رواية انتقام ليل الفصل السابع بقلم فاطمة عادل
رواية انتقام ليل الفصل السابع
ليل قعد طول الليل يفتكر فى اخوه وأهله ويشرب لحد ما فقد اتزانه وسكر على الاخر ،طلع فوق على اوضة لين وقرب منها اوى وهى كانت هتنام ،شافته بيقرب عليها بصت عليه وهو بيقرب منها اوى ونزل لمستواها ،حط أيده على شعرها وقرب اوى من شف*ايفها ،وفجاه شدها من شعرها جامد وجز على أسنانه وقالها
ليل.لولا ابوكى الوس.....ده كان زمان اخويا عايش
هى اتوجعت من مسكته اوى وفضلت تعيط ومش عارفه ايه اللى حصل ومش عارفه ترد،وهو من كتر الشرب فقد وعيه تماما ومش عارف هو بيقول ايه
ليل كمل . لولا ابوكى كان زمانى خلصت كليتى وبقيت ظابط اد الدنيا زى ماكنت بحلم وزى ما ابويا كان نفسه
قام وقعد ادامها على السرير وقرب من وشها وهو عيونه مدمعه
وهى كشت فى نفسها وخايفه ودموعها نازله فى صمت
ليل.اخويا مات غدر،مات وهو لسه شاب بيشوف الدنيا وبيجرب حظه،ابوكى مرمحهوش ولا رحمنى
وانا مش هرحمه ،قام وقف وبقى يطوح يمين وشمال وقل*ع قميصه وقالها
انا هاخد حقى منه فيكى انت،زى ماعمل فى اخويا هعمل فيكى ومش هرحمك
لين بعياط وضعف .ارجوك انا مليش ذنب ،وبابا استحاله يعمل كده
ليل بضحكه مجنونه وبيصقف على أيده.طبعا لازم تدافعى عنه وطبعا لازم يفهمك أنه الاب المثالى والراجل اللى مفيش منه اتنين ،بس هو او*سخ راجل على وجه الارض ،وانا هعرف ازاى اخليه يحط رقبته تحت رجلى
وقل*ع هد*ومه ويدوب فضل بالهد*وم الدا*خليه وبيقرب على لين وهو بيطوح وسكران وقرب اوى من شفا*يفها وهى بترجع ورا بوشها ،ثبت رأسها بايده ويدوب هيبو*سها راح اترمى على رجلها وغاب عن الوعى
لين اتخضت اكتر وفضلت تهز فيه ،بس هو مش بيفوق ،نام وهو رأسه على رجلها وجسمه على بقية السرير
هى فضلت تعيط ومعرفتش تفوقه ولا تنام،قعدت طول الليل تفكر فى كلامه واللى قاله عن ابوها ،وقالت انها لازم تعرف بالظبط ايه اللى حصل لليل ،فضلت تفكر لحد ماراحت فى النوم وهى سانده على المخده اللى وراها وليل حا*ضن رجلها ونايم مش حاسس بحاجه
النهار طلع وابتدا ليل يفوق ومش قادر يفتح عينيه من الصداع ،فتحها براحه جدا وبيبص لاقى نفسه على رجل لين وهى نايمه ،قام اتفزع من مكانه وقال أنا ايه اللى جابنى هنا
وبعدين بيبص عليها بإعجاب وهى نايمه ومش عارف يسيطر على نفسه ،شايف ملاك نايم قدامه ،قرب منها بشويش ومد أيده حطها على شعرها ،قرب من خدها وطبع بو*سه خفيفه جدا علشان متحسش بيه ،فضل باصص عليها واتنهد جامد وقال
انا عارف انك ملكيش ذنب فى حاجه ومش عايز اتعلق بيكى ،بس لازم اخد حقى منه حتى لو هخسرك
مشى من ادامها وخرج وقفل الباب
هى فتحت عينيها وكانت سمعته وهو بيتكلم ،اتنهدت تنهيده كلها حزن على حاله ،واتاكدت أنه مكنش كده ابدا وان الظروف هى اللى وصلته لكده
نزل ليل تحت وعمل قهوه ونده على محسن
محسن جاى يجرى وقال
أوامرك ياباشا
ليل.مفيش جديد
محسن .لا ياباشا ،بس الراجل بتاعنا بيقول إن صفوت مش مبطل اتصالات وبيحاول بكل الطرق يعرف مكان بنته
ليل ببرود وهو بيشرب القهوة.انا هكلمه بنفسى وهخليه يفكر الف مرة قبل مايعمل حركه من بتوعه والمرة دى هخليهم يتقابلوا علشان صفقة المخد*رات ولازم ناخدها زى ما خدنا صفقة السلا*ح والتسليم هيكون بعد بكرة بليل عند المينا ،لازم نكون مستعدين
محسن . تمام ياباشا
ليل.انا بقى هتصل بصفوت وهلعب معاه شويه ،روح انت يامحسن
مشى محسن ،وقعد ليل يكمل قهوته ،وافتكر أبوه وامه لما عرفوا بموت على
فلاش باك
عمار حاطط راس على على رجله وصرخ بعزم مافيه عليييييي
صفوت بضحكه باردة،واهو ده بقى جزاء امثالكم لما تقفوا فى وش اسيادكم
عمار حط راس اخوه على الأرض وقام مسك صفوت من الياقه بتاعته
البودى جارد بتاع صفوت كلهم لفوا حوالين عمار ورافعين السلا*ح
عمار.انا مش خايف من حد فيكم ،وانت ياكل*ب انا لازم اقت*لك بايدى
صفوت بزعيق.مستنين ايه يابها*يم شوفو شغلكم
واحد من حرس صفوت شد ايد عمار من ياقة صفوت وضر*به بالبوكس فى وشه خلاه اترمى تحت رجل واحد غيره والتانى رفع عمار واداله بالبوكس الناحيه التانيه واللى قصاده مسكه وهكذا فضلو يحدفوه لبعض لحد ماعدموه العافيه،ورموه بره هو وج*ثة اخوه
صفوت وقف ادامه والسيجار فى بوقه وقال.العب بعيد ياشاطر،انت مش اد أذي*نة
عمار بتعب وبيحاول يقف ووشه كله جايب د*م .صدقنى هتدفع التمن غالى اوى(بيتكلم وهو بيقطع وبياخد نفسه بالعافيه) وفى يوم من الايام هخليك تقول أنا مر*ا
صفوت ضحك ضحكه شريرة وقال.هستناك ،بس صدقنى هتكون بقية عيلتك كلها ادمرت
لف عمار لأخوه المرمى على الأرض وحاول يرفعه ويشيله علشان يروح ،كل مايشيله يقع بيه وفضل كده لحد ماجمع قوته وشال اخوه ومشى بيه يطوح من كتر الضر*ب،وطبعا مفيش تاكسى رضى يقفله ابدا لانه ماسك بين أيده ج*ثة
فضل ماشى باخوه لحد ماوصل عند بيته ،ابوه كان قلقان عليهم جدا وفضل واقف فى البلكونه مستنى حد فيهم يظهر ،لحد مافجاة ظهر عمار وهو شايل جث*ة اخوه ومش قادر يرفعه اكتر من كده وبيطوح بيه ،ابوه اتخض ونزل جرى على السلم وفتحيه شافته نزلت تجرى وراه
اول ماوصلو عند عمار عمار وقع على ركبه وج*ثة اخوه بقت نايمه على الأرض قدامه
شافهم محمد ابوهم بقى ماشى ببطئ شديد ومش عارف يجمع هو فى ايه ،فتحيه شافتهم فضلت تصوت وتلطم وجريت على عيالها
محمد قرب منهم ومش قادر يجمع الكلام لحد ماطب ساكت على الأرض
فاق ليل من ذكرياته على محسن وهو بيقول
ليل باشا
ليل.مممم
محسن .جمعت الرجاله زى ما سيادتك أمرت ومستنين إشارة
ليل .تمام نص ساعه وهبدا الاجتماع
ليل طلع على السلم وفى دمعه فرت من عينه مسحها بسرعه ودخل على لين
لين شافته اتخضت وبصت عليه
ليل طلع الفون من جيبه واتصل بصفوت من رقم غير الرقم اللى معاه
صفوت.الو
ليل بتغير بسيط فى صوته.اهلا ب او*سخ راجل على وجه الأرض
صفوت.انت مين ياحيو*ان
ليل ببرود.تؤتؤتؤ انا لو منك متكلمش بالاسلوب ده،خصوصا وانت حياتك فى ايدى
صفوت.انت مين
ليل.كابوسك،عملك الاسود،ذنوبك فى الدنيا
صفوت هيتكلم
ليل راح على لين مسكها جامد من شعرها خلاها صرخت
صفوت اتخض.لييين انت بتعملها ايه ياحيو*ان
ليل.كل خير ،بطلع عليها القديم والجديد
صفوت.سيبها وهعملك اللى انت عايزه
ليل .انا كده كده هاخد اللى انا عايزه
صفوت .نتفاوض
ليل.صفقة المخ*درات الجاية بتاعتى
صفوت .وبنتى
ليل.مع انى مشبعتش منها وشدها تانى جامد من شعرها خلاها
صرخت بصوت اعلى علشان يلعب بأعصابه ،بس هشوف
صفوت.يعنى ايه هتشوف،قسما بالله مش هيكفينى رقب*تك ورق*بة اللى خلفوك لو لمست منها شعره
ليل.مش انت اللى تقولى اتكلم ازاى،وطول مارق*بتك تحت رجلى تسمع الكلام وانت حاطط فى بوقك جز*مه
بكره هكلمك واقولك نتقابل فين
صفوت لسه هيتكلم قفل السكه فى وشه
بص على لين اللى دموعها مغرقه وشها وقالها