رواية لست ضعيفة الفصل الثامن 8 بقلم رانيا عبدالعليم

الصفحة الرئيسية
رواية لست ضعيفة  الفصل الثامن بقلم رانيا عبدالعليم

رواية لست ضعيفة  الفصل الثامن

منار ضيقت عينها ونظرت للفتاه / بصيلي كده.
رفعت الفتاه وجهها.
تحدث منار بصدمه /انتي البنت اللي كان بيتخانق معاها بتاع القهوه
أومأت الفتاه برأسها
منار/ طب طردك ليه.
الفتاه بحرج/ عشان كسرت الشيشه.
منار بحنان/طيب تعالي معايا ومتعيطيش تاني ... صح هو انتي اسمك اي.
الفتاه/نسرين....بس بينادوني عطيات.
منار /طيب تعالي يا نسرين يلا اركبي العربيه.
نسرين بخوف/ هروح فين؟!.
منار/ يا ستي متقلقيش تعالي بس هاخدك معايا البيت.
_____________
هدي بحزن/ بقا كده يا احمد عايز تتجوز وما قولتليش هو انا هكرهلك  الخير يبني.
قبل احمد يدها/ والله ما اقصد حاجه يا ست الكل كل ما في الموضوع في واحد رن عليا وكان عايزني ف شغل ضرورى وفي الوقت ده انا كنت جاي اقلك.
هدي بأبتسامه/ امتي هتروح.
احمد/ انهارده بليل هنسافر.
هدي/ ماشي يا حبيبي ربنا يباركلك يبني ويتمملك علي خير .
_____________
إيهاب/يا امي جواز اي ده اللي عيزاني اتجوزوا ده .
سحر/يبني العمر بيجري وعايزه اطمن عليك قبل ما اموت.
إيهاب بلهفه / ياستي ربنا يديكي الصحه وطوله العمر وتفضلي دايما جمبنا وتشيلي عيالي وعيال عيالي.
سحر وهي تمصمص شفتاها  / وهي فين ام العيال ياخويا.
ضحك إيهاب ثم نهض من جانب والدته/ جهزي نفسك انتي وهبه يا امي انهارده بليل مسافرين عشان احمد خلاص هيتجوز.
____________
معتز/بس ليه الفرح يعني بسرعه اوى كده
الجد صابر/ ياولدي طلاما عيرتاحوا إكده خلاص وهو معاه شغلو مش قاعدلنا علي طول.
معتز  وهو ينهض/ طاب ياجدي ربنا يتمملهم علي خير .
الجد/ استني يا معتز.
معتز وهو يلتفت لجده/نعم ياجدي
الجد بحزن/ وانت يا ولدي مش ناوي تتجوز وتخليني اشوفك عريس واشيل عيالك قبل ما اموت.
معتز /ربنا يخليك لينا وما يحرمنا منك ابدا... بس لسه مفيش اللي لفتت نظرى يا جدي...عن اذنك.
____________
علي/ اي يا ابويا جرا اي انت هتقف ف وش ولدك عشانهم.
محمد(ابوه اللي كان بيكلمو ف الفون)/ اه طول ما انت غلط هفضل واقف ف وشك لحد ما تتعدل.
علي/ تمام وانا ماشي صح ومش عايز اي مساعده منك وهوصلها وهطربقها علي دماغ الكل.
وسابه ومشي.
___________
تاني يوم كان الكل وصل البلد.
منار / تعالي يا نسرين.
نسرين /نعم يا ست هانم.
منار كرمشت ملامحها/ قوليلي منار بس انتي زي ياسمين ماشي.
نسرين/ حاضر.
منار /هو انتي عندك كام سنه؟!
نسرين/ 16.
منار / ربنا يحميكي يا حبيبتي.
^______^
مؤمن /اسف مكنتش اقصد
هبه/ طب فتح بعد كده يا ضنايا.
مؤمن كرمشت ملامحه/ في اي بقلك مكنتش اقصد.
هبه/ بس بس انا ماشيه مليش مزاج ليك بجد فرصه سعيده نتخانق ف ظروف احسن من كده.
مؤمن وهو يضرب كفوفه في بعض/لا حول ولا قوه الا بالله البت دى عبيطه.
________
ياسمين/ وانتي بقا ي نسرين بتحبي تاكلي اي.
نسرين بحزن/ عادي اي حاجه.
ياسمين بزعل/ مالك في اي.
نسرين بأحراج/ انا مكنتش باكل اكل كتير عشان اعرف بحب اي .
ياسمين وهي تربت علي كتفها/ انسي كل حاجه عدت وابدئي من جديد اتفقنا.
نسرين بابتسامه/اتفقنا...هي منار وملك فين.
ياسمين/ اهم جايين علينا.
منار / بتعملو اي.
نسرين/عادي قاعدين.
منار/ طب بصو يبنات فرح احمد وملك خلاص كلها اسبوع...
ف الحنه الستات لوحدها والرجاله لوحدهم ...فاااااا احنا بقا هنلبس فساتين براحتنا وبشعرنا.
ياسمين/ فكره حلوه.
نسرين/ تمام نشوف الفساتين.
ملك/ ماشي انا أعرف واحده عندها شويه فساتين حلوين(ملك ومؤمن ومعتز درسوا  ف البندر ومعتز ومؤمن شغالين ف البندر ف اغلب كلامهم بحراوى )
منار/ طيب شوفيهالنا.
____________
مؤمن/ متقوموا يرجاله خلونا نعلق الزينه دي.
معتز ببرود/ وعايز تعلقها من دلوقتي.
مؤمن/ ياض هوقع تعالي انجز امسك السلم.
معتز/ عشان تعمل حاجه بعد كده من غير ما تاخد رأي حد.
احمد/ مالكم بتتخانقو ليه.
مؤمن/ شوف يا عم مش عايز يمسكلي السلم.
دخل يوسف وطارق من برا.
يوسف بضحك/ ههههههه اي المنظر ده يا مؤمن شكلك يموت ضحك
مؤمن/ بقا سايبني متعلق كده وعمالين تضحكوا انجزو حد يجي يمسك السلم عشان انزل.
____________
سحر/ ياختي تعبت وانا بقلو يتجوز مش عايز يريح قلبي.
هدي/ بكره يلاقي بنت الحلال اللي تعجبو ويتجوزها.
سحر بحزن/ لحد امتي يهدي كل مره اقول كده بس هو مش متحرك من مكانه من الشغل للبيت ومن البيت للشغل.
هدي بحنان/ سبيها علي الله ياختي ومتزعليش نفسك.
فريده بحزن / معتز ولدي معايزش يتجوز واصل كل ما احدتوا يغير الحديت مقطع جلبي عليه.
هدي/بكره ربنا يكرمهم ويلاقوا اللي يوقعوهم ويتجوزو متشلوش هم حاجه انتو بس.
_____________
الجد صابر/ الو ايوه يا محمد انت فين.
محمد/جاي يبوي.
الجد/ حمي جلبك ويلا عشان عايزك.
محمد بقلق/ ماشي يبوي.
______________
عدي يومين
_________
منار/تمام تمام شكرا يا فتحي.... لا مش محتاجه حاجه تاني كفايه المعلومات دى بس لو في حاجه جديده مهمه بلغني ...تمام سلام
منار بتوعد/ اوعي تكون فاكرني نسيت يا علي انت حسابك تقل وتقل اوى كمان.....انا لازم احط كاميرات ف الفيلا هنا....اه لازم احط عشان اعرف كل حاجه بتحصل ولا اي مشكله والاماكن اللي مش هعرف احط فيها كاميرا هحط فيها تسجيل.
نزلت منار علي الفطار.
منار بهدوء/ صباح الخير.
الكل رد عليها الصباح.
منار/ نسرين جهزي نفسك عشان هنخرج انهارده.
الجد/ عتروحوا فين.
منار/هخرج اجيب شويه هدوم للفرح ليا وللبنات ف هاخد معايا نسرين.
الجد/تمام معتز عيروح يوصلكم.
(منار اتعصبت لأنها مبتتعاملش مع رجاله وبتكرهم كل تعاملها مع اللي تعرفهم وفي حدود).
منار/مكنش ليه لازمه يجدى هنروح لوحدنا ونيجي.
الجد / مفيش حريم تندل لحالها عندنا.
منار /ماشي....فون منار رن
منار/ حبيبي والله شوف كنت لسه بفكر فيك بقا كده هنت عليك كل ده ومترنش عليا.
اللواء بضحك/ ههههه هتفضلي طول عمرك كده.....كنت عارف انك قدها يا منار .
منار/ قد اي يفندم .
اللواء/المهمه يبنتي وفي مهمه بعد ما ترجعي عشان النجاح ده انا كنت واثق ان ذئب الداخليه هيرجع رجعتيي يا ذئب الداخليه.
منار / مش كده يفندم.
اللواء/ كفايه تواضع يبنتي.
منار / ااا تواضع اي.
اللواء بضحك/ خلاص خلاص انا هقفل دلوقتي اكلمك بعدين بس اي الدنيا عندك.
منار / الحمدلله كلو تمام.
 اللواء/سلميلي علي احمد وباركيلوا كان نفسي ابقي معاكم بس انتي عارفه يبنتي .
منار بابتسامه/ عارفه وهو مش زعلان منك ...حاضر هقلو....سلام
تحت نظرات التعجب من الجميع لها .
منار /عن اذنكو يجماعه....(وقبل ما تقوم حطت حاجه لزقتها تحت الطربيزه).
الجد/ مين ده اللي كانت بتكلمو منار يا احمد.
احمد/ احمم ده ده مدير شغلها (بعد ما افتكر انها قالتلهم ميقلوش انها شغاله ف الداخليه).
منار مع نفسها/ فعلا ذئب الداخليه رجع يا محسن وهرفع راسك يا سيد وهخليك مرتاح ف تربتك وهجبلك حقك وعمرى ما هسكت علي الحق...
 فتحت منار اللاب توب بتاعها وفضلت تشتغل وهي ف مكانها وتدور علي معلومات اكتر .
__________
منار/جاهزه يا نسرين.
نسرين/ اه خلاص اهو جايه.
معتز ببرود/ انا هطلع علي العربيه قدامكم.
بعد دقائق وصلو للمكان المقصود
 منار/ بصي يا نسرين الفستان ده حلو اوى
نسرين بشهقه/ يلهوي بس ده قصير اوى ومفت"وح من كل حته
منار/ يابنتي عادي احنا اصلا هنقعد مع الستات بس
نسرين/ امم ماشي
جابوا حاجتهم ومشيوا.
___________
عدت الايام وجيه ميعاد الفرح.
___________
ملك اتجهزت وكانت زى القمر لبست فستان تحت الركبه بشويه ونص كم ولبست هيلز وياسمين لبست فستان قصير لونه سماوى وكانت حاطه ميك اب وشكلها تحفه نسرين حطت ميك اب خفيف لبست فستان لونه احمر خفيف وشكلها كان عسوله اوى  وهبه كانت لابسه فستان بمبي خفيف وميك اب خفيف كلهم جهزوا وخلصوا وكانت منار لسه جوا ف الاوضه لوحدها ومحدش شافها كانت واقفه قدام المرايا  وتحدثت بنبره استهزاء/هه انا نسيت شكلي هفضل لحد امتي كده مستخبيه انا لازم الكل يشوفني ويعرفني بدل منا محدش عارفني كده....
مسحت كل الميك اب اللي دايما مغير شكلها للاوحش ومغير شكلها تماما مسحت الروج الغامق اللي يبان انو لون شفايف عادى وهي لون شفايفها في الحقيقه وردي و يبان انو حاطه روج ومسحت الفونديشن اللي مسمره بيه بشرتها ومسحت الكونسيلر اللي بتحطو علي حواجبها عشان متبانش انها كثيفه وشالت اللينسيز اللي مخلي لون عيونها اسود وهي عيونها لوها ازرق كنت بتحط حاجات تبين ان معندهاش غمازات شالتها وكان شكلها كالتالي:
لابسه فستان رصاصي خفيف اوى والفستان فوق الركبه بكتير وكت ومف"توح علي الضهر كانت فارده شعرها وشعرها طويل كان مخبي ف"تحه الفستان حطت روج وايلاينر بس عيونها لونها ازرق وعندها غمازات ورموشها طويله وحواجبها كثيفه.
خرجت منار والكل بيبصلها بأعجاب....(محدش كان يعرف مين دى)
فضلت تغني وتر"قص معاهم والكل معجب بيها تعبت منار من كتر الر"قص وحست ان شكلها اتبهدل دخلت الفيلا عشان تعدل شكلها اتخبطت ف معتز وكانت هتوقع لحقت نفسها علي اخر لحظه ....
ووقفت بعصبيه من غير ما تاخد بالها مين ده/ اي خبطت في تريله ما تفتح بلا عمي كنت هوقع بسببك.
معتز واقف بيبصلها وساكت ومصدوم من جمالها ومين دى قاطعته من سرحانه....
منار بعصبيه/ ماتعديني يبني انت متنح كده ليه.
معتز/ اه اه ماشي عدي بس هو انتي اسمك اي؟!..
منار / ملكش دعوه...ومشيت.
فضل بيبص ف اثرها لحد ما اختفت.... خرج عند الرجاله وهو سرحان مؤمن جيه وخبطو ف كتفوا اي سرحان ليه يا عزوز..
معتز/......
مؤمن/ معتز انت كويس؟!
معتز/......
مؤمن/ياض امعتز مالك؟!..
معتز بسرحان/هممم مش عارف.
مؤمن /طيب بص انا هروح اجبلك لمون كده تروق علي نفسك.
معتز/ماشي.
راح مؤمن المطبخ لقي الدنيا ضلمه بس باب التلاجه مفتوح وفي نور جاي منو.
مؤمن/ مين هنا.
هبه/اعاااااااا يخربيت الخلفوك خضتنيي غو"ر يعم انت مستحلفلي..


رواية لست ضعيفة الفصل الثامن 8 بقلم رانيا عبدالعليم
princess

تعليقات

ليست هناك تعليقات
إرسال تعليق
    google-playkhamsatmostaqltradent