رواية لست ضعيفة الفصل الثالث عشر 13 - بقلم رانيا عبدالعليم

الصفحة الرئيسية

 رواية لست ضعيفة  الفصل الثالث عشر 13 بقلم رانيا عبدالعليم

رواية لست ضعيفة  الفصل الثالث عشر 13

في مكان آخر كانت تفيق من النوم بخمول /اي يا ماما بقي في أي.

الام/يا حبيبتي هتتاخري علي الشغل وبعدين ده  اول شغل ليكي.

البنت/الساعه كام انا سامعه صوت العصافير برا!.

الام/الساعه سبعه ياختي قومي بدل ما تطردي.

البنت بشهقه/سبعه حرام عليكي يشيخه انتي لو مرات ابويا هصعب عليكي وبعدين اطرد اي هو انا اتنيلت اشتغلت اصلا دي مقابله يماما.

الام/ولو برضو يلا قومي .

البنت بضيق/بقلك اي يا نبع الحنان سبيني وروحي نامي ياما انا مش رايحه شغل قعدالك.

حنان وهي تربع يداها أمام بطنها بعدم رضي علي حال ابنتها ثم تحدثت بغيظ/ولما انتي مش عايزه تشتغلي عملتي مناحه ليه .. ثم أكملت بتقليد ابنتها بأستهزاء/وعايزه اشتغل وانا اندبندنت ومن ومش عارف اي.

ريما/يوههه خلاص هقوم ...اعتدلت ريما في الجلوس وسرعان ما خرجت والدتها من الغرفه نامت مجددا .

حنان كانت تنادى عليها ولكن لم تجد رد ثم ذهبت إليها بغيظ/إللهي تنشكي ف معاميعك قومي يا بت.

نهضت ريما بفزع.

جاء صوت من خلفهم/مالك ياما عامله قلق ليه علي الصبح.

ريما/قلها يا كيمو.

حنان وهي تصرخ بيدها وتلطم /يا ميله بختي في عيالي بلوتين ازفت من بعض.

ثم تركتهم وذهبت .

كامل بضحك/اي يبت متقومي انتي هتدلعي.

ريما/ياخي امك دي ممكن تصحي الميت.

~~~~~~~~~~~~~~~~~~

يوسف /ايوه ادخل.

السكرتيره/المهندسه الجديده وصلت برا يا فندم.

يوسف دون أن ينظر لها/خليها تدخل.

سمع يوسف صوت طرقات الباب/ادخل.

ريما /السلام عليكم ورحمه الله وبركاته .

رفع يوسف نظره من اللاب توب إليها/وعليكم السلام ورحمه الله وبركاته...انتي المهندسه الجديده.؟!

ريما / ايوه .

يوسف بجديه/تمام من انهارده هتستلمي شغلك.

ريما بأستغراب/من انهارده!

يوسف/عندك مانع؟!.

ريما وهي تهز رأسها/لا.

يوسف/تمام مكتبك هيبقي هنا في مكتبي.

نظرت له بصدمه/اللي هوا ازاي معلش .

يوسف بحده/ مهو لو حضرتك تعرفي الوظيفه اللي انتي جايه تشتغليها دي فين كنتي هتعرفي أن مكتبي فيه مكتب صغير لاي موظف جديد تحت التدريب بعدين بيتنقل مكتب خاص بيه.

ريما بصدمه من انفعاله بها/تمام بس حضرتك تكلمني بأسلوب احسن من كده.

يوسف/نعم اكلمك بأسلوب احسن انتي كمان هعلميني اكلمك ازاي.

نهضت ريما بعصبيه /انا ماشيه عن اذنك .

أوقفها صوته/ هل انا سمحتلك تمشي؟!

نظرت له بحاجب مرفوع/ نعم!! لا بقلك اي انا تربيه حواري يابا ف شغل الحركات القرعه دي اللي بتعملها تخوف بيها البنات اللي تعرفهم ده مياكلش معايا..

ثم غادرت المكان .

كور يوسف يده بغضب/ماشي انا هوريكي ازاي تعملي كده.

~~~~~~~~~~~~~~~~~

معتز بغضب/ بتكلمي مين وبتقوليله يا حبيبي.

 نظرت له منار بتشنج وهي تبعد سماعه الهاتف عن أذنها ثم همست له /لما اخلص.

أعادت منار الهاتف مره آخره علي أذنها/ ايوا يا فندم اي رأيك ف اخر شغل خلصته من عندي.

اللواء/ حقيقي فخور بيكي يا بنتي اول ما ترجعي في مأمورية هتاخديها ولو نجحتي فيها ليكي مفاجأه.

منار بسعاده وضحك/ ايوه يا محسن يا مدلعنا.

اللواء بضحك/ ربنا يجعلك دائما مبسوطه يابنتي ويخفف عنك

منار/امين يا رب ...سلام

نظرت أمامها وجدت من يكاد يحترق من الغضب ابتسمت له وتحدثت/ها يا معتز كنت عايز اي.

معتز بعصبيه/كنتي بتتنيلي تكلمي مين.

منار ببرود/يابني مالك في أي .

معتز/انتي بت عمي وسمعتك تهمنا ف مش عايز حد يقول علينا كلمه.

منار /وتفتكر اني ببوظ سمعه العيله؟!.

معتز/بعد اللي سمعته ليه لا.

نهضت منار وتحدثت دون النظر إليه/ابقي اسمع كويس وياريت زي ما بتسمع ابقي شوف

~~~~~~~~~~~~~~~

هبه/عليا الطلاق واقع من بدري.

إيهاب بانزعاج/بت انتي حلي عن نفوخي قلتلك ميه مره انا عملت كده عشان مصلحتها.

هبه وهي تغمز/اه منا عارفه أن مصلحتها معاك ...ثم غنت بتأثر /حبيبي معاك بحس انا بالامان

كان فين حضنك زمان

كان فين هواك

بجد خلاص دبت في حبك خلاص

هاحتاج انا ايه من الناس ما كفايا هواك. 

نهض إيهاب وقام بحدف الوساده في وجهها /وكمان بتجبيلي اغنيه لإيهاب توفيق .

هبه بضحك/ هههه شفت الحب ...علي اسمك اهو

مؤمن وجد إيهاب يمشي بأنزعاج نظر للمكان الذي رحل منه وتحدث بضحك/طلاما انتي اللي وراها الواد ممكن ينتحر.

هبه بصوت عالي/سمعتك علي فكره.

مؤمن /ما تسمعيني ياختي هو انا هخاف منك.

ابتسمت هبه له ابتسامه مرعبه/ومتخافش ليه.

مؤمن بقلق وهو يرجع للخلف/اي التحول ده يابت

~~~~~~~~~~~~~~

يوسف / طيب هاتي السي ڤي بتاعها.

السكرتيره/اهو يافندم هي نسيته برا.

يوسف/تمام اتفضلي.

نظر يوسف للسي ڤي أمامه وجد أنها تصلح للعمل بمهاره فهي يوجد عندها كَفاءة وخبره ستفيد الشركه خاصه ان مؤهلاتها تجبر اي شركه أن تخضع للعمل معاها .

 مسك يوسف الهاتف الارضي وطلب السكرتيره.

يوسف/رني علي البنت دي وقوليلها تيجي الشغل من بكره .

السكرتيره/حاضر يافندم.

~~~~~~~~~~~~~~~~~

نوال(البت اللي بتغير من منار)طرقت باب اللواء.

اللواء محسن/اتفضل.

دخلت نوال.

نوال/ ياسياده اللوا هي منار هتفضل كده كتير ومش هتيجي الشغل .

اللواء وقد فهم مرادها/منار عامله اجازه يا نوال فرح اخوها عقبال عندك ويا ريت تطلعيها من دماغك شويه .

نوال بغيظ/سيادتك بتدافع عنها كتير انا كنت اقصد انها مش لوكاندا عشان تيجي وقت ما تحب.

اللواء بحده/يا ريت تخليكي ف شغلك ومتشغليش نفسك بأمور متخصكيش احنا هنا عارفين شغلنا مش هتيجي انتي ينوال تعرفيهولنا.

ذهبت نوال وهي تشتعل من الغضب.

رأتها اماني .(زميلتها في نفس الاوضه اللي بيقعدو فيها)

اماني بضحك وهي تضع كف علي كف امام بطنها/ مالك يا ست نوال مش طايقه دبان وشك؟!

نوال بغضب/ اخفي من قدامي يا اماني انا مش طايقه حد.

اماني بضحك/ خليكي كده بتشيطي عشان هي مش ف الشغل وواخده اجازه.

ثم تركتها ورحلت

~~~~~~~~~~~~~~~~~

الجد/اني عارف انك بتحب ولدك بس ولدك مهما حصل طول ماهو غلط يبقي ميستاهلش غير قطع رقب'ته

محمد برجاء/يا ابوي ونبي احب علي يدك ولدي لا علي والله من جواه طيب بس هو حبه لمنار عماه.

الجد/اوعاك تكون مفكر ان اللي ولدك فيه ده حب لا ده حب امتلاك ولدك زمان كان رايدها بأي طريقه لكن هو مش عيحبها  ولدك قلبه اتحول كل اللي فيه لحقد وكره .

محمد/  طب سامحوه يابوي وسيبوه واني مش هخليكم تشوفوا وشه تاني.

الجد/لو تقدر تغير رأي منار مع انه مستحيل تغير رأيها .

محمد وهو يقبل يد والده/ الله يخليك لينا يابوي.

~~~~~~~~~~~~~~~~~

«في دبي»

اشرقت/طلقني يا مدحت.

مدحت وهو يحاول ان يهدئها/يا حبيبتي والله كل ده بسبب شغلي وخلاص قريب هصفي كل حاجه وهننزل نعيش ف مصر علي طول.

اشرقت ببكاء/انا شبعت من الكلام ده انا سمعت منه كتير ومفيش حاجه بتتنفذ.

مدحت وهو يضمها بحنان/ حقك عليا يا اشرقت والله في اقرب وقت هاخدك وننزل احنا والعيال خلاص بقا.

اشرقت /امي واخواتي وحشوني حتي فرح اخويا محضرتهوش يا مدحت انا نفسي اشوفهم اوي

مدحت وهو يربت علي شعرها/خلاص اهدي كل حاجه هتبقي بخير.

 جائت ديما  صاحبه العشر اعوام وهي تنظر للارض/مامي ممكن طلب.

اشرقت بضحك/اهي عملتلها مصيبه.. طلب اي يا ديما.

ديما/صاحبي بيقلي انه عايز السناب بتاعي عشان يكلمني عليه

اشرقت بشهقه/صاحبك؟! كمان عندك صاحب يامفعوصه انتي؟!

والدرويش اخوكي اي نظامه.

ديما بحزن/ مهو شادي مش موافق يماما ان فهد ياخد سنابي.

اشرقت وهي تمصمص شفتاها/لا راجل ياض.

ديما/اشمعنا انا يماما صاحبي مايخدش سنابي وشادي يدي سنابه لصاحبته.

اشرقت بدوخه/الحقني يا مدحت عيالك هيموتوني بدري بدري.

مدحت بضحك/كنا فين والعيال دول بيتربوا.

اشرقت بضحك/كنا بندور علي حد يربينا.

اشرقت /يلا يا بت علي اوضتك بلا انتي بلا فهد وليا كلام معاكي انتي واخوكي.

ذهبت ديما لغرفتها وهي منزعجه.

شادي/مالك قالبه بوزك!

ديما/حتي بابا وماما مش موافقين ادي سنابي لفهد.

شادي بغضب/ وانا قلتلك اي يا ديما اختي متكلمش ولاد .

ديما بغيظ/ما انت بتكلم .

شادي / دي زميلتي في حدود بينا لكن انا مضمنش حد غريب علي اختي.

ابتسمت له ديما وقد اقتنعت ان اخاها يهاف عليه و يريد لها الخير ...فهم مهما تشاجرو ومهما حدث بينهم فيوجد بينهم ترابط عميق فهم توأم ويفعلون دائما مصائب معاً وكل شيئ معاً

~~~~~~~~~~~~~~~~~

حنان/لحقتي يا بت تخلصي شغل.

ريما بزهق/يماما قلتلك انا لسه مشتغلتش دي كانت مقابله واترفضت.

الام وهي تتحدث من بين أسنانها بغيظ/اترفضتي ليه يا آخر صبري.

ريما بتأثر/تخيلي المدير الوقح اللي هيدربني عايزني ابقي معاه ف نفس المكتب.

نظرت لها الام بتشنج وعدم فهم .

ريما/ بيقلي مكتبك هنا ف مكتبي .

حنان/طيب فيها اي هو هياكلك  ده شغل وبعدين انتي مين هيبصلك.

ريما بغيظ/انا داخله اتخمد.

ذهب ريما لغرفتها ثم خرجت بعد أن ابدلت ملابسها وخرجت من الغرفه ببسمه مصطنعه/ اي ياست الكل عامله اي غدا قلبي مطاوعنيش اسيبك تاكلي لوحدك  وانا انام.

حنان بغيظ من ابنتها/لا حنينه ياختي.

ريما/مالك ياما في أي مش طيقاني كده .

كادت حنان تجيبها لولا رنين هاتف ريما.

تحدثت ريما بأستغراب لأنه رقم غريب/ايوه مين.

السكرتيره/حضرتك هتبدأي شغل من بكره.

ريما بردح/ شغل مين يابت انتي وقولي للي باعتك اني مش جايه مش انا اللي تستغلوني.

السكرتيره بأستغراب من أسلوب حديث الفتاه/انا بلغت حضرتك وبراحتك.

كانت حنان تستمع لما يحدث بترقب/في أي يابت.

ريما/ بيرنوا عليا عشان اشتغل قال واروح هناك ويستفردوا بيا.

حنان/هتفضلي طول عمرك موكوسه.

بعد القليل من الوقت  كان الباب يطرق .

ريما من الداخل وهي تركض بملابسها التي كانت تحضر بها الطعام مع والدتها ورائحتها بصل وشعرها ليس مرتب... بطريقه عشوائيه /ما تستني يابقف يلي برا.

ريما بشهقه / انت.

الشخص/.....

حبيت اعمل بارت خفيف علي قلبكم كفايه نكد في اللي فات🙂😹

قولولي رايكم في شخصيه ريما؟!.


رواية لست ضعيفة الفصل الثالث عشر 13 - بقلم رانيا عبدالعليم
أيمن محمد

تعليقات

ليست هناك تعليقات
إرسال تعليق
    google-playkhamsatmostaqltradent