداله حبايتين بنادول ادفانس عشان ما يحسش بكمية الأل*م اللي ف جسمه دي كلها 

محسن اخدهم ونام علي طول 

لكن ماجد حرفيا ماكانش عارف يتصرف ازاي فضل يفكر 

" اعمل ايه بس اهربه ، طب لو اتقفشت هيحبسوني معاه ومش بيعيد يقت*لوني ، اعمل ايه بس ليل باشا ومحسن باشا افضالهم عليا وعلي عيلتي ، ما قداميش الا حل واحد بس لما يفوق محسن باشا احاول اعرف منه طريقة اوصل بيها ل ليل باشا برا مصر واعرفه ان محسن مخطوف "

وفي الصبح محسن فاق وماجد كمان صحي علي صوته وطلب منه رقم ليل الخاص !

رواية انتقام ليل الفصل الخامس عشر 15 - بقلم فاطمة عادل
أيمن محمد

تعليقات

ليست هناك تعليقات
إرسال تعليق
    google-playkhamsatmostaqltradent