رواية انتقام ليل الفصل الرابع بقلم فاطمة عادل
رواية انتقام ليل الفصل الرابع
سندها ليل تاخد الدوا وهى سانده على كتفه فتحت عينيها وجات فى عنيه وقالت
لين. انت هتعمل فيا ايه...ارجوك انا عايزه اروح لبابا
ليل بهدوء.متخافيش، افتحى بوقك خدى الدوا
فتحت لين فمها واخدت الدوا ورجعت نامت تانى زى ما يكون حلم
سهر جنبها طول الليل وهو يعمل فى كمادات باردة لحد ما الحرارة نزلت والنهار بدأ يظهر
شال كل حاجه من الاوضه وحتى الادويه وكل وسائل المساعدة ونزلها تحت،وطلع على غرفته اخد شاور وفضل قاعد على السرير يفكر فى لين واد ايه هى بريئه وجميله،فضل يفكر ازاى دى بنت صفوت ،ازاى الشيطا*ن يخلف ملاك
افتكر اخوه اللى راح غدر بسبب صفوت وبسبب صاحب السوء
فلاش باك
عمار فضل يدور على على ويسأل عليه فى كل مكان ، اتصل بصاحبه ابراهيم قاله أنه ميعرفش عنه حاجه
روح وهو مضايق ومش عارف يعمل ايه، فجأة وهو طالع على السلم ، اخوه جاى من وراه ونده عيله
على. عمار عمار
عمار لف بسرعه ونزل السلم تانى يجرى
عمار. ايه ياعلى انت كنت فين
على. فى المدرسة ، لسه راجع اهو وشوفتك طالع على السلم ندهتلك
عمار ضر*ب على بالق*لم .كداااب
على بزهول وأيده على وشه. انت اتجننت انت بتض*ربنى بالق*لم
عمار. واك*سر رق*بتك لما تكدب على الكل واولهم ابوك الغلبان وتقول انك فى المدرسة يبقى لازم اك*سر رق*بتك
على. ومين بقى قالك كده علشان احط صباعى فى عينه واكدبه ادام الكل
عمار خرج جواب الغياب من جيبه وقاله. ده اللى قالى انك كداب، وروحت بنفسى المدرسه وسالت وفعلا قالولى انك مش يتحضر ،كنت فين ياعلى كنت فين وانا قالب عليك الدنيا،وابوك المسكين مستنيك ترجع من مدرستك علشان يتغدا معاك، رد عليا كنت فين
على ووشه فى الارض.كنت فى شغل
عمار.شغل، شغل ايه ده وانت لسه عيل فى تالته ثانوى
على .قولتلك قبل كده مش بحب الدراسة ولا عايزها ،محدش فيكم صدقنى
عمار.تقوم تكدب علينا ،وتفهمنا انك شاطر وبتنجح،لا وابوك وامك فاهمين انك فى المدرسة وأنك ياعينى شقيان فى المذاكرة والدروس
وعلى كده بقى ياعلى سيادتك شغال ايه
على وشه فى الارض ومش عارف يرد
عمار.انطق ياعلى شغال ايه
على بصوت مهزوز.فى ملهى توفيق البرنس
عمار بصدمه.ملهى ليلى ياعلى
على بخفوت.ايوة ،بس صدقنى معملتش حاجه غلط ولا عمرى غضبت ربنا
عمار. وانت كده مش بتغضب ربنا ياعلى
على .لا انا ولا بشرب ولا بعمل حاجه حرام ،انا بس بقدم مشروبات وبكسب كتير اوى ياعمار احسن من اى واحد معاه شهاده
عمار بحزن.ياخسارة ياعلى ،انا مش عارف اقول ايه لابوك ولا لامك اللى دايما يقولوا خلى بالك من اخوك وانصحه علشان يبقى زيك ويدخل كليه محترمه
فاق ليل من ذكرياته على خبط على الباب
ليل ببرود.ها
محسن .ياباشا البت صحيت وبتعيط وصوتها عالى
ليل.سيبها ومحدش ليه دعوه بيها، ولو حد لم*سها هيبقى بمو*ته
محسن. تمام ياباشا ،ولف يمشى
ليل. استنى يامحسن عايزك تجمعلى كام راجل من بتوعنا عايزهم فى مهمه جديده
محسن. تحت امرك اجمعهم امتى
ليل. انهاردة اخر النهار
محسن. تحت امرك
خرج محسن وقام ليل يشوف لين
راح على اوضتها وفتح الباب لقاها قاعده على السرير بتعيط
ليل. انت برضو بتعيطى والأكل اللى قدامك ماكلتهوش،شكلك عايزة تاكلى الفار اللى ورا الدولاب
لين بعياط. انا تعبانه جدا، ومش عايزة اكل ، وبعدين انت كنت بتعمل ايه هنا بليل
ليل بضحكه مجنونه.انت شكلك بتخرفى
لين .لا مش بخرف انت كنت هنا واديتنى دوا
ليل بابتسامة برود.انا مكنتش هنا لا بليل ولا بالنهار،قرب ببرود وهمس قدام وشها بس لو عايزانى اجى بليل انا معنديش مانع
لين بخوف وكسوف.انت قلي*ل الاد*ب
ليل ببرود.اتقى بقى ش*ر ق*لة اد*بى ،علشان معرفكيش مقامك يابنت صفوت
لين .انا بابى ده احسن راجل فى الدنيا
ليل بضحكه سمعت كل اللى موجودين . احسن راجل مرة واحده، اقولك انا مش هتكلم انا هخليكى تعرفى كويس مين هو صفوت الشريف
وخرج ورزع الباب
لين بعياط. تعالى بقى يا بابا وخدنى من هنا
فى مكان تانى شبه مخزن مهجور
قاعد ليل على رأس ترابيزة وحاوليه رجاله
بيتفق معاهم أنهم يلعبو شويه مع صفوت وشريكه توفيق
ليل. انت
بص عليه واحد من رجالته. اؤمر ياليل باشا
ليل. هتتصل بصفوت تقوله أن بنتك معايا وأنك علشان ترجعها لازم يتنازل عن صفقة السلا*ح اللى جايه كلها
محسن . طب وبعدين
ليل : وبعدين هتيجو المكان اللى هنتفق مع بعض عليه، طبعا بنت صفوت مش هتكون معاكم دى هتكون هنا ومش هتخرج ،بس لازم نلعبو شويه ،هو هيتنازل عن صفقة السلا*ح اللى جايه كلها لينا من غير مايعرف
الحارس.طب ولو اتكشفنا ياكبير
ليل بيرزع على الترابيزة اللى قدامه .لو شايف نفسك مش اد انك تبقى واحد من رجالتى يبقى بلاها وخرج مسد*سه صوبه ناحية الحارس
الحارس بخوف شديد رفع أيده لفوق .انا مقصدش ياباشا انا بس بفترض وافكر بصوت عالى
ليل.وانا مش مشغل معايا موظفين علشان تقولى بفترض وافكر،احنا بنقت*ل بد*م بارد،وبنعمل عمليات نص*ب،وبنتاجر فى المم*نوع،يعنى حياتنا محطوطه على كف عفر*يت،مفيهاش فرصه تقولى افترض وافكر،شايف نفسك مش ادها يبقى بلاها
محسن. هدى نفسك ياباشا هو ميستاهلش تتعصب علشانه
الحارس.اعذرنى ياكبير واعتبرنى مقولتش حاجه
ليل لكل الموجودين.انا هعمل انى برجع بنت صفوت وانى بض*رب عليكم نا*ر وطبعا كلكم هنا مدربين على النشان كويس يعنى محدش فيكم يصيبنى ولا حتى يقتل صفوت
محسن.اومال ياباشا مش حضرتك عايز تخلص منه
ليل.هخلص منه بس على الهادى لازم ادوقه العذا*ب اشكال,المو*ت رحمه لامثاله
محسن .فهمتك ياكبير اصابه خفيفه كدا من غير مو*ت
ليل قام وقف .بالظبط هو ده المطلوب كلمه بقى علشان تتقابلو بكرة
الاجتماع انتهى ،وسابهم وخرج
ركب عربيته ورجع الفيلا تانى وطلع على السلالم وراح ناحية اوضة لين ،فتح الباب ودخل شافها قاعده على السرير ودموعها على خدها
ليل.هو انت مش هتبطلى عياط خالص
لين.وابطل ليه طول مانا هنا عمرى ماهبطل عياط
ليل.طب انا مبحبش العياط والنكد ومش حابب اشوفك كده
لين. يبقى ترجعنى لبابا
ليل بابتسامة.بتحلمى
لين بعياط.يبقى عمرى ماهبطل عياط ابدا
ليل.احسنلك تتأقلمي بسرعة علي حياتك هنا عشان شكل قعدتك عندنا هتطول حبيتين ، لو قضتيها عياط عيونك الحلوة دي هتدبل
لين شردت شوية بتفكر في كلامه وبعدها بصت له وقالت انت اسمك ايه أنا بكون عايز اشرب احيانا ومش بعرف انادي عليك
ليل ببرود : اسمي مرة واحدة انتي فاكرة نفسك هتصحبيني يا بت
لين لوت بقها علي جمب وقالت : اسفه
سكت شوية واتنهد وبعدها بص لها بطرف عينه وقال لها : انتي اسمك لين صح وقال في نفسه اسم علي مسمي ، إنتي بريئة زي الأطفال
لين هزت راسها بابتسامة وقالت : ماما الله يرحمها هي اللي سمتني الاسم دا
ليل بصلها بملامح لينة شوية وقال : طب يالين ياريت تبطلى عياط لانه مش هيفيدك بأى حاجه
لين : ممكن اطلب طلب من حضرتك
ليل : من أولها كده طلب ما تتعشميش اني اعاملك افضل من كده
لين : طب على الاقل انا نفسى اشوف الشمس انا تعبت من الحبسه دى
ليل بدون تفكير شالها وحاطها على الكرسى وخرج بيها بره الاوضه وقال لها
ليل : استنى انا جاى
دخل اوضته وجاب شال كبير حطه على كتفها
هى استغربت وبصتله
هو حاول يرسم الجمود على وشه وقالها
ليل.الجو برد وانا مش مستعد اعالج حد ولا أسهر جنب حد
لين ابتسمت لأنه اعترف من غير ما يحس انه سهر جمبها بس لفت وشها تانى ادامها وسكتت
ليل بتنهيدة كلها حيره قالها. انا هنزلك تحت شويه تشمى هوا وتشوفى الشمس ،بس قسما بالله اى حركه منك او صوت أو كلام ملهوش لازمه مش هتشوفى النور تانى فى حياتك
لين هزت راسها وقالتله.انا اصلا عاجزة مبقدرش اتحرك ولا هعمل حاجه
ليل شالها ونده على واحد من الحرس نزل الكرسى بتاعها وقاله
على فين ياباشا
ليل .على الجنينه اللى ورا
الحارس. امرك ياباشا
ونزل على الجنينه بلين وحاطها على الكرسى وفضل واقف جنبها وهى بتحرك ايديها تجاه أشعة الشمس وبتتنفس براحه
هو واقف بيبص عليها باستغراب وضيق وبيفكر ليه البرأة دي كلها تكون بنت الشي*طان اللي اسمه صفوت
لسة بيفكر فيه فجأة موبايله رن وكان المتصل صفوت
ابتسم بسخرية وقال : إنت اللي زيك عمره ما يكون ابن حلال وفتح المكالمة ورد ببرود : اهلا صفوت باشا
لين قالت بدهشة : بابا !