رواية تاج الفهد الجزء الثاني 2 البارت الثاني عشر 12 بقلم مريم مصطفى
رواية تاج الفهد الجزء الثاني 2 الفصل الثاني عشر 12
بص فاروق وراه بصدمه لما شاف محسن.. دخل محسن وشاف فاروق ونظرات الخوف بدات تبان عليه من نظرات فاروق لانه كان محذره انه يسيب الشركه بعد مايخلص امضت فهد.
فهد: تعاله يامحسن واقف عندك لي؟
دخل محسن وهو متوتر واتكلم بصوت ضعيف: سليم باشا بلغني ان ف ملفات حضرتك مش لاقيها
فهد: اها كنت عايز ملف صفقه الادويه اللي متعطله ف المينا بقالها يومين.
اتوتر محسن اكتر وفهد بص لسليم بتاكيد ان هو اللي ورا كل ده.
ادخل فاروق بسرعه وهو بيقول: صفقه اي دي؟
فهد: انت لسه هنا بتعمل اي ومالك صفقه اي انت ملكش حق تسأل ع حاجه....
قاطعه سليم وهو بيبصله بمعني انه يهدا وبص لفاروق: تخيل واحد ابن ****عمل لعبه علينا وخلاه فهد يمضي ع صفقه لو دخلت الشركه ونزلت ف السوق كانت هتوقعنا واولنا فهد اللي مسئول عنها..
فهد استغرب ان سليم واقف وبيحكي لفاروق فاتعصب: انت اتجننت بتحكيله ده...
بصله سليم بمعني اهدا فهمه فهد وفهم انه بيفكر ف حاجه ف سكت.
فاروق بتمثيل:ده كده هيضيع الشركه
سليم قام وقف وقرب من محسن بخبث:تخيل ان الشركه هضيع تخيل يامحسن تخييل
سليم قرب من محسن وحاوط رقبته باايده واتكلم بصوت هادي: قولي بقا يامحسن ياحبيبي مين اللي قالك تعمل كده وانجز علشان انا خلقي ضيق واحتمال اطلع روحك ف ايدي
ضغطت عشق ع ايد فاروق وبصلته واتكلمت بهمس: هنعمل اي لو اتكلم؟
بصلها فاروق بضيق وسكت وهو بيفكر وبيبص لمحسن بتحذير... فهد كان متوقع رد فعل سليم مع محسن فابتسم.
سليم:ها يامحسن اتكلم بقا انا قربت اجيب اخري
محسن بص لفاروق بخوف وفهد فهم ان اللي ورا كل ده فاروق بس سكت لحد مايشوف محسن هيقول اي.
سليم ضغط ع رقبه محسن اكتر:مين اللي وراك يلا انطق.
محسن بيتكلم بصعوبه ونفسه بدا يروح ووشه احمر:هتكلم هقول بس سبني
سليم سابه وهو وقع ف الارض وعمال يكح جامد وفاروق بيبصله بنظرات مخيفه.
محسن :انا واحد كلمني وطلب مني اني امضي فهد باشا ع ورق لصفقه مستورده من بره بس مضروبه ف الاول رفضت بس بعد كده واقفت لما عرض عليا50الف اتردد ف الاول بس بعد كده المبلغ زغلل عينيا قابلته وخدت منه جزء من الفلوس والعقد والجزء التاني بعد ماخليت فهد باشا يمضي
فهد:مين الشخص ده بقا؟
محسن اتوتر وبص لفاروق ولسه هيتكلم بصله فاروق وهو بيشاور ع راقبته بعلامه الدبح لامحه سليم ف اتكلم بعصبيه:انطق يالا مين اللي وراك
محسن بخوف:معرفش
قرب سليم عليه ومال ع الارض ومسكه من رقبته:مش هعيد كلامي مرتين من اللي وراك؟
محسن:صدقني معرفش معرفش كان خافي وشه بمسك ومشوفتوش
اتنهد فاروق باارتياح وسكت لحد مادخل حسام ومعاه ظابط كمان واتنين امناء شرطه
حسام:سيبه ياسليم المهم دلوقتي اننا اثبتنا ان فهد ملوش علاقه باالصفقه دي
الظابط:سيبه احنا هنخلي يقول مين اللي ورا بطرقتنا
امرهم ياخدوا ع البوكس تحت نظرات فاروق لمحسن اللي كلها تحذير.
فهد:كده هيحصل اي ف البضاعه؟
حسام:هتتعدم طبعا لانها غير صالحه
سليم:طب وموقف فهد وضعه اي؟
الظابط:متقلقوش فهد باشا حاليا ف امان لانه مكنش يعرف حاجه عن الصفقه
اتنهد سليم بارتياح والظابط استاذن ومشي دخلت سماح وحسام بلغها ان المشكله اتحلت.
سماح حضنت فهد وحسام وسليم وهي بتحمد ربنا ان المشكله اتحلت طلعتهم من حضنها واتكلمت بدموع: طول عمركوا ايد واحده وسند لبعض.
فاروق كان واقف هيموت من الغيظ وعشق جمبه ملاحظه تعبير وشه.
بصتله سماح وبصت لعشق: انتو الاتنين بقا اعرفوا انكو مش هتقعدوا هنا كتير بصت لعشق: وانتي بقا جسمك اللي فرحانه بي وعارضه للكل ده هخلي الكل يقطع ف وبرضو مش هطولي جنيه وحتي نصيبك من النهارده مكليش حق ف.
بصتلها عشق بجنون واتكلمت بعصبيه:ده انا اللي هقطع...
فهد قطعها بصوت عالي:اوعييييييي تتكلمي بالطريقه دي مع سماح هانم ده انا ادفنك حيه
حسام: وع اي توسخ ايدك بواحده و****زي دي انا اخدها ارميها ف التخشيبه بتاعت الرجاله يظبطوها
سليم بخبث: تتظبط اي بس هي كل ليله بتتظبط يعني الحوارت دي عادي بالنسبالها ياباشا
صرخت عشق ف حسام بصوت عالي: انت هتفضل سامع وساكتلهم كده ماترد
فاروق شدها من ايدها جامد وطلع من المكتب.
حسام: انت مش هتطبل كلامك الايحائي ده يابني
سليم: ماهي الاشكال دي متنفعش معاها غير كده
حسام: طب اعمل حساب لحماتك اللي واقفه
سماح بضحك: هو طول عمره كده قليل ادب
فهد: بس مين اللي بلغ حسام يجي؟
سليم: هيكون مين غيري
فهد بستغراب: ازاي انت كنت عارف ان فاروق هو اللي ورها!!
سليم: لا طبعا بس اتاكدت لما حكتلي ع محسن ف مين لي مصلحه غيرو يعمل كده فاطلعت قبل يجي وكلمت حسام وبلغته وقولتله يجب ظابط مع لان شاهدت حسام هتكون م صحيحه قدام النيابه بما انه صحابنا يعني
فهد: بس محسن معترفش برضو ع فاروق
حسام: مش مهم المهم انك بقيت بعيد عن الشبهات
سماح: اانا هروح اتابع باقي الشركات وانتو كل واحد ع شغله ونتجمع بليل علشان نشوف هنتصرف ازاي مع العقارب دول ونطلعهم من القصر والشركه ونرجع حق سيا
سليم راح ع مكتبه وحسام راح شغله جت سماح تخرج فنادا عليها فهد.
فهد: امي انا عارف انك لسه زعلانه مني علشان موضوع تيام بس..
قطعته سماح وهي بتفتح الباب وخارجه: بعدين يافهد نتكلم حاليا لازم نكون ايد واحده علشان نقدر ع ابن عمك والحربايه اللي معاه وبعدين نتكلم.
خرجت وقفلت الباب وراها وفهد قعد يتابع شغله وهو بيفكر هيعمل اي مع فاروق.
"ف مكتب سيا"
عشق كانت واقفه بتهز جسمها كله بيغيظ وحسام قاعد ع مكتب سيا ببرود
عشق: انت بارد كده انا اها مش فارقه معاك بس مش فارق معاك ان فهد طلع منها بسهوله؟!!!
فاروق: فهد مش هيقع بسهوله لازم نفكر بسرعه ف خطه تانيه
عشق عيونها لامعت واتكلمت بسرعه: انا عندي فكره نقتل وفهد ونخلص منه
بصلها فاروق بصدمه: كله الا الدم انا مش مستعد اخسر مكانتي واسمي وحياتي كلها.. وغير كده حتي لو فهد مات انتي ناسيه انه لي وراثه امه ومراته اخته بلاش كل ده ابنه!!
عشق بزهق: امال هنعمل اي احنا لازم نسيطر ع القصر والشركه وكل حاجه خصوصا بعد ماسماح رفضت تديني حاجه من نصيبي.
فاروق بصلها بتفكير: خلينا وراهم بس لحد مانشوف هما هيعملوا اي وبعدين احنا بقا نفكر هناخد املاك فهد ازاي.
عشق اتكلمت بهمس مع نفسها: لو وصلت اني اقتل الكل وع راسهم فاروق علشان املك كل حاجه مش هتردد ثانيه.
ف القصر سعد كان واقف بينظم الحراسه جوا القصر.
سعد:فهمتني يااشرف...انت هتكون المسئول عن القصر من بره ولو حصل اي حاجه تديني اشاره..لو اي واحده من هوانم القصر حبت تقعد ف الجينيه عينك تكون حواليها من جماعه فاروق.
اشرف بإبتسامة:متقلقش انا فاهم كويس كل حرف حضرتك قولته.
سعد:تمام اتفضل ع مكانك
انسحب اشرف وسعد وقف يكمل كلامه مع باقي الحرس...نزلت سيا وهي مستغربه كميه الحراسه اللي جوا القصر.
سيا:هو مش المفروض ان الحراسه تكون بره؟!
سعد وهو باصص ف الارض وبيتكلم:دي اؤمر فهد باشا ياهانم علشان القصر بقا خطر عليكو بعد حضور فاروق وعشق زي ماحضرتك عارفه
هزت سيا راسها بحزن وجت تتحرك واقفه سعد:اعذريني ياهانم حضرتك رايحه فين؟
سيا بضيق:نعم هو المفروض ابلغك بتحركاتي ولااي
سعد:العفو ياهانم بس دي اؤمر وانا موجود هنا لحمايتكم
سيا تفهمت الامر واتكلمت بهدوء:رايحه القصر اجيب ولادي
سعد بقتراح:لو ينفع حضرتك تخليكي مرتاحه وابعت حد يجبهم؟
سيا:لا مش هينفع لاني محتاجه اطمن ع عمي واجيب شويه حاجات ليا ولسليم لاننا هنستقر هنا فتره لحد مانخلص من المشاكل دي
سعد:تمام هبعت اتنين من رجالتي يفضلوا مع حضرتك علشان اكون مطمن ع الكل.
سيا هزت راسها بضيق لانها مبتحبش تمشي بحراسه بس دلوقتي هي مضطره لان دي اؤمر فهد.
اتحركت بره القصر ومع اتنين من الحرس وسعد وقف مع الباقي يامن القصر اكتر.
ف اوضه تاج كانت قاعده مع جميله وبيتكلموا.
تاج:مش فاهمه متغير ازاي يعني؟!
جميله:يعني سهراته كتيير واوقات بحس انه بيشرب
تاج:انا من يوم مااتعرفت ع زين وقبل مااعرف انه اخويا وانا عارفه انه عملي جدا وكويس وملوش حتي ف السجاير تقوليلي بيشرب!!!لا ياجميله مش ممكن
جميله:عندك حق ف دي زين من صغره شخص كويس بس هو فعلاً اتغير من يوم اتصاحب ع شله كده استغفر الله زي الزفت
تاج بهتمام:ودول اتعرف عليهم ازاي؟
جميله:ماهو احد منهم بقا اسمه حمزه تبع شركه ادويه اخوكي اتعرف عليه ف مؤتمر وبعدها عزمه ف البيت عندنا ومن وقتها وهما مبيفاروقش بعض وحال زين اتغير...
تاج بتفكير:طب مش يمكن......
قطع كلام تاج صوت فون جميله..
جميله بستغراب:ده رقم معرفوش
تاج:طب ردي شوفي مين
جميله ردت واول مافتحت سمعت صوت زين بيتكلم بلهفه
زين:جميله الحقيني
جميله بفزع:ف اي يازين اي اللي حصل
تاج اتخضت وبصت لجميله:ف اي ياجميله
زين:انا ف القسم من امبارح
شهقت جميله:قسم ليييي يابني اي اللي حصل
تاج خدت من جميله الفون لان جميله مش عارفه تتكلم من عصبيتها ع زين
تاج بهدوء:اهدا يازين وفهمني اي اللي حصل
زين:مش هينفع ياتاج احكيلك حاجه ف الفون بس خلي جميله تيجي تحاول وتخرجني من هنا وخليها متعرفش بابا حاجه.
تاج:طب انت ف قسم اي؟
زين بسرعه:انا ف قسم الدقي
قفل زين بسرعه.. وجميله اتكلمت بعصبيه: طبعا مقولش لبابا يبقا اكيد عمل مصيبه
تاج: اهدي شويه وبطلي عصبيه روحي البسي بسرعه وانا هلبس وابلغ فهد بااللي حصل واني هطلع من القصر.
جميله: لاطبعا خليكي علشان تيام وانا هروح
تاج: تيام هاخده معايا واخلصي البسي بسرعه.
خرجت جميله بسرعه ع اوضتها تلبس وتاج لبست تيام ودخلت تلبس هي كمان.
ف مكتب فهد كان قاعد بيحضر لكذا صفقه وبيراجع ملفات قدامه وموبيله رن بص للاسم ع الفون ورد بسرعه.
فهد بتوتر: اي يا حبيبي ف اي حاجه
تاج:: اهدا انا كويسه مفيش حاجه.. انا بس كنت عايزه اخرج مع جميله.
فهد بستغراب: اشمعنا النهارده مش عوايدك يعني!!
تاج بتوتر: اصل يعني... زين اخويا ف القسم وكلمنا نروحله انا وجميله علشان نطلعه
فهد: نعم قسم لي اي اللي حصل
تاج: لسه منعرفش تفاصيل
فهد: خلاص خليكي انتي وجميله وانا هكلمك حسام يتصرف
تاج: لالا علشان خاطري يافهد سبني انا اتصرف المره دي عايزه اقرب من اخواتي واكيد مشكله صغيره علشان كده كلمنا
فهد تفهم كلامها: طب موافق بس بشرط هكلمك حسام برضو علشان لو ف حاجه يكون عنده خلفيه عن الموضوع تمام
تاج: تمام بس بلاش تبلغ حد وخصوصاً بابا
فهد: حاضر... هقفل معاكي بقا واكلم حسام
قفل فهد مع تاج وكلم حسام وفهمه اللي حصل
عند تاج جهزت وشالت تيام راحت لاوضه جميله لاقيتها خارجه بسرعه.
جميله: جاهزه ولا ف حاجه.؟
تاج: لاكله تمام يلا
نزلوا مع بعض بسرعه وصوت سعد واقفهم: لو سمحت ياهوانم لحظه بس
جميله وقفت وبصت وراها: ف اي حاجه ياسعد؟
تاج افتكرت ان فهد حذر ان مفيش حد يطلع من القصر غير بحراسه ويبلغ سعد الاول علشان يكون عنده علم بالقصر
تاج: خلاص ياسعد انا فهمت عايز تقول اي فين الحراسه اللي هتتحرك معانا؟
جميله: حراسه هي وصلت لكده!!!
سعد: علشان بس فهد باشا يكون مطمن ع الكل اجراءت امنيه مش اكتر.
تاج: معلش بس جميله مش بتحب ان حد يكون عينه عليها طول الوقت... المهم هستنا ف العربيه وانت ابعت الحراسه بسرعه
تاج خرجت بسرعه وجميله وراها ركبت عربيتها وتاج جمبها وف عربيه حراسه ماشيه وراهم واتحركوا اتجه القسم..
"ف مكتب سيا "
فاروق: زي ماقولت وبدون نقاش تروح ع القصر تشوفي الجو هناك عامل اي مفهوم
عشق بضيق: بس انا عايزه احضر الاجتماع ده
فاروق بنفاذ صبر: انتي مبتفهميش انا كلمتي مبقولهاش مرتين تغوري ع القصر تشوف كل اللي بيحصل وتبلغيني لازم حد يكون ف الشركه والتاني ف القصر
عشق بصتله بحقد وخدت شنتطها من ع المكتب وخرجت وهي بترزع الباب وراها
بص فاروق ع طيفها وهو بيتنهد بارتياح وبيكلم نفسه: ياساتر شيطان وغار كانت واخده كل الاكسجين اللي ف الجو بنت ال***.
قام جهز نفسه وعدل بدلته وهو بيستعد للجتماع بابتسامه واسعه.
"ف غرفه الاجتماعات "
كان قاعد فهد ع رس الترابيزه وجمبه فهد ومن الجهه التانيه جمبه سماح وباقي الشركاء بدوا يتناقشوا ف امور الصفقات.. الباب خبط ودخل فاروق بنفس الابتسامه وهو بيقفل الباب برجله.
فاروق: اقعد فين بقا؟
سليم بغيظ: ف نص الترابيزه وقعد يا حبيبي
فاروق: مش هرد عليك انت ف الاول والاخر جوز بنت عمي
سليم: لا ونبي رد.
فهد: انت ملكش مكان هنا ولا عمر هيكون ليك
فاروق تجاهل كلامه وراح اتجه ترابيزه صغيره موجوده وسحب كرسي وحطه بين فهد وسليم اللي بصله بتوعد.
فهد بهمس: مهما تعمل ملكش مكان مكانك عامل زي قعدتك كده دخيل بينا مش اكتر
فاروق بنفس الهمس: معلش بكره هنشوف مين الي هيكون مكان مين
واحد من اللي قاعدين: خير يافهد باشا ف حاجه؟
فهد حاول يبتسم: لا ابد مفيش نكمل كلامنا ف الشغل.
بدوا يتكلموا ويتناقشوا وفاروق كل شويه يدي رايه ف الصفقه فهد كان مضايق وكل شويه يبصله بتحذير بس مع نفسه اعجب بذكاء فاروق جدا.
حامد مدير فروع شركات: حاسس اني اتعاملت مع حضرتك قبل كده
فاروق بفخر: استوردت كذا صفقه من عندنا قبل كده بس للاسف ملحقناش نتكلم انا وانت لان وقتها سلمت عليك وانا ع باب مكتب ومشيت لان كل عندي اجتماع وانت كملت الصفقه مع موظف عندي
حامد حاول يفتكر كل اللي قاله فاروق ومع ذالك مقدرش: للاسف بس مش فاكر اتشرف باسم حضرتك طيب.
فاروق بإبتسامة: فاروق السيوفي.
بصله حامد بصدمه كبيره وبدا يفتكر فعلا كلام فاروق: فاروق باشا حضرتك شركاتك من اكبر الشركات اللي تعاملت معاها... بص لفهد واتكلم: ازاي يافهد باشا يكون ده اخوك ومتقولناش؟
فهد: مش اخويا ابن عمي.
حامد: بس مشاءالله نفس الكفاءه ف الشغل والتعامل.. لي معرفتناش بي مشوفتكش شغلينا مع بعض قبل كده
فهد كان هيرد بس قاطعه فاروق وهو بتكلم: احنا مبنحش ندخل ف شغل بعض كل واحد بيحب يعتمد ع كفاءته ف شركته..
سليم بهس لفاروق: اها واضح الاعتماد ده انت تاكل مال اليتيم.
فاروق:بلاش علشان زعلي وحش ياسليم انت تعمل باد بوي ع الكل الاانا
سليم: هوريك بس اصبر انا بحب الزعل.
بعد ماخلصوا تعاقد مع الصفقه استاذن الكل ومشي بعد ماسلموا ع فهد وسماح راح سليم وراهم وقفل باب الاوضه بالمفتاح... وبيبص لفاروق اللي واقف جمب فهد ببرود
سليم شمر اكمام قميصه وسماح واقفه مش فاهمه ف اي لحد ماتكلم سليم بصوت عالي: ده انا هطلعك من الاوضه دي سوسن.
جري سليم عليه وداله بالبوكس ف وشه واقعه ف الارض وفضل يضرب ف وهو بيفتكره وهو بيضرب فهد ف القصر: ياابن ال***
فاروق كان بيحاول يضرب سليم بس سليم كان متحكم ف كويس.. فهد كان قاعد مكانه مبتسم ع سليم وبيشرب قهوته بمزاج وسماح باصه لسليم برتياح انه خد حق فهد.
فاروق ضرب سليم ولسه بيقوم علشان يضربه مسكه سليم من رجله وقعه وشده ف الارض
سليم: والله ماهحلك غير لما تبقا سوسن
فاروق ضربه تاني وقام بسرعه وسليم قام وبدوا يضربه بعض
فاروق: ان فاكر نفسك دكر لا ياحليتها ده انا تربية شوارع
سليم وهو بيضربه بالبوكس: انا محصلتش تربيه شوارع لاني ببساطه متربتش
سليم قال اخر كلامه وهو بيمد ايده ع ترابيزه ومسك الطافيه وخبطها ع دماغ فاروق بغل.
فاروق وقع ف الارض والدم غرق وشه.. سماح بصت برعب لسليم وفهد
سماح: كده سليم راح فيها؟
فهد: متقلقيش اكيد لو انا عارف ان ف خطوره ع سليم انه يقتله مكنتش قعدت كده
سليم: متخافيش الخبطه صغيره بس هو اللي سوسن متحملش.. بس المشكله مش فالدم ولا الخبطه
سماح: امال ف ايي؟
سليم: ان فاروق طلع عنده دم
ضحكت سماح وفهد وبعدين بصت لسليم: طب لو سبنا كده هيموت وانت هتروح ف داهيه بسببه
فهد: انا كلمت الصيدليه اللي جمبنا وهيبعته حد يشوفه اخرها غرزتين وخلاص.
"ف قسم الدقي"
جميله وتاج دخلوا لظابط اللي باصلهم بستغراب من الشبه الكبير اللي بينهم ...
تاج: احنا جايين علشان زين اللي جه امبارح بليل هو اخونا
جميله: هو عمل اي؟
الظابط: اخوكوا كان سهران ف كباريه وسكران..
شهقت تاج بخضه وجميله بصتلها بمعني صدقتي كلامي
كمل الظابط:وخبط عربيه واحد ونزل اتخانق مع الراجل وضربه وكسرله ايده وكسرله ازاز عربيته ولما روحنا نحقق ف الواقعه كام مع بنت بس رافضت تتكلم واتحسبت هي كمان لانها مكنش معاها حاجه تثبت شخصيتها
تاج:طب ينفع نشوفه
الظابط وافق والعسكري جاي زين اللي كان فاق من الشرب..
جميله وقفت بعصبيه وضربته بالقلم:عجبك وقفتنا دي انا واختك واحنا ديرين وراك ف الاقسام.
تااج: خلاص ياجميله نتكلم بعدين المهم دلوقتي نخرجه
تاج وجميله حاولوا كتير مع الظابط لحد ف الاخر حسام كلمه ف الفون ووافق انه يخرج بكفاله.
زين بضيق: انا مش هخرج من هنا من غير ماسه
بصتله تاج بعدم فهم: مين ماسه دي
جميله: دي السنيوره اللي كانت مع اخوكي كان واخد يقضي بيها
اليلة
زين بعصبيه: انا مسحملكيش تتكلمي عنها بالاسلوب ده
جميله: هتعمل اي هتضربني؟ ها... يلا ع البيت بلاش قرف
زي: مش هتحرك من غير ماسه
تاج بحنان: حرام ياجميله دي بنت برضو
جميله بتهكم: بنت اها وهما البنات برضو بيسهروا لوش الفجر بره
تاج للحظه افتكرت زكرياتها وازاي كانت بتنزل بليل بالعافيه علشان تروح الكباريه غصب عنها.
فاقت من تفكيرها ع صوت جميله وزين بيزعقوا مع بعض
تاج: خلاص يازين هتخرج معاك
جميله: اهي طيبه اهلك دي اللي جيباكي ورا
دخلوا القسم تاني والظابط وافق انها تخرج علشان عرف انهم من طرف حسام.
دخلت البنت عليهم وهي ولبسه عبايه سوده وع شعرها طرحه متبهدله من الحبس شعرها باين انه طويل لانه نازل من الطرحه عيونها عسلي فاتح وبشرتها خمريه وملامحه بسيطه..بصتلها تاج بحنان وجميله مهتمش.
زين:انتي كويسه انا اسف اني حطيتك ف موقف زي ده
بصلته ماسه بدموع وعتاب كبير:ماسه انا..
قطعته ماسه:روحني يازين
تاج:اكيد اهلها بيدورا عليها من امبارح يلا نوصلها
ماسه: متقلقيش حضرتك انا مليش اهل عايشة لوحدي
جميله بتريقه: هنطلع من المخروب ده امته ولاعجبتكم الوقفه
تاج تجهلت كلام جميله وبصت لماسه بشفقه
زين: طب تعالي هوصلك
ماسه: شكرا هاخد تاكسي
تاج: لي يا حبيبتي تاكسي احنا هنروحك مكان ماتحبي
ماسه بصت لتاج بحب وعيونها بتلمع من الدموع: مش عايزه اتعب حد معلش
زين بتدخل: روحوا طيب انتو وانا هوصل ماسه
جميله: ابتدينا بقا..
تاج بتفهم: اللي تشوفه يازين وياريت توصل ماسه وتيجي القصر علشان محتاجه اتكل معاك
زين: حاضر ياتاج وشكرا انك جيتي
تاج: بس يواد متقولش كده انا اختك برضو
زين باس تيام وخد ماسه بالعافيه وركب تاكسي ومشي.
جميله: برضو سبتي يمشي معاها دي واحده...
تاج بحده: اوعي تحكمي ع حد من غير ماتعرفي ظروفه ياجميله
تاج سابت جميله وركبت العربيه وجميله بصتلها شويه وركبت هي كمان وساقت ع القصر.
ف القصر...
سيا كانت جت وطلعت ولاده اوضتها ونزلت تحت.
سيا:امال تاج وجميله فين؟
سعد:الهوانم خرجوا من ساعه
سيا:خرجوا فين؟!!
سعد:معنديش معلومات الحقيقه
سيا سابته ودخلت المطبخ تعمل حاجه.خفيفه تاكلها..دخلت عشق وهي مستغربه كميه الحراسه اللي جوا القصر حطت شنطتها ع الكرسي لمحت سيا وهي خارجه من المطبخ وطالعه ع السلم سعد شاف سيا طالعه فوق اطمن وارح يشوف كاميرات القصر..
بعد شويه سيا نزلت تاني المطبخ وهي بتكلم نفسها:يعني عملت السندوتش ونسيته ياربي كل ده بسبب الكلبين اللي مخلفهم.
سمعت عشق صوت سيا وهي داخله المطبخ ابتسمت بخبث ودخل وراها من غير ماحد يشوفها من الحرس.
دخلت عشق براحه وسيا واقفه قدام التلاجه بتفكر تاخد عصير اي..عشق شافت سكينه اللحمه الكبيره ع رخامه المطبخ ساحبتها بهدوء وقربت منها ولفت ايديها حوالين سيا وبالايد التانيه حطت السكينه ع رقبه سيا.....
- تابع الفصل التالي عبر الرابط: (رواية تاج الفهد الجزء الثاني) اضغط على أسم الرواية