رواية لعبة القدر الفصل الخامس بقلم منة محمد
رواية لعبة القدر الفصل الخامس
سلمي: بس انا عندي شرط
مروان: موافق
سلمي: انت عارف ايه هو
مروان: مش مهم
سلمي:طيب
مروان رن علي شخص:روح مستشفي**** هتلاقي مريضه بأسم سهير خودها بعربيه إسعاف و هاتها مستشفي الجارحي
الدكتور: اوامرك يا فندم
انهي مروان اتصاله و قام بالاتصال مع دكتور في المستشفي
الدكتور:أهلا ي مروان باشا
مروان:جهز اوضه العمليات في حاله هتيجي دلوقتي حالا لازم تدخل العمليات
الدكتور: اوامرك يا باشا
مروان: يلا ي سلمي
سلمي مشيت مع مروان و راحوا المستشفي..
الدكتور: أهلا ي مروان باشا
مروان: أهلا مدام سهير دخلت
الدكتور: ايوه ي فندم و بيتم تجهيزها حاليا
مروان:خلي بالك منها دي حماتي
الدكتور: حضرتك اتجوزت الف مبروك ي باشا
مروان: الله يبارك فيك
دخل مروان و سلمي و هدير اوضه لانتظار والدة سلمي تخرج من العمليات و ظلوا صامتين قطع هذا الصمت تليفون مروان
مروان: جهز اللي قلت لك عليه و الاقيك قدامي دلوقتي
المجهول: حاضر ي باشا
مروان: سلمي جاهزه
سلمي بصيت له بحزن و أشارت برأسها بأنها جاهزه
هدير باستغراب: جاهزه لأيه ي سلمي
مروان: يريت تخليكي ف حالك ي انسه هدير
هدير: انت مجنون دي صاحبتي
سلمي: مروان ممكن اتكلم معاك
مروان:اتفضلي
سلمي: مروان انا موافقه بس انا عايزه ماما تفوق علشان تكون عارفه
مروان بتفكير: ماشي موافق
سلمي: شكرا جدا
بعد فتره خرجت مامت سلمي بس مكنتش فاقت و فضلت حوالي ٤ ساعات مش فاقت
سلمي بقلق: هيا ماما مش فاقت ليه
مروان: عمليه خطيره زي كدا اكيد هتفضل فتره تعبانه
سلمي: خلي الدكتور يجي يشوفها
مروان: تمام..
وصل الدكتور و قال
الدكتور: هيا المفروض تكون فاقت من ٣ ساعات علي الاقل
مروان: طيب و بعدين
الدكتور بتوتر: عادة العمليه دي بيبقي بعدها مضاعفات
مروان: ايوه قول اللي عايز تقوله من غير كلام كتير
الدكتور: مدام سهير دخلت ف غيبوبه
سلمي اغمي عليها
مروان جري علي سلمي و شالها و ابتدي يفوق فيها
سلمي فاقت و ابتديت تعيط
مروان في محاوله لتهدئة سلمي:عادي ي سلمي دي عمليه صعبه و تقيله و كلها كام يوم و تفوق عادي
سلمي للدكتور:يعني مفيش خطر ي دكتور
الدكتور: والله انا مقدرش احدد حاجه زي كدا
سلمي:تمام
مروان: انا هخلص حاجه و هرجع تاني
سلمي: تمام
⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️
راح مروان ل باباه و حكي له انه هو عايز يتجوز سلمي
ابو مروان: يعني انت عايز ايه دلوقتي
مروان: هتجوزها
ابو مروان: انت واحد بتسهر مع بنات كل يوم و بتسكر انا مش موافق تبهدل بنت الناس معاك
مروان: بابا انا مش هبهدلها بالعكس انا هنتشيلها من الفقر اللي هيا عايشه فيه
ابو مروان: مش كل حاجه الفلوس ي بني
الفلوس ممكن تخليك مخنوق لدرجه الانتحار
مروان:ي بابا انا عايزها
ابو مروان: امها تقوم بالسلامه و ربنا يسهل
مروان بفرحه: شكرااا ي بابا♥️
ابو مروان:العفو
رجع مروان لسلمي و قال لها
مروان: بابا وافق
سلمي: وافق علي ايه
مروان: نتجوز
سلمي بحزن: ماشي
عدي أول أسبوع و مامت سلمي لسه مش فاقت..
مروان: يلا ي سلمي
سلمي: يلا فين
مروان: اي مش هتنزلي شغل
سلمي: اه انا كنت ناسيه حاضر هلبس
مروان: هروح الشركه واول م توصلي تيجي لي المكتي سلام
سلمي كلمت هدير و قالت لها تقعد مع مامتها
و راحت سلمي الشغل واول ما وصلت دخلت المكتب و لقيت حد تاني مكان مروان
سلمي:احم بشمهندس مروان قالي اجي المكتب اول م اوصل
ابو مروان: انتِ سلمي
سلمي: اه انا
ابو مروان: تعالي ي بنتي
سلمي دخلت باستغراب: حضرتك تعرفني
ابو مروان: انا ابو مروان ي بنتي
سلمي: أهلا بحضرتك
ابو مروان: أهلا بيكي ي بنتي قوليلي بقا ماما أخبارها ايه
سلمي بحزن: والله تعبانه و لسه مفاقتش
ابو مروان: هتبقي كويسه ان شاء الله
سلمي: يارب ان شاء الله
ابو مروان: تقدري تستلمي شغلك و لو احتاجتي اي حاجه ي بنتي كلميني..
سلمي: حاضر شكرا لحضرتك
سلمي مشيت و راحت استلمت الشغل بتاعها بس فضلت طول اليوم و هيا حاسه باحساس غريب ناحيه ابو مروان وحاسه ان هو شخص مألوف بالنسبه ليها
ابو مروان رن علي شخص: هبعت لك اسم حد عايز اعرف عنه كل حاجه
الشخص: اوامرك ي فندم
بعد حوالي ٣ ساعات
ابو مروان: انا كنت متأكد
انهي ابو مروان مكالمته...
ابو مروان طلب من السكرتاريه تبعت له سلمي
سلمي: اوامرك ي فندم
ابو مروان:انتي باباكي فين
سلمي:بابا متوفي من قبل م اتولد
ابو مروان:اممم ربنا يرحمه
سلمي: يارب
قاطع كلامهم تليفون سلمي
سلمي بتوتر: ا.اانا اسفه
ابو مروان: ردي ي سلمي
سلمي: لا مش هينفع
ابو مروان: انا بقولك ردي
رديت سلمي و كانت هدير و بلغتها ان مامتها فاقت
سلمي بفرحه: بجد طيب انا هاجي دلوقتي سلام
و لسه سلمي هتتكلم
ابو مروان: روحي ي سلمي ل مامتك اطمني عليها
سلمي بفرحه: شكرا جدا جدا بجد مش عارفه اقول لحضرتك ايه
ابو مروان: استني انا كمان هوصلك علشان ابقي اوصي عليها هناك ف المستشفي
سلمي: لا ملهوش لزوم
ابو مروان: هو انا مش ف مقام باباكي
سلمي بضحك:اكيد طبعا
ابو مروان :طيب يلا
بعد حوالي ربع ساعه وصلوا المستشفي و دخلت سلمي حضنت مامتها و قعدت تعيط
مامت سلمي: انا بخير ي بنتي الحمد لله
سلمي: كدا ي ماما تخضيني عليكي هونت عليكي طيب
مامت سلمي: حقك عليا ي بنتي والله حقك عليا
و قاطع كلامهم دخول ابو مروان و كانت الصدمه...
- تابع الفصل التالي عبر الرابط:"رواية لعبة القدر"اضغط علي اسم الرواية