رواية تاج الفهد الجزء الثاني 2 البارت الثالث عشر 13 بقلم مريم مصطفى
رواية تاج الفهد الجزء الثاني 2 الفصل الثالث عشر 13
فاروق كان نايم ع الكنبه ف مكتب فهد بعد ماالصيدلي خيطله غرزتين.. بدا يفتح عينيه براحه شاف فهد وسليم قاعدين بيتكلموا مع بعض.
فهد: لا كفايه كده النهارده شغل اتفقنا ع كام صفقه كويسين
سليم: ولسه باقي الصفقات المتعطله لما ننجز فيهم و....
سليم بيتكلم ولاحظ فاروق انه بدا يفوٌق ابتسم بخبث: انتي صحيتي ياسوسن.
فاروق بغيظ: والله ماهعديهلك ياسليم.
فاروق لسه بيتحرك علشان يضرب سليم فهد وقف واتكلم بعصبيه: قسما باالله يافاروق لو عملت اي حركه او قربت خطوه كمان لطربق الشركه كلها فوق دماغك متنساش انت واقف قدام فهد السيوفي
فاروق داس ع سنانه:لينا كلام تاني ومش هعدي اللي حصل.. بص لسليم بحقد وفتح باب المكتب وخرج بره الشركه
"ف القصر "
تاج داخله وراها جميله اللي عماله تنادي عليها
جميله: يابنتي اقفي بقا طول الطريق بكلمك وانتي مبترديش ودلوقتي واخده ف وشك ومش بتردي عليا.
تاج نيمت تيام ع الكنبه اللي ف الريسبشن واتكلمت مع جميله بعصبيه: لما تمدي ايدك ع اخوكي قدام الظابط وحسستي انه عيل ولما تيهني واحده كانت معاه لمجرد لبسها معجبش حضرتك وانتي متعرفيش ظروفها اي او اي اللي يخليها تنزل ف وقت زي ده يبقا لازم اضايق واخد موقف منك
جميله: امال كنتي عايزني اعمل اي والظابط بيقولك كان سكران ومع بنت وكمان ضرب واحد وكسرله عربيته اقوله براڤو ياحبيبي!!
تاج: لاتسمعي وتشوفي اي اللي حصل تقعدي تتكلمي معا تفهمي انه مغيب وان مينفعش اللي بيعمله انه راجل وليه سمعته ومكانته ف المجتمع.
جميله حست انها فعلا غلطت بصت لتاج باسف وقربت عليها باستها من خدها: طب خلاص وعد هتكلم معا واصلحه
تاج بحنيه: ماشي ياجميله هو هيجي بااليل ونتكلم معاه سوا بس براحه ها.
جميله: حاضر.. المهم هروح اشوف حاجه تتاكل ف ام القصر ده واجبلك كوبايه عصير تروقك.
تاج:لا هاتيلي مايه بس.
سابت جميله تاج وراحت المطبخ دخل سعد عند تاج..
سعد: حمدلله ع سلامتك ياهانم
تاج: الله يسلمك.. سيا جت ولا لسه.؟
سعد: اها ياهانم جت من شويه ومعاها اولادها فوق
تاج: الحمدلله روح انت ياسعد
سعد انسحب وتاج شالت تيام وجابت شنطتها فتحتها وطلعت منها الببرونه علشان ترضعه.
دخلت جميله طرقه المطبخ وهي داخله سمعت صوت عشق بتكلم ف استخبت بسرعه علشان تسمعها بتكلم مين
عشق وهي حاطه السكينه ع رقبه سيا: شوفتي خدت حقك بكل بساطه ازاي يامغفله..
سيا وهي بتحاول تصرخ وبتزقها: ابعدي عني والا انتي عارفه لو الحراس دخلوا وانتي حاطه السكينه ع رقبتي هياكلوكي وفهد مش هيتردد لحظه انه يقتلك
عشق بحقد: طول عمرك احسن مني ف كل حاجه عندك اي حاجه بنت بتتمنها حتي العيله كلهم بيخافوا عليكي من الهوا طلباتك مجابه قبل ماتطلبيها حتي يوم ماحبيتي سليم عرفتي تتجوزي وتجيبي منه عيال وهو بيحبك لدرجه الجنون اشمعنا انا ملقتش حتي الحب بس.. كملت عشق بغل وهي بتضغط ع رقبه سيا بالسكينه: علشان امك خدت مني كل حاجه انا بكرهك..
سيا اتوجعت من ضغطت السكينه ع رقبتها ف صرخت بصوت شبه عالي..
جميله كانت واقفه مصدومه مش عارفه تعمل اي لحد مابسرعه قلعت جزمتها علشان متعملش صوت ومشيت ع طراطيف صوابعها ودخلت المطبخ وعشق مديها ضهرها ومش حاسه بيها... سحبت سكينه براحه ومشيت لحد عندها. وبسرعه مدت ايديها ومسكت شعر عشق وحطت سن السكينه ف جمبها لدرجه ان عشق اتوجعت وبدات تجيب دم.
جميله: ابعدي السكينه عنها ولا اقتلك والله وماخد فيكي ساعه حبس
عشق ايديها ارتعشت من الالم الي ف جمبها ومن شدت شعرها فاالسكينه وقعت منها... سيا بعد عنها وهي حاطه ايديها ع رقبتها وبتتنفس..
جميله: انتي كويسه ياسيا
سيا بصتلها وهي بتتنفس اوي: تمام تمام متخفيش.
جميله طلعت سن السكينه من جمب عشق اللي اتوجعت اكتر..: هي الوساخه وصلت بيكي انك ترفعي عليها سكينه كمان!!! ده انتي يومك مش هيعدي معايا شعرك اللي فرحانه بي ده هنتفهولك.
عشق بوجع: الدور الجاي عليكي لاني لازم اخلص منك وجودك ف القصر خطر عليا عكس الهبله اختك مجرد شبهك وبس
جميله شددت ع شعرها اكتر: تؤتؤ هي مش هبله هي طيبه قلبها مبيحبش يشيل من حد.. بس انا نائبي ازرق وافتكري اني انا هفضل واقفلك زي الشوكه ف زورك
سيا: انادي الحراس يجوا يتعاملوا معاها؟
جميله: لا انا اللي هتعامل معاها بنفسي
تاج كانت قاعده بره وحست ان جميله اتأخرت اوي ف المطبخ فاقامت تشوف ف اي.
سعد: مالك ياهانم قلقانه لي؟
تاج: م عارفه جميله بقالها وقت طويل ف المطبخ هروح اشوف ف اي
سعد: تحبي ادخل بنفسي اطمن؟
تاج: لا شكرا انت بس خلي عينك ع تيام وانا هدخلها
تاج دخلت بسرعه المطبخ وشهقت لما شافت سيا وجميله ماسكه عشق من شعرها..
تاج: ف اييي وماسكها كده...... تاج بصت لعشق وصوتت بصوت عالي.....
سعد بفزع: انت خلي بالك ع الولد وانت تعاله ورايا نشوف ف اي
ف المطبخ تاج وهي بتبص لدم اللي بينزل من جمب عشق: اي اللي عمل فيها كده واي الدم ده؟
سعد دخل المطبخ ومعاه حارس وراه: ف حاجه ياهانم؟ بص لعشق بستغراب: انتي جيتي امته؟ وسيا هانم مش حضرتك كنتي فوق!!!
جميله بحده: فوق! واضح انك مش عارف تشوف شغلك كويس علشان العقربه دي تيجي بدون علمك وتدخل المطبخ وترفع سكينه ع سيا وحضرتك نايم بره لولا انا دخلت ف الوقت المناسب.
تاج شهقت بخوف وبصت لسيا: انتي كويسه ياسيا
سيا: انا تمام جميله انقذتني منها ف الوقت المناسب.. سعد ملوش ذنب انا فعلا كنت ف المطبخ وطلعت فوق وبعدين نسيت حاجه نزلت اجيبها بس ملقتوش هنا.
سعد: انا لما اتأكدت ان سيا هانم طلعت فوق اطمنت ورحت اشوف كاميرات المراقبه اتركبت ولالا.
تاج: اللي حصل حصل والحمدلله سيا بخير هنعمل اي دلوقتي ف اللي بتجيب دم دي
جميله بستغراب: هنعمل اي يعني ماتتصفا كلها وتريحنا
تاج: قصدي يعني...
قاطتعتها جميله بعصبيه: اوعي تقولي نعالجها لان وقتها مش هسمع كلامك اللي زي دي خساره فيها العلاج
تاج: طب سيبي شعرها
جميله: لا برضو... وبصت لسعد وكملت بتحذير: لو فهد باشا وصله اللي حصل النهارده ده وقتها انت المسئول قدامي
سعد: بس فهد باشا لازم يعرف لان الموضوع متعلق بحياه سيا هانم
جميله: وعلشان كده بقولك ميعرفش لانه لو عرف هيقتلها وانا بصراحه عجبني حوار القط والفار ده وعايزه العب معاها
عشق بهمس: يبقي هتخسري ياجميله.
جميله: هنشوف ياروح امك مين اللي هيخسر
سعد بص لتاج ينفذ كلام جميله ولا يسكت
تاج فكرت ان فعلا لو فهد عرف اللي حصل لسيا مش بعيد يقتل عشق ووقتها هيروح فيها ف بصت لسعد واتكلمت بصوت واطي: نفذ كلام جميله فهد الفتره دي مشغول بحاجات كتير كفايه فاروق ف الشركه
سعد هز راسه بموافقه...
جميله: سعد خد الصفرا دي بدمها كده وارميها ف الاوضه اللي كانت نايمه فيها امبارح ولو جوزها قرني جه ونطق بحرف ناديلي انا اتعامل معاه.
سعد قرب ع عشق وسحبها من ايديها بس جميله وقفته: انت ماسكها من ايديها لي؟
سعد بعدم فهم: زي ماحضرتك طلبت مني هاخدها احطها ف الاوضه.!!!
جميله: دي مش بتتمسك من الايدين كده.. جميله شدت عشق من شعرها وعشق صوتت.. جميله: اخرسي يابت... دي بتتمسك من هنا.
سعد فعلا شد عشق من شعرها ولسه بيمشي بيها بره المطبخ جميله عيونها لمعت بسعادة ع حاجه ع الرخامه: استنااا عندك
تاج: ف اي تاني ماتخلينا نخلص انا سايبه تيام لوحده بره ف ايييي
جميله بسعادة: معلش هاتها يا سعد كده بليز
سعد اتنهد بضيق من جميله بس نفذ الاومر وجبهلها تاني
جميله: سيا يحبيبتي هاتي المقص ده كده
سيا: لي هتعملي بي اي؟
جميله: هاتي بس وهتعرفوا كلكوا هعمل اي..
سيا جابت المقص وادته لجميله وعشق بتبص لجميله بترقب
جميله مسكت المقص وشعر عشق الطويل وكيرلي بدات تقص ف... عشق بتبعدها عنها بعصبيه لحد ماجميله اتغاظت من حركتها...
جميله: امسكها ياسعد كويس الصفره دي لحد مااخلص... وانتي اتهدي يابت بقا متخفيش مش هحلقك شعرك كله يدوب هجبهولك لنص رقبتك علشان ابقي اعرف اشدك منه بعد كده
تاج وسيا واقفين مصدومين من تصرفات جميله..
سيا بضحك: اختك دي بميه راجل والله
تاج: دي كانت هتموتها تقولي بميه راجل!!
سيا: بصراحه اللي زي عشق تستاهل عادي...
جميله خلصت شعر عشق وهي بتبتسم:واخيرا خلصنا قصتنا النهارده ياسعد بس كانت صعبه شعرها اكرت اويي.
سعد ضحك ع كلام جميله وخد عشق وهي بتبص لجميله بتوعد وخرج من المطبخ.
جميله:اووه يابنات بجد شعرها بشع كان ف حشرات والله
سيا ضحكت بصوت عالي وقربت ع جميله حضنتها:بجد مش عارفه اشكرك ازاي ع اللي عملتي معايا
جميله طلعتها من حضنها واتكلمت:اقولك تشكريني ازاي ف تورته ف التلاجه لسه متفتحتش طلعيهالي فوق.
سيا ضحكت اكتر ع جميله لان الكل عارف انها بتحب الجاتوهات وتاج خبطت ايديها الاتنين ببعض ع برود جميله..
سيا بتفكير:بس ازاي مفيش خدم ف المطبخ رغم انهما موجودين هنا ع طول!!
تاج:لان فهد امر ان كل الخدم يطلعوا ع المطبخ اللي فوق علشان فاروق طبعا قعد هنا وميلقيش حد يشوف طالبته..
سيا:اها فهمت..
تاج:انا هروح اشوف تيام واطلع ارتاح شويه
سيا:وانا كمان سايبه فيروز وفهد لوحدهم من بدري هطلع اطمن عليهم...
سابوا جميله لوحدها ف المطبخ وطلعوا فوق..
جميله لنفسها:كل واحده راحت تشوف ولادها وانا اشوف ولادي بقا..
فتحت التلاجه وهي بتبص للتلاجه ببتسامه واسعه طلعت التورته وحطتها ف طبق وبدات تاكل منها..
فاروق دخل القصر وهو متنرفز من سليم فتح باب الاوضه دخل وشاف عشق مرميه ع السرير وشعرها مقصوص وبتجيب دم بصلها بستغراب ولف يطلع لبس بدل الي اتبهدل دم: اي اللي عمل فيكي كده
عشق بعياط: جميله
فاروق لمجرد ذكر اسمها ابتسم لف فاروق لعشق ببرود: اممم اكيد عملتي حاجه
عشق بحقد: اتخانقت انا وسيا عادي وهي ادخلت وقصتلي شعري ودخلت سن السكينه ف جمبي.
فاروق بشك: وهو عادي لما تكون مجرد خناقه تقوم تقصلك شعرك وكمان تعورك كده شرسه جميله دي اوي مش كده
عشق: وانت هتحقق معايا وهتسيبها كده
فاروق ببرود: وانا مالي؟
عشق: المفروض اني مراتك قدامهم لازم تاخد رد فعل وتحاسبها ع انها غلطتي فيا.
فاروق: تعرفي كل مابسمع كلمه اني انتي مراتي بحس بتقزز
عشق: محدش ضربك ع ايدك واديك اهو هنا علشان خاطر الفلوس الحال من بعضه..
فاروق: اوعي تشبهيني بيكي ده حقي وخلي بالك انك لو اتكلمتي بالاسلوب ده تاني هزعلك واوييي ياعشق.
رمه الهدوم اللي ف ايده ف وشها وسابها وخرج بره الاوضه قعد شويه وهو بيتامل القصر حواليه لحد ماعينه وقعت ع جميله بنفس الطبق اللي شافه بي الصبح ونفس وقفتها وهي مغمضه عيونها وبتاكل.. فضل بصصلها بإبتسامة..
فاروق: انتي لسه واقفه عندك بتاكلي م الصبح ده احنا العصر واي كميه الحلويات اللي بتاكليها دي!!!
جميله فتحت عيونها بعد ماعرفت من صوته انه فاروق واتكلمت بستفزاز: وانت مال امك؟!
فاروق: تؤ لي الغلط؟ هو لسانك ده مبيفوتش فرصه انه يغلط!
جميله: احمد ربنا انه لسان اللي بيغلط احسن انا ايدي بتعرف ترد برضو.... وبعدين بصت ع الدم الي ع قميصه وضحكت بسخريه: ادخل شوف الصفره مراتك لسه متعلم عليها زي مااتعلم عليك كده.
فاروق: ماعاش اللي يعلم ع فاروق السيوفي...
سليم بصوت عالي من ع مدخل القصر: لا عاش وعلم عليك... بص لجميله: انا ياجميله اللي علمت عليه النهارده.
جميله: وانا كمان علمت ع الصفره مراته من شويه
فاروق بص لسليم بغضب كبير وسابه ودخل اوضته يغير هدومه.
فهد: علمتي عليها ازاي بقا ياجميله؟
جميله حطت الطبق ع الترابيزه واتكلمت بدون وعي: ابدا قصتلها شعرها وشبه فتحتلها جمبها بسن السكينه لحد ماجاب دم
سليم برقلها اوي ولسه هيتكلم فهد مسك ايده وبصله يسكت.
فهد وهو بيسحب جميله ف الكلام لانه عارف انها بتقع بلسانها ع طول: بس لي كل ده اكيد عملت حاجه كبيره؟
جميله بضحك: دخلت المطبخ عليها ولاقيتها.......
جميله استوعبت فجأه انها كانت هتحكي لفهد كل اللي حصل.
فهد: لاقيتها اي بقا؟! سكتي لي كملي ياجميله
جميله اتوترت وبتحاول تطلع من الموقف ده بدون ماتحكي حاجه لانها عارفه ان فهد مش هيسكت غير لما يعرف..
جميله بسرعه: اهااااا اصل انا دخلت المطبخ لاقيتها ماسكه طبق الحلويات بتاعي ومصمه تاكل منه فاتعصبت قومت غزتها ف جمبها..
سليم: يخربيك ده انتي مش سهله
فهد بشك: معقول ياجميله تعملي فيها كل ده علشان طبق حلويات اكيد لا
جميله بتوتر: لا اكيد هي قلت ادبها وانت عارفني مبحبش حد يقل ادبه واسكت..
بصلها فهد بشك ف اتكلمت بسرعه: انا افتكرت حاجه مهمه لازم اعملها بسرعه عن اذنكوا.
جميله طلعت تجري بسرعه من قدام فهد اللي حس انها بتخبي حاجه..
سليم:تصدق جميله دي ميتخفش عليها دي يتخاف منها ظبطت عشق علشان طبق حلويات.
فهد بسخريه:واحدة زي جميله هتعور واحده بسكينه علشان خاطر حلويات انت بقيت غبي من امته؟!!
سليم بعدم فهم:مش فاهم قصدك؟
فهد سابه وطلع لتاج..وسليم واقف مستغرب قصده اي وف الاخر طلع لسيا..
دخل فهد الجناح بتاعه وبص ع تاج بحب وهو شايفها مبسوطه بتيام.
فهد: كل دي احضان لتيام ومفيش حاجه لفهد الغلبان؟!!
تاج ابتسمت اوي وحطت تيام ع السرير وقامت جريت ع حضن فهد وهي بضمه ليها اوييي.
فهد: اي الحضن ده كله بس
تاج وهي لسه حاضنها: معرفش بس حسيت اني عايزه اضمك اويي
فهد طلعها من حضنه وهو بيبص ع ابتسامته اويي وفرحان اني هي مرتاحه وسعيده كده: طب اي رايك نخرج النهارده سوا ومعانا تيام.
تاج بسعاده: بجد ياريت.
فهد: خلاص روحي اجهزي وانا هدخل اخد دش سريع
تاج صقفت بيديها بفرح ولسه هتمشي افتكرت حاجه ورجعت تاني لفهد بصتله بزعل:هو ينفع نأجلها وقت تاني؟
فهد:لي ف حاجه؟!!
تاج:بصراحه زين اخويا جي كمان نص ساعه وحابه اقعد اتكلم معاه ومصدقت لاقيت فرصه.
فهد:وده يستاهل تزعلي كده خلصي معاها ع راحتك وبعد مايمشي نخرج عادي وخدي وقتك براحتك معاه ف الكلام حتي لو مشي الفجر هنخرج برضو.
تاج ابتسمتها رجعت لوشها تاني:ربنا يخليك لينا ياابو تيام.
ضحك فهد ع كلامها وباسه ف خده ودخل ياخد دش..
ف اوضه سيا كانت واقفه قدام المرايا بطلع الميكاب بتاعها علشان تخفي بي العلامات اللي ف رقبتها م السكيه قبل ماسليم يجي لسه بتبدا تحط دخل سليم وهو بيهزر بصوت عالي:انااا جييييت اخيرا ابنائي حبايبي زوجتي العزيزه وحشتوني كتير
سيا بتوتر:مش قولت هتتأخر النهارده
سليم: انتي زعلانه علشان جيت بدري!!!
سيا اتكلمت بسرعه وهي بترفع وشها بتلقائيه:لا طبعا انت ازاي...
قطعها سليم وهو بيحط ايده ع رقبتها:اي اللي ف رقبتك ده
سيا حطت ايديها ع رقبتها وهي بتحسس عليها بتوتر: انا بس كنت بلعب مع فهد وعورني بضوافره بس
سليم بتحذير:سياااا من غير كدب مين اللي عمل فيكي كده
سيا بدموع:عشق
سليم فهم لي جميله اتوترت لما فهد سألها ع ضربها لعشق ولي قال عليه غبي.
سليم بعصبيه:عملت اي بالظبط ومن غير ماتعيطي
سيا:طب اوعدني متقولش حاجه لفهد
سليم:اخلصي ياسيااا
سيا مسحت دموعها وحكت لسليم كل اللي حصل..
سليم بصلها وقام يفتح باب الاوضه بعصبيه بس سيا مسكته من ايده:علشان خاطري بلاش تعمل حاجه دلوقتي وفهد هنا ده ممكن يقتلها ويودي نفسه ف داهيه وبعدين كفايه اللي جميله عملته فيها علشان خاطري ياسليم
سليم اتنهد بضيق ودخل وقفل الباب:ماشي ياسيا بس وحياتك عندي مع اول فرصه فهد هيكون مش موجود فيها ليكون حسابها عسير اويي
سيا حضنت سليم وهي بتعيط:انا كنت خايفه منها اوي ياسليم
سليم:تخافي ازاي ها دي تديها باالجزمه ودوسي عليها مش تقوليلي اخاف!!!ديما افتكري انك مرات سليم نصار اللي مفيش حاجة تهزه
سيا حاولت تلطف الجو لانها عارفه ان سليم بيحاول يخفي غضبه بسبب عشق ف اتكلمت وهي بتضحك:مفيش حاجه تهزه خالص.
سليم:انتي الوحيده اللي قادره تهزيني بجمالك بضحكتك
سيا بإبتسامة:واي كمان
سليم:لا ماهو مش هينفع واي كمان وفهد صاحي ومركز معانا كده ولااكاني جوز امه.
سيا ضحكت اوي ع سليم وهو خدها ف حضنه وهو بيتوعد لعشق...
عند حسام ف مكتبه قاعد بيتكلم بضيق...:وبعدين يا نعمه اي اللي حصل..
نعمه:عطوه يابشا مش سيبني ف حالي
حسام بنفاذ صبر:هو انا مش عملتله محضر عدم تعرض وانتي اطلقتي منه
نعمه:اصل محسوبتك واقعه ف حبه وبغبائي رحتله وخليته يردني لي تاني وبعد يومين يابشا رجع يضربني تاني وكسرلي عربيه الكبده وجايه اعمل ف محضر.
حسام كان حاطط وشه بين ايديها بزهق من كلام نعمه اللي كل شهر تيجي تحكي وتعمل محضر لعطوه وبعد كده تتنازل عنه..فونه رن وكانت ورد جه يرد عليها بس مش عارف من رغي نعمه اللي بتحكي قصه حياتها وازاي اتجوزت عطوه..
حسام بملل: ياعسكريييي
دخل العسكري وحسام طلب منه ياخد نعمه يرميها ف التخشيبه
نعمه وهي العسكري بيشدها:حسام باشااا والله ماعملت حاجه مظلومه ياحكومه والله.
حسام بعد ماخرجت اتنهد بتعب وهو بيكلم نفسه:ابوكي لاابوه عطوه لليوم اللي دخلت ف شرطه..رن موبيله تاني فارد عليها:لحقت اوحشك
ف الجهه التانيه ف الموبيل ورد كانت بتتكلم وهي بتصوت:وحشتك عقربه الحقني شكلي بولد
حسام بغباء:بتولدي!ازاي مش معاد الوالده بعد اسبوع؟!
ورد وهي بتصرخ ف ودنه:معلش اصل مزاجي اولد النهارده..اخلص وكفايه برودك ده هموووت
حسام استوعب اخيرا وقام بسرعه يجري ف وسط القسم لحد مادور عربيته ومشيي..
عند زين وماسه كانوا واقفين قدام عماره ف حي شعبي.
زين:طب اديني فرصه اتكلم
ماسه:فرصك خلصت انا حاولت معاك ومفيش فايده وكفايه اللي حصل امبارح
زين:ياماسه انا...
قاطعته ماسه بحزم:لو سمحت امشي من هنا الناس بدات تتفرج علينا
زين:حاضر ياماسه همشي بس هنتكلم تاني مش هسيبك
سابها ومشي علشان يلحق يروح يغير هدومه ويروح لتاج..
ف قصر السيوفي....
جميله ف اوضتها وبتكلم نفسها: غبيه كنتي هتعترفي لفهد بكل حاجه.. بس برضو حاسه بسلام كده بعد ماعلمت ع الصفرا النهاردة... افتكرت فاروق وهو بيتكلم معاها ف ابتسمت وهي بتتخيله قدامها..
فجأة فاقت لنفسها وهي مستغربه ازاي تفكر ف مسكت موبيلها تقلب ف بزهق وهي بطلع فاروق من دماغها..
_______________
عشق: وانت كل يوم بقا هتنام وتقعد ف الجنينه بقا ولااي
فاروق: قولتلك ملكيش دعوة انتي لي حابه ان كل شويه اهزقك ده انتي معدومه الكرامه فعلا
عشق بغيظ: اكيد مش هموت عليك يعني بس بدل مايلاحظوا نومك ده واحنا االمفروض متجوزين
فاروق: والله لما يلحظوا هبقا انا اتصرف لاني مبطقش اقعد معاكي ف مكان واحد.. بصلها بستحقار وكمل: اصلي بقرف
سابها بتولع كالعاده من كلامه وخرج ع الجنيه قدام البسين بيفكر ف جميله ويبتسم..
_______________
تاج:طب ماتيجي تقعد معانا
فهد: يحبيبي دلوقتي انتي هتقعدي مع زين وجميله علشان تتكلموا بخصوص زين فا مينفعش انا اقعد ممكن هو يكون عايز يقول حاجه بينكوا ويتحرج مني انا هرتاح ساعه كده ويكون هو خد راحته ف الكلام معاكوا وبعدين البس علشان نخرج واجيب تيام وانزل اقعد مع شويه.
تاج: امممم فهمتك انا مفكرتش كده خالص
فهد: انا موجود ديما علشان افكرك يروحي
موبيل تاج رن وردت: ايوه يازين.. انت قدام القصر... تمام ادخل وسعد هيدخلك الريسبشن وانا نازله..
تاج: جه هنزل بقا علشان جميله اكيد نزلت وهيمسكوا ف خناق بعض..
باست فهد بسرعه ونزلت لزين.. كالعاده بيتخانق هو وجميلة
تاج: ينفع تسكتوا علشان نعرف نتكلم
زين قعد بهدوء وجمبي جميله
تاج: طبعاً يازين اللي حصل النهارده ده لو حد شم خبر من الصحافه اسمك هيتهز وسمعه الشركه كمان ف مستغربه ازاي تخاطر بكل ده.. بلاش كل ده ازاي تشرب حاجات ربنا محرمها وتدخل اماكن مش من مستوي اخلاقك اي اللي حصلك وغير حالك كده
زين كان باصص ف الارض لانه عارف ان تاج عندها حق ف كل كلمه بتقولها.
تاج: انا مش بحاسبك لانك مش صغير انا بس بفوقك من غفله كبيره انت بترتكب محرمات كبيره يازين
جميله: والاكبر كمان البنت اللي كان واخدها ف عربيته ف نص اليل..
زين وقف بعصبيه: لا ياجميله ماسه مش زي ماانتي فاكره هي كانت موجوده ف الوقت ده علشاني.
تاج: علشانك ازاي؟
زين: انا بحب ماسه من سنه اول مره شفتها فيها كانت عربيتي بايظه ورحت لمكانيكي وقفت قدام الورشه ولقيتها بنت طالعه من تحت عربيه بتصلحها استغربت لاني مشوفتش قبل كده بنت ف مصر بتشتغل شغلانه زي دي بس معرفش اتشديت ليها وفعلا صلحت العربيه وكل فتره ابوظ حاجه ف العربيه واروحلها علشان تصلحها بعد شهرين روحتلها الورشه وبدون مقدمات قولتلها انا بحبك مكنتش متوقع رده فعلها غير لما لقيت ايديها بتلمس وشي بقلم وورا التاني.
جميله ضحكت: خدت بالقلم لا دول قلمين كمان
تاج: بس ياجميله كمل يازين ملكش دعوه بيها
زين بص لجميله بغيظ وكمل: مقدرتش اقف بعد مارفعت ايديها عليا لاني مكنتش متوقع رده فعلي عليها هتكون اي مشيت وبعد يومين روحتلها تاني واول ماشفتني اتعصبت وفضلت تهددني انها هتبلغ البوليس لو مبعدتش ع طريقها حاولت اهديها ونروح اي مكان اعترضت بس قلبي كان حاسس انها بتبادلني نفس الشعور اللي بحسه اتجاه عدا شهر لحد ماوفقت نتكلم وصارحتني بمشاعرها اتجهي وفعلاً عرفت منها ان ابوها وامها ماتوا ف حادثه عربيه وهي عندها16سنه وانها عايشه لوحدها بعد ماعمها رفض يتحمل مسؤليتها نزلت اشتغلت ف حاجات كتير لانها كانت حابه تكمل تعليم خدها واحد جارهم كبير ف السن معاه الورشه وبدا يعلمها المكانيكه لحد مادخلت هندسه مكانيكه واتخرجت وبقت تساعده ف الورشه.
جميله: برضو اي اللي غير حالك كده وهي ازاي كانت معاك امبارح؟
زين بانكسار: لانها رفضتني ورفضت حبي
تاج: انت مش قولت انها صارحتك بمشاعرها وحكتلك كل حاجه عن حياتها!!!
زين: هي بتكابر مع نفسها شايفه ان مستواها مش مناسب ليا وان اهلي عمرهم ماهيوفقوا ع جوزي من بنت فقيره
جميله: بس بابا وماما مش بيفكروا ف الطابقات والحاجات اللي كلها مظاهر دي
زين: عارف وعرضت عليها اني اخليها تقابل العيله كلها رفضت وقالت انها مش مستعده تواجه حد
تاج: وشربك وسهارتك؟
زين: هو اها لما تعرفت ع واحد ف مؤتمر عزمني مره بس محبتش الجو ومشيت بعد كده كنت بشرب علشان انسها كنت كل ماحاول اقرب منها واعرض عليها اجيب اهلي واجي ترفض وتبعد اكتر من خنقتي لقيت رجلي بتجرني لشرب وبرضو مكنتش بطلعها من دماغي لما عرفت اني بشرب اتعصبت واتخنفت معايا ووعدتها اني هبطل وبطلت فعلا لحد امبارح رافضت اننا نكمل نهائي ضعفت ورحت فضلت اشرب لحد مادخت الويتر بتاع البار بعتلها رساله من تيلفوني لاني كنت بكلمها واتس اني اغمي عليا من كتر الشرب معرفش اي الي حصل مفقتش غير وانا شايفها جمبي سايقه العربيه حاولت اكلمها مردتش مسكت الدريكسون بتاع العربيه وفضلت احرك ف علشان استفزها وترد لحد ماخبطت عربيه واحد ولقيته بيزعقلها نزلت ضربته والباقي انتو عارفينه.
تاج بتفهم: واضح انك بتحبها فعلا
زين: اوي ياتاج اويي
جميله: الواد واقع
زين: اوي اوييي
جميله: خلاص عرفنه انه اوي
زين: طيب دلوقتي انا حكيت كل حاجه هتساعدوني؟
تاج: اكيد بس بشرط
زين: اشرطي براحتك وهسمع كل حرف تقولي عليه
تاج: تبطل شرب وسهاراتك دي ومهما حصل مترجعش ليها ابدا
زين: اعتبري حصل وعهد ع نفسي ان مهما حصل مش هشرب
تاج: يبقا اعتبر انك خطبتها وانا هتصرف
زين بحماس قام حضن تاج.. فهد دخل وهو شايل تيام وبيبص لزين بصدمه
جميله: روحنا ف داهيه
فهد: انت حاضن مراتي كده لي يلا
زين: تقريبا اختي!!!
فهد شد تاج لي بغيظ: وهي علشان اختك تحضنها
زين: ابوسها طيب
فهد بهزار بص لتاج: امسكي تيام كده علشان الواد ده عايز يتربا
تاج: معلش عديها المره دي ده هيبقا عريس قريب عايزين وشه سليم
فهد: عريس كمان اممم!!
زين: قول يارب بس تكمل ع خير
فهد حضن زين بحنان: مبروك يازين ان شاءالله تكمل ع خير ونفرح بيك
زين بهمس: الله يبارك فيك عقبالك
فهد: تصدق انا غلطان هو للي يتجوز تاج يعرف يشوف غيرها
تاج اتكسفت وبصت ف الارض.
جميله: بقولك اي ياروميو انتو خارجين؟؟
فهد: اها ماتيجوا معانا.
زين: لا انا هاخد جميله مشوار كده نعوضها مره تانيه
فهد: ان شاءالله
زين استأذن وخد جميله معاه ومشيوا
تاج:: يلا احنا كمان
فهد بتفكير: بصي ادخلي مكتبي وافتحي الخزنه بتاعتي هتلاقي حاجه كده هتعجبك هاتيها وتعالي انا كنت عايز احطهلك مفاجأة بس نسيت ف الافضل تجيبها بنفسك بقا
تاج: خليها لما نرجع
فهد: لا حابب تخرجي بي النهارده
تاج بحب: حاضر باسورد الخزنه اي؟
فهد: معقول متعرفيش باسورد الخزنه؟!!!!
تاج: حبيبي دي حاجه خاصه بشغلك مينفعش ادخل فيها
فهد ابتسم: بعدين نشوف موضوع خاصه بيا ده ع العموم الباسورد بتاريخ ميلادك
تاج بصتله بحب كبير ودخلت اوضه المكتب فتحت الخزنه وشافت فيها علبه قطيفه لونها ازرق صغيره فتحتها وكان فيها خاتم الماس شكله رقيق عجبها اوي.. جت تقفل الخزنه بس لمحت جواها علب برشام كتير ضمت حواجبها بستغراب بس قفلت الخزنه وجت تمشي بس فضولها خلها ترجع وتفتحها تاني مسكت علبه البرشام وقرأت الاسم وعيونها دمعت.
تاج بصدمه: حبوب منع حمل!!!!!!!
- تابع الفصل التالي عبر الرابط: (رواية تاج الفهد الجزء الثاني) اضغط على أسم الرواية