رواية جحيم عشقه الفصل الثالث والعشرون 23 - بقلم ملكة القلم

الصفحة الرئيسية

رواية جحيم عشقه البارت  الثالث والعشرون 23 بقلم ملكة القلم

رواية جحيم عشقه كاملة

رواية جحيم عشقه الفصل  الثالث والعشرون 23


كيان كانت بتجري وهي بتبص وراها لحد ما اتخبطت في شخص رفعت راسها ووشها كان احمر جدا
كيان كانت خايفه انه يكون باسم صرخت برعب اول ما خبطت فيه
ليل مسك ايدها واتكلم......كيان حبيبتي مالك في اي وشك احمر لي
كيان سمعت صوت ليل واترمت في حضنه.....
كانت بتعيط بصوت عالي جدا ليل قلبه وجعه وحضنها جامد وهو بيحاول يهديها.....هشششش في اي يروحي
كيان هزت راسها.....مفيش حاجه
ليل رفع وشها بايده.....ازاي مفيش حاجه مالك يا كيان
كيان حضنته بخوف.......ليل مفيش حاجه صدقني انا بس كنت بجري ولما اتخبطت فيك خوفت مش اكتر
ليل.....وانتي من امتي بتخافي مني وبعدين انتي تعبانه ازاي تجري بالشكل ده
كيان رجليها مكنتش شيلاها.....ليل انا فعلا تعبانه ومش قادره اقف علي رجلي
ليل قبل ما تخلص كلامها شالها بين ايديه وهي لفت ايديها حوالين رقبته
ليل كان بيقرب من جناحه هو وكيان
كيان كانت خايفه جدا ليكون باسم لسه موجود في الاوضه
ليل فتح الباب ودخل كيان جسمها اترعش
ليل باس راسها......مالك بس يا حبيبتي
نزلها علي السرير
كيان كانت بتبص حواليها بخوف وليل لاحظ ده وشك
ليل قعد قدام كيان......في اي يا كيان مالك
كيان مردتش عليه وليل مسك ايدها باسها بحب......مش احنا قولنا مش هنخبي حاجه علي بعض
كيان بصت في عينيه بحب ولسه هتتكلم الباب خبط
كيان بصت لليل ليل قام فتح
وكانت الخدامه
ليل.....في اي
الخدامه.......احم انا بس كنت جايه اسأل هي كنزي هانم هنا
ليل باستغراب.......ليه هي مش في اوضتها
كيان كانت سامعه الكلام وخافت
الخدامه......لا يا بيه انا دورت في الفيلا كلها مفيش حد
كيان قامت بسرعه.....ليل بنتي فين
ليل.....اهدي متخافيش مفيش حاجه اكيد هتكون هنا في مكان
كيان هزت راسها بالنفي والدموع ماليه عينيها......لا يا ليل بنتي مش هنا هتلي بنتي يا ليل عايزه بنتي
ليل باس راسها وخرج بسرعه وامر الحراس يدوروا عليها في كل مكان وكنزي مش موجوده
كيان مسكت تلفونها برجفه واتصلت علي باسم....
باسم رد ببرود.....اهلا مدام كيان
كيان برجفه.....بنتي فين يا باسم
باسم ضحك بخبث......بنتك امممم معرفش
كيان بترجي......الا بنتي يا باسم ارجوك
باسم بخبث.......عايزه بنتك تنفذي اللي هقولك عليه ومن غير اعتراض
كيان.....هنفذ هنفذ
باسم.....ليل ميعرفش حاجه عن اللي هقوله فاهمه
كيان.....فاهمه ليل مش هيعرف
باسم بخبث.....عايزك تجيبيلي زهره لحد عندي وانتي تيجي تاخدي بنتك
كيان الصدمه لجمتها.....
باسم ابتسم باستمتاع......امممم شكلك مش فارق معاكي بنتك
كيان بدموع......ليه بتعمل كده ليه حرام عليك
باسم بحده وكره......هكسرها يا كيان هكسرها فاهمه
كيان وقعت علي الارض وهي بتعيط بحرقه
باسم.....مستنيكي لو حابه تشوفي بنتك عايشه
سلام هبعتلك العنوان في رساله باسم قفل واتكلم بخبث......صدقيني هخل"ص علي زهره وكنزي وانتي يا كيان هتبكي د"م عليهم وهكسرك انتي التانيه ضحك بجنون وخبث
___________
زهره فاقت ولقيت نفسها في حضنه بصت ليه بحب باست خده وقامت خدت شاور وصلت ودخلت المطبخ تجهز الفطار
تلفونها رن بصت بحب للتلفون ومسكته
زهره......الو ازيك يا كيان عامله اي يروحي
كيان بحزن......الحمدلله انتي عامله ايه
زهره بفرحه......انا مبسوطه جدا يا كيان
كيان دموعها نزلت في صمت ومردتش
زهره باستغراب......كيان
كيان قفلت في وش زهره
زهره استغربت ورجعت رنت عليها بس مش بترد وده خلاها تقلق
سليم فاق وسمع دوشه في المطبخ وعرف ان زهره صحيت دخل الحمام وخد شاور ولبس هدومه وصلي وخرج لقي زهره واقفه في المطبخ حضنها من ضهرها
زهره اتخضت ولسه هتبعد سليم سحبها عليه بحب......اي الجمال ده
زهره ابتسمت ومردتش عليه
سليم......امممم انا جعان جدا
زهره.....خلاص خمس دقايق ويكون الفطار جاهز
سليم لفها ليه واتكلم بحب......بس انا مش عايز افطر
زهره باستغراب......اومال عايز ايه انت مش قولت جعان
سليم قرب منها.....عايز مراتي في حضني دي كفايه
زهره ابتسمت وحست براحه لاول مره......امممم قولتلي عايز مراتك في حضنك
سليم شدها عليه.....انتي اي رايك
زهره.....انا راي كده
دلقت عليه المياه وجريت
سليم بص ليها بغيظ وجري وراها وزهره بتجري وهي بتضحك من قلبها
زهره وهي بتاخد نفسها......انا اسفه يا سليم اسفه
سليم بخبث.....لا بس انا مش هسيبك النهارده
زهره ببرائه.....يرضيك زهره حبيبتك تتعب من كتر الجري
سليم بخبث استغل الفرصه ومسكها وشدها عليه وهي بتضحك.....بس يا سليم انا اسفه
سليم بص ليها بحب كبير وابتسم لابتسامتها قرب منها بحب وزهره اتوترت
سليم.....زهره انا بحبك
زهره ابتسمت ليه......وانا كمان
سليم بفرحه......وانتي اي
زهره بخجل.....بحبك يا سليم
سليم شالها بفرحه ولف بيها كتيرر
سليم با"سها برقه ودخل الاوضه لتصبح زوجته امام الله
____________
عند كيان خرجت وركبت عربيه وبصت للعنوان اللي باعته باسم واتكلمت بحزن......انت متعرفش ان زهره دي كل حياتي يا باسم وبنتي اغلي ما عندي حطيتني في اختبار صعب مقداميش غير حل
بصت للمسد"س اللي في ايدها واللي خدته من مكتب ليل.....انت لازم تمو"ت

رواية جحيم عشقه الفصل الثالث والعشرون 23 - بقلم ملكة القلم
princess

تعليقات

ليست هناك تعليقات
إرسال تعليق
    google-playkhamsatmostaqltradent