رواية بنات الخالة الفصل التاسع 9 بقلم شروق حجازي

الصفحة الرئيسية

 

 رواية بنات الخالة الفصل التاسع  بقلم شروق حجازي

 رواية بنات الخالة الفصل التاسع

 يزن : معقول هي
يزن : لو سمحتي
نور: نهار اسود
يزن: هو انتي بجد
نور : لا بتحلم غمض عينك كده
يزن: انت هتهزري
نور: بتكلم جد جرب بس
يزن: لما أشوف أخرتها
أهوه
نور طلعت تجري
يزن فتح عينه لقاها بتجري
يزن بضحك: أه يامجنونة  
بس بتعملي اي هنا اي الصدف دي
معقول تكوني واحده من بنات عمي
نور وهي بتنهج: يخربيتك نفسي اتقطع
كنت حاسة والله انه هتطلع انت
انا من يومي وانا فقر
يزن من وراها متقوليش كده دا انتي قمر
نور بخضة: يخربيتك انت بتطلع امتا
يزن: المهم انتي  مين وبتعملي ايه هنا
نور: أنا نور بنت خالت أينور وسيلين وسيليا
يزن بغمزه: حصلي الشرف
نور: انت عينك تعباك ولا حاجة
يزن ضحك وسابها ومشي
نور: انا كان لازم اتسحب من لساني يعني
أينور من وراها
انتي اتهبلتي بتكلمي نفسك
نور:. سيبيني في حالي دلوقتي
أينور: في اي مالك بس
نور: فاكرة الموقف اللي حصل في المحطة
أينور: موقف ايه بالظبط
نور: وقت غباء يعني
الشاب اللي انا خبطت فيه
أينور :أه أه افتكرت
نور: مبروك
أينور: المهم ماله بقا
نور: طلع يزن ابن عمك
أينور: بتهزري ياه علي الصدف
نور: انا من يومي وانا فقر
أينور: ليه بس
يلا انتي وشطارتك بقا وقامت ضحكة
نور: انتي قصدك اي لا
دا أنا أصلاً محروجة من ساعة الموقف ده
أينور: عادي متكبريش الموضوع
ويلا عشان البنات زمانها بتسأل علينا
نور : يلا
مريم: اتأخرتوا كده ليه
أينور: مفيش
المهم تعالوا نخرج عاوزه أتفرج علي البلد
انا زهقانة من قعدت البيت دي
أسيل: روحي شوفي جده لو وافق انا معاكي
أصل أنا كمان زهقانة
أينور: طب متقوليله انتي
أسيل: لا طبعاً
انتي عاوزاني أقولة نخرج وكده
دا كفاية اللي حصل أخر مرة
أينور: اي حصل
مريم بضحك: أصل أسيل مره كانت عاوزه تخرج وعمتي
مكنتش موافقة  فضلت تتحايل عليها برضوا موافقتش
فاراحت لجدي وأقنعته وجدي قال لعمتي وعمتي وافقت
بس الساعه ثمانية تكون في البيت
المهم الساعة جات تسعة وأسيل لسة مجتش
ونرن عليها وتليفونها مغلق
وأبيه فهد ويزن وحمزه قضوا يدورا عليها كتير
لحد ماجالنا اتصال انها في القسم
أينور : اسم ليه
مريم: مفيش شاب كان بيعاكسها مسكتة ادتة علقة موت
وحكم توديه القسم والشاب مفيش حتة سليمة في وشه
أصلاً
البنات قعدوا يضحكوا علي أسيل
أسيل: مهو اللي واحد قليل الادب
يعني يعاكسني وأسكت
مريم: بضحك لا متسكوتيش بس متوصلش بيكي انك
تعملي للشاب عاهه مستديمة
أينور : ينهر اسود عاهه مستديمة
مريم: شوفتي دا لولا أن الظابط طلع صاحب أسر وياسين
كان زمانها في التخشيبة دلوقتي وبيغنولها يحلوة يابلحة
يامقمعة
أينور : مش قادره بجد وقعدت تضحك
أسيل: اسكتي متفكرنيش باليوم ده
ولا الظابط واللي عملة معايا
سيلين: عمل اي
مفيش انا بقا بعد ما نفخت الشاب ده
قولت أبدا لسه ماخدتش حقي
لازم نروح القسم
سيليا: يعني بعد اللي عملتية فيه ده ومخدتيش حقك
أسيل: أمال عشان يحرم يعاكس حد تاني
مريم بصوت واطي : انا عارفه كان اتعمي ده عشان
يعاكسك
أسيل: سمعتك علي فكره
وبعدين دا أنا قمرين
مريم بضحك :  قمرين دول ولا عينين
أينور : كملي
أسيل: المهم يختي دخلنا القسم من هنا
وأبص أشوف ظابط طالع علي صوتنا العالي ده
ويقول اية الصوت العالي ده في اي وبص للشاب شاف
الدم نازل من وشه بالمنظر ده اتصدم
قال للعسكري يجيبنا وراه علي المكتب
المهم دخلنا المكتب
والظابط سأل الشاب مين عمل فيك كده
الشاب: المفترية دي
الظابط سألني انتي اللي عملتي فيه كده
أسكت أنا وألم  الدور  قولت والله مايحصل
روحت قايلة بقلب جامد كده أيوه انا اللي عملت فيه كده
الظابط : ليه ان شاء الله دا الواد سايح في دمه
روحت قايلاله
واحد قليل الأدب وكان عاوز  يتربي
الظابط :وانتي ربتيه
روحت
قايلاله لسه
الظابط: لسه ايه الواد مفيش حته سليمه في جسمة
ونده علي العسكري عشان ياخد الواد المستشفي
الشاب: انا عاوز حقي ياحضرة الظابط
دي بهدلتني علي الاخر وانا مش هتنازل
الظابط:اتنيل انت ليك عين تتكلم بعد اللي عملته فيك ده
خوده يلا ياعسكري
وراح الواد المستشفي
لقيت الظابط بيقولي
الواد مش هيتنازل وكده هنعمل محضر
وهتشرفينا في التخشيبة
روحت قايلاله تخشيبة اي
لا طبعاً
انا عاوزه أرن علي أهلي
راح قايلي انا هطلع جدع معاكي
وهرنلك عليهم قولي الرقم
روحت قايلاله رقم أبيه فهد
ولقيت أبيه فهد وأسر وياسين أخويا
داخلين علينا
وطلع الظابط ده صاحب أسر وياسين
والظابط حكالهم اللي حصل وحلوا الموضوع ودي
أينور: دا انتي جابروت ياشيخة بقا تضربي الواد وعاوزه
تعملي محضر فيه كمان
مريم :قوليلها ده اللي أنا  بحاول أفهمهولها
أسيل: سيبكوا من كل ده الظابط كان قمر أخر حاجة
أينور : هو ده اللي همك
أسيل: أمال
كان مز بجد انا عارفه أمه كانت بتتوحم علي اي
أكيد كريم شانتيه
مفيش كلام
البنات ضحكوا علي أينور
أمندا: المهم هنخرج ولا لا
أينور: أنا هروح أقول لجده كده ويارب يوافق
أسيل: وعرفيه اني هخرج معاكم هااا
أينور: لما يوافق بس
أسيل: ان شاء الله يوافق
في غرفة الجد
الباب خبط
الجد ادخل
أينور: ازيك ياجده ياحبيب قلبي
الجد بضحك: بخير الحمد لله ياقلب جدك
هااا عاوزه اي
أينور اتصدمت
الجد: متستغربيش كده أكيد الدخلة دي وراها حاجه
أينور بضحك: ياقفشني انت
بس عاوزه أطلب منك طلب صغير
الجد: حتي لو كبير  هوافق
أينور: حبيبي ياجده
الجد: ها بقا قولي عاوزه اي
أينور: بصراحه ياجدي احنا زهقانين وعاوزين نخرج
وفي شوية حاجات كده عاوزين نشتريها
الجد: موافق
أينور: وأسيل ياجده هتخرج معانا
الجد: لا كفايه أخر مره
أسيل كل مابتخرح بتعمل مشاكل
أينور: عشان خاطري ياجده
الجد: ماشي بس بشرط
أينور: اي هو
الجد: حد من ولاد عمامك يروح معاكم
أينور: موافقه طبعاً
الجد: طب روحي اندهيلي حد منهم
أينور: هوا
جريت أينور وفتحت الباب
أسيل:اااااااه
أينور ضحكت علي أسيل
أينور: مش عيب تلمعي أوكر
أسيل: هاا انتي ظالماني كده
دا أنا كنت جايه أشوف جدي محتاج حاجه
أينور: طب قومي يختي قومي
جدك وافق
أسيل قامت وجريت حضنت جدها
الجد: خلاص خنقتيني
أسيل: بحبك ياجدي
الجد:وانا بحبكوا كلكوا ربنا يخليكوا ليا
أسيل وأينور: ويخليك لينا يارب
الجد: روحوا يلا اندهولي حد من ولاد عمكم
أسيل: مفيش هنا غير أبيه فهد ويزن
الجد: طب ناديلي حد منهم
أسيل : حاضر ياجدي
أسيل طلعت تجري وهي بتجري وقعت
أسيل: أه ياضهري اي اليوم ده كل شويه أقع كده
أسيل سمعت صوت ضحك جاي  من وراها
أسيل بتضحكوا علي اي
حمزه: في حد يجري بالشكل ده مش قادر
زين: قومي ياحبيبتي قومي مش بيقع غير الشاطر
أسر: شكلك  وانتي بتقعي كان نكته
أسيل: في سرها بتتريقوا عليا ماشي
أسيل: انتوا ايه اللي جابكوا بدري
حمزه: خلصنا شغل بدري وجيبنا نرتاح شويه
أسيل: طب كويس انكم جيتوا جدي كان عاوزكم
زين:. كلنا
أسيل : أه كلكم
أسر: مش مطمنلك
أسيل: ومش مطمنلي ليه انتوا حرين أنا بلغتكم
هروح أقول لجدي بقا
أسر: ايه انتي ماصدقتي ولا اي
يلا ياشباب نروح نشوف جدكم عاوز اي
أسيل بإبتسامه خبيثه: اه يلا روحوا
عند الجد دخل الشباب
زين: ازيك ياجدي
الجد:بخير
أسر : أسيل قالت انك عاوزنا
الجد: انتوا جيتوا امتا أنا مكنتش أعرف انكم هنا
وقولتلها تنده فهد أو يزن
أسيل  بضحك من وراهم: مهو وانا طالعه ياجدي قابلتهم
قولت خير وبركة وقولتلهم يكلموك
الجد: تقومي تناديلي الثلاثة
ماعلينا واحد منكم يروح مع بنات عمكم عاوزين يشتروا
حاجات ويخرجوا شويه
أسر بصوت واطي : ماشي ياأسيل الكلب
حمزه: دا أنا هنفخها بقا بدبسنا
زين: هو قالها فهد أو يزن بدبسنا احنا واحنا جايين تعبانين
الجد: انتوا بتتوشوشوا كل ده في اي
أسر: مفيش ياجدي دا حمزه بيقول انه هيروح ههو مع البنات
زين: اه ياجدي حمزه عاوز يروح
حمزه: أنا قولت حاجه انت هتستهبل انت وهو
الجد: طب ايه رأيكوا هتروحوا انتوا الثلاثة معاهم
زين: حاضر يجدي اللي تؤمر بيه
حمزه : هنروح نغير طيب عشان كنا لسه جايين من الشغل
الجد:ماشي
أسيل: أنا هروح أقول للبنات يجهزوا
أسر بص لأسيل وقال بصوت :اصبري عليا بس حسابك تقل
أسيل بنفس الصوت: عشان تبقوا تضحكوا  عليا كويس
أسر بشر: ماشي
أسيل بصوت عالي:بتقول حاجه ياأسر
أسر: بقول تروحي تقولي للبنات يلبسوا يلا عشان منتأخرش
أسيل: ماشي
وراحت أسيل تبلغ البنات
أينور بضحك: أنا كمان هروح ألبس
حمزه: يلا ياشباب
حمزه وزين وأسر طالعين يبرطموا
أسر: والله لأربيها
حمزه: اللي مصبرني عليها ياسين
زين: خلاص انت وهو بقا اللي حصل حصل
فهد وهو نازل علي السلم
مالكم عاملين زي مايكون ميتلكم ميت لي
حمزه حكاله اللي حصل
فهد: حد قالكوا اضحكوا عليها تستاهلوا
زين: انت رايح فين ومجتش الشركة
فهد:صحيت متأخر النهاردة وكمان هو اجتماع واحد اللي
عندي وهعمله بره الشركه
أسر: تمام
فهد: حد فيكم شاف يزن
أسر: احنا لسه جايين
يزن من وراهم
انا هنا أهوه في اي
فهد : جهزت
يزن:أيوه يلا بينا
فهد :هنمشي احنا بقا
حمزه: ماشي يلا سلام
يزن:سلام
أسر : يلا نروح نغير
زين: يلا
في أوض البنات جهزوا
ونزلوا لقوا الشباب مستنينهم
أسر: كل ده تأخير
أسيل: متأخرناش ولا حاجه
أسر :انتي تسكتي مش عاوز أسمع صوتك
أسيل: خلي قلبك أبيض بقا
أسر: يعني عجبك التدبيسه دي والواحد تعبان
أسيل: منتا واخد أجازه من الشغل
أسر: علي أساس كنت قاعد في البيت منا روحت الشركه معاهم
أسيل: خلاص بقا سماح
أسر: سماح
حمزة: يلا عشان منتأخرش أكتر من كده
البنات يلا
طلعوا البنات ووراهم زين وأسر وحمزه
أسر: سيليا ونور وأينور هيركبوا مع حمزه في العربية
ومريم وسيلين مع زين
وأسيل وأمندا معايا معايا
البنات ماشي
زين في نفسه :أول مره تقول حاجه صح
أسر :قبل مانركب العربيات عاوزين تروحوا فين
أينور: المول نشتري شوية حاجات الاول
أسر : ماشي يلا بينا
في العربيه عند حمزه جريت أينور ونور قعدوا ورا جنب بعض
سيليا: اي ده أنا عاوزه أقعد ورا
أينور: اقعدي قدام جنب حمزة وبعدين انتي كنتي بتتخانقي مع سيلين عشان تقعدي قدام اي حصل
سيليا بصت لحمزه ولقته بيضحك
سيليا: مفيش
حمزه: طب اركبي يلا
سيليا بصوت واطي
مستعجل علي اي هركب يخويا أهوه ربنا يسترها
حمزه سمعها وضحك عليها
ركبوا وطلعوا بالعربية
وبعد وقت
وصلوا عند المول
حمزه يلا بينا ندخل
البنات : يلا
دخلو المول
أسر : هنروح فين دلوقتي
أينور: هدخل المحل ده شكلة حلو
سيلين: لا بصي ده شكله في حاجات أحلي
مريم: أنا جعانه
أسر:ياريتني ماسألت
زين: طب بصوا
مين عاوز يروح مع أينور المحل ده
نور:أنا هروح معاها
 سيليا : وانا كمان
زين :خلاص روح معاهم انت ياحمزه
وانت ياأسر هتاخد مريم المطعم
وانتي ياأسيل هتروحي فين انتي وأمندا
أسيل: انا هروح أشتري أيس كريم وأروحلهم المطعم علي طول
أمندا: انا هروح معاكي ياأسيل
أسيل: اشطا
زين : خلاص ماشي وانا هاخد سيلين وندخل المحل اللي هي عاوزاه
ونتجمع كلنا في المطعم
يلا بينا
حمزه :يلا
عند أسيل وأمندا
أسيل: اي اللي أنا شايفاه ده

رواية بنات الخالة الفصل التاسع 9 بقلم شروق حجازي
princess

تعليقات

ليست هناك تعليقات
إرسال تعليق
    google-playkhamsatmostaqltradent