رواية انتقام ليل الفصل الثاني 2 بقلم فاطمة عادل

الصفحة الرئيسية

 رواية انتقام ليل الفصل الثاني بقلم فاطمة عادل

 رواية انتقام ليل الفصل الثاني

 محسن الحارس. الحق ياليل باشا البت اللى جبتها امبارح مش مبطله صريخ ومش عارف اعمل ايه وحضرتك قولت محدش يلمسها
ليل ببرود.انا جاى حالا محدش يلمسها وقفل السكه
وصل ليل الفيلا وركن عربيته ونزل ،ماشى بيصفر وحاطط أيده فى جيبه بلا مبالاة ،الحارس وقفه
محسن. مش مبطله صريخ ياباشا ومش عارفين نعمل ايه
شاورله بايده بمعنى اسكت وطلع على السلالم ببرود وهو بيصفر ،وصل للاوضه وفاتحها وسند بايده على الباب،بص على لين وهى مش مبطله عياط واول ما شافته سكتت برعب
ليل.مالك ياحلوة بتصر*خى ليه
لين بتشاور بايدها ورا الدولاب وبتقول .فى فار هنا وانا بخاف
ليل بضحكه مجنونه وبيقرب منها .هو انت متعرفيش
لين بتشاور برأسها برعب .لا
ليل بصوت واطى ومقرب اوى من ودنها.احنا بنربيهم علشان امثالك لما ميسمعوش الكلام بيخرجو من جحرهم ويع*ضو فيهم
لين بخوف ورعشة.ارجوك بلاش انا..انا بخاف
ليل بضحكه مجنونه.ايوة كده شاطرة وعلى فكرة لو ماكلتيش هخلى الفار ده يبقى عشاكى انهاردة
لين بخوف.هاكل حاضر هاكل
ليل .شاطرة ايوة كده اسمعى الكلام انا نازل ولو سمعت من الحرس انك صر*ختى تانى ،هخليلك اللى هعمله مفاجاه
لين بعياط مكتوم وبتشاور برأسها حاضر
خرج ليل ورزع الباب ونزل على تحت
فى فيلا صفوت الشريف
صفوت بجنون .ازاى تتخ*طف من وسطكم وانتو متحسوش مشغل به*ايم معايا
الخدم كلهم واقفين ومنزلين رأسهم فى الارض
صفوت.حتى انت يافوزى محستش مين بيدخل الفيلا ومين لا ،لو بنتى مرجعتش اعتبروا نفسكم كلكم مع الام*وات
فوزى البواب. ياباشا والله انا فضلت قاعد وبعدين عينى غفلت حبه ومحستش بأى حاجه ولا حد بيدخل
صفوت ضر*به بالقل*م وقاله.علشان انت به*يم بتاكل وتنام ،مبتعملش بالفلوس اللى بتاخدها ،قسما عظما لهط*ير رقب*تك لو بنتى مظهرتش
اخد تلفونه ورفعه على ودنه وبعد دقيقه جاله الرد
صفوت.الو توفيق الحقنى ياتوفيق بنتى اتخ*طفت
توفيق . ازاى انت بتقول ايه
صفوت. زى مابقولك رجعت من برة لقيت كل الحرس مق*تول والبنت مش موجوده،ومش عارف اتصرف ازاي
توفيق. بص تعالى عندى الملهى الليلى وانا عندى الحل هجبلك اللى يعرف يرجع بنتك
صفوت .انا جاى حالا
عند ليل قاعد على البار وبيشرب المشروب المفضل بتاعه
وبيفتكر اهله وازاى كان عايش قبل كده معاهم
فلاش باك
عمار فى كليته وكل الناس بتحترمه وبتحبه،متفوق فى تدريباته وحلم حياته أنه يكون ظابط اد الدنيا بيكبر ادامه،كل همه أنه ينجح ويتفوق ويبقى احسن ظابط فى مصر
رجع لبيته ودخل بابتسامه
عمار. ماما ياست الكل انت فين
فتحيه . انا هنا ياعمار تعالى ياحبيبى
عمار.حبيبتى يا امى هم*وت من الجوع عامله اكل ايه
فتحيه بضحك .هتفضل كده طول عمرك تدخل البيت وعايز تاكل،عملالك الاكله اللى بتحبها هقوم اغرفلك
عمار . تسلم ايدك يا قمر،هو على رجع ولا لسه
فتحيه . اه رجع ودخل اوضته،ادخله ياحبيبى واتكلم معاه وشوفه ماله
عمار قام وهو بيبوس رأسها وقالها حاضر يا امى هدخله
عمار دخل لأخوه وبيطبل على الباب وبيغنيله
اخوه شافه فضل يهزر معاه ويسقف على طبله على الباب ،وبعدها قعدوا سوا على السرير يضحكو ويض*ربو فى بعض بهزار
عمار. عامل ايه ياعلى اخبار الدراسة ايه
على . الحمدلله ياعمار بس انا مش بحب الدراسة انا نفسى اشتغل ويبقى معايا فلوس زى ابراهيم صاحبى، ساب الدراسه وبيشتغل ودلوقتي بيلعب بالفلوس لعب
عمار بدهشه.انت بتتكلم جد ياعلى يعنى عايز تسيب دراستك علشان تشتغل صنايعى ولا اى حاجه ملهاش لازمه، بدل ما يبقى ليك كيان ويكون معاك شهادة
على بتريقه . يعنى اللى اخدو شهادة عملو ايه كل واحد منهم ملطوع على القهوة ولا بيشتغل شغلانه مش بشهادته اساسا انا بقى قلت اجيبها من قاصرها وبلاها مذاكرة وتعب
عمار باهتمام وبحب اخوى. لا ياعلى اوعى تقول كده الشهاده دى حاجه مهمه جدا هى اللى هتعلى مركزك وسط الناس وهى اللى هتعملك قيمه وكيان خليك يكون دائما عندك طموح
على .أن شاء الله ياعمار ربك يسهل
فاق من ذكرياته على رنة موبايله بيبص فيه لاقاه توفيق البرنس
تأفف ببرود وهو بيشتم فيه وفتح المكالمه
ليل. اتكلم
توفيق. ليل انا توفيق البرنس وكنت عايزك فى مهمه كده تقدر تقابلنى فى الملهى زى كل مرة
ليل ببرود. انت عارف انى مش بظهر بالنهار بس قولى ايه هى المهمه وهحاول اقابلك
توفيق. مينفعش فى التلفون وبعدين الموضوع ميخصنيش ده يخص صفوت الشريف
ليل بتركيز . صفوت الشريف مين
توفيق. ده شريكى فى كل حاجه بنته اتخط*فت وكنا محتاجين مساعدتك
ليل بابتسامة جنون. اها قولتلى ، تمام هكون عندك الساعه 12بليل وقفل السكه قبل حتى ما يسمع رده
ليل وهو بيشرب من الكاس وبيضحك بجنون.دى كده احلوت اوى ، صباعك تحت ضرسى ياصفوت الكلب
عند توفيق فى الملهى الليلى ، قفل الفون وبص بحزن على صفوت قال إنه هيقابلنا الساعه 12بليل متقلقش
صفوت. يعنى انت متاكد انه هيقدر يرجعها ، انا مش عايز العب فى الوقت الضايع وبنتى تروح منى ، انت عارف ظروفها وهى مش هتعرف تتصرف ، دى مش بتتحرك من غير المساعده بتاعتها
توفيق بيطمن صفوت وبيقوله ميقلقش وأن ليل ده متفوق فى مجاله وهيقدر يجبله بنته من تحت الارض
عند ليل فى الفيلا الساعه قربت على 12طلع على اوضته ببرود كعادته ومعدى من جنب اوضة لين سمعها بتأن وتعيط بهدوء
فتح الباب وبيبص عليها ببرود ومربع أيده
ليل. اممممم وبعدين هنفضل نعيط كتير على فكرة أنا مش بحب النكد
لين . انا تعبانه وانت مش بتحس و حابسنى هنا و..قبل ماتكمل كان مقرب منها وماسكها من وشها وبيبتسم ابتسامه برود
ليل. اومال انت فاكرة ايه ، انا خا*طفك مش جايبك تتفسحى وتغيرى جو
لين بخوف . سيبنى اروح حرام عليك انا بجد تعبانه و...قبل ماتكمل ليل بيضحك بهستريه مش بقولك فاهمه الموضوع غلط ، قرب منها بتكشيرة وضغط اكتر على فكها بايده ، انا مش هسيبك قبل مامسك ابوكى واخد حقى منه ، ومش هرحمه وانت كمان انا بس مش هق*تلك دلوقتى غير لما اصطاد ابوكى ،ولو سمعتك تانى بتعيطى ولا بتشتكى مش هرحمك
لين بخوف وعيون حمرا من كتر العياط شاورتله برأسها أنه حاضر
جاى يخرج من الاوضه هى وقفته
لين. لو سمحت
وقف ليل وحرك وشه ببرود لورا
لين بكسوف وصوت واطى . انا .. انا كنت عايزة ادخل الحمام واخد شاور ومش عارفه اعمل ايه
ليل لفلها ببرود وبتفكير ، ماشى ناحيتها بخطوات ثابتة وباردة ومرة واحده شالها بين أيده من على الكرسى
هى شهقت واتكسفت وعينهم اتقابلت سوا
لين. انت ازاى تعمل.......
وقبل ماتكمل قرب ليل ووو......

 تابع الفصل التالي عبر الرابط:"رواية انتقام ليل"اضغط علي اسم الرواية
رواية انتقام ليل الفصل الثاني 2 بقلم فاطمة عادل
princess

تعليقات

ليست هناك تعليقات
إرسال تعليق
    google-playkhamsatmostaqltradent