رواية بنات الخالة الفصل الثالث 3 بقلم شروق حجازي

الصفحة الرئيسية

 

 رواية بنات الخالة الفصل الثالث بقلم شروق حجازي

 رواية بنات الخالة الفصل الثالث

 صحيت سيلين وصحت سيليا وصحوا الاتنين أمندا  
سيلين بصوت واطي انا زهقت ولسه المسافة طويلة
أمندا وسيليا في صوت واحد لاااا
كفاية أخر مره زهقتي فيها مش فاكره عملتي اي واي حصل
بصوا البنات لبعض وقعدوا يضحكوا جاامد
فلاش باااك
قامت سيلين وندهت علي سيليا وأمندا
سيليا وأمندا في صوت واحد خير ياكبير
 سيلين :انتوا مش زهقانين أصل أنا زهقانه
أمندا قالت لسيليا الحقي الريسه زهقانه شكل في مقلب جديد النهارده وقعدا يضحكوا عشان سيلين كل مابتكون زهقانه بتعمل مقلب في حد
سيلين:طالما ضحكتوا يبقا علي خيرة الله 😂😂😂
تعالوا بقا أقولكوا علي الخطة.................
هااا كده كل واحده فهمت هتعمل اي
سيليا وأمندا في صوت واحد دا احنا تربيتك ياكبير
سيلين كده انا قلقت أكتر 😂
ضحكوا البنات وبعدين كل واحده راحت تنفذ المطلوب منها
في أوضة بنت خالهم اسمها ريم (خالهم اللي كان عاوز يجوزهم غصب)
كانت بتاخد شاور وطلعت لبست هدومها ومسكت الفون بتاعها تلعب فيه
وبعد فتره من الوقت حست ريم بحاجه بتاكلها في جسمها وقعدت كل شويه تهرش زي الجرباااانة 😂
وتقول ايه ده أمال لو مش لسه مستحميه حالا
لا كدا كتيير كتيييير أوي كمان انا مش قادره
صرخت ريم ياماااامااااااا ياااامااااامااااا
كل ده والبنات مستخبين ومش قادرين من كتر الضحك نعم عزيزي القارئ هما اللي حطولها بودره في الهدوم تخليها كل شويه تهرش زي الجربه كده 😂
أمها جااات اي في اي ياماااامااااااا ياااامااااامااااا اي ودني اتخرمت منا مرزوعه معاكي في نفس المخروبه أهيه في اي وبعدين مالك مش علي بعضك كده وعماله تهرشي زي الجربه كده
ريم :انتي بتتريقي عليا ياماما معرفش انا لسه مستحميه وطلعت يدوب لبست هدومهي وبعدها بقيت بهرش كده
اااااااه
ريم ببكاء:أكيد هما يماما بنات عماتي هم بيكرهوني وبيغيروا مني
أمها طب قومي خودي شاور تاني بدل منتي بتهرشي كده
ريم: حاضر
أمها :الله يخربيت أبوكي خلتيني أهرش انا كمان زي الجربه كده 😂
ريم :انتي بتشتميني ياماما
أمها:انتي لسه واقفه امشي استحمي وتعالي نشوف صرفه للثعابين بنات عمتك دول
ريم:حاضر
البنات من بعيد بقا احنا ثعابين طيييب الصبر علينا
سيلين بصت لسيليا
سيليا :علم وينفذ ياريسه 😂
سيلين :عملتي اي
سيليا:كله تحت السيطره
دخلت ريم تستحمي وهي بتستحمي المايه اتقطعت
ريم في نفسها كملت دا انتوا مخططين أوي كمان
مسحت ريم الصابون من علي وشها ولقت جردل مايه وخادته
خلصت وطلعت حطت كريمات ومراهم كتير لحد ماجسمها راق شويه وطلعت راحت لأمها  
ريم :هنعمل اي ياماما
أمها:بقايعملوا في بنتي كده تعالي ورايا
وقامت ريم وأمها راحوا أوضة البنات ورزعوا الباب
والبنات اتخضت جامد
أينور:ايه ده انتوا ازاي تخشوا كده
ريم :بيتنا ونعمل فيه اللي احنا عاوزينوا وندخل أي أوضة تعجبنا
أينور :لا يحبيبتي زي ماهو بيتك فاهو بيتنا احنا كمان أمي وخالتي الله يرحمهم ليهم فيه ماشي فاتحترمي نفسك وتتكلمي عدل
أم ريم :انتي ازاي تكلمي بنتي كده انتي مش عارفه اخواتك وبنت خالتك عملوا اي في بنتي وفي اللحظة دي دخلت العصابة (سيلين،سيليا،أمندا)ولا كإنهم عملوا حاجه ملايكه يعيني 😂كان فضلهم شويه والجناحات تطلع
ريم : أهلاً شرفتوا كنتوا مستخبين فين ان شاء الله عشان تداروا علي اللي عملتوه
بصوا الثلاث بنات لبعض وبعدين قالوا مالها دي وبعدين هنستخبا ليه عملنا عمله ولا عملنا عامله
ريم:انتوا ليكوا عين تنكروا كمان
البنات احنا ماعملناش حاجه احنا نزلنا نشتري حاجات ناقصانا
أينور : كانت بتبصلهم بشك وهي شبه متأكده انهم ورا اللي حصل أياً كان
نور :في اي بس انتوا عمالين ترغوا ومعرفناش المشكله
مامت ريم حكتلهم  اللي البنات عاملوه في ريم
أينور :تعالوا هنا انتوا الثلاثه
البنات نعم
أينور :انتوا اللي حطتولها حاجه وخلتوها تهرش زي الجربه كده
البنات وهم ماسكين نفسهم من الضحك عشان ميتفضحوش
قالوا لا احنا بينا وبينها اي عشان نأذيها وبعدين احنا كنا بنشتري حاجات
أينور بشك تمام
نور :شوفتي انك وبنتك يامرات خالي ظالمتيهم وخلاص
ريم وأمها واقفين متغاظين من الخمس بنات
ريم :انا لما بابا يجي هخليه يتصرف معاكوا
ومشيت ريم وبعديها أمها
أينور قالت لنور اقفلي الباب يانور
البنات بصوا لبعضهم بخوف عشان هما عارفين ان أينور عمرها ما يدخل عليها الكلام ده
أينور:عجبكوا اللي حصل ده ولسه لما خالكم يعرف احنا ناقصين مشاكل الحربايه مراته والعقربه بنته هيولعوها
البنات هي اللي ابتدت وبتكرهنا
أينور خلاص كل واحده تروح تشوف هي بتعمل اي
البنات احنا أسفين وكانوا زعلانين عشان عارفين انها مش هتعدي ودايماً خالهم بيجي علي نور وأينور عشان هما الكبار وبيبهدلم
نور:خلاص المهم ده ميتكررش تاني وربنا يسترها بقا ونشوف خالكوا هيعمل اي
البنات:حاضر المهم متزعلوش مننا عشان احنا منقدرش علي زعلكوا وقاموا حضنوا نور وأينور

رواية بنات الخالة الفصل الثالث 3 بقلم شروق حجازي
princess

تعليقات

ليست هناك تعليقات
إرسال تعليق
    google-playkhamsatmostaqltradent