رواية في قبضة العشق بقلم امل الهلاوي
رواية في قبضة العشق الفصل الحادي عشر 11
مر عام اخر بحلوه ومره تم تجهيز مسكن الزوجيه على احدث طراز كان يونس يريد ان يضع العالم كله بين يديها دخل اخوتها التوأم كلية الطب بجداره كانت النسوه في الشارع يتحدثون عن تلك العائله التي اخذت نصيبها في كل شيء ونسوا ان الله عادل في توزيعه لا يظلم احد اما ميرفت فتقربت من ساره بل اعتقدت ساره انهم اصبحوا أصدقاء كانت لاتقترب لها لا من قريب ولا من بعيد ولكنها كلنت وضعت خطه شيطانيه منذ عام وبالفعل بدأت في تنفيذها لقد اقسمت ان تحول حياتها الى جحيم هي واخيها وهاهى اقتربت مما تريد
اليوم هو يوم ماقبل الزفاف كانت ساره قد انتقت فستان جميل جدا كانت كالملكه به هي الان ستؤدى البروفه النهائيه للفستان كانت والدتها ووالدة يونس وميرفت معها اما يونس كان ينتظرهم بالخارج فكما هو معروف ان العريس لايرى فستان العرس الا يوم الزفاف
في دار أزياء فساتين الزفاف:
العامله:مبروك ياعروسه الف مبروك الله يتم عليكم بالف خير
ساره :متشكره اوى
صفيه:يالا يابنتى هاتى الفستان عشان العروسه تقيس
ميرفت:اما حتة فستان ياماما روعه هاتتفاجأوا لما تشوفه زى الاميرات
هنا جلبت العامله الفستان وعندما فتحت الغلاف كانت الصدمه الفستان مبقع باللون الأسود بقع مثل الحبر كان بشع هنا شهقت ساره والعامله أيضا
مديحه بصدمه:ياندامتى ايه ده
صفيه:ايه اللى جرى للفستان
ساره:مش معقول ايه اللى حصل
ميرفت:ايه الاستهتار ده انتوا بتهرجوا بقى
العامله باستغراب:والله مااعرف ايه ده مين اللى عمل كده
هنا بكت ساره فاعصابها كانت متعبه ومن الصدمه فقدت الوعى هاتفت صفيه يونس الذى دخل اليهم مسرعا وحاول افاقة ساره التي استفاقت مع ان شمت العطر
يونس بغضب:انا هاخرب بيتكم انتوا اكبر دار أزياء انتوا فين المسؤل
هنا تجمع المسؤلين لحل المشكله لم تتوقف ساره عن البكاء للحظه وكان يونس يطمئنها ان كل شيء سيكون بخير
المديره:والله يافندم مااعرف ايه اللى حصل وليه كده بس انا في خلال ساعه العروسه تنقى اللى يعجبهاجاى لى فساتين من شويه من فرنسا روعه
ساره ببكاء:بس ده انا اختارته واتفصل علشانى واختارت كل حاجه فيه
يونس بهدوء طيب تعالى ياحبيبتى شوفى وقررى
امتثلت معه ساره وذهبوا ليروا تلك الفساتين الجديده كانت رائعه بحق كان هناك فستان جميل يشبه فستان الاحلام في منام البنات رائع بحق تسمرت امامه ساره والجميع اندهش من جماله حتى انه يفوق الفستان الاخر
يونس بابتسامه:انا ماشفتش التانى بس مااظنش فيه احلى من كده
ساره:بصراحه احلى من التانى بكتير
ميرفت بغيظ:اه احلى من التانى واضح اوى بس التانى انتى كنتى مختاره
ساره :لا خلاص هوه ده
المديره:الفستان ده ب 40 الف جنيه وعشان الغلط اللى حصل هانحسبه 20 الف بنص التمن تقريبا نفس سعر اللى فات
يونس:دى اقل خساره ممكن تتحملوها
هنا تنهدت مديحه بارتياح قائله:ربنا يرضيكى يابنتى
صفيه:نيتها حلوه ربنا كرمها باللى احسن
المديره:يالا ياعروسه قيسى الفستان
هنا ذهبت ساره لغرفة القياس كان الفستان رائع عليها بحق كانت اميره فيه حقا كان لايحتاج اى ضبط فهو كأنه صمم عليها
يونس:نصيبى بقى اشوفك بفستان الفرح
ساره:بجد حلو يايونس
يونس:قمر ياروح قلبى جميله اوى
هنا ذهبت ميرفت الى دورة المياه وهناك وجدت شخص ينتظرها
ميرفت:برافو عليكى بوظتيه كانه طالع من بق كلب
العامله:بس خدى بالك ده خطر عليا لو حد كان شافنى كان عيشى اتقطع بس العروسه اخدت فستان احلى منه واغلى وبخصم استفدتى ايه انتى بقى
ميرفت:استفدت انها اتنكد عليها وعاشت ساعه قلق ورعب واغمى عليها اينعم متغاظه من جمال الفستان اللى اخدته بس ادينى سبت لها ذكرى وحشه طول عمرها
العامله:انتى ليه بتعملى كده
ميرفت:عشان بكرهها خدى بقى فلوسك وامشى وبطلى لك 10 الاف جنيه زى مااتفقنا
............................
في طريق العوده الى المنزل كانت ساره صامته ينظر اليها يونس كل حين واخر
يونس بتنهيده:خلاص بقى ياسو حصل خير
ساره بتفكير:انا فعلا مستغربه من اللى حصل اللى بفكر فيه من اللى عمل كده ومين اللى ليه يد في كده
ميرفت:هتلاقى حد من العمال وقع حاجه عليه وخاف وسكت
صفيه:اه اظن كده مين اللى هايعمل كده
مديحه:وكمان ده اكبر محل فساتين يعنى مستحيل حد يعمل كده بقصد
ساره:لو حد وقع حاجه عليه هاتكون بقعه واحده انما دى بقع حبر متفرقه على كل الفستان كان حد بيرش
ميرفت بتوتر:خلاص ياسوسو افرحى وانسى اللى حصل ياحبيبتى
ذهب الجميع الى بيته وكما قالت ميرفت تركت علامه سوداء في قلب ساره حتى وان تم حل المشكله ولكن لما المشكله بالأساس ولما تحدث
بعد ان ذهبت ميرفت الى البيت ذهبت اليها منى لتعلم اخر الاحداث
منى:ها طمنينى
ميرفت:اغمى عليها من الصدمه
منى :وبعدين
ميرفت:يونس كان هايموت عليها وفضل يفوق فيها لما فاقت حضنها ولا هامه حد وفضل يقولها ارجوكى ماتقلقنيش عليكى
منى بغيظ:ان شالله يفقدها ياب ونرتاح منها ومن أهلها
ميرفت:خلينا بس مستمرين في اللى بنعمله هاتشوفى ان ماطلعناها بفضيحه مابقاش انا ميرفت المهم جهزتى الحاجه
منى:اه جهزتها الرجل اخد خمس الاف جنيه
ميرفت :ياخد زى ماياخد المهم ننكد عليها يوم الدخله
هنا قهقهت ميرفت ومنى فما نوى لفعله لم يفعله الشيطان
..............................
جاء يوم الزفاف اعد الحاج محمود الشناوى مائده كبيره لجميع اهل القريه ووزعت صفيه على كل فقراء القريه الطعام واللحوم اما قاعة الزفاف كانت رائعه بحق وساره كانت كالملكات بحق ابتدت مراسم العرس في أجواء رائعه
وبدأت رقصة العروسان(السلو)وهنا همس يونس لساره:بحبك
ساره بهمس:بحبك وبعشقك
يونس:طالعه اميره
ساره:عشان انت امير
يونس:نفسى نروح بيتنا بقى دا انتى ذلتينى في الخطوبه عاوز حقى
ساره بابتسامه خجله:خلاص اتجوزنا اهو
كانت الأجواء رائعه بحق رقصت ساره مع يونس وحملها يونس ودار بها وقبل يديها كل من يرى يعلم ان هذا الشاب يعشق تلك الفتاه
ذهب العروسان الى منزلهم كلن يونس متشوقا لتلك اللحظه وينتظرها بفارغ الصبر محبوبته ستكون في بيته وأخيرا هنا صعد العروسان الى بيتهم
وذهبت منى مع ميرفت لتنام معها اليوم
منى:تفتكرى ايه اللى هايحصل
ميرفت:اصبرى بس شويه لما المراد يحصل هتلاقيه بينادى على ماما او هاينزل يحكى اللى حصل
منى :لما نشوف الشيخ ده يستاهل الخمس الاف ولا لاء
..........................
في شقة يونس
تأنقت ساره في ثوب نوم من اللون الأبيض الستان وفردت شعرها الجميل الطويل على ظهرها كانت جميله بحق
يونس بحب:ايه الجمال ده بس وايه الشعر الجميل ده انا ربنا بيحبنى
ساره:انا اللى ربنا بيحبنى
هنا اقترب منها يونس وبعد قليل من الوقت
يونس بتوتر:لالالالالا فيه حاجه غلط انا ماكنتش كده في القاعه
فهمت ساره ماهية مايحدث معه وقالت :اهدى يايونس جايز ارهاق
يونس بانفعال:ارهاق ايه ياساره فيه حاجه غلط
هنا هبط يونس الى الأسفل الى امه وابيه وحكى لهم ماحدث
صفيه:مربوط ياعين امك
محمود:اهدى يابنى هاجيب شيخ حالا هايفك الدنيا
وهنا بالفعل جاء شيخ الى المنزل الذى قال ان تأتى العروس أيضا ليقرأعليهم وحينما بدأ بالقراء قام يونس بارجاع مافى جوفه ولكن بلون اسود قاتم..............
- يتبع الفصل التالي اضغط على ( رواية في قبضة العشق) اسم الرواية