رواية لعبة القدر الفصل الثالث بقلم منة محمد
رواية لعبة القدر الفصل الثالث
رنا راحت المستشفي ل سلمي
رنا بتمثيل: الف مليون سلامه عليكي يا حبيبت قلبي انا مصدقتش نفسي لما عرفت اللي حصل و انا واثقه ان انتي معملتيش كدا و ان شاء الله هنعرف مين الحيوان اللي عمل كدا
مامت سلمي: اي اللي حصل
هدير حاولت تداري علي الموضوع
رنا:اي دا ي طنط انتي معرفتيش
هدير: رنا تعالي انا عايزاكي براا
واخدتها من ايديها
هدير: انتي كنتي هتقولي لمامتها ايه انتي مجنونه مامتها ممكن تروح فيها
رنا: وانا مالي دا جزاتي يعني علشان جايه اطمن عليها
هدير:بصي انتي كل اللي بتعملي مش داخل عليا انه حب ل سلمي ف والله لو عرفت ان انتي سبب ف اذيتها انا مش هرحمك
رنا بتمثيل: انا وحشه ايوه بس مش لدرجه أاذي بني آدم
هدير: تمام هنشوف...
(دخلوا تاني)
لقوا مروان جواا
و مامت سلمي منهاره
هدير: ف ايه ي طنط انتي بتعيطي كدا ليه انت قلت لها ايه
مامت سلمي: كدا ي هدير تخبي عليا انا
هدير بتوتر:انا خبيت عليكي ايه
مامت سلمي: السبب اللي خلي سلمي تفقد النطق
هدير بتوتر: والله ي طنط كنت هقولك بس كنت مستنيه سلمي تقوم بالسلامه
مروان ببراءه: اهدي ي أمي لو سمحتي و انا هعرف هو مين
هدير: انت تخرس خالص مش عايزه اسمع صوتك و اطلع برا اصلا يشيخ خلي عندك شويه كرامه و احساس
مروان: انا لو معنديش احساس مكنش هيبقي قلبي عليها
هدير بغيظ: مروان انت عارف ان سلمي بتكرهك اي اللي جايبك
مروان ببرود: جاي اطمن عليها
فجاءه مامت سلمي اغمي عليها لما شافت صوره بنتها علي الفيس
هدير: طنط فوقي ي طنط فوقي
مروان: انا هنادي ع الدكتور
بعد فتره:
الدكتور: عادي هيا ضغطها علي بس شويه و هتبقي كويسه
هدير بارتياح: الحمد لله
عند غرفه سلمي...
مروان بضحك: شوفتي ان اللي بيجي عليا مش بيكسب أبدا
سلمي بصيت له بعدم فهم
مروان: الف مليون سلامه عليكي ي قلبي تقوميلي بالسلامه
و سابها و مشي
رنا حضنت سلمي: حمد الله علي سلامتك ي حبيبتي تقومي لنا بالسلامه يارب
بعد أيام ابتديت سلمي تتحسن و رجعت كويسه
تسريعا للاحداث...
بعد اسبوع في بيت سلمي
هدير: انتي هتفضلي مستسلمه كدا
سلمي: اعمل اي طيب
هدير: لازم نعرف مين اللي عمل كدا
سلمي:احنا ناس غلابه يعني مهما حصل مش هنعرف ناخد حقنا
اه صحيح انا اهلي دخلوني احسن مدارس علشان انا بنتهم الوحيده بس دى مش معناه ان احنا نقدر ناخد حقنا
هدير: احتسبي كل دا عند ربنا ي حبيبتي هو هيجيبلك حقك
اه صح النتيجه هتطلع بكرا
سلمي: ربنا يستر
انا عايزه اشتغل علشان اصرف علي نفسي كفايه كدا علي بابا
هدير: هحاول ادور لك علي شغل
..........
عند رنا و مروان
رنا: هنعمل اي
مروان: مش هنعمل حاجه
رنا باستغراب: يعني اي
قاطع كلامهم تليفون مروان
مروان: هاا
المتصل:.......
مروان: تمام
رنا: مين اللي بيكلمك
مروان: مش شغلك
رنا: مروان انت بتعمل كل دى ف سلمي ليه
مروان: اي ننوسه صعبت عليكي
رنا: لا بس يعني كفايه انت رديت لها بدل الألم عشره باللي عملته دا
مروان: و لسه...
رنا: انساها ي مروان انت مش بتحبها
مروان بعصبيه: وانتي مالك بتدخلي ف اللي ملكيش فيه ليه وانتي اصلا اشعرفك اني مش بحبها
رنا: ايوا انت مش بتحبها انت عايز ترضي غرورك بس و كبريائك و ان مفيش بنت ترفضك اللي بيحب حد بجد بيحب يشوفه مبسوط مش يأذيه اللي بيحب حد بجد بيتمناله السعاده حتي علي حساب سعادته هو لكن اللي انت بتعمله دا اسمه انتقام
مروان سابها و مشي...
______
اليوم التالي
كله واحد قاعد علي اعصابه مستنين اعلان النتيجه
هدير: انا تعبت هتظهر امتي اللينك معلق
سلمي: مش عارفه والله انا خايفه اووي
هدير بحزن:ظهرت
سلمي بلهفه:كام؟
هدير:٩٠%
سلمي بفرحه:الف مبروك ي حبيبتي الف مليون مبروك
هدير:مبروك علي ايه بس دول هيدخلوني ايه
سلمي: احنا لسه معرفناش التنسيق ايه
هدير: انتي نتيجتك مظهرتش
سلمي: لسه بتحمل
مامت سلمي: ها ي بنات ظهرت
سلمي: هدير جابت ٩٠%
مامت سلمي بفرحه:لولولولولوللي الف مبروك ي ديدا الف مليون مبروك ي حبيبتي
مالك انتي مش مبسوطه ولا ايه
هدير: ي طنط هيدخلوني اي دول
مامت سلمي: قولي الحمد لله ي حبيبتي
قاطع كلامهم صوت سلمي و هيا بتقول: نتيجتي ظهرت
هدير و مامتها: ها عملتي ايه
سلمي: جبت ٩٦%
هدير بفرحه: الف مليون مبروك ي دكتور سلمي
سلمي:حضنتها الله يبارك فيكي ي حبيبتي مبروك علينا احنا الاتنين...
تليفون سلمي رن
سلمي:الو
المتصل:مبروك ي روحي
سلمي: مين
المتصل:هتشوفيني قريب جهزي نفسك باي..
- تابع الفصل التالي عبر الرابط:"رواية لعبة القدر"اضغط علي اسم الرواية